އެމްޑީޕީގެ ޓިކެޓުގައި މާލޭގެ މޭޔަރުކަމަށް ވާދަކުރައްވާ އަނަސް-- ފޮޓޯ: ނިޝާން އަލީ/ މިހާރު
06 އެޕްރީލް 2021 - 11:07
47 comments
އެމްޑީޕީގެ ކެންޑިޑޭޓުންނާއެކު މާލެ ސިޓީ ކައުންސިލް ތަފާތުވާނެ ކަމަށާއި ކަންކަން ކުރާނީ ރައްޔިތުންގެ މަޝްވަރާއާއެކު ކަމަށް، އެ ޕާޓީގެ ޓިކެޓުގައި މާލޭގެ މޭޔަރުކަމަށް ވާދަކުރައްވާ އަނަސް އަބްދުއްސައްތާރު އިއްޔެ ވިދާޅުވެއްޖެ އެވެ.
އަންނަ ހޮނިހިރު ދުވަހު ބާއްވާ ލޯކަލް ކައުންސިލްތަކުގެ އިންތިޚާބުގައި އެމްޑީޕީ ޓިކެޓުގައި ގަލޮޅު މެދު ދާއިރާއަށް ވާދަކުރައްވާ މަރިޔަމް ރީހާން ނާޒިމްގެ ކެމްޕެއިން ބައްދަލުވުމުގައި އަނަސް ވިދާޅުވީ ސިޓީ ކައުންސިލަށް ގާނޫނީ ބާރުވެރިކަމާއި މާލީ މިނިވަންކަން ގާނޫނީ އިމުގެ ތެރެއިން ދީ، އިގުތިސޯދީ ގޮތުން ސީދާ ކައުންސިލަށް ނަފާ ލިބޭ ގޮތް ހަދާފައިވާ ކަމަށެވެ.
އެ ނަފާ އިން ރައްޔިތުންގެ މަންފާ އަށް އެތައް ކަމެއް ގާނޫނުގައި ކަނޑައަޅާފައިވާ ކަމަށް ވިއަސް އެއިން ކުރާނީ ކޮން ކަމެއް ކަމަށް، އޭނާއާ ވާދަކުރައްވާ އެހެން ކެންޑިޑޭޓުންނަށް އެނގިވަޑައިނުގަންނަވާ ކަމަށް ވިދާޅުވި އެވެ. އޭގެ މިސާލެއްގެ ގޮތުން ދެއްކެވީ، އެ ބޭފުޅުން ތިއްބެވި ސިޓީ ޕާކެވެ.
އެއީ ކުރީގެ ރައީސް އަބްދުﷲ ޔާމީންގެ ސަރުކާރުގައި ހެދި، އެކަމަކު ބޭނުމެއް ނުހިފޭ ޕާކެކެވެ.
ނަމަވެސް އަނަސް ވިދާޅުވިގޮތުގައި، އެމްޑީޕީގެ ޓިކެޓުގައި ވާދަކުރައްވާ ކެންޑިޑޭޓުން ހޮވައިދީފި ނަމަ ބޭނުން ނުހިފި އޮތް އެފަދަ ޕާކުތަކުގައި ކުރާނީ ކޮން ކަމެއްތޯ އަދި ރައްޔިތުންގެ ފައިދާ އަށް ހިންގާނެ ހަރަކާތްތަކާ ގުޅޭގޮތުން މަޝްވަރާ ކުރާނެ އެވެ.
"އިރާދަކުރެއްވިއްޔާ އަޅުގަނޑުމެންގެ ސިޓީ ކައުންސިލަށް ވާނީ ތަފާތު ކައުންސިލަކަށް. އަޅުގަނޑުމެންގެ ކައުންސިލް ވެގެންދާނީ ރައްޔިތުންނާ ގާތުން، ރައްޔިތުންގެ ހިޔާލާއި މަޝްވަރާއާ އެކީގައި ކަންކަން ނިންމާ ކައުންސިލަކަށް،" ރައްޔިތުންގެ މަޖިލީހުގެ ރައީސް އަދި ކުރީގެ ރައީސް ނަޝީދު ވެސް ބައިވެރިވެވަޑައިގެންނެވި ހަރަކާތުގައި އަނަސް ވިދާޅުވި އެވެ.
"އެކަންކަން ކުރުމަށްޓަކައި އަޅުގަނޑުމެންނަށް ވަރަށް ބޭނުންވޭ މާލެ ސިޓީ ކައުންސިލްގެ ކެންޑިޑޭޓުންގެ ތެރެއިން އެމްޑީޕީގެ ހުރިހާ ކެންޑިޑޭޓުންނަށް ހުރިހާ ދާއިރާއަކުން ވޯޓު ދިނުން."
އެމްޑީޕީގެ ކުރީގެ ސެކްރެޓަރީ ޖެނެރަލް އަނަސް ވިދާޅުވީ، މާލޭގެ ރައްޔިތުން ތިބީ ވޭތުވެދިޔަ ހަތް އަހަރުގެ ތެރޭގައި ތަހައްމަލުކުރި ތުރާ ހަނދާން ނެތިފައި ނޫން ކަމަށެވެ. އެކަން ހަނދާން ކުރުމަށް ފަހު އަނަސް އެދިވަޑައިގަތީ އެމްޑީޕީގެ ލޯގޯ "ތިލަފަތަށް" ވޯޓު ދިނުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެލޮކޮސް ހަޖާމުބެ
08 April 2021
މިހާރުވެސް ސިޓީކައުންސިލް ކަލޭމެން އަތުގައި ނޫންތަ؟ ކީކޭ މިކިޔަނީ؟ 3 ައަހަރުވަނީ ރައީސްކަމަށް މަޖިލިހަށް ސިޓީކައުންސިލަށް...ކޮންކަމެއް ނުވެގެން އުޅެނީ؟
ހަލިންޓެ
07 April 2021
އަނަސް އަށް ވޯޓް ދޭންވީ ސަބަބެއް ނިކަން ދައްކަބަލަ؟ އެމްޑީޕީ ވީމަ؟ ހަމަ ގައިވެސް އެމްޑީޕީ ވެގެން ވީކަމެއްނެތް މާލެ ސިޓީއަކު ދެން އަނަސް އަކީ ކާކު ކަމެއްވެސް އަހަރުމެނަށް ނޭގޭ
ސަންޕަދަރި
06 April 2021
އޭ ކަލޯ ކަލޯގެ ކުފޫ ހަމަނުވާކަން އަމިއްލައަށް ތިޔަ އިއުތިރާފްވީ.. ކަލޯއަށް ނޭންގުނު މިއޮންހާ ދުވަހު އޮތީ ކޮންބައެއްގެ ކައުންސިލެއްކަން.. ތިޔަހުރީ މޭޔަރުކަން ލިބިފަ ދެން އަވަހަށް ބުއްފުޅި ބޮއިގެން އަރާއޮވެ ނިދާ.
މާލެ މަރިޔަބު
06 April 2021
މަ ހަނދާނެއް ނުވޭ މޑޕ ނޫންބައެއްގެ ކައުންސިލެއް އޮތް ހަނދާނެއް. މާލޭ ފަގީރުން އަދިވެސް އުޅެނީ ހަމަ އުޅޭހާލުގަ. ކޮންމެ ފަހަރަކު މޑޕ އަށް ހުރިހާ ގޮނޑިއަކާ މޭޒަކާ ފަރުނީޗަރުތައް ހުސްކޮށް ދީފަ ބޭތިއްބީމަވެސް ކޮށްދެވޭކަމެއްނެތް. މަގުތަކުގަ ކެމްޕެއިނަށް ރީދޫ ފޮތިދަމާ ދޮގުމައްޗަށް ދޮގު ހެދުން ނޫން ކަމެއް ނުކުރެވޭ. މިފަހަރު ތަފާތުވޭތޯ މުއިޒަށ
ހުޒޭ
06 April 2021
" މާލޭ ފަގީރުން އަދިވެސް އުޅެނީ ހަމަ އުޅޭހާލުގަ. " ... މިއީވެސް ކައުސިލްގެ މައްސަލައެއްތަ.
ބޯހަލާކު ތަކުރު
06 April 2021
މާލެ ސިޓީ ކައުންސިލަކީ އަބަދުވެސް އެމްޑީޕީ މެޖޯރިޓީ ކައުންސިލެއް، ކައުންސިލަށް އެންމެ ކުޑަވެގެން ނޭގޭ ކައުންސިލްދަށުގައި ހުރި ބިންތަކާ އެސެޓް ތަށްވެސް. އުޅޭ ބިދޭސީންގެ މައްސަލަވެސް ހައްލުނުވި. އަބަދު ފެންނަނީ މަގުގައި ކުލަލާފަ ކާނު ސާފު ކުރާތަން. އެއްކަމަކަށްވެސް ދާއިމީ ހައްލެއް ނުލިބޭ
ހަޑިގިއްލާ
06 April 2021
އެހެންވެ ނޫޏްތޯ ޔާމީނު ވެރިކަމު މާލެސިޓީ ކައުންސިލު ތޯލާ ފުޅިއަކަށްލާ ތާށިކޮށްފަބޭއްވީ... އަނެއްކާ މިސަރުކާރުއ އައިސް ޖަހާފަ ހުރި ހިލިހިލާތައް ނައްޓާ، ލާމަރުކަޡީ ޤާނޫންތައް އަލުންބަލުން އިސްލާހުކޮށް މުޅި ރާއްޖޭގެ ކައުންސިލްތައް މިނިވަން ކޮށް ހަގީގީ ލާމަރުކުރުމަކަށް ބަދަލުމި ކުރަނީ....
ކުނި ގޮޑު
06 April 2021
ތިޔައީ އަންނިގެ ބޯއީއެއް ތިޔަކަށް ވާނެ ކަމެއްނޯންނާނެ ތިވާނީ ހަމަތިޔަށް މާލޭ ރައްޔިތުންނޭ ހޭއަރާ 11 އަހަރު ވެއްޖެ އަނގަތަޅާތާ ހުކުރު މިސްކިތު ގޯތިތެރެ އޮތީ ކުނިގޮޑަކަށް ހަދާލާފައި މިވަރުގެ ބަޔަކަށް ފުރުސަތެއް ދޭނެ ކަމެއް ނެތް
ތަފާތު
06 April 2021
ތަފާތު ވެދާނެ. ކޮންމެ މީހަކަށް ވެސް އަނގަ އޮތިއްޔާ ހަސަރެއް އަމުނާލެވިދާނެ. ތަފާތަކަށް ކުރާނެ ކަންކަން ކިޔާދިންނަމަ ބޮޑުތަނުން ވެސް ރަނގަޅުވީސް. އުރައްޕަތެއް ނެތް ހުސް އަނގަ ތިތަޅަނީ. ތިހެން ރައީސްކަމާ މަޖިލިސް ބޮޑުތަނުން ތަފާތުކޮށް ލިބުނީމާ ވެސް ވީކަމެއް ނެތް. އަނެއްކާ ވެސް އެލަވަ. ހެޑަށް އޮޅިފަބާ؟
ޖަމަލު
06 April 2021
ދެން މިއޮށް 12 އަހަރު އެއީ ކޮން ޕާޓީއެއް. ؟ އޮޅިއްޖެ މިހަރު. ނޫނީ މަހަމަ ގަމާރީބާ؟
ާއބދ
06 April 2021
މާލޭގައި ރީނދޫ މިޔަރު އުޅޭތާ ކިތައްމެދުވަހެއް. ވީކަމެއްބުނެބަލަ
މުލޭ
06 April 2021
ހެހެހެހެ. ފެންވަރު އެނގިއްޖެ ބުރާންތިވެފައި ހުރި ވަރުވެސް އެނގިއްޖެ. ވާނުވާ ނޭނގޭކަން ވެސް އެނގިއްޖެ. ފެށުނީްްސުރެ މާލޭ ސިޓީ ކައުންސިލް ހިންގަނީ އެމްޑީޕީއިން ކަން ނޭނގުނު މީހަކަށް ވޯޓު ދޭނީވެސް ހަމަ އެކަހަލަ މީހުން.