ހުޅުމާލޭގެ ދެ ވަނަ ފިޔަވަހީގައި އިމާރާތްކޮށްފައި ވަނީ ތިން ކޮޓަރީގެ 1،344 ފްލެޓް. މަސައްކަތް ގާތްގަނޑަކަށް ނިމިފައިވާ މި ފްލެޓްތަކުގެ އަގު އުޅެނީ 2.5-2.7 މިލިއަނާ ދެމެދު.
ހުޅުމާލޭ ފޭސް ޓޫގެ މަންޒަރުތައް ދައްކުވައިދޭ ތްރީޑީ ކުރެހުމެއް: އެތަނުގައި އިމާރާތްކުރި 1،300 ފްލެޓް ގަތުމަށް މިހާރު ވަނީ ހުޅުވާލާފައި.
24 ފެބުރުއަރީ 2021 - 14:13
40 comments
ޗައިނާގެ ކުންފުންޏަކުން ހުޅުމާލޭގެ ދެ ވަނަ ފިޔަވަހީގައި އިމާރާތްކޮށްފައިވާ 1،344 ފްލެޓް ސަރުކާރު ހިއްސާވާ ކުންފުނިތަކާއި އަމިއްލަ ކުންފުނިތަކަށް ވިއްކަން ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ން ނިންމައިފި އެވެ.
ހުޅުމާލެ ދެ ވަނަ ފިޔަވަހީގައި އިމާރާތްކޮށްފައިވާ ތިން ކޮޓަރީގެ މި ފްލެޓްތައް ވިއްކަން އެޗްޑީސީން ނިންމާފައި ވަނީ 2.2-2.7 މިލިއަން ރުފިޔާއާ ދެމެދުގެ އަގުތަކެއްގަ އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގައި ފެށި މި މަޝްރޫއުގައި ފްލެޓްތައް އެޅީ ޗައިނާ މެޝިނަރީ އިންޖިނިއަރިން ކޯޕަރޭޝަން (ސީމެކް) އިންނެވެ. މިއީ، ހުޅުމާލޭގެ ފުރަތަމަ ފިޔަވަހީގައި 1،000 ފްލެޓް އަދި އޭގެ ފަހުން ވެސް ހުޅުމާލޭގައި 700 ފްލެޓްގެ މަޝްރޫއަކާއި އަތޮޅުތަކުގައި ވެސް ބޯހިޔާވަހިކަމުގެ ބައެއް މަޝްރޫއުތައް ހިންގި ކުންފުންޏެކެވެ.
މެދު ފަންތީގެ މި ފްލެޓްތައް ކުންފުނިތަކަށް ވިއްކަން އެޗްޑީސީން ނިންމިއިރު، ކުރީގެ ސަރުކާރުގައި ވަނީ ސަރުކާރު ހިއްސާވާ ކުންފުނިތަކުން އަމިއްލަ އަށް ފްލެޓް އަޅަން ބިން ދީ، ބައެއް ކުންފުނިތަކުން ދެ ޓަވަރުގެ އިމާރާތްތައް ވެސް ހަދައިފަ އެވެ. އެކަމަކު ލޯނު ހަމަނުޖެހުމާއި އެ ނޫން ވެސް މައްސަލަތައް ދިމާވެގެން ބައެއް ތަންތަން ނުނިމި އަދި އަނެއް ބައި ތަންތަނުގެ މަސައްކަތް ފެށޭވަރު ވެސް ނުވެ އެވެ.
ސީމެކްގެ ފްލެޓްތަކާ ގުޅޭ ގޮތުން "މިހާރު"ން ފޮނުވި ސުވާލުތަކަށް އެޗްޑީސީން ލިއުމުން ފޮނުވި ޖަވާބުގައި ބުނީ "އެ މަޝްރޫއުގެ ދަށުން އިމާރާތްކުރާ ޔުނިޓްތައް ކޯޕަރޭޓް [ސަރުކާރު ހިއްސާވާ އަދި ޕްރައިވެޓް] ކުންފުނިތަކަށް ވިއްކަން ފެށުމުގެ އެއް ބޭނުމަކީ ކުންފުނިތަކުގެ ސްޓާފުން މި ޔުނިޓްތަކަށް ދައްކަން ޖެހޭ ޑައުން ޕޭމަންޓް އަދި ފީތައް ދެއްކުމުގައި އެހީތެރިވެދިނުމުގެ ފުރުސަތު ފަހިކޮށްދިނުން" ކަމަށެވެ.
