މިއަދުގެ އެކްސިޑެންޓުގައި މަރުވި ދެ މީހުންގެ ތެރެއިން މުތީއު އަކީ 2017 ގައި ވެސް ފުވައްމުލަކުގައި ހިނގި އެކްސިޑެންޓެއްގައި ސީރިއަސް އަނިޔާތަކެއްވި ޒުވާނެއް.
ފުވައްމުލަކުގައި މިއަދު ހިނގި އެކްސިޑެންޓުގައި މަރުވި ދެ ޒުވާނުން (ކ) އާމިލް އަދި މުތީއު: މުތީއުއަކީ 2017 ގައި ފުވައްމުލަކުގައި ހިނގި އެކްސިޑެންޓެއްގައި ވެސް ސީރިއަސް އަނިޔާތަކެއްވި ޒުވާނެއް.
27 ފެބުރުއަރީ 2021 - 17:15
31 comments
އެކްސިޑެންޓުވީ، ކާރަށް ޕެޓްރޯލް އަޅައިގެން މުތީއު އާއި އާމިލް ނައްޓާލިތަނާ ކަހަލަ ގޮތަކަށް ކަމަށް ފުވައްމުލަކުން ވާހަކަ ދެއްކި މީހަކު ބުނި. އެކްސިޑެންޓުވީ ޕެޓްރޯލް ޝެޑާ ގާތްގަނޑަކަށް 50 ވަރަކަށް މީޓަރު ދުރުގައި ހުރި ގަހެއްގައި ޖެހިގެން ކަމަށް އޭނާ ބުނި. ކާރު ދުއްވަން އިނީ އާމިލް. އެއީ އޭނާގެ އާއިލާގެ މީހެއްގެ ކާރެއް ކަމަށް ވޭ.
މި އެކްސިޑެންޓުގައި މަރުވީ ފުވައްމުލަކު ކެޕްރީ، އަހުމަދު މުތީއު އަބްދުލްހަކީމް، 24 އާއި ކޯން ސްލީޓް، އަލީ އާމިލް އަހުމަދު، 19. މީގެ ތެރެއިން މުތީއު އަކީ އޮކްޓޫބަރު 2017 ގައި ފުވައްމުލަކުގައި ހިނގި އެކްސިޑެންޓެއްގައި ވަރަށް ސީރިއަސް އަނިޔާތަކެއް ވެ، ސަލާމަތް ކުރެވޭނެ ކަމުގެ އުންމީދު ކަނޑާލާފައި ވަނިކޮށް، އޭޑީކޭ ހޮސްޕިޓަލްގައި ފަރުވާދީ، ރަނގަޅުކުރި ޒުވާނެއް. އޮކްޓޫބަރު ފަސް ވަނަ ދުވަހު ފުވައްމުލަކު ލިންކް ރޯޑްގައި ކާރަކާއި ސައިކަލެއް ޖެހި ހިނގި އެކްސިޑެންޓްގައި މުތީއުގެ ފުއްޕާމެއަށް އަނިޔާވެ، ވާތު ކޮނޑު ކަށިގަނޑާއި ވާތު ފައި ބިނދުނު. ކަނާތު ކޮނޑު ހުޅަށް ވެސް އަނިޔާވި.
ކާރުގައި ތާށިވި ދެ ޒުވާނުން ވެސް މަރުވެއްޖެ ކަމަށް ހޮސްޕިޓަލުން ދެންމެ ބުނެފި. މަރުވީ އުމުރުން 19 އަހަރާއި 24 އަހަރުގެ ދެ ޒުވާނުން. ހޮސްޕިޓަލުން ބުނީ، އެ ދެ ޒުވާނުން އެ ތަނަށް ގެންދިޔައިރު ވެސް ހާލު ވަރަށް ސީރިއަސް ކަމަށް. އުމުރުން 19 އަހަރުގެ ޒުވާނާ މަރުވީ ހޮސްޕިޓަލުން ބުނިގޮތުގައި، ހަވީރު 5:04 ގައި. އުމުރުން 24 އަހަރުގެ ޒުވާނާ މަރުވީ 4:56 ގައި.
