ވޯޓު ލުން ކުރިއަށްދާ ގޮތް ބައްލަވާ ލެއްވުމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވޯޓުލުން ކުރިއަށްދާ މަރުކަޒެއްތެރޭގައި މަޑުކޮށްލައިގެން.-- ފޮޓޯ: ނިޝާން އަލީ/ މިހާރު
10 އެޕްރީލް 2021 - 13:44
37 comments
ލޯކަލް ކައުންސިލްތަކުގެ އިންތިހާބުގައި ވޯޓުލާން ނުދިއުމަކީ ހައްލެއް ނޫން ކަމަށް ރައްޔިތުންގެ މަޖިލީހުގެ ރައީސް އަދި އެމްޑީީގެ ރައީސް މުހައްމަދު ނަޝީދު ދެންމެ ވިދާޅުވެއްޖެ އެވެ.
އިންތިހާބުގެ ވޯޓުލުން ކުރިއަށް ގެންދާ ގޮތް ބެއްލެވުމަށް ފަހު، ނޫސްވެރިންނާ ވާހަކަފުޅު ދައްކަވަމުން ނަޝީދު ވިދާޅުވީ، ގައުމު ހިންގުމުގައި ހިއްސާ ވެވޭނީ ވޯޓު ދީގެން ކަމަށެވެ. އެހެންކަމުން ވީހާ ވެސް ގިނަ ބަޔަކު ވޯޓުލުމަށް އެ މަނިކުފާނު އެދިވަޑައިގަތެވެ.
ނަޝީދު މިހެން ވިދާޅުވީ މާލޭގައި ބަހައްޓާފައި ހުރި ފޮށިތަކަށް ވޯޓުލާން ދާ މީހުންގެ އަދަދު މަދުވުމާ ގުޅިގެންނެވެ.
އިލެކްޝަންސް ކޮމިޝަނުން ބުނެފައިވާ ގޮތުގައި މިއަދު މެންދުރު އެކެއް ޖެހުމާ ހަމައަށް މުޅި ރާއްޖޭގައި ވޯޓު ލާފައި ވަނީ ވޯޓު ލިބުމުގެ ހައްގު ލިބޭ މީހުންގެ 32 ޕަސެންޓު މީހުންނެވެ.
"ވޯޓު ނުދިނުމަކީ ހައްލެއް ނޫން. ގައުމު ބިނާކުރުމުގައި ހިއްސާއަކަށް ވެވޭނީ ވޯޓު ދީގެން. ގާނޫނުގައި ބުނެފައިވާ ގޮތުގައި އެއީ ރައްޔިތުންގެ މަސްއޫލިއްޔަތެއް،" މާލޭގައި ވޯޓުލުން ކުރިއަށް ގެންދާ ގޮތް ހެނދުއްސުރެ ގާތުން ބައްލަވަމުން ގެންދަވާ ނަޝީދު ވިދާޅުވި އެވެ.
އެ މަނިކުފާނު ވިދާޅުވިގޮތުގައި، ހުރިހާ ލޯކަލް ކައުންސިލް އިންތިހާބެއްގައި ވެސް މާލޭގައި ވޯޓުލާ މީހުންގެ އަދަދު މަދުކަން ފާހަގަ ކުރެއްވެ އެވެ. ގިނަ ފަހަރު ވޯޓުލާން ދަނީ 40 ޕަސެންޓު މީހުން ކަމަށް ނަޝީދު ވިދާޅުވި އެވެ.
އެ މަނިކުފާނު ވިދާޅުވީ، ކައުންސިލް އިންތިހާބުގައި ވޯޓުލާ މީހުންގެ އަދަދު މަދުވަނީ އެ ނިޒާމަށް ގިނަބަޔަކު އިތުބާރު ނުކުރާތީ ކަމަށެވެ، ނަމަވެސް މި ސަރުކާރުން ގާއިމުކުރަން ބޭނުންވާ ލާމަރުކަޒީ ނިޒާމާއެކު އުފެދޭ ފުރަތަމަ ކައުންސިލްގެ މަސައްކަތް ފެނި، އެ އިތުބާރު އުފެދޭނެ ކަމަށް ވިދާޅުވި އެވެ.
"ލާމަރުކަޒީ ނިޒާމަށް މީހުން ޝައުގުވެރިވާނީ މި ނިޒާމު ރަނގަޅަށް ހިނގާ ތަން ފެނިގެން" ނަޝީދު ވިދާޅުވި އެވެ.
އެ މަނިކުފާނު ވަނީ މިއަދުގެ އިންތިހާބު ކުރިއަށް ގެންދާ ގޮތް ބެއްލެވުމަށް ސައިކަލެއްގެ ފަހަތުގައި އެކި މަރުކަޒުތަކަށް ވަޑައިގެން، ބައެއް އާންމުންނާ ވެސް ހިޔާލު ބަދަލުކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަކުނިބޯ
10 April 2021
މިދިނީީ އިންޒާރެއް މިސާލި -1+0 ވީމާ އެމްޑީޕީއަށް -1 އަދި ކުރިއަށް އޮތް އިންތިހާބުގައި ރައްޔިތުންއެދޭ ފަދަ ބަދަލެއްގެނެސް ނުދެވިއްޖިއްޔާ -1+-1 ވީމާ 2- ވާނެ އޭރުން ހުންނާނީ ރާކަނިމަސް ކެވިފަ. ޢަހަރެމެން ބޭނުންވަނީ އޭސީޔޫ މެކޭނިޒްމް އޭކިޔާގެން ނަގާ ޖިޒި 120 ޑޮލަރ ހުއްޓަލަން އަދި ޑޮލަރ ގެ އަގުހެޔޮކުރަން ޕެމަންގެޓްވޭ ރައްޖޭގެ ބޭންކްތަކަށް ބަދަލުކުަރަން. ގެދޮރަށް ބިން ލިބެން، ދިވެހިންގެ ބާރު މިރާއްޖޭގަ އޮންނަން، ފޮރިންރެވެނިޔު ދިވެހި ރުފިޔާއިން ދޭން
ލަލީލާ
10 April 2021
ލާދީނީ މީހުން ކައިރިކޮށް ދީނީ މީހުންނަށް ފުރައްސާރަކޮށް ނަސީދު އާއި ދެކޮޅު މީހުން ޖެނީ މެންކަހަލަ އެކްޓިވިސްޓުން ދައުލަތުގެ ބޮޑު މުސާރަދީގެން އަނބުރު ކަތިލުމަކީވެސް ހައްލެއެއް ނޫން!
އޮނަރަބްލް އަފީފު ދީދީ
10 April 2021
އާދޭސްކޮށްފަ ބުނަން. މިރާއްޖެއަށް ޑިމޮކްރަސީގެންނާން މިއަށްވުރެން ރަނގަޅުފުރުސަތެއް އިތުރަށް ލިބޭނެކަމަށް މަޑުކުރައްވާނެ ކަމެއްނެތް. # ދެންވެސް އަވަސްވެގަންނާންވީ 21 ވަނަ ޤަރުނަށްފެތޭ "ބަދަލު ގެންނާން" އެކަންކުރުމަށްޓަކާ ތިޔަ "ކުދިކުދި ސަރުކާރުތައް އެއްކޮށް" ޙަޤީގީ ލާމަރުކަޒެއް ޤާއިމްކުރާން ރާއްޖެ އިދާރީ ޤާނޫނީ 3 ރީޖަނަކަށް ނުވަތަ ޕްރޮވިންސްގެ ގޮތުގައިހިންގުމަށް ޤާނޫނުއަސާސީއަށް އިސްލާޙްގެންނަވާ އެބަދަލުތަކަށް ޤާނޫނުތައް ހައްދަވާ. ހައްލަކީ އެއީ.
މުޙައްމަދު ފާތިޙް
10 April 2021
ކުދިކުދި ބައިވަރު ކައުންސިލް ތަކުގެ ބަދަލުގައި ރީޖަން ތަކަކަށް ހަދައިގެން މެނުވީ ލާމަރުކަޒުކޮށް ހިންގާން ދަތިކަމަކަށްވާނެ.
ލުތުފީ
10 April 2021
