ެވެކްސިން ކިއު: ދެވަނަ ޑޯޒް ޖެހުމަށް ފަހު ދަތުރު ކުރެވޭނެ ކަމަށް ސަރުކާރުން ބުނި-- ފޮޓޯ: ނިޝާން އަލީ/ މިހާރު
31 މާޗް 2021 - 15:51
5 comments
ކޮވިޑް-19 އިން ރައްކާތެރިވުމަށްޓަކައި ޖަހާ ވެކްސިންގެ ދެވަނަ ޑޯޒަށް ފަހު، ކަރަންޓީނުވުމެއް ނެތި ރާއްޖޭގެ އެތެރޭގައި ދަތުރުތައް ކުރެވޭނެ ކަމަށް ރައީސް އޮފީހުގެ ތަރުޖަމާން މަބްރޫކް އަޒީޒް މިއަދު ވިދާޅުވެއްޖެ އެވެ.
ރައީސް އޮފީހުން ވާޗުއަލްކޮށް ބޭއްވި މީޑިއާ ބްރީފިންއެއްގައި އޭނާ ވިދާޅުވީ، ކޮވިޑް ވެކްސިންގެ ދެވަނަ ޑޯޒް ޖެހުމަށް ފަހު، ރާއްޖޭގެ އެތެރޭގައި ދަތުރު ކުރެވޭނެ އިންތިޒާމު ހަމަޖައްސާނެ ކަމަށެވެ. ނަމަވެސް ވެކްސިން ޖެހުމަށް ފަހު ދަތުރު ކުރެވެނީ ސީދާ ކިތައް ދުވަސް ފަހުން ކަން އަދި ނިންމާފައި ނުވާ ކަމަށް މަބްރޫކް ވިދާޅުވި އެވެ.
"ކޮންކްލޫސިވްކޮށް އަޅުގަނޑަށް ނޭނގޭ ބުނާކަށް ދެވަނަ ޑޯޒް ޖަހާތާ ކިތައް ދުވަސް ފަހުންތޯ އެކަން [ދަތުރުތައް] ކުރެވޭނީ. މި ހަފުތާ ތެރޭގައި ވެސް އެކަމާ ބެހޭ މަޝްވަރާތަކެއް އެބަ ހިނގާ،" އޭނާ ވިދާޅުވި އެވެ.
ދެވަނަ ޑޯޒް ޖެހުމަށް ފަހު ދުނިޔޭގައި ވެސް ގައުމުތަކުން މިންގަނޑެއް ކަނޑައެޅުމަށްޓަކައި މަސައްކަތްތަކެއް ކުރެވޭ ކަމަށް މަބްރޫކް ވިދާޅުވި އެވެ. ދެވަނަ ޑޯޒް ޖެހުމަށް ފަހު، އެއް ގައުމުން އަނެއް ގައުމަށް ދަތުރުކުރުމަށް ލުއިތަކެއް ގެނައުމަށްޓަކައި ވެސް މަސައްކަތް ކުރައްވާނެ ކަމަށް އޭނާ ވިދާޅުވި އެވެ.
ރާއްޖޭގައި ކޮވިޑް ވެކްސިން ޖަހަން ފެށީ މިދިޔަ ފެބްރުއަރީ މަހު އެކެއްގަ އެވެ. އެ ޑޯޒް ޖެހިތާ އަށް ހަފުތާއަށް ފަހު ދެވަނަ ޑޯޒް ޖަހަން ފަށާނީ އަންނަ ހޮނިހިރު ދުވަހު ކަމަށް އެޗްޕީއޭ އިން މިއަދު ވަނީ ބުނެފަ އެވެ.
ރާއްޖޭގައި މިހާތަނަށް 235،682 މީހަކު ކޮވިޑް ވެކްސިން ޖަހާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރުބެ
31 March 2021
އުފާވެރި ޚަބަރެއް. ދެވަނަޑޯސް އަވަހަށް ޖަހަންވީ.
ޒޯރޯ ދަ ލެޖަންޑް
01 April 2021
މަޑުން ހުރޭ. ސިސްމެޓިކްކޮށް ތިކަން ކޮށްފީޔާ ކިތަންމެހާވެސް ރަނގަޅު. ފުރަތަމަ ޑޯޒް ޖެހި ތަރުތީބުން އެސްއެމްއެސް ނޯޓިފިކޭޝަނެއް ފޮނުވައިގެން ތިކަން ކުރެވޭނެ ކިޔު ނުޖައްސާ.
އަލީ އިބުރާހިމު
31 March 2021
ތިހެންނުބުނެ ކެންފޭނައް ދެވޭނެއޭބުނެބަލަ ވަކިބަޔަކައް ވަކިގޮތެއް މަވެސް ވެކުސިން ޖަހަންބޭނުއް އެކަމަކު ޖެހޭނެ ގޮތެއްނެއް މިސަރުކާރައް ސަލާން
އޮނަރަބްލް އަފީފު ދީދީ
31 March 2021
މިމީހުން "އެތެރެ" މިކިޔާ ތަނެއްވެސް ނޭގޭ. ރަދީފުގައި އެތެރެ އޮތް ގޮތާއި ދިމާ އިދިކޮޅަށް އެތެރެއަކީ ބޭރު ނުވަތަ ބޭރު ފަށަލަކަމަށް ދައުލަތާއި ސަރުކާރު ލިއުން ތަކުގައި ލިއުމަކީ ބަހުގެ ހަމަތަކާއި ޙިލާފު ކަމެއް. # ތުރާކުނުގައި ނުވަތަ އައްޑޫގައި ހުންނަމީހާއަށް ނުވަތަ އެތަންތަނަށް ނިސްބަތްކޮށް ރާއްޖެތެރޭގެ (އެތެރެ) ރަށެއްކަމުގައިވާ ކ.އަތޮޅު މާލޭގައި ހުންނަމީހާއަށް ވާހަކަ އެއް ނުދެއްކޭނެ. ތިޔަ ވެކްސިން ޖެހިޔަސް ނުޖެހިޔަސް މިހާރުވެސް މާލެއަށް ދެވޭ.
ރައްޔިތުސޮރު
31 March 2021
ރައްޔިތުން އިތުރަށް މާޔޫސްނުކުރުވަ ހިމޭނުން ތިބެބަލަ. މިދެނީ.. އަހަ ދެންމިދެނީ.. މާދަމާ ހުއްދަ ދޭނަން.. ހުއްދަ ދޭން ތައްޔާރު... އަދި ފަހުން... ދެން މާގިނަ ދުވަހެއްނުވާނެ...