ރިސޯޓެއްގެ ބީޗް ސަރަހައްދު. މިދިޔަ އަހަރު ގްރީން ފަންޑުން 350 މިލިއަން ރުފިޔާ ޕްރޮޖެކްޓްތަކަށް ހަރަދުވި
15 ފެބުރުއަރީ 2021 - 16:31
3 comments
ގްރީން ފަންޑުން މިދިޔަ އަހަރު 350 މިލިއަން ރުފިޔާ ތިމާވެށީގެ ޕްރޮޖެކްޓްތަކަށް ހޭދަކޮށްފި އެވެ.
ފިނޭންސް މިނިސްޓްރީން އާންމުކޮށްފައިވާ ތަފާސް ހިސާބުތަކުން އެނގޭ ގޮތުގައި ގްރީން ފަންޑުން މިދިޔަ އަހަރު 36 ޕްރޮޖެކްޓަކަށް ހޭދަކޮށްފައިވެ އެވެ. އޭގެ ތެރޭގައި އެންމެ ބޮޑު ހަރަދެއް ކުރީ އއ. ރަސްދޫގެ ކޯސްޓަލް ޕްރޮޓެކްޝަންއަށެވެ. އެގޮތުން އެ ރަށުގެ އެ މަސައްކަތަށް ހަ މިލިއަން ރުފިޔާ ހޭދަކޮށްފައިވެ އެވެ.
މީގެ އިތުރުން 23 ރަށެއްގެ ސްވަރޭޖް ސިސްޓަމް ވެސް ގާއިމްކޮށްފައިވެ އެވެ. އަދި އައްޑޫގައި ވޭސްޓް މެނޭޖްމެންޓް ފެސިލިޓީއެއް ގާއިމް ކުރަން ފަސް މިލިއަން ރުފިޔާ ގްރީން ފަންޑުން ހޭދަކޮށްފައިވެ އެވެ. މާލެ ސަރަހައްދުގެ ކުނި މެނޭޖް ކުރުމަށްޓަކައި 2.3 މިލިއަން ރުފިޔާ ވެސް ހޭދަކޮށްފައިވެ އެވެ.
މިދިޔަ އަހަރު ގްރީން ފަންޑަށް ޖުމްލަ 809 މިލިއަން ރުފިޔާ ލިބިފައިވެ އެވެ.
ގްރީން ޓެކްސް ނަގަން އެންމެ ފުރަތަމަ ފެށީ 2015 ވަނަ އަހަރު އެވެ. އެންމެ ފުރަތަމަ ނަގަން ފެށީ ރިސޯޓުތަކާއި ހޮޓާތަކުގެ އިތުރުން ސަފާރީތަކުގައި ތިބޭ ބޭރުގެ ޓޫރިސްޓުންގެ އަތުންނެވެ. ދިވެހިންނާއި ރެސިޑެންޓް ވިސާގައި ރާއްޖޭގައި ތިބޭ ބޭރު މީހުން ފިޔަވައި އެހެން ބިދޭސީންގެ އަތުން ދުވާލަކަށް ހަ ޑޮލަރުގެ މަގުން ނަގާ މި ޓެކްސް ގެސްޓު ހައުސްތަކުން ނަގަން ފެށީ އޮކްޓޫބަރު 2016 ން ފެށިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުތްއަލިދީދީ
15 February 2021
ކޮބާ އަނެއް 459 މިލިއަން... މަޖިލިސް މުސާރައަށް ތޯ؟
ބަކުރުު
15 February 2021
ލައްބަ. އޭރުން ނޫންތޯ މަޖިލީހުން ފާސްކޮއްގެން އަނެއްކާވެސް މޮޅެތި ނަންނަންކިޔައިގެން ރައްޔިތުންގެ އަތުން ނަމަވެސް ޓެކުސް ނެގޭނީ. މިހާރު އެއުޅެނީ ސައިކަލު ދުއްވާ މީހުން އަތުން ދައުލަތަށް ޕާކިން ފީއެކޭ ކިޔައިގެން ލާރި ނަގަން ވެގެން
އަރުތަ
15 February 2021
އެހުރިއެއްޗެއް އެހުރިތާކު ހުންނާނު، ކީއްކުރަން އެހޯދަން ތިއުޅެނީ އަނެއްކާ.........