ތައުލީމީ ދާއިރާގެ ހިދުމަތްތެރިޔާ ކެންދޫ އައްޔަބެ އަވަހާރަވެއްޖެ

ރާއްޖޭގައި ރަޖިސްޓްރީކޮށްގެން ހިންގާ އެންމެ ގިނަ ދުވަސް ވީ ގުރުއާން ކްލާހުގެ ބާނީ އަލީި ހުސައިން (ކެންދޫ އައްޔަބެ) މިއަދު އަވަހާރަވެއްޖެ އެވެ.

ގިނަ އަހަރުތަކެއް ވަންދެން ކެންދޫގެ ނައިބުކަމާއި ރަށުގެ ތިން މަދަރުސާއެއްގެ ނާޒިރުކަން ކުރެއްވި އުމުރުން 84 އަހަރުގެ އައްޔަބެ އަވަހާރަވީ އުމުރުފުޅުން ދުވަސްވުމުގެ ސަބަބުން ސިއްހީ ހާލުކޮޅު ގޯސްވެ، މާލޭގައި ފަރުވާ ދެމުން ދަނިކޮށް މިއަދުގެ ވަގުތެއްގަ އެވެ.

"މުސްކުޅި ބަލީގައި ފަހަކަށް އައިސް ވަރަށް ބޮޑަށް ބަލިވެ އުޅުއްވީ،" ކެންދޫ ކައުންސިލަރަކު ވިދާޅުވި އެވެ.

Kendhoo Ayyabe: Mi varuge khidhumaiytheriyaku eba huritha?

The most trusted news source in the Maldives

Mihaaru

ރާއްޖޭގައި ރަޖިސްޓްރީކޮށްގެން ހިންގާ އެންމެ ގިނަ ދުވަސްވީ ގުރުއާން ކްލާސް ތޮލަބަތުއްނޫރު އުފައްދަވައި، ހިންގަން ފެއްޓެވީ އައްޔަބެގެ އުމުރުން ވިއްސަކަށް އަހަރުގައި މީގެ 50 އަހަރު ކުރިންނެވެ. އެތަން ރަޖިސްޓްރީ ކުރުމުގެ ކުރިން ވެސް 10 ވަރަކަށް އަހަރު ވަންދެން އޭނާ އެތައް ބަޔަކަށް ގުރުއާން އުނގަންނަވައި ދެއްވި އެވެ. އޭނާ ބެއްލެވުމުގެ ދަށުން އެތައް ސަތޭކަ ބަޔަކަށް ގުރުއާން އުނގަންނަވައި ދެއްވީ ގިނަ ދުވަސްތަކެއްވަންދެން ހިލޭ ސާބަހަށެވެ.

50 aharu furun faahaga kuran 50 hathim koffi

The most trusted news source in the Maldives

އައްޔަބެ 12 ބޭފުޅުން އެބަ ތިއްބެވެ. އޭގެ ތެރޭގައި ދީނީ އިލްމުވެރިންނާއި ވަކީލުންނާއި ޑޮކްޓަރުން ވެސް ހިމެނެ އެވެ. ތައުލީމީ ދާއިރާއިން ޕީއެޗްޑީ ހާސިލްކުރައްވާފައިވާ، އިސްލާމިކް ޔުނިވާސިޓީ އޮފް މޯލްޑިވްސް (އައިޔޫއެމް)ގެ ޑެޕިއުޓީ ވައިސް ޗާންސެލަރުު އަދި "މިހާރު" ނޫހުގެ ދީނީ ސަފްހާގެ ލިއުންތެރިޔާ ޑރ. ސައުދުﷲ އަލީ އާއި ދީނީ އިލްމުވެރިޔާ އަދި އިސްލާމިކް މިނިސްޓްރީގެ ނައިބް ނަސްރުﷲ އަލީ އަކީ ވެސް އައްޔަބެގެ ބޭފުޅުންނެވެ.

ތޮލަބަތުއްނޫރު ގުރުއާން ކްލާސް މިހާރު ހިންގަނީ އައްޔަބެގެ ބޭފުޅުންގެ ބެލުމުގެ ދަށުންނެވެ. އެ ކްލާހަށް 50 އަހަރު ފުރުނީ ޖޫން 14، 2017 ގަ އެވެ. އެ ދުވަހާ ގުޅުވައިގެން 50 ދަރިވަރަކު 50 ހަތިމްކުރި އެވެ.

އައްޔަބެގެ މައްޗަށް ކުރާ ކަށުނަމާދު މިއަދުގެ މަޣްރިބް ނަމާދަށް ފަހު އާސަހަރާ މިސްކިތުގައި އޮންނާނެ އެވެ.