ލައިފްސްޓައިލް / ވާވޭ

ޗައިނާ މާކެޓްގައި ވާވޭގެ މައްޗަށް އޮޕޯ ކުރި ހޯދައިފި

އޮޕޯ ފޯނެއް.

އަހުމަދު އަދްޝަން، މިހާރު

09 މާޗް 2021 - 07:45

1 comments

ޗައިނާގައި އެންމެ މަގުބޫލު ފޯނުގެ މަގާމު ވާވޭ އަށް ގެއްލި އެ މަގާމު ފުރަތަމަ ފަހަރަށް އޮޕޯ އަށް ލިބިއްޖެ އެވެ.

ވާވޭ ފަދަ ވަރުގަދަ ބޮޑު ކުންފުންޏަކާ ވާދަކޮށް އެ މަގާމު ލިބުމަކީ އޮޕޯ އަށް ލިބުނު ވަރަށް ބޮޑު ކާމިޔާބީއެކެވެ. އޮޕޯ އަކީ އޮޕޯ މޮބައިލް ޓެލެކޮމިއުނިކޭޝަންސް ކޯޕަރޭޝަންސް ލިމިޓެޑްގެ އުފެއްދުމެކެވެ.

މާކެޓް ރިސާޗް ކުންފުނި ކައުންޓަޕޮއިންޓުން ބުނި ގޮތުގައި މިދިޔަ ޖެނުއަރީ މަހުން ފެށިގެން ޗައިނާގެ މާކެޓްގައި މިހާރު އެންމެ ހިނގާ ފޯނަކީ އޮޕޯ އެވެ. އަދި ބްރޭންޑުގެ ވިޔަފާރި އަށް އަހަރު ފެށުނު ފަހުން 21 ޕަސެންޓުގެ ކުރިއެރުމެއް އައިސްފައި ވާއިރު ވާވޭ އާއި ވީވޯ ފޯނުގެ ވިޔަފާރި އުޅެނީ 20 ޕަސެންޓްގަ އެވެ. އަދި އެމެރިކާގެ ކުންފުނި އެޕަލް އާއި ޝޯމީގެ ވިޔަފާރި ޗައިނާ މާކެޓްގައި އުޅެނީ 16 ޕަސެންޓްގަ އެވެ.

There you go!! BIG NEWS coming out of China Smartphone market in Jan'21:@oppo ramps up to become the largest smartphone brand for the first time displacing Huawei.

OPPO's sales grew 33% month-on-month (MoM) & 26% year-on-year (YoY) during the month.https://t.co/sZID2jlNES pic.twitter.com/sIE0VsClT1
— Neil Shah (@neiltwitz) March 5, 2021

ކައުންޓަޕޮއިންޓުން ބުނި ގޮތުގައި ފާއިތުވި އަހަރު އޮޕޯގެ ވިޔަފާރި އަށް 26 ޕަސަންޓްގެ ކުރިއެރުމެއް އައިސްފައިވާ އިރު މިދިޔަ މަހުގެ ތެރޭގައި އެ ނިސްބަތް 33 ޕަސަންޓަށް އަރާފައިވެ އެވެ. މީގެ އެއް ސަބަބަކީ އޮޕޯ އިން ދާދި ފަހުން ލޯންޗްކުރި އޮޕޯ ރެނޯ 5 ސީރީޒްގެ ފޯނުތަކުގެ އަގުހެޔޮވުމެވެ. އެގޮތުން ރެނޯ 4 އަށް ވުރެ ވެސް ރެނޯ 5 ގެ އަގު ހެޔޮ އެވެ.

Introducing the #OPPOFindX3Pro, our latest high-end flagship series. #AwakenColour pic.twitter.com/GxerLioEq3
— OPPO (@oppo) March 8, 2021

ޗައިނާގެ މާކެޓްގައި ވާވޭ ވެއްޓުނު އިރު އެ ކުންފުންޏަށް މި ފަހުން ބޮޑެތި ދަތިތަކާ ކުރިތިމަތިލާން ޖެހިފައިވެ އެވެ. އަނެއްކޮޅުން އެ ކުންފުނި މިހާރު ޕްރިމިއަމް މާކެޓަށް ފޯކަސްކުރުމާއި އެމެރިކާ ފަދަ ގައުމުތަކުން ކުރިމަތިވެފައިވާ ފިއްތުންތަކާ ހެދި، އެ މާކެޓްގައި ހިންދެމިލެވޭނެ ގޮތެއް ނެތުމުން، އެހެން ބްރޭންޑްތަކަށް އޭގެ ފައިދާ ކުރަން ފަށާފައިވާ ކަމަށް ވެސް ކައުންޓަޕޮއިންޓުން ބުންޏެވެ.

ހަމަމިއާ އެކު ވާވޭގެ ދަށުން ހިންގި ކުންފުނި އޮނާ މިދިޔަ އަހަރު ޝެންޒެން ޒިޒިން ނިއު ޓެކްނޮލޮޖީ އަށް ވިއްކައިލުމަކީ ވެސް ވާވޭގެ މާކެޓް ޝެއާ ދަށްވާން މެދުވެރިވި ސަބެބެކެވެ. ކައުންޓަޕޮއިންޓުން ބުނިގޮތުގައި ވާވޭގެ ކުރިމަތީގައި ހުރި މައްސަލަތަކާ އެކު މުޅި އަހަރު ވެސް ވާވޭގެ ވިޔަފާރި ދަށްވާނެ އެވެ.

އެ ކުންފުނި ފަހަތަށް ޖައްސާލައި އޮޕޯ ކުރިއަށް ޖެހިލި އިރު ބުރާސްފަތި ދުވަހު އޮޕޯގެ ފައިންޑް އެކްސް3 ޕްރޯ ލޯންޗްކުރާނެ އެވެ.