ޚަބަރު / ލޯކަލް ކައުންސިލްތަކުގެ އިންތިޚާބު 2020

ގުރައިދޫ ސެންޓަރުގެ ވޯޓު ފޮއްޓަށް ރީރެޖިސްޓަކުރަން މަޖުބޫރުކުރާ ކަމުގެ ޝަކުވާކޮށްފި

ކ. ގުރައިދޫ ސެންޓަރު: އެ ސެންޓަރުގައި ވޯޓު ފޮއްޓެއް ބަހައްޓަން މިހާރު ވަނީ ނިންމާފައި --

ލަމްޔާ އަބްދުﷲ، މިހާރު

09 މާޗް 2021 - 15:06

ކ. ގުރައިދޫގައި ހުންނަ ހާއްސަ އެހީއަށް ބޭނުންވާ މީހުންގެ މަރުކަޒުގައި ބަހައްޓާ ވޯޓު ފޮއްޓަށް ވޯޓުލާން އެތަނުގެ މުވައްޒަފުން ރީރަޖިސްޓްރީކުރަން މަޖުބޫރުކުރާ ކަމަށް ބުނެ އެ މައްސަލަ އިލެކްޝަންސް ކޮމިޝަން (އީސީ) އަށް ހުށަހަޅައިފި އެވެ.

ރަށު ކައުންސިލުން ވާހަކަ ދެއްކެވި ބޭފުޅަކު ވިދާޅުވީ ސެންޓަރުގައި ވޯޓު ފޮއްޓެއް ބަހައްޓަނީ، އެ ސެންޓަރުން އެދިގެން ކަމަށެވެ. ނަމަވެސް އެ ސެންޓަރުގައި މަސައްކަތްކުރާ މުވައްޒަފުން އެ ފޮއްޓަށް ވޯޓުލާން ރީރަޖިސްޓްރީކުރަން އެ ތަނުގެ އިސް ވެރިން އަންގަމުންދާ ކަމަށް އޭނާ ވިދާޅުވި އެވެ.

"ރަށު ރައްޔިތުން އެ ސެންޓަރުގައި މަސައްކަތްކުރަނީ. އެ މީހުން ވޯޓު ލާނީ ރަށުގައި ހުންނަ ވޯޓު ފޮއްޓަށް،" އޭނާ ވިދާޅުވި އެވެ.

ސެންޓަރުގައި ބަހައްޓާ ފޮއްޓަށް ވޯޓު ލާން ރީރަޖިސްޓްރީކުރަން އިންކާރު ކުރުމުން މުވައްޒަފުން ވަކިން ހާޒިރުކޮށްގެން، ރީރަޖިސްޓްރީކުރަން އަންގަމުން އަންނަ ކަމަށް ވެސް އޭނާ ވިދާޅުވި އެވެ.

ކައުންސިލާއި އާންމުންގެ އިތުރުން އިދިކޮޅު ކޯލިޝަނުން ވެސް މި ޝަކުވާ ވަނީ އީސީ އަށް ހުށަހަޅާފައި ކަމަށް ވަނީ އެނގިފަ އެވެ. އިިދިކޮޅު ޕީޕީއެމް/ޕީއެންސީން ވަނީ މިކަމާ ކަންބޮޑުވުން ފާޅުކޮށް މިއަދު ބަޔާނެއް ވެސް ނެރެފަ އެވެ.

ގުރައިދޫ ސެންޓަރުގައި ތިބޭ އެހީ ބޭނުންވާ މީހުން އާންމުކޮށް ވޯޓު ލަނީ އެ ރަށުގައި ބަހައްޓާ ވޯޓު ފޮއްޓަށަވެ. ނަމަވެސް އެ ސެންޓަރުގައި ވަކި ފޮއްޓެއް ބަހައްޓަން އެދުނީ ކޮވިޑް-19 ފެތުރިފައިވާތީ އެ މީހުން ރަށުތެރެއަށް ނުގެންދިއުމުގެ ބޭނުމުގަ އެވެ.

ނަމަވެސް ކައުންސިލުން ވާހަކަ ދެއްކެވި ބޭފުޅަކު ވިދާޅުވީ ސެންޓަރުގައި ވަޒީފާ އަދާކުރާ މީހުން އެތަނަށް ދަނީ ރަށުތެރޭގައި އުޅެފައި ކަމަށާއި އެހެންވެ ވަކި ފޮއްޓެއް ބެހެއްޓުމުގެ މާނައެއް ނެތް ކަމަށެވެ.

ނުކުޅެދުންތެރިކަން ހުންނަ މީހުން އިލެކްޝަންސް ކޮމިޝަން ކ. ގުރައިދޫ ކައުންސިލް ކ. ގުރައިދޫ ލޯކަލް ކައުންސިލްތަކުގެ އިންތިޚާބު 2020

3 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަތުމާ

09 March 2021

ވޯޓުގެ ސައްހަކަން ގެއްލޭނެ މިހެން ވުމުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގޭ ތިލަފަތް

09 March 2021

ހުދުމުހުތާރުކަން އިންތިހާއަށް ދިޔާމާ ކަމަކު ނުދޭ، ސިވިލް މަގާމު ތަކުގަ މަސައްކަތް ކުރާ މުއައްޒަފުން އެއީ ސިޔާސީ މީހުން ތުންފުހެން ބޭނުންކުާ ތުންފުއްސެއްނޫން، ތިވައްތަރަށް އުޅުނީމާ މަންޒަރު އެހާ ތީއްޗެއް ނުވާނެ، މިއީ ނަސޭހަތެއް?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުތަ

09 March 2021

ޕޕމ ސަރުކާރުގަ ޖަލްސާތަކަށް ދާން މަޖުބޫރުކޮށް ހާޒިރީބެލުމަށްފަހު ނުދާމީހުނާ ދޭތެރޭ ފިޔަވަޅު އެޅުންކަހަލަ ކަމެއް ތިޔައީވެސް، އެއްގޮތަކަށްވެސް ކަމަކު ނުދޭ.