"އެއްވެސް ކުންފުންޏަކާ އެކު އަދި އެގްރިމެންޓުގައި ސޮއިކޮށްފައެއް ނުވެ އެވެ،" އެޗްޑީސީން ބުންޏެވެ.
ސަރުކާރުގެ ކުންފުނިތަކުން ވެސް އަދި އަމިއްލަ ކުންފުނިތަކުން ވެސް ފްލެޓްތައް ގަނެ، ދޭން ޖެހޭނީ އެތަންތަނުގެ މުވައްޒަފުންނަށެވެ.
މި 1،300 ފްލެޓަކީ ބޯހިޔާވަހިކަމަށް ލިބޭ ކޮންމެވެސް ވަރެއްގެ ލުޔަކަށް ވެގެންދާނެ ކަމަށް އެޗްޑީސީން ކުރިން ބުނެފައިވެ އެވެ.
ކުރީ ސަރުކާރުން ހިންގި ހިޔާ މަޝްރޫއުގައި ހިމެނޭ 7،000 ފްލެޓު ވެސް މިހާރު ނިމި ކުރިއަށް ދަނީ އެންމެ ފަހުގެ މަސައްކަތްތައް ކަމަށް އެޗްޑީސީން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހީހީ
25 February 2021
ތިފުލެޓުތައްވެސް ލައްގާނީ ވަކިބަޔަކަށް! ލިބޭނެމީހުން މިހާރުއޮންނާނީ ކަނޑައެޅިފަ. ކުރީގެ ލިސްޓުތައް ވާނީ ކެންސަލް!
މ.މުހައްމަދު
25 February 2021
1000 ފްލެޓް އެޅި ޗައިނާފްލެޓް ހެދި މީހުން ކަމަށް ވަންޔާ ތިތަނާ ގާތްވާން ހެޔޮވުނާނެ. 1000 ސޯޝަލް ހައުސިންގ ޔުނިޓް ތަކުގެ ފްލެޓްތައް ބަލިކަމުން އަބަދު އެޗް.ޑީ.ސީ އިން އެދަނީ މަރާމާތު ކުރަމުން. ފްލެޓް ލިބުން މީހުން އެއުޅެނީ އެކަމުން ސަލާމަތް ނުވެވިގެން.
ޖޖހ
25 February 2021
ކިހާ ދެރަކަމެއްމިދެން....ކުންފުނިތަކަށް ފްލެޓް އަޅަން ބިންވެސް ދިނީ...އަނެއްކާ މިތަންތަން ވެސް އެމީހުންނަށް
އައި ރަސީދު
24 February 2021
ކުންފުނި ތައް އެކަންޏެއްނޫން. އަމިއްލަ ކުދި އަދި މެެދުފަންތީގެ ވިޔަފާރި ތަކައްވެސް ގަނެވޭނެ ގޮތް ހަދަން ޖެހޭނެ/
ޙޭނާ
24 February 2021
ގައުމުގައި މިއޮތް ބޯހިޔާވެހި ކަމަކީ ސަރުކާރުން އުފައްދައިގެން އުޅޭ އާޓިފިޝަލް މައްސަލަގަނޑެއް. ރިއަލްށްޓޭޓް ވިޔަފާރިކުރުން. ރައްޔިތުންގެ ދިރިއުޅުން އަނދަވަޅަކަށް ގެނބި ރެފިއުޖީންގެ ދަރަޖަޔަށް ވައްޓާލާ. ދިމާވެފައިވާ ދަތި މަޖުބޫރީ ހާލަތުގެ ނާޖާއިޒުފައިދާ ނަގާ އެއީ ރިއަލްސްޓޭޓް ވިޔަފާރި ކޮށް އެތައްގުނަ ބޮޑު ފައިދާއެއް ރައްޔިތުންގެ އާމްދަނީ ދަމައިގަތުން. އާންމު އާދައިގެ ރައްޔިތުން ވަންނާނެ ތަނެއް ނެތިފަ ގަނެވިއްކާ ބާޒާރަށް އަސާސީ ހައްޤު
މިވަރެއްނެތް
24 February 2021
ކުރީގެ ނާއިބުރައީސު އަދީބު ރޮކެޓެއްހެން މައްޗަށް އަރާ ބޮޑުހިލައެއްގެ ބާރު ސްޕީޑުގައި ވެއްޓުނުގޮތަށް ސަރުކާރާއި އެޗްޑީސީ ގެ އިސްވެރިންގެ ތިކުރާ ކަންކަމުން މުޅި ހައުސިންގ މާރކެޓް ފުނޑި، އެތަކެއްބަޔަކަށް ލޯނު ނުދެއްކި ޑިވޯލްޓްވާ ތަންތަން ގަންނާނެ ބަޔަކުނުވެ ތިއެޕާޓްމަންޓްތައް ގަންނަން ބޭންކުތަކުން ލޯނު ނުދެވި ޑިވަލޮޕްރ އިން އިނދެޖެހޭ ދުވަހު މަންޒަރު އެހާރީއްޗެއް ނުވާނެދޯ؟ އަހަރެމެން ކުޅިބަލަންތިބޭނަން.
މުހައްމަދު ރަހާ
24 February 2021
މިތަން ތަން އަމިއްލަވާނެ ހެނެއް ހިޔެއް ނުވޭ! މިތަން ނަގާ މީހުންނަށް ެޖހޭނީ ކުންފުނިތަކުން ކެނޑޭ ދުވަހު ފްލެޓްވެސް ދުކޮށްލަން. ކޮން ކުންފުންޏެއްގައި ފައިސާ ހުންނާނީ ޑައުން ޕޭމަންޓް ދައްކަން. މިހާރުވެސް ކުންފުނިތައް އެއޮތީ ދަރާ. ނޫނީ ބަނގުރޫޓު ވަނީ. މޮޅުކަމަކީ ޔާމީން އެޅި ފުލެޓްތައް މުޅިން އެހެންގޮތަކަށް އަނބުރާލައިގެން ސަލާންޖަހަން ޖެހޭގޮތަށް ދެނީ. މިކަންކަން އެނގޭނެ ކަމާއި މިއީ ތާކުން ތާކު ޖެހޭކަމެއް ނޫންކަން މިވެރިންނަށް ހަމަ ނޭނގެނީބާ!
އަޑަފި
24 February 2021
2.2 އަދި 2.7 މިލިއަން އަކީ ވަގުތުން ލާރި ދައްކާނަމަ ވިއްކާ އަގު، ތިވަރު ދައްކާފަ ގަނެވޭނެ މެދުފަންތީގެ މީހުން ސަރުކާރު ހިއްސާވާ ކުންފުނި ތަކުގަ %1 ވެސް ނުތިބޭނެ. ދެންޖެހޭނީ ލޯނުނަގަން އޭރުން އެތަނުގެ އަގު 5.2 މިލިއަނަށް އަރާނެ، 20 އަހަރުވަންދެން މަހަކު -/21،000 ދައްކަންޖެހޭނެ، އެހެން ވީމަ މެދުފަންތީގެ ސަރުކާރު މުވައްޒަފަކަށް މަހަކު 35 ހާސްރުފިޔާގެ މުސާރައެއް ލިބެން ވާނެއެތާއެވެ. އެހެންނޫނީ ވާނީ ބަނގުރޫޓެވެ.
ދޮން ހަސަނު
24 February 2021
ތިތަން އަހަރެން ގަންނަންބޭނުން. އެކަމު އަހަންނަކީ އެއްވެސް ކުންފުންޏެއްގެ މުވައްޒަފެއްނޫން. ހައލެއް އެބައޮތްބާ.
ޞވވވވ
24 February 2021
ހެޔޮވާނީ ކިހިނެތް. އަމިއްލަ ބޯހިޔާވަހިކަމަށް ކަރުހިއްކައިގަނެފަ ތިބި އެތައް ދިވެހި ރައްޔިތުންނަށް ނުލިބޭގޮތުގަ ފެންތައްޓަކުން ޖޯކުޖެހުންކަހަލަ ކަމެއް. ހިތްދަތިވޭ ރިގްރެޓްވޭ ދިވެއްސަކަށްވީތީވެސް