ކަރަންޓީން ނުވެ، ދެވޭނީ ވޯޓުލާން އެކަނި. އެގޮތަށް އެހެން ރަށްރަށަށް ދާ މީހުން އެޗްޕީއޭ އިން ކަނޑައަޅާފައިވާ ޚާއްސަ އުސޫލަށް އަމަލުކުރަންޖެހޭ. ކެފޭ/ރެސްޓޯރަންޓުތަކަށް އެ މީހުން ދިއުން ވެސް މަނާ.
ޑިރެކްތަ ޖެނެރަލް އޮފް ޕަބްލިކް ހެލްތު މައިމޫނާ: ވޯޓުލާން ރަށްރަށަށް ދާން ބޭނުންވާ މީހުންނަށް ކަރަންޓީން ނުވެ ދަތުރުކުރެވޭނީ ވަކި ގޮތަކަށް އަމަލުކުރާ ގޮތެއްގެ މަތިން ކަމަށް އޭނާ ނެރުއްވި އެންގުމުގައިވޭ.
08 އެޕްރީލް 2021 - 17:38
15 comments
އަންނަ ހޮނިހިރު ދުވަހު ބާއްވާ ލޯކަލް ކައުންސިލްތަކުގެ އިންތިޚާބުގައި ވޯޓުލާން ރަށްރަށަށް ދާން ބޭނުންވާ މީހުންނަށް ކަރަންޓީނު ނުވެ، އެކަން ކުރެވޭނެ އިންތިޒާމު އެޗްޕީއޭ އިން މިއަދު ހަމަޖައްސައިދީފި އެވެ.
އިލެކްޝަންސް ކޮމިޝަންގެ އޮފިޝަލުންނަށް އެެޗްޕީއޭގެ ހުއްދަ ނެތި ބައެއް ރިސޯޓުތަކަށް އެރުމުގެ ހުއްދަ ނުލިބުނު މައްސަލަ މިއަދު ފެންމަތިވެފައި ވަނިކޮށް، އެޗްޕީއޭ އިން ދެންމެ އާންމުކުރި އެންގުމެއްގައިވާ ގޮތުން ކަރަންޓީން ވުމެއް ނެތި ވޯޓުލާން ރަށްރަށަށް ދެވޭނެ ފުރުސަތު އޮތީ އަންނަ އާދިއްތަ ދުވަހުގެ ނިޔަލަށެވެ.
އެކަމަކު، 10 ދުވަހުގެ ކަރަންޓީނާ ނުލައި ދަތުރުކުރާއިރު ޚާއްސަ އުސޫލުތަކަކަށް އަމަލުކުރަން ޖެހެ އެވެ.
އެއީ:
1- ވޯޓުލާ ސަރަހައްދު ފިޔަވައި އެހެން ތަންތަނަށް ނުދިއުން. މީގެ ތެރޭގައި ހޮޓާ، ކެފޭ، ރެސްޓޯރަންޓު ފަދަ ތަންތަން އެންގުމުގައި ވަކިން ފާހަގަކޮށްފައިވޭ.
2- ހުރުމާއި ކެއުމުގެ އިންތިޒާމު އެހެން މީހުންނާ ވަކިން ހަމަޖެހިފައި ހުންނަން ޖެހޭ.
3- މީހުންނާ ބައްދަލުކޮށް، ގޭގެ އަށް ޒިޔާރަތް ނުކުރެވޭނެ.
4- ވޯޓުލުމަށް ފަހު، ގިނަވެގެން 48 ގަޑިއިރުގެ ތެރޭގައި، އެ މީހަކު އައި ރަށަކަށް އެނބުރި ދާންޖެހޭ.
5- ވޯޓުލާން ދަތުރަށް ފެށުމުގެ ކުރިން، ދަތުރުކުރާ ތާރީޚާއި އެ ރަށެއްގައި މަޑުކުރާނެ ތަނަކާއި މުއްދަތު ރަށުގެ ކަމާބެހޭ ފަރާތަށް އެންގުން.
6- ރަށުގައި ކަރަންޓީނު ވެފައި ނުވަތަ އެކަހެރި ވެފައިވާ މީހުން، ވޯޓުލާން ކަނޑައަޅާފައިވާ ވަގުތުގައި ނުވަތަ އިލެކްޝަންސް ކޮމިޝަނުން ކަނޑައަޅާ ވަގުތުގައި ވޯޓުލުން.
ޑިރެކްޓަ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު ސޮއިކުރައްވައި ގެޒެޓް ކުރި އެންގުމުގައި ބުނީ، މި ޚާއްސަ އުސޫލުން ދަތުރުކުރެވޭނީ ވޯޓުލާން ދާ މީހުންނަށް އެކަނި ކަމަށެވެ.
މި ފަހަރުގެ ލޯކަލް ކައުންސިލްތަކުގެ އިންތިޚާބުގައި، ކޮވިޑަށް ޕޮޒިޓިވް ވެފައިވާ މީހުންނަށް ވެސް ވޯޓުލެވޭނެ ކަމަށް އިލެކްޝަންސް ކޮމިޝަނުން ވަނީ ބުނެފަ އެވެ. އެކަމަކު، އެ މީހުންނަށް ވޯޓުލެވޭނެ ގަޑިއަކީ ހޮނިހިރު ދުވަހުގެ ހަވީރު 5 އިން 6 އަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުދުބެއްޔާ
09 April 2021
ހޯމްކަރަންޓީނުގަ ތިބިމީހުންނަށް ވޯޓްލެވޭތޯއެވެ؟ ވޯޓްލެވޭނަމަ އެމީހުން ވޯޓްލާން ދާނީ ކޮންގަޑިޔަކުތޯއެވެ؟ ވަރަށް ވެދުން
އިބްރ
09 April 2021
އެންމެން މާދަމާ ފޯރީގާ ނުކުމެ އިންޑިޔާގެ އަޅުވެތިކަމާއި ދެކޮޅަށް ވޯޓްދެއްވާ. މިއީ ޤައުމީވޯޓެއް. މުޅިރާއްޖޭގެ އެކި ކަންކޮޅުތަކުގައި އިންޑިޔާ ސިފައިން ތިބެންޖެހޭ މައްސަލައެއް ނުވިސްނޭ. އަދި ރާއްޖޭގެ ސިފައިންނަށް ޙައްލު ނުކުރެވޭވަރު ބޮޑު މައްސަލައެއްވެސް ރާއްޖޭގައި ނެތްމ
ވަތުބަތާން
09 April 2021
"ކަރަންޓީން ނުވެ، ވޯޓުލާން ދެވޭނެ ގޮތް ހަމަޖައްސައިދީފި" ސުރުހީގައި މިހެން އޮތަސް، ޖެހެނީ ހަމަ ކަރަންޓީނުވާން. ޥޯޓުލާން ރަށަށް ދިއުމަށް ފަހު ހުންނަގެއިން ނިކުމެވެނީ ހަމައެކަނި ވޯޓްލާން، މީހުން ދިރިއުޅެމުންދާ ގެއަކު( ވަކި ކޮޓަރިއެއްގައިވެސް ) ނުހުރެވޭ... "ވޯޓް ކަރަންޓީނުގެ އުޞޫލު"
ަެއާރި
09 April 2021
އެމީހެއްގެ އަމިއްލަަޒިއްމާ ކޮބާތަ ހަމަކޮއްމެ ކަމެއްޖެހެނި ސަރުކާރުންތަ ބަލަން
ކޮރަލް
09 April 2021
ކޮންޓްރޯލް ކުރަނީ މަޖްލިސް ރައީސް އެވެ. ހަޅެލަވަނީ އެޗްޕީއޭ އާ ދިމާ އަށެވެ.
މުހައްމަދު ބިން މުހައްމަދު
09 April 2021
ހިތާމަކުރަން ....ތިހަޑިނުހާވާ އިސްތިއުފާ ދިންނަމަވެސް ކޮންމެވެސް ވަރެއްގެ އިހްތިރާމެއްލިބުނީސް.....
ޢިބޫ
09 April 2021
ޚޮވިޑް މަޑުޖައްސާލީތޯ ؟ ޢަޅުގަނޑަށް ހީވަނީ މައިމޫނާ ބުލީމަހެން ކޮވިޑް ނިކުންނަނީ
ހުތްއާދަނު
08 April 2021
ކޮވިޑް ފްރީ
ސަމަރޭ
08 April 2021
ސިއްހީ ހިމާޔަތަށް ވުރެ ބޭކާރު އެއްވެސް ފައިދާއެއްނުވާ ހަމަ އެކަނި ހޮވޭ މީހާގެ ޖީބަށް ބަރުވާ ލާރިގަނޑެއް ހޯދުން މުހިއްމުވީމަ ވާނެ ތި ހުރިހާ ކަމެއްވެސް.. މައިންބަފައިން މަރުވެގެން ރޮއެ އާދޭސްކޮށްގެން މޫނުވެސް ބަލާލަން ވެސް ދިޔުން މަނާ. އެކަމަކު ސިޔާސީ ކުޅި ކުޅެންވީމަ ހަމަ ހުރިހާ ކަމެއްވެސް ހުއްދަ.. ހެޔޮވެދާނެތަ މިފަދަ ކަންކަންކުރަން.. ކޮންމެ ވޯޓަކުންވެސް ނަތީޖާ ބަދަލްވެދާނޭ, ގައުމަޢްޓަކާ ވޯޓުލާށޭ ކިޔާއިރު ހަރާމުން ހަރާން ނިކަމެތި ރައްޔިތުމީހާއަށް ލިބޭ އެންމެ މޮޅެއްވެސް. ހުރިހާ ކަމެއް ހޮވޭ މީހާއަށާ އޭނަގެ އާއިލާއަށާއި އައުވާނުންނަށް.. މުހައްމަދު ނަޝީދު.މުޅި ގައުމުގައި..ދެން ތިބި ހުރިހާ އިދާރާތައް އޭނަގެ އަމުރަށް ހުރިހާ ކަމަކަށް ދީލާލައިގެން. ރައީސެއް ހުއްޓަސް ނެތް މީހެއް.. މިއަށް ވުރެ ތާކުންތާކުން ނުޖެހޭ ކަންތައްކުރާ ބަޔަކު ދުނިޔެއަށްވެސް ނޭނގެ މީގެ ކުރިން އައިކަމެއް.. ގައުމެއް މިއޮތީ..
ބޮޑުމީހާ
08 April 2021
މަންމަ ނިޔާވުމުން މޫނު ބަލާލަން ނުދެވި ޖަނާޒާގައި ބައިވެރިނުވެވި، ވޯޓެއް އަޅަން އެ ފުރުސަތު ލިބުމުން ސިޔާސީ އަވާގައި އަހަރުމެންގެ މުޖްތަމައު ޖެހިފައޮތްވަރު ވިސްނާލައްވާ!