ވިއްސާރައިގައި އައްޑޫން 23 ގެއަކަށް ގެއްލުންވެއްޖެ

އަހުމަދު އަދްޝަން، މިހާރު

29 މާޗް 2021 - 11:16

އައްޑު އަށް ރޭ ބޯކޮށް ވާރޭ ވެހި މިހާތަނަށް 23 ގެއަކަށް ގެއްލުންވެފައިވާ ކަމަށް ކައުންސިލުން ބުނެފި އެވެ.

ފެން ވަދެ، ގެއްލުންވުމުގެ އިތުރަށް ގަދަ ވަޔާ އެކު ބައެއްގެ ގޭގެ ފުރާޅުން ޓިނު ވެސް އެއްލާލާފައިވެ އެވެ. އައްޑޫން ގެއްލުން ލިބުނު ގެތަކުގެ ތެރޭގައި ހިމެނެނީ ހިތަދޫން ނުވައެއް، ފޭދޫން އަށެއް މަރަދޫން ތިނެއް، މަރަދޫފޭދޫން އެކެއް އަދި މީދޫން ދެ ގެއެކެވެ.

އައްޑޫ ސިޓީ އަށް މިހާރު ކުރަމުންދާ ވިއްސާރައިގައި ގެއްލުން ލިބުނު ގޭގެއަށް އެހީތެރިކަން ފޯރުކޮށްދިނުމުގެ މަސައްކަތް...
Posted by Addu City Council on Sunday, March 28, 2021

ގެތަކަށް ލިބުނު ގެއްލުންތަކުގެ ތަފުސީލު ނެގުމުގެ މަސައްކަތް މިހާރު ކުރަމުން އަންނަ އިރު، ސިފައިންނާއި ފުލުހުންނާއި ކައުންސިލްގެ މުވައްޒަފުން އަންނަނީ ގެއްލުންވި ގެތަކަށް ވެލި ބަސްތާތައް ޖަހައިދިނުމާއި ފެން ހިންދުން މަސައްކަތްތަކުގައި އެހީތެރިކަން ފޯރުކޮށް ދެމުންނެވެ.

#AdduCity ah kuramundhaa vihsaaraagai mihaatanah eki varuge gehluntah libifaivey. Ehmenves Rahkaateri kamuge fiyavalhu...
Posted by Mishkat Foundation on Sunday, March 28, 2021

ރޭގެ އެކި ވަގުތުތަކުން ފެށިގެން ފަތިހާ ހަމައަށް ބޯކޮށް ވާރޭ ވެހިފައިވެ އެވެ. އަދި ވައި ގަދަވުމުގެ ސަބަބުން ގަސްތަކެއް ވެސް ވެއްޓިފައިވާ އިރު އެ ތަކެތި ނެގުމުގެ މަސައްކަތް އަންނަނީ ކުރަމުންނެވެ.