ދުނިޔޭގައި އަގުބޮޑު ބޯވަދިލަމަހުގެ ވައްތަރެއް ރާއްޖޭގައި އަލަށް ހިފައިފި

ހިންމަފުށި ބޭރުން އާ ވައްތަރެއްގެ ބޯވަދިލަމަހެއް މިއަދު ހިފާފައި.-- ފޮޓޯ: ޓުވިޓާ

އަލީ ނާފިޒް، މިހާރު

14 ނޮވެމްބަރ 2016 - 12:28

އާ ވައްތަރުތަކުގެ މަސްވެރިކަން ރާއްޖެ އަށް ތައާރަފް ކުރަން މިއަދު ފެށި ޓެސްޓު ދަތުރުތަކެއްގައި މީގެ ކުރިން ރާއްޖޭން ފެނިފައި ނުވާ އަދި ދުނިޔޭގެ ބާޒާރުގައި ވަރަށް އަގުބޮޑު ބޯވަދިލަމަހުގެ ވައްތަރެއް ހިފައިފި އެވެ.

ފިޝަރީޒް މިނިސްޓްރީގެ އެސިސްޓެންޓް ޑިރެކްޓަރު އަބްދުﷲ ޖައުފަރު ވިދާޅުވީ ރާއްޖެ އަށް އާ ވައްތަރުތަކުގެ މަސްވެރިކަން ތައާރަފް ކުރަން މިދިޔަ އަހަރު ދިރާސާތަކެއް ކޮށްފައިވާ ކަމަށެވެ. އެ ދިރާސާތަކުގައި، މިއަދު ހިފި ވައްތަރުގެ ބޯވަދިލަމަހުގެ (ޑައިމަންޑްބެކް ސްކުއިޑް)ގެ ބިސް ފެނިފައިވާ ކަމަށް އޭނާ ވިދާޅުވި އެވެ.

ހިންމަފުށި ބޭރުން އާ ވައްތަރެއްގެ ބޯވަދިލަމަހެއް މިއަދު ހިފާފައި.-- ފޮޓޯ: ޓުވިޓާ

އެހެންވެ، ޖަޕާނުގެ ތަޖުރިބާކާރުން ބައިވެރިކޮށްގެން އަދި ޖަޕާނުން މިކަމަށް ހާއްސަކޮށް ގެނައި އާލާތްތައް ހަރުކޮށްގެން ފިޝަރީޒް މިނިސްޓްރީގެ ދޯންޏެއް މިއަދު ހެނދުނު މަހަށް ނުކުމެފައިވާ ކަމަށް ޖައުފަރު ވިދާޅުވި އެވެ. އެ ދޯނިން ވަނީ، އޭނާ ވިދާޅުވި ގޮތުގައި، ކ. ހިންމަފުށީގެ ހަ މޭލު ބޭރުން އަދި ކަނޑުގެ 2،000 މީޓަރު އަޑިން އެ ވައްތަރުގެ ބޯވަދިލަމަހެއް ހިފައިފަ އެވެ.

"މި އެކްސްޕެރިމެންޓުތަކުގައި ބަލާނީ ކިހާ ވަރެއްގެ ސްޓޮކެއް އެބަ ހުރިތޯ، ކިހާ ވަރަކަށް މި ވައްތަރުގެ މަސްވެރިކަން ކުރެވިދާނެތޯ. އެ އަށް ފަހު، މި ވައްތަރުގެ މަސްވެރިކަން ތައާރަފް ކުރާނެތޯ ނުވަތަ ނޫންތޯ ނިންމާނީ،" ޖައުފަރު ވިދާޅުވި އެވެ.

ހިންމަފުށި ބޭރުން އާ ވައްތަރެއްގެ ބޯވަދިލަމަހެއް ހިފުމުގެ މަސައްކަތް މިއަދު ކުރަނީ.-- ފޮޓޯ: ޓުވިޓާ

ބަރުދަނުގައި 11 ކިލޯ ހުރި ޑައިމަންޑްބެކް ސްކުއިޑެއް މިއަދު ހިފިއިރު، ޖަޕާނުގެ ކަނޑުތަކުން އާއްމުކޮށް ހިފާ މި ވައްތަރުގެ ބޯވަދިލަމަސް އުޅެނީ ކަނޑުގެ ފުދޭ ވަރަކަށް އަޑީގަ އެވެ. މި ވައްތަރުތަކުގެ ބޯވަދިލަމަސް އެންމެ ބޮޑު ވާއިރު ދިގުމިނުގައި 100 ސެންޓިމީޓަރު އަދި ބަރުދަނުގައި 30 ކިލޯ ހުންނައިރު، މިއީ ދުނިޔޭގެ ބާޒާރުގައި ވަރަށް ބޮޑު އަގެއްގައި ވިކޭ ވައްތަރެކެވެ.

މަސްވެރިކަން މަސްވެރިކަން ފިޝަރީޒް، އެގްރިކަލްޗާ މިނިސްޓްރީ

19 ކޮމެންޓް, 84 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މާލެ

15 November 2016

މަހެއް ބޭނިޔަސް ސަރުކާރަށް ފުރައްސާރަކޮށް ޖެއްސުމުގެ ބަސްތަކުން ކޮމެންޓް ކުރުން. ފަހެ ރަންރީނދުލުގެ ކުދިން މިވަނީ ނަފްސާނީ ހާލަތަކަށް ގޮސްފާބާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިމް

15 November 2016

މި ވައްތަރުގެ ބޯވަދިލަމަސް އުޅެނީ ކަނޑުގެ ފުދޭ ވަރަކަށް އަޑީގަ އެވެ. މިބުނާ "ފުދޭވަރު" އެއީ ކިހާވަރެއްބާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރާދު

15 November 2016

ހަމަ ތީގެ ބޯވަދިލަމަހެއް މި ދިޔަ އޯގަސްޓް މަހު އަހަރެން ވެސް ބޭނިން. ކަނދިކަމަނާގެ މަސްތެލުލުން ތިޔަށް ކިޔަނީ. މަސްވެރިކަމާ ބެހޭ އިދާރާއިން ކުރިކަމަކަށް ވީމަ އަލަށް ތިޔަކަންތައް ހަދާލީ. ހުރިހާ މޮޅަކާ ރީއްޗެއް އޮންނަންޖެހޭނީ ތިމަތިމާމެނަށް. ކިހާ ދެރަ ކަމެއް ދެން މީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯޅަބެ

15 November 2016

ވިކިޕީޑިއާގަ އޮތްގޮތަށް، ދިވެހިން ތަރުޖަމާ ކޮށްލާފަ ދޯ..!! ހަހަހަ.... Thysanoteuthis rhombus, also known as the diamond squid or diamondback squid, is a large species of squid growing to 100 cm in mantle length[1] and a maximum weight of 30 kg