އޮކްޓޯބަރުގައި އިމްތިހާނު ހެދުމުގެ ފުރުސަތު ދޭން ނިންމީ، އިމްތިހާނު އަވަސްކުރުމުން ގިނަ ދަރިވަރުންނާއި ބެލެނިވެރިން ކަންބޮޑުވުން ފާޅުކުރަމުން ދަނިކޮށް.
މީގެ ކުރިން ބޭއްވި ޓޮޕްޓެން ޖަލްސާއެއްގައި ދަރިވަރުންތަކެއް ބައިވެރިވަނީ.-- ފޮޓޯ: ހުސެއިން ވަހީދު/ މިހާރު
28 މާޗް 2021 - 20:41
11 comments
އޭ ލެވެލް ހަދާ ދަރިވަރުންނަށް އަންނަ އޮކްޓޯބަރު/ނޮވެމްބަރުގައި އިމްތިހާނު ހެދުމުގެ ފުރުސަތު ދޭން އެޑިއުކޭޝަން މިނިސްޓްރީން މިއަދު ނިންމައިފި އެވެ.
އެ މިނިސްޓްރީން މިރޭ ނެރުނު ބަޔާނެއްގައި ބުނީ، އަންނަ މަހު ފަށާ އޭ ލެވެލް އަދި އޭ އެސް ލެވެލް އިމްތިހާނުގައި ބައިވެރިވާން އެދިފައިވާ ގްރޭޑު 12 ގެ ދަރިވަރުން ބޭނުންނަމަ މިހާރު ހުށަހަޅާފައިވާ ފޯމު ނެގުމުގެ ފުރުސަތު އޮންނާނެ ކަމަށެވެ. އެއަށްފަހު އަންނަ އޮކްޓޯބަރު/ނޮވެމްބަރުގައި އޮންނަ އޭ ލެވެލް އިމްތިހާނުގައި ބައިވެރިވުމުގެ ފުރުސަތުދޭ ގޮތަށް ހަމަޖައްސާފައިވާ ކަމަށް ބުންޏެވެ.
އެޑެކްސެލް އިމްތިހާނު ހެދުމަށް އިތުރު އިހުތިޔާރެއް ދިން ނަމަވެސް، މިހާރު ހަމަޖައްސާފައިވާ ގޮތަށް އެޗްއެސްސީ އިމްތިހާނު އޮންނާނެ އެވެ. އެ އިމްތިހާނު އަންނަނީ ޖޫން 13-17އާ ދެމެދުގަ އެވެ.
އިމްތިހާނުގައި ބައިވެރިވުމުވެ ފޯމު ނަގަން ބޭނުންވާ ދަރިވަރުން އަންނަ އަންގާރަ ދުވަހުގެ މެންދުރު 12:00 ގެ ކުރިން ސްކޫލު މެދުވެރިކޮށް ޑިޕާޓްމަންޓް އޮފް ޕަބްލިކް އެގްޒަމިނޭޝަން (ޑީޕީއީ) އަށް އެންގުމަށް އެދިފައި ވެ އެވެ.
އޮކްޓޯބަރު/ނޮވެމްބަރުގައި އިމްތިހާނު ހެދުމުގެ ފުރުސަތު ދޭން ނިންމީ، އޭ ލެވެލް އިމްތިހާނު ފަށާ ތާރީހު އެޑެކްސެލް އިން ކުއްލިއަކަށް އަންނަ މަހަށް އަވަސްކުރުމުން ގިނަ ދަރިވަރުންނާއި ބެލެނިވެރިން ކަންބޮޑުވުން ފާޅުކުރަމުން ދަނިކޮށެވެ.
އެޑެކްސެލް އިން އެންމެ ފުރަތަމަ ޝެޑިއުލްކުރީ އަންނަ މެއި/ޖޫނަށެވެ. ނަމަވެސް އެޑެކްސެލް އިން އެ އިމްތިހާނު ވަނީ އަންނަ މަހުގެ 26 އަށް އަވަސްކޮށްފަ އެވެ.
މިނިސްޓްރީން ބުނީ ގަދަ 10 އަދި ސްކޮލަޝިޕް ދިނުމުގައި ބަލާނީ އޭޕްރީލް/މެއި އިމްތިހާނުގެ ނަތީޖާއަށް ކަމަށެވެ. އެހެންކަމުން، އޮކްޓޯބަރު/ނޮވެމްބަރުގައި އޭ ލެވެލް ހަދާ ދަރިވަރުންގެ ނަތީޖާ ކިތައްމެ ރަނގަޅު ނަމަވެސް ސްކޮލަޝިޕެއް ނުލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިޒްވީނާ
29 March 2021
އޭލެވެލްއަށް ކިޔަވައިދޭ ބައެއް ތަންތަނުގައި 12 ގެ ސިލަބަސް ނުނިމޭ. އޭއެސް ހަދާ ދަރިވަރުުންގެ ވެސް ސިލަބަސް ނުނިމޭ. ދެން ނަތީޖާ ދަށް ވީމަ ގޯސްވާނީ ދަރިވަރު.
ކާސިމްބެ
29 March 2021
އަޅުގަޑުގެ ދަރިފުޅު މިއޮތްހާދުވަހު ކުރި އުންމީދު ފުޑުފުޑުވެގެން މި ދިޔައީ. މިލިބުނު ހިތްދަތިކަން ދުވަހަކުވެސް ހިތުންނުފިލާނެ. އުންމީދުކުރަން މިހާލަތައްބަލާފަނަމަވެސް މިއަށްވުރެ ރަގަޅުގޮތެއްވާނެކަމަށް.
ކާސިމްބެ
29 March 2021
އަޅުގަޑުގެ ދަރިފުޅު މިއޮތްހާދުވަހު ކުރި އުންމީދު ފުޑުފުޑުވެގެން މި ދިޔައީ. މިލިބުނު ހިތްދަތިކަން ދުވަހަކުވެސް ހިތުންނުފިލާނެ. އުންމީދުކުރަން މިހާލަތައްބަލާފަނަމަވެސް މިއަށްވުރެ ރަގަޅުގޮތެއްވާނެކަމަށް.
ކާސިމްބެ
29 March 2021
އަޅުގަޑުގެ ދަރިފުޅު މިއޮތްހާދުވަހު ކުރި އުންމީދު ފުޑުފުޑުވެގެން މި ދިޔައީ. މިލިބުނު ހިތްދަތިކަން ދުވަހަކުވެސް ހިތުންނުފިލާނެ. އުންމީދުކުރަން މިހާލަތައްބަލާފަނަމަވެސް މިއަށްވުރެ ރަގަޅުގޮތެއްވާނެކަމަށް.
ޢިސްމާޢިލް
29 March 2021
އަޅުގަޑުމެން އެތައްއަހަރެއްގެ ދަރިންގެ މުސްތަގުބަލަށްޓަކައި ދަތިހާލުގައި އުޚެމުންވެސް ދަރިންނަށް ރަގަޅަށްކިޔެވޭތޯ ބޮޑުއަގުދީގެން ޓިއުޝަންދީ އެޖުދިންނަށް ރަގަޅު ނަތީޖާ ލިބޭތޯ ވީގުރުބާނީ މި ދިޔައީ ފެނަށް. މިފަދަ ނިކަމެތި ކަމެއް ލިބެމުންދާއިރު މިއަށްވުރެ ރަގަޅު ގޮތަކަށް މިހާލަތައްބަލާ ކުދިންނަށް ސަރުކާރުން ހޯދައި ދެވެންނެތިއްޔާ ދެންބުނާނެ އެއްޗެއްނެތް.މިފަދަނިކަމެތިކަމެއް ބަޔަކައްލިބޭނީ.
މޫސަ
29 March 2021
އަދި ސިލަބަސްވެސްނުނިމޭ. ކުދިންގެ ކިޔެވުން ހަލާކު މިހާލަތުގައި އެއްވެސް ވަރަކަށް ކުދިންގެ އިހުސާސް ތަކަށްނުބެލިބައެއްމީ. އެތައްކުއްޖެއްގެ މުސްތަގުބަލު ގެއްލިގެންމިދަނީ. ކުދިން ނަފުސާނީގޮތުން ބަލިކަޑިވެފައި ވަނިކޮށް މިއަދު މި ދިންމެސެޖަކުން އިތުރު ހިތްދަތިކަމެއްމިދިނީ. ގަދަދިހަޔަކަށް ފުރުސަތުނެތް ލަސްކޮށްފިއްޔާ. ހެދޭނެ އެއްގޮތެއްވެސްނެތް. އެތައްެއަހަރަކު ކުރި އުންމީދު ވީގުރުބާން ފެނަށްމިދިޔައީ. މިވަރުގެ ދެރައެއްކުދިބަޔަކަށްދެންދެވޭނީ.
އަލީ
29 March 2021
މިދެވެނީ ކުދިންނަށް ދުވަހަކުވެސް ހިތުންނުފިލާވަރުގެ އަނިޔާއެއް. ކުފިންގެ މުސްތަގުބަލު ނަގާލަނީމި.ހިޔެއްނުވޭ ކިޔަވާކުދިބަޔަކަށް މިއަށްވުރެ ނިކަމެތި ދެރަގޮތެއް ހެދޭނެހެނެއް.ކޮވިޑާހެދި ކިޔެވުން ގެއްލި ކުދިން ްއިންތިހާއަށް މާޔޫސްވެފައިވަނިކޮށް އެއްވެސް ވަރަކަށް ކުދިންގެ ހާލާމެދު ނުވިސްނި ކަން މިކަމުންއެގެނީ. އަދިވެސް ބަލަނީ ދެވެން އޮތް ދެރައެއް ދެވޭތޯ. އިންސާނިއްޔަތުގެ ކަންފުޅެއްވެސްނެތްކަން އެގިގެންމިދަނީ. ކިޔަވާކުދިން ނަށްދެވޭނީ މިވަރުގެ އަނިޔާއެއް. އެއްޗެއްނުދީވޭތޯ އޮތްގޮތަކުންބަލަނީވޭތޯ.
ބަހަބަރު
28 March 2021
މިކަހަލަ ކަންތައްތަކަށް ކިޔަނީ އަތްނުލާ އަށްދޮކިޔުއްވުން. ފަސްކޮށްފިއްޔާ ގަދަ 10 އާއި ސްކޮލަރޝިޕްގެ ފުރުސަތެއްނެތް. ފާޑަކަށް މަޖުބޫރު މިވަނީ އޭޕްރީލް މެއި ގައި ހަދަން. އަނެއްކޮޅުން އޭޕްރީލް މެއި އަށްބަލާއިރު އެހާ ވަގުތު ކުޑަތަންވެފައި އޮއްވާ މިއެންގީ. އެޑިޔުކޭޝަން މިނިސްޓަރ ފެއިލްވެފައި ބުނެވޭނީ މިކަމުގައި. މީ ދަރިވަރުންނަށް ވެވޭ ވަރަށް ބޮޑު އިހްމާލެއް.
ބަބުރަންޖީހާޖީ
29 March 2021
ކޮންތާކު؟ މިދިޔައަހަރުވެސް އޭލެވަލް ނުހަދާ.. މިހާ ހިސާބަށް އަންނައިރު އޮންނަންވާނީ ތައްޔާރު ވެވިފަ އިމްތިހާނަށް.
މޮޔަސަރުކާރު
28 March 2021
އަޅެފަހެ ކިހާ ދެރަކަމެއް މީ ދެން! އިމްތިޙާން އަވަސްވެގެން އެންމެ ކަންބޮޑު ވަނީ ގަދަ 10 އާއި ސްކޮލަރޝިޕް ފުރުސަތެއް ލިބޭތޯ އުޅޭ ދަރިވަރުން. މިވަރުވެސް ވެރިންނަށް ނުވިސްނޭތީ ދެރައީ
މޮޔަކޮމެންޓަރު
29 March 2021
ބަލަ އެކުދިންނަށް ވާވަރަށް ވަގުތު ލިބިއްޖެ ތައްޔާރުވާން.. މިހާހިސާބަށް އަންނަ އިރު ގަދަ 10 ބޭނުމިއްޔާ ހުންނާނީ މާބޮޑަށްވެސް ތައްޔާރުވެފަ