04 އެޕްރީލް 2021 - 09:18
24 comments
އައްޑޫ މޭޔަރުގެ މަގާމަށް އިންތިހާބުވެވަޑައިގަތުމުގެ ކެމްޕޭންގައި އަލީ ނިޒާރު ބުރަކޮށް މަސައްކަތްކުރައްވަމުން އަންނަ އިރު އޭނާއަށް ޔަގީންވާ އެއް ކަމަކީ އެމްޑީޕީ ދޫކޮށް އެހެން ޕާޓީއެއްގެ ބަޔަކަށް އައްޑޫގެ ގިނަ ރައްޔިތުން ވޯޓު ނުދޭނެ ކަމެވެ. އޭގެ ސަބަބެއް ކަމަށް، ރައްޔިތުންގެ މަޖިލިހުގެ ކުރީގެ މެމްބަރު ވިދާޅުވީ ކެމްޕޭންގައި މިހާތަނަށް އެމްޑީޕީ ނޫން ބައެއްގެ "އެއްވެސް ކަމެއް ފެންނަން ނެތުން" ކަމަށެވެ.
"މޭޔަރުގެ މަގާމަށް ދެވޭނެކަމުގެ ވަރަށް ބޮޑު ޔަގީންކަމެއް ވެސް އެބަ އޮތް،" ނިޒާރު ވިދާޅުވި އެވެ.
"ކެމްޕޭން ހަރަކާތްތަކާއި ސިޔާސީ މަސައްކަތްތަކަށް މި އިންތިހާބަށް މިހާތަނަށް ކުރެވިފައި އޮތް ގޮތަށް ބަލާ އިރު އެމްޑީޕީ ނޫން ބައެއްގެ އެއްވެސް ކަމެއް އައްޑޫން ހަގީގަތުގައި ފެންނާކަށް. އެހެންވީމާ ވަރަށް އުންމީދު ބޮޑު މި ޕާޓީން އައްޑޫގެ މެޖޯރިޓީ ނަގާނެކަން."
އައްޑޫގެ ސިޓީ ކައުންސިލަށް މި ފަހަރު 13 މެމްބަރުން އިންތިހާބުކުރެ އެވެ. މިހާރު ތިއްބަވަނީ އަށް މެމްބަރުންނެވެ.
ސިޔާސީ މަސައްކަތުގައި ނިޒާރަކީ ތަޖުރިބާ ހުރި ބޭފުޅެކެވެ. ރައްޔިތުންނާ ވަރަށް ގާތުން މަސައްކަތްކުރައްވަ އެވެ. އެހެންވެ އައްޑޫ ރައްޔިތުންގެ އިހުސާސްތަކާއި ވިންދާއި ޝުއޫރު އެނގިވަޑައިގަންނަވާ ކަމަށް އޭނާ ވިދާޅުވި އެވެ.
ނިޒާރުގެ ބަހުން ނަމަ އޭނާގެ މަސައްކަތަކީ "އައްޑޫ ކޮޅަށް ޖެހުމެ"ވެ. އެކަމަށް އޭނާގެ ޕްލޭންތަކެއް ވެސް އެބަ ހުއްޓެވެ.
ނިޒާރުގެ ކެމްޕެއިން މެކުހަށް....އައްޑޫ ހުޅުމީދޫ.#ރަށްވެހިފަތިސް #ލާމަރުކަޒީރާއްޖެ pic.twitter.com/SVOlm9jjTu
— 𝑰𝒎𝒖 🇲🇻 (@HassanImsad) March 25, 2021
"އެންމެ މުހިއްމު ކަމަކީ އައްޑޫގެ އިގުތިސާދު ރަނގަޅުކުރުން. ވަޒީފާ ލިބޭނެ ގޮތްތައް ހޯދި އިގުތިސާދީ ހަރަކާތްތައް އިތުރުވާން ފެށީމާ ރައްޔިތުންގެ ހާލަތު އަންނާނީ ރަނގަޅުވެގެން،" ނިޒާރު ވިދާޅުވި އެވެ.
"އެހެންވެ އަހަރެންގެ ވަރަށް ބޮޑު ފޯކަސްއަކަށް ވާނެ އައްޑޫގެ އިގުތިސާދު ހަރުދަނާކުރުން."
ނިޒާރު ވިދާޅުވި ގޮތުގައި މިހާރު ވެސް އިގުތިސާދާ ގުޅުން ހުރި ގިނަ ޕްރޮޖެކްޓްތަކެއް ރޭވި އޭގެ ތެރެއިން ބައެއް މަސައްކަތްތައް ފެށިފައިވުމަކީ ވަރަށް ބޮޑު ހިތްހަމަޖެހުމެކެވެ. އެގޮތުން އައްޑޫގެ ޓޫރިޒަމް ފުޅާކުރަން އެނދުތައް އިތުރުކުރުމުގެ މަސައްކަތް ހިމެނެ އެވެ.
ދަނޑުވެރިކަމަކީ އައްޑޫގައި އާމްދަނީ ހޯދަން ކުރެވިދާނޭ ރަގަޅުމަސައްކަތެކެވެ. ހާއްސަކޮށް ޒުވާނުން ނިކުމެ ކުރަންޖެހިއްޖެ މަސައްކަތެކެވެ. މީ ކުއްޔަނަގާފައިވާ ބިމެއްގައި އަޅުގަޑު އަމިއްލައަށް ކުރަމުން އަންނަ މަސައްކަތެކެވެ. މި ބިމުގައި މަސްކެއްކުމާއި ހިއްކުންވެސް ކުރިއަށްގެންދަމެވެ. pic.twitter.com/yQ1H6iU3kd
— Ali Nizar (@DhekunuNizar) March 29, 2020
"އަޅުގަނޑަށް ވަރަށް ޔަގީން ރައީސް [އިބްރާހީމް މުހައްމަދު ސޯލިހް]ގެ ފަސް އަހަރުގެ ދައުރު ނިމިގެންދާ އިރު އައްޑޫގެ ބެޑް ކެޕޭސިޓީ އަށް ހާހަށް އިތުރުވެގެން ދާނެކަން،" ނިޒާރު ވިދާޅުވި އެވެ.
"މިހާރު ވެސް މި ވަނީ ހަތަރު ހާސް ބެޑްގެ ކެޕޭސިޓީ އަށް މަސައްކަތް ފެށިފައި."
ނިޒާރު ވިދާޅުވި ގޮތުގައި އޭނާ ކައުންސިލަށް ވާދަކުރައްވަނީ ރައްޔިތުންނަށް ހިދުމަތްކުރެއްވުމުގެ ފޯރި އާއި ޖޯޝާ ވެސް އެކީގަ އެވެ. އެހެންވެ ދެން އެންމެ ބޮޑު ބަދަލެއް ފެންނާނީ ކައުންސިލް ހިންގުމުން ކަމަށް ވިދާޅުވި އެވެ.
Addu ge Iqthisaadhah oi emme avas hallakee Addu gai tourist endhu ithurukurun. Sarukaarun emagah koh dhevvaa masakkathah shukuruveri van. Haasa koh Minister @Mausoom_Maus Addu ah bahattavaa haasa kamaai gaai kamun ummeedh aave hivvaru libey. Kurimagu fennanee ujaalaa koh. pic.twitter.com/OITgDg5XKN
— Ali Nizar (@DhekunuNizar) March 19, 2021
އޭނާ ގަބޫލުކުރައްވަނީ ކައުންސިލްގެ ކުރީގެ ދެ ދައުރުގައި އެންމެ އެކަށީގެންވާ ވަރަށް މަސައްކަތް ނުކުރެވުނީ ލާމަރުކަޒީ ގާނޫނުގެ ދަށުން ލިބިދޭ ބާރުތައް އެކި ފަހަރު މަތިން ހަނިކުރުމުންނެވެ.
"އެގޮތުން ކުރީގެ ސަރުކާރު [ރައީސް އަބްދުﷲ ޔާމީންގެ ވެރިކަމުގައި] ބާރުތައް ހަނިކުރެވި، އެއްވެސް ކަމެއް ހަގީގަތުގައި ނުކުރެވޭ ކަހަލަ ގޮތަކަށް ދިޔައީ،" ނިޒާރު ވިދާޅުވި އެވެ.
އެކަމަކު މިހާރު އަނެއްކާވެސް ލާމަރުކަޒީ ގާނޫނުގެ ބާރު ކައުންސިލްތަކަށް ލިބިފައިވުމަކީ، އައްޑޫގެ ތަރައްގީއަށް ވެސް އާ ކައުންސިލަށް މަސައްކަތްކުރަން އޮތް ފުރުސަތެއް ކަމަށް ގަބޫލުކުރައްވަ އެވެ.
Kuriyah oi Addu City council vedhaanee kanbalunge ge hissaa adhi hivvaru fenigen dhaane council akah. IA. #LCE2021 #Ravvehifathis pic.twitter.com/S0YGO2KPwG
— Ali Nizar (@DhekunuNizar) February 26, 2021
"ކުދިކުދި ލޫޕް ހޯލްތައް އަދިވެސް ހުއްޓަސް އެކަންކަން ދެން ރަނގަޅުކުރެވޭނެ. އަޅުގަނޑު ވަރަށް މަސައްކަތް ކުރާނަން އާ ކައުންސިލް ވަރަށް ރަނގަޅަށް ސްޓްރަކްޗާކޮށް މަސައްކަތްތައް ހަރުދަނާކުރަން،" ނިޒާރު ވިދާޅުވި އެވެ.
"އޭރުން މިހާރަށް ވުރެ ބޮޑަށް އަވަށު އޮފީސްތައް ވެސް އެކްޓިވްވެ، މަސައްކަތްތައް ވަރަށް ރަނގަޅަށް ކުރިއަށް ގެންދެވޭނެ."
ނިޒާރުގެ އަބަދުވެސް އުއްމީދަކީ އަދި އަޒުމަކީ ރައްޔިތުންނާ ގާތުން، ރައްޔިތުންނާ ގުޅިވަޑައިގެން މަސައްކަތްކުރެއްވުމެވެ. ސިޔާސީ ގޮތުން އޭނާގެ ދެން އޮތް ތަޖުރިބާ ވެސް ހޯއްދަވާނީ އެ އަޒުމުގައި ހުންނަވައިގެންނެވެ.
"ރައްޔިތުންގެ ވާހަކަތައް އަޑުއަހައި، އެ މީހުންގެ ހިޔާލާއި ޝުއޫރާއި އިހުސާސްތައް އެނގުމަކީ މަސައްކަތްކުރަންވީ ގޮތް ސާފުވާނެ ކަމެއް،" ނިޒާރު ވިދާޅުވި އެވެ.
"އަޅުގަނޑުގެ މޭޔަރުކަމުގައި ކައުންސިލްގެ މަސައްކަތްތަކުން ރައްޔިތުން އެދޭ ފަދަ ބަދަލެއް ދެއްކުމަކީ ވަރަށް ބޮޑު އިސްކަމެއް ދޭނެ ކަމެއް."
އެޑިޓަރުގެ ނޯޓު
މިއީ ކައުންސިލް އިންތިހާބުގެ ކެންޑިޑޭޓުންނަށް "މިހާރު" އިން ހާއްސަކުރި ޕެކޭޖެއްގައި ހިމެނޭ ކޮންޓެންޓްގެ ބައެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮކްޓާރ. ބަނާނާ
07 April 2021
އައްޑު އަތޮޅު މިހާރު އޮތް ހާލަތައް ބަލާއިރު ނިޒާރު އަކީ މިއަތޮޅު ތަރައްގީ ކުރުމަށް އިލްމީ ތަޖުރިބާ ހުރި ގާބިލް މީހެއްކަމަކަށް ނުދެކެން! މިހާރުވެސް މިފަދަ ގާބިލްކަމެއްނެތް މީހުން "ބަދަލުގެންނަން ބޭނުންވާ މަގާމުތަކުގައި ގޮޑިހޫނުކުރަން " ތިބުމުގެ ސަބަބަުން އައްދު އަތޮޅު ހާލަތު ގޯސްވެގެން މިދަނީ!
ޝހގފ
05 April 2021
އަލީ ނިޒާރަކީ ވާހަކަ ގިނަ ހިންގުންތެރި ކަމެއްނެތް މީހެށް
ޖާބިރު
04 April 2021
ވޯޓު ލުމުގެ ކުރިން ޑރ މައުސޫމ ބުނިގޮތަށް ގަމާއި ހޮންގކޮންގ އާއ ދެމެދު ޖޫން މަހު މޯލްޑިވިއަން ފައްޓާން ބުނި ދަތުރު އިއުލާންކޮށް ޓިކެޓް ވިއްކާ އިސްތިހާރު ކުރާން ފައްޓައިފިނަމަ އަހަރެން ޕީޕީއެމް މީހަކަށްވިޔަސް މަގޭ ވޯޓާއި އަހަރެންގެ އާއިލާގެ ވޯޓް އެމްޑީޕީގެ ކެންޑިޑޭތުންނަށް ދޭނަން. ސަރުކާރު ބޭނުން ނަމަ އަދި މިކަން ކުރާން ތިބި ނަމަ މޯލްޑިވިއަނަށް ޖެހޭނީ މިކަން ކުރާން. ދޮގު ނަހަދާނަމަ ހުރިވަރު ދައްކަބަލަ.
އޮނަރަބްލް އަފީފު ދީދީ
04 April 2021
ރައީސް ނަޝީދު "އައްޑޫގެ އިޤްތިސޯދުއޮތީ އެފްރިކާ ބައްރުގައިކަމަށް ވިދާޅުވީ ރަގަޅަށް" ކަމުގައި ޤަބޫލުކުރަން. # ގޭންއެއަރޕޯޓާއި މޮރިޝަސް، Reunion ، މަޑަގަސްކަރަ، Johannesburg ، ދާރުއްސަލާމް، Mombasa، ކިގާލި އަދި Oman ވައިގެމަގުން ގުޅާލާފައި ގޭން އޮސްޓްރޭލިއާ އަދި ގޭން ޑެއްލީއާއި ބޮމްބޭގެ އިތުރުން ގޭން ހޮންގކޮންގ ގޭން ލަންޑަން ދަތުރު ފެއްޓީމަ ދުވަހަކު ޓްއަރިޒަމް ނެތަސް އިޤްތިސޯދަށް ބޭނުން ފައިސާ ވަންނާނެ. މިކަމަށް އިންޑިގޯގެ އެހީތެރިކަން ހޯއްދަވާ.
ނޯ އިންޑިގޯ.
04 April 2021
ތިތަނަސްވެސް އިންޑިގޯ ވައްދާން އެމްޑީޕީ ވިސްނަނީ ތިޔަ މިލިޓަރީ ބޭހުގެ ބޭނުން އިންޑިޔާ އަށް ފަސޭހައިން ހިފޭނެ ގޮތަކަށް ކަންކުރާންވެގެން. އެހެން ނޫން ނަމަ މޯލްޑިވިއަން އަށް ގެންނާން އުލޭ އިތުރު 2 ބޯޓް ބޭނުން ކޮށްގެން ތިތަންތަނަސް އުދުހެންވީ. އަހަރުމެނަށް މާކުރިންވެސް އިގޭ ބޮމްބޭގެ މިލިޓަރީ ކެމްޕާއި އައްޑޫ ކޭމްޕު ގުލާލަން އިންޑިގޯގެ ދަތުރު ފައްޓާނެކަން.
ލިޓިލް ސިންގަޕޯރު
05 April 2021
ޙަޤީގަތުގައިވެސް ގަމަކީ އިންޑިޔާ ކަނޑުގެ ޗަންގީ އެއަރޕޯޓް ކަމުގައި ހެދިދާނެ. އެކަމަކު އެކަން ކުރާން ގަމުގެ އޮއިލް ފާރމް ތަރައްޤީކޮށް 5 ތަރީގެ ފެންވަރަށް އެއަރޕޯޓް ހޮޓަލެއް ހަދާ އެއަރލައިން ލައުންޖް ތަކާއި އިންފްލައިޓް ކޭޓަރިންގެ ހިދުމަތް އެންމެ ކުޑަމިނުން ލިބެންޖެހޭ. ކާގޯ އަދި ޕެސެންޖަރުން ޓްރާންސިޓް ވާ ބޮޑު ހަބެއްގެ ގޮތުގައި ގަން ތަރައްޤީ ކޮށްފިނަމަ ދައުލަތަށް ރަނގަޅު އާމްދަނީ އެއްލިބޭނެ.
ހުސަންމަނިކު.
05 April 2021
އައްޑޫ ގަން އޮތީ ކ.އަތޮޅު މާލެއަށްވުރެން އެތައް ގޮތަކުން މުހިންމު ތަނެއްގައި. މުޅި ދުނިޔޭގެ 4 ފަރާތް ގުޅާލަ ދިނުމުގެ އިސް ދައުރެއް އެންމެ ފަސޭހަކަމާއި އެކު ކުރެވިދާނެ މުހިންމު ލޮކޭޗަނެއްގައި އޮތް ގަން ތަރައްޤީ ކުރާންވީ ހަމައެކަނި ފަތުރުވެރިންނަށް ވިސްނުމުގެ ބަދަލުގައި ބައިނަލް އަޤުވާމީ ޓްރާންސިޓް ހަބެއްގެ ގޮތުގައި. ރަނގަޅު ޙިޔާލެއް. ބޭނުމީ ކަންކުރާނެ ސަރުކާރެއް.
ސަމީރު.
05 April 2021
ގިނަ ދިވެހިން ޤަބޫލު ކުރަނީ ފައިސާ ޑޮލަރު ލިބޭނީ ހަމައެކަނި ގެސްޓުން ގެނެސްގެންކަމަށް. ނޫން. ބައިނަލް އަޤުވާމީ ކާގޯ އަދި ޕެސެންޖަރ ޓްރާނސިޓް ހަބެއްގެ ގޮތުގައި ސިންގަޕޯރު ޗެންގީ އެއަރޕޯޓު ކުޅެމުންދާ ދައުރު އިންޑިޔާ ކަނޑުގައި ކުޅޭނީ އައްޑޫ ގަން އެއަރޕޯޓު ކަމުގައި ހަދައިފިނަމަ ރާއްޖެއަށް ދައުލަތަށް އެންމެ ބޮޑު އާމްދަނީއެއްލިބި އެންމެ ގިނަ ވަޒީފާ އުފެދޭ ތަނަކަށް ގަން އެއަރޕޯޓު ވެގެންދާނެ.
ރާކަނިމަސް.
05 April 2021
އަފީފު ދީދީގެ ތިޔަ ޙިޔާލަށް ތާއީދު. އައްޑޫ ގަމާއި ބެހޭގޮތުން އައްޑޫގެ އެންމެ ތައުލީމީ އަދި ކޮންމެވެސް ވަރަކަށް މިފަދަ ކަންކަމުގެ ހުނަރު އަމަލީގޮތުން ތަޖުރިބާ ކުރައްވައިގެން ހުންނެވި ޕްރޮފެސަރ އުޤައިލު ވަނީ ހަމަ ތިގޮތަށް ގަމުގެ ބޭނުން ކުރުމަށް ހިލާޔާތެއް ގެނެސް ދެއްވާފައި. ތިއީ ހަމަ ރަނގަޅު ވިސްނުމެއްކަމުގައި ދެކެން.
އިންޑިޔާ އައުޓް.
05 April 2021
ގަމުގެ އެއަރޕޯޓު އިންޑިޔާގެ ބޯޓު ތަކަށް ހުޅުވާލަންޖެހޭ އެއްވެސް ސަބަބެއްނެތް. މޯލްޑިވިއަން މަންތާ އެއަރ އަދި ވިލާ އެއަރގައި ގަމުން ޗައިނާ އަށާއި ގަމުން ސައުތު އެފްރިކާ އަދި ގަމުން އޮސްޓްރޭލިއާ އަށް ދަތުރު ކުރާން ވެއްޖެނަމަ އެކަން ކުރެވޭނެ ޤާބިލްކަން އެބަހުރި. ކީއްވެ މި އެމްޑީޕީ މީހުން ހުރިހާ ތަނަކަށް އިންޑިޔާ ވައްދަން އުޅެނީ؟
ސިރިސޭނާ.
05 April 2021
ތިކަން އިންޑިގޯ އަދި މޯލްޑިވިއަން އަކަށް ނުވާނެ. ތިކަން ކުރުމުގެ ތަޖުރިބާ އާއި ތިކަން މީގެ ކުރިން ކޮށްފައިވަނީވެސް ސްރީލަންކާގެ ޤައުމީ އެއަރލައިން ސްރީލަންކަން އިން. އަދިވެސް ގަމަށް ޝެޑިއުލް ދަތުރުކޮށް ގަމާއި ބޭރާއި ގުޅާލަދޭނީ ހަމަ އަހަރުމެން.
އޮނަރަބްލް އަފީފު ދީދީ
05 April 2021
އަޅުގަނޑުގެ ކޮމަންޓްގައި ސާފުކޮށް މިދެންނެވި ބޮޑު އޮޕަރޭޝަނަށް އިންޑިޔާގެ ލޯކޮސްޓް އެއަރލައިން އިނޑިގޯގެ ވާހަކަ ބުނާންޖެހުނީ ސަރުކާރުން ޤައުމީ އެއަރލައިން ފްލީޓަށް އެއަރބަސް A-330 އިތުރު ކުރިކަމުގައިވިޔަސް ކުންފުނީގެ މެނޭޖްމަންޓްގައި މިފަދަ ކަމެއްކުރުމުގެ ތަޖުރިބާހުރި މީހަކު ނެތީމަ. އިންޑިގޯ އަކީ ރާއްޖެ އަންނަ ފްލައިޓްތަކުގެ ތެރެއިން ބަޖޭޓް އަދި މިފަދަ ކަމަކަށް އެންމެ ފައްކާ އެއަރލައިން ކަމަށްވާތީ. ފަހަރެއްގައިވެސް އިންޑިޔާ ވީމައެއްނޫން އިގޭތޯ.
އައްޑޫ ބަކުރު
04 April 2021
އަލީ ނިޒާރުގެ ވާހަކަ މިހާރުގެ ނޫސްވެރިންނަކަށް ކުޑަކޮއްވެސް ނޭގޭނެ. އަލީ ނިޒާރުމެން 5 އަހަރުވަންދެން މަޖިލީހުގަ ތިބެގެން އައްޑޫއަށް ސަރުކާރުން ހޯދާދެވުނީ ކޯޗެއްބާ؟؟ ދެން މަޖިލީހައްވުރެ ސަރުކާރާ ދުރުން ޑީލް ކުރަން ކުރިމަތި ލައިގެން ކުރެވޭނީ ކޮންކަމެއްބާ ބޮޑުކޮއްސުވާލު އުފެދޭ.. ކުރުތައާރަފަކަށް ދާނަމަ އަލީ ނިޒާރު އަކީ އަބަދުވެސް ރައިޔަތުންގެ ކަންކަމަށް ވުރެ އަމިއްލަ އެދުމާއިގެން އުޅޭމީހެއް ކަމީ ޝައްކެއްވެސް ނުކުރެެވޭ ކަމެއް..
ޢައްޑޫ
04 April 2021
ޙަމަ 100% ގެ ވާހަކާއް
ހުޅުދޫ މީހާ.
04 April 2021
އެމްޑީޕީއަށް ވޯޓް ދެނީ ކީއްކުރަން ؟ ކޮބާ ހުޅުމީދޫ ހިތަދޫ ބުރިޖް ؟ ކޮބާ ސޯލިޙް ޔޫރޮޕުން ގަމަށް ދާއިރެކްޓް 5 ބޯޓް ޖައްސާނެ ކަމަށް ވެފައިވާ ވައުދު ؟ ކީއްވެ މޯލްޑިވިއަން ގަމުން ޗައިނާ އަށް ދަތުރު ނުކުރަނީ ؟ މާލެ އިން ޗައިނާ އަށް ކުރާ ދަތުރުގައި ގެއްލުން ނުވާނަމަ ގަމުން ޗައިނާ އަށް ކުރާ ދަތުރު ތަކުންވެސް ގެއްލުމެއް ނުވާނެ. ނޫނީ ކީއްވެ މާލެ ގަން ޗައިނާ އަދި ރިޓާޜން ޗައިނާ ގަން މާލެ މިގޮތަށް ރޫޓް ނަހަދާންވީ ؟
ސާލިޙް.
04 April 2021
ހުޅުދޫ މީހާ ތިޔަ ބުނާ ކަންކަން ކުރާން ސަރުކާރަށް މިވަގުތު އޮތް ހަމައެކަނި ހުރަހަކީ ސިތީގެ މޭޔަރު ކަމާއި ކައުންސިލަރުންގެ ގޮނޑިތަށް އެމްޑީޕީ އަށް ލިބުން. ފުރަތަމަ އެކަންކޮށްދީ. އޭގެ ފަހުން ތިކަންކަމާއިގެން އުޅޭނީ ދޯ.
އޮނަރަބްލް އަފީފު ދީދީ
04 April 2021
ނިޒާރުގެ މޭޔަރުކަމުގައި ކުރާންޖެހޭ އެންމެ މުހިންމުކަމަކީ އިންޓަރނޭޝަނަލް ޕެސެންޖަރ އަދި ކާރގޯހިމެނޭގޮތުން އެއަރޕޯޓް އަދި ބަންކަރިންގެހިދުމަތާއިއެކު ސީޕޯޓް، އެގްރިޗަލްޗަރ، ކޭނަރިންގް، އެޑިއު އަދި މެޑިކަލްހިމަނައި ފުޅާދާއިރާއެއްގައި ސްޕޯރޓްސް ފިޝިންގއާއިއެކުގައި ފުޓުބޯޅައިގަ ޔޯރޮޕްޓީމްތަކުން ޗުއްޓީހަދާނެތަނަކަށް އައްޑޫހަދާން ޕްލޭންކުރާނެ ތަޖުރިހާހުރި ކޮންސަލްޓެންޓުން ރަނގަޅު އަގެއްދީގެން ނަމަވެސް ހޯދާ
ސުބާރޫ
04 April 2021
ނިޒާރުއަށް ގުޅާތާ އެތައް މަހެއް ވެއްޖެ، ފޯނަށް ޖަވާބެއް ނުދޭ... އެކަމަކު އިންތިހާބު އައިސް ޖެހުނީ އެފެނުނީ... ސިޔާސީ މީހުންގެ ތައްޕާހުން އައްޑޫ މިނިވަން ކުރަން ވެއްޖެ...
އައްޑޫ މީހާ
04 April 2021
އެމްޑީޕީ މީިހެކޭ ބުނެފައި ވޯޓު ދޭނަމަ ދޭންވީ. މޭޔަރަކަށް ކުފޫހަމަނުވޭ. "އެންމެ މުހިއްމު ކަމަކީ އައްޑޫގެ އިގުތިސާދު" ކަމަށް ބުނާއިރު ފުޅާދާއިރާއެއްގައި ކަންކަން ރަނގަޅުކުރާނެ ގޮތް ކިޔާދެވިފައި ނެތް. ޕްލޭނަކާއި އެކު، ކުރާނެ ކަންކަމާއި، އެކަންތައް ކުރެވޭނެ ގޮތްތައް ރައްޔިތުންނަށް ދައްކަންޖެހޭ. ތަޖުރިބާއެއް ނެތް ސިޔާސީ މީހުން ދައްކާހާ ވާހަކަތަކަށް ރައްޔިތުން ހެއްލޭނަމަ ދުވަސްތަކެއް ގެއްލޭނީ.
އޮނަރަބްލް އަފީފު ދީދީ
04 April 2021
ސިޔާސީގޮތުން ތާއީދުކުރިކަމުގައިވިޔަސް "އައްޑޫގެ ދުރުރާސްތާ ޢިޤްތިސޯދީ ތަރައްޤީގެޕްލޭނެއް ނުވަތަ އައްޑުއަކީ ކޮމާޝަލް ކެޕިޓަލްގެގޮތުގައި ތަރައްޤީކުރާން ބޭނުންވާކަންކަން ފުރިހަމަކުރުމަށް" ނިޒާރަކީ އެންމެރަނގަޅުމީހާކަމަކަށް ޤަބޫލެއްނުކުރަން. # އިންތިޙާބުގެކުރިން ރައްޔިތުން މަޤާމްދެއްވައިފިނަމަ ކޮޅުމަޑުލުން އައްޑުއަށްހިމެނޭ "ރީޖަނަލް ޑިވޮލޯޕްމަންޓް ބައުޑަރީއަކާއިއެކު ތަރައްޤީގެ 50 އަހަރުގެ ޕްލޭނެއް" އެކުލަވާލާނެކަމުގެ ޔަޤީންކަން ރައްޔަތުނަށް ދޭންޖެހޭ.