އއ. މާޅޮހުގައި އުމުރުން 12 އަހަރުގެ އަންހެން ކުއްޖަކު ގެނބިގެން މިއަދު މަރުވެއްޖެ އެވެ.
ފުލުހުން ބުނީ ހާއްސަ އެހީއަށް ބޭނުންވާ އެ ކުއްޖާ ގެއްލިގެން ހޯދަމުން ދަނިކޮށް މޫދުގައި މަރުވެފައި އޮއްވާ ފެނުނުކަމުގެ ރިޕޯޓް ލިބުނީ މިއަދު ހަވީރު 17:50 ގައި ކަމަށެވެ. އެކަމާ ބެހޭ އިތުރު ތަފްސީލެއް އަދި ނުލިބެ އެވެ.
ފުލުހުން ބުނީ އެކަމާ ބެހޭ ގޮތުން ބަލަން ޖެހޭ ކަންތައްތައް ބަލަމުން އަންނަ ކަމަށެވެ.
އެނގިފައިވާ ގޮތުގައި އެ ކުއްޖާ މަރުވެފައި އޮއްވާ ފެނުނީ އޭނާ ދިރިއުޅުނު ގެއާ ދިމާލުން މޫދުންނެވެ. އަދި އެ ކުއްޖާ ގެއިން ނުކުމެގެން ދިޔައީ ގޭގެ އެހެން މީހަކަށް ނޭނގި އެކަންޏެވެ.