ފުވައްމުލަކުގައި ދުއްވާފައި ދިޔަ ސްޕޯޓްސް ކާރެއް ކޮންޓްރޯލް ނުވެ، ގޮސް ގަހަކަށް އަރައި، އޭގައި ތިބި ދެ މީހުން ކާރުގެ ތެރޭގައި ތާށިވެއްޖެ އެވެ.
އެ ސިޓީން ވާހަކަ ދެއްކި މީހަކު "މިހާރު" އަށް ބުނީ ތާރު އަޅާފައި އޮންނަ ނައިބުތުއްތު މަގުގައި ހިނގި މި އެކްސިޑެންޓުގައި އަނިޔާވި ދެ މީހުންގެ ތެރެއިން އެކެއްގެ "ބޯ ވެސް އޮތީ ޗިސްވެފައި" ކަމަށެވެ.
"ދެ މީހުން ވެސް ކާރުތެރެއިން ނެރުނީ ގްރޭންޑަރަކުން ދަގަނޑުތައް ކީހައިގެން،" ސްޕޯޓްސް ކާރުގެ އެކްސިޑެންޓާ ގުޅޭ ގޮތުން "މިހާރު" އާ ވާހަކަ ދެއްކި މީހާ ބުންޏެވެ.
"ދެ މީހުންގެ ހާލު ވެސް ސީރިއަސް ކަމަށް ވަނީ."
އެކްސިޑެންޓުވި ކާރުގައި ހުންނަނީ ދެ ސީޓެވެ. އެ ކާރު ޑިޒައިން ކޮށްފައިވާ ގޮތުން، ކާރުގެ ދެ ދޮރުފަތް ހުޅުވޭނީ މައްޗަށެވެ.
"ގަހުގައި ޖެހުނު ގޮތަކުން، ދޮރުތައް ނުހުޅުވި ތާށިވީ،" ފުވައްމުލަކުން ވާހަކަ ދެއްކި މީހާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނައިބު ތުއްތު
28 February 2021
ސްޕޯޓްސް ކާރު އެތެރެކުރުން މަނާ ކުރަންވީ
ނޫސަންގު
28 February 2021
މަރްޙޫމުންނަށް ސުވަރުގެ މިންވަރު ކުރައްވާށި. ބާރު ސްޕީޑްގައި ދުއްވާމީހުން އެހެން މީހުންވެސް ނުރައްކަލަށް ހުށަހަޅާ. މިފަދަ އެތަށް ހާދިސާ އެއް ފުވައްމުލަކުގައި ހިނގާފައިވޭ. މަގު ހެދުމާއެކު މިފަދަ ހާދިސާ އިތުރުވާނެކަމަށް ފެނޭ. ދުއްވަން ދަސްކޮށްދޭ މީހުންނަކީ ދުއްވުމުގެ ހުނަރާ އަދި އޭގެ ސައިންސް ދަންނަ ބައެއް ނޫން. އެއްޗަކަށް އަރާ އިންޖީނު ސްޓާޓް ކޮށް ރޭސް ކުރަން އެނގުމަކީ ވެހިކަލް ދުއްވަން އެނގުމެއް ނޫން.
ނަސޭޙަތް
28 February 2021
ދަރިފުޅުމެނޭ! ހެޔޮނުވާނެ ބަލައިގެން ދުއްވާ! ބާރަށް ދުއްވުން އެހާ ނައިސް އެއްނޫން. މިއުޅޭ ޒުވާނުންނަށް ﷲ ގެ ހަޒުރަތުން ހެޔޮ ވިސްނުންދެއްވާށި! އާމީން :(
ފޮނިޓައްޕު ހަސަނު
27 February 2021
ގަވާއިދާ ޚިލާފަށް ބާރަށް އުޅަދު ފަހަރު ދުއްވީމަ ގަވާއިދާ އެއްގޮތަށް އުޅޭ މީހުންވެސް ނުރައްކަލުގެ ތެރެއަށް ވައްޓާލާ. މާތްﷲ ނިންމުން ވަރަށް ހިކްމަތްތެރިވެގެންވޭ.
ޑިޑިން
28 February 2021
ރަނގަޅު ކޮމެންޓެއް މިއީ!
މަދަރްބޭ
27 February 2021
ހެޔޮނުވާނެ، ހުސް އިލެކްޓްރިކް ބަގީ ގެ ދަތުރުފަތުރުގެ ޙިދުމަތަކައް ބަދަލުކުރޭ!
ކާސިމު
27 February 2021
ބަލާ ފިލުމުތަކުގައި މީހުން ކާރުދުއްވާގޮތް އެކުދިންނަށް ކުރާ އަސަރު މިފެންނަނީ
ގުދުގުދާ ބެއްޔާ
27 February 2021
މިއުޅޭ ޒުވަނުން ކާރަށް ނުވަތަ ސައިކަލް އަށް އެރުނީމަ އެހުރީ ޢާސްމާންގައި! ދެން ހޭވެސް ނުހުރޭ ދުއްވާއިރު މަތަވަނީ ކޮންމެވެސް ތަނަކަށް އަރައިގެން!
ވަގުތު
27 February 2021
ތީ ރަގަނޅު ވާހަކައެއް. އެކަމު މިވަގުތު ތިވާހަކަ ތިގޮތަށް ދެއްކުން ރަނގަޅެއް ނޫން. މިވަގުތަކީ އެއަށްވުރެ މާ ހިތާމަވެރި ވަގުތެއް. ދެކުއްޖެއްގެ ފުރާނަ ގެއްލިގެން ދިޔަ ވާހަކަ އިވުނީމަ ތިޔަށްވުރެ ބަސްމަގު ރަނގަޅު ވާން ޖެހޭ ނޫންތޯ؟
ސިމްޮސ
28 February 2021
ހަލާކު ވެފަ ހުރި ކާރު އެތެރެ ކުރިއަ ނުދޭންވީ، ރަނގަޅަށް ސާވިސް ނުކޮށް ރަށްރަށުގަ މި ދުއްވަނީ، ދެން މިއުޅޭ ކުޑަކުދިންނަކަށް ނޭނގޭނެ ކާރެއްގަ މައްސަލައެއް އެހެން އުޅުނަސް، ޕޮލިހުން އެބަ ޖެހޭ އެ ވެހިކަލްގެ އޮޓޮޕްސީއެއް ހަދަން
ހަސަނު
27 February 2021
ބާރަށް ވެހިކަލް ދުއްވާ މީހުންނާމެދު ފިޔަވަޅު އެޅުން ވަރަށް ދަށްކޮށް ދަނީ.. ބާރަށް ދުއްވާ ވެގިކަލް ދައުލަތަށް ނަގާ ހާލާކު ކޮށްލަންވީ.. ބާރަށް ދުއްވައުގެން ގިނަ ފަހަރު ގެއްލުން ލިބެނީ ކަމާ ނުބެހޭ ކުށެއް ނެތް މީހުންނަށް....
މެސީ
28 February 2021
ބާރައް ދުއްވާ މީހާ ދައުލަތައް ނަގާބަލަ ބޯހަލާކު
ސުހާނީ
27 February 2021
ޢާއިލާއަށް ކޮން ފަދަ ފުން ހިތާމައެއް. ކުދިންނޭ... ތިމާއާ، އެހެން މީހުންގެ ރައްކައުތެރިކަމަށް މަޑުން ބަލައިގެން އުޅަނދު ދުއްވަމާ. ޢާއިލާއަށް ކެތްތެރިކަން ދެއްވާ މަރުހޫމުންނަށް ސުވަރުގޭގެ ދާއިމީ ނިޢުމަތް ލައްވާށި
ހަސަނު1
27 February 2021
ހަނދާނަށް އައީ ފައިނަލް ޑެސްޓިނޭޝަން މަތިން. ބާރައް ދުއްވައިގެން ލިބޭނެ ފައިދާއެއްނެތް.