ކޮމްޕިއުޓަރުގައި ވަޓްސްއެޕް ކޯލްކުރެވޭ ގޮތަށް ހަދައިފި

އަހުމަދު އަދްޝަން، މިހާރު

05 މާޗް 2021 - 08:28

ގިނަ ބަޔަކު ބޭނުންކުރާ ވަޓްސްއެޕްގެ ޑެސްކްޓޮޕް ވާޝަނުގައި ވެސް ފޯން ކުރެވޭ ގޮތަށް ހަދައިފި އެވެ.

ފޭސްބުކްގެ ދަށުން ހިންގާ ޕްލެޓްފޯމުން ބުނީ ސްމާޓްފޯނުތަކުން ވަޓްސްއެޕް ބޭނުންކުރެވޭ ގޮތަށް މިހާރު ކޮމްޕިއުޓަތުގައި އޯޑިއޯ އަދި ވިޑިއޯ ކޯލްކުރެވޭނެ ކަމަށެވެ. ގާތް މީހުންނާ ވީހާ ވެސް ބޮޑަށް ކައިރިކޮށް ދިނުމުގެ ގޮތުން ކޯލްކުރެވޭ ފީޗާ އިތުރުކުރި އިރު އަދި ގްރޫޕް ކޯލެއް ނުކުރެވެ އެވެ. އެހެންވެ އަލަށް މި ގެނައީ ހަމައެކަނި "ވަން-ޓު-ވަން" ކޯލެވެ.

ނަމަވެސް ވަޓްސްއެޕްގެ ޑެސްކްޓޮޕް ވާޝަނުގެ ކޯލް ފީޗާ އަށް އާންމުންގެ ފަރާތުން ލިބޭ ފީޑްބެކަށް ބަލައި ކުރިއަށް އޮތް ތަނުގައި ގްރޫޕް ކޯލް ކުރެވޭ ގޮތް ވެސް ހަމަޖައްސާނެ ކަމަށް ބުންޏެވެ.

"މިހާރު ވަރަށް ގިނަ ބަޔަކު ކޯލްކުރަން މި ޕްލެޓްފޯމް ބޭނުންކުރާތީ އިތުރަށް އެކަން ފަސޭހަކޮށް ދިނުމުގެ ގޮތުން ޑެސްކްޓޮޕްގައި ވެސް ކޯލްކުރެވޭ ގޮތް ހެދީ." ވަޓްސްއެޕުން ބުންޏެވެ. "މިދިޔަ އަހަރުން ފެށިގެން ވަޓްސްއެޕް ކޯލް ބޭނުންކުރާ މިންވަރު ވަނީ ވަރަށް ބޮޑަށް އިތުރުވެފައި."

Sometimes you just need a little more space. Secure and reliable, end-to-end encrypted voice and video calls are now available on our desktop app. Download now: https://t.co/JCc3rUunoU pic.twitter.com/PgCl76Mn7U
— WhatsApp (@WhatsApp) March 4, 2021