އުރީދޫ އިން ތައާރަފް ކުރި 5ޖީ ހޯމް ބްރޯޑްބޭންޑް އެއަފައިބާ--ފޮޓޯ:އުރީދޫ
23 މާޗް 2021 - 12:29
4 comments
ކޮވިޑް-19އާ ގުޅިގެން ގިނަ ވިޔަފާރިތަކެއް މިހާރު ވަނީ ޑިޖިޓަލް ޕްލެޓްފޯމުތަކަށް ބަދަލުކޮށްފަ އެވެ. ތަޖުރިބާކާރުން ގަބޫލުކުރާ ގޮތުގައި މި ބަލިމަޑުކަމުން އަރައިގަނެވުނު ނަމަވެސް ކުރިއަށް އޮތް ތަނުގައި ވިޔަފާރިތައް ހިންގާނީ ޑިޖިޓަލް ޕްލެޓްފޯމުތަކުގަ އެވެ. ވިޔަފާރި ކުރާ މީހުންގެ އިތުރުން ވިޔަފާރިވެރިންނަށް ވެސް މިގޮތް ރަނގަޅީ އެވެ.
ރާއްޖޭގެ ގިނަ ވިޔަފާރިތައް މިހާރު ހިންގަނީ އޮންލައިންކޮށެވެ. އޭގެ ތެރޭގައި ގިނައީ ކުދި އަދި މެދު ފަންތީގެ ވިޔަފާރިތަކެވެ. އެހެންކަމުން މިފަދަ ވިޔަފާރިތައް އޮންލައިންކޮށް ހިންގަން އިންޓަނެޓަށް ބަރޯސާވާން ޖެހޭ މިންވަރު މިހާރު މިވަނީ ކުރިއަށް ވުރެ ބޮޑުވެފަ އެވެ. އަދި ވިޔަފާރި ކުރިއަރުވަން އެންމެ ފަހުގެ ޓެކްނޮލޮޖީ އާއި ހަލުވި އިންޓަނެޓްގެ ބޭނުން ޖެހިފަ އެވެ.
މިފަދަ ވިޔަފާރިތަކަށް އުރީދޫ މޯލްޑިވްސް އިން ހައްލެއް ހޯދައިދީފި އެވެ. އެ ކުންފުނިން ތައާރަފުކުރި ޓެލެކޮމިއުނިކޭޝަން ދާއިރާގެ އެންމެ ފަހުގެ ޓެކްނޮލޮޖީ، 5ޖީ، އަކީ މިވަގުތު ކުދި ވިޔަފާރިތަކަށް އެންމެ ބޭނުންތެރި ހިދުމަތެވެ.
5ޖީ ނެޓްވޯކަކީ ދުނިޔޭގެ ބައެއް ގައުމުތަކުގައި މިހާރު ބޭނުންކުރަމުން އަންނަ ޓެކްނޮލޮޖީއެކެވެ. މި ޓެކްނޮލޮޖީގައި އިންޓަނެޓް ސްޕީޑް އެތައް ގުނައަކަށް އަވަސްވެފައި ލޭޓެންސީ ހަ މިލި ސިކުންތައް ކުޑަ ކޮށްދޭ ހިދުމަތެކެވެ. އެހެންކަމުން ގިނަ އަދަދެއްގެ ވިޔަފާރިތަކުން މިހާރު ބޭނުންވަނީ މި ހިދުމަތެވެ.
އުރީދޫ 5ޖީ އިފްތިތާހު ކުރުމަށް ބޭއްވި ރަސްމިއްޔާތުގައި އެ ކުންފުނީގެ ސީއީއޯ ނަޖީބު ޚާން ބައިވެރިވެލައްވަނީ— ފޮޓޯ: އުރީދޫ
އުރީދޫގެ 5ޖީގެ ހިދުމަތަށް މިހާރު ހާއްސަ މޮޑަމްއެއް ދެ އެވެ. އުރީދޫގެ "5ޖީ އެއާ ފައިބަ" މޮޑެމްއަކީ ފައިބަ ކަނެކްޝަނަކާ ނުލައި ފަސޭހަކަމާ އެކު ބޭނުންކުރެވޭ އެއްޗެކެވެ. އެހެންކަމުން ފައިބައި ކޭބަލެއް އެޅެންދެން 5ޖީގެ ހިދުމަތް ނުހޯދި ގިނަ ދުވަސް ހޭދަކުރާކަށް ނުޖެހޭނެ އެވެ.
އުރީދޫން ބުނާ ގޮތުގައި މި މޮޑެމް ތައާރަފުކުރީ އަލަށް ފަށާ ވިޔަފާރިތަކަށާއި އެއް ތަނުން އަނެއް ތަނަށް ބަދަލުވާ ވިޔަފާރިތަކުގެ އިތުރުން ކުދި ތަންތަނުގައި ވިޔަފާރި ހިންގާ މީހުންނަށް ހާއްސަކޮށްގެންނެވެ.
މި ޓެކްނޮލޮޖީގެ ސަބަބުން އޮންލައިންކޮށް ވިޔަފާރި ހިންގާ ފަރާތްތަކަށް ކަސްޓަމަރުންނާ ގުޅުން ބަދަހިކުރަން ވެސް ފަސޭހަ ވާނެ އެވެ. އަދި އިންޓަނެޓް ލަސްވެގެން ހިދުމަތް ނުދެވި ތިބޭކަށް ވެސް ނުޖެހޭނެ އެވެ.
މީގެ އިތުރުން ވީޑިއޯ ކޮންފަރެންސެއް ނުވަތަ އެ ނޫން ވެސް ހަފްލާއެއް އޮންލައިންކޮށް ބާއްވަން ބޭނުންވާ ނަމަ މައްސަލައެއް ދިމާނުވެ ހަލުވިކަމާ އެކު، އެ މޮޑެމް މެދުވެރިކޮށް ލައިވް ވެސް ކޮށްލެވޭނެ އެވެ.
އުރީދޫން ވަނީ މިހާތަނަށް މާލޭގެ 75 ޕަސެންޓަށް 5ޖީގެ ހިދުމަތް ތައާރަފުކޮށްފަ އެވެ. ކުރިއަށް އޮތް ތަނުގައި މާލޭގެ އިތުރުން ރާއްޖޭގެ އެހެން ސިޓީތަކުގައި ވެސް މި ހިދުމަތް ތައާރަފުކުރާނެ އެވެ.
އެ ކުންފުނީގެ މަގުސަދަކީ ރާއްޖެއަކީ މުވާސަލާތީ ދާއިރާއިން ދުނިޔޭގެ ބޮޑެތި ގައުމުތަކާ އެއް ހަމައެއްގައި އޮތް ތަނަކަށް ހެދުމެވެ.
ދުނިޔެއަށް ޓެލެކޮމިއުނިކޭޝަން ދާއިރާއިން ތައާރަފުވާ ކޮންމެ އާ އީޖާދެއް އުރީދޫން އަންނަނީ ކަސްޓަމަރުންނާ ހަމައަށް ގެނެސްދެމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕިކްސް
23 March 2021
ކުދި ވިޔަފާރިއޭކިޔާއިރު އަގު ހިމަނާނުލީ ކީއްވެބާ؟
އަލީލީ
23 March 2021
އަޅުގަނޑުމެން މިހާރު މިތިބީ އެލަން އަށް އެޑްވާންސް ވެސް ދައްކައިގެ ސްޓަރލިންކް އިންޓަނެޓް ހޯދަން. ދެން އަޅުގަނޑުމެން ބޭނުމެއް ނޫން ފެއަރ ޔޫސޭޖު އިންޓަނެޓް ބޭނުން ކުރާކަށް.
ގަނޑުހެލޭ
23 March 2021
ގަދަ ކަލޭ.. ތިއީ ވަރަށް މޮޅު، ވިސްނުން ތޫނު އިންވެސްޓްމެންޓެއް
ހަރުގެ
23 March 2021
100 ކައިގެ ވާހަކައެއް ... މަވެސް މިހުންނަނީ ކެތްމަދުވެފަ. އަޑުއިވޭ ގޮތުން ސްޓަރލިންކް ޑިޝް އެތެރެކުރުން މަނާ ކުރަން ދިރާގު / އޫރިދޫ އެބަ މަސަތްކަތް ކުރޭ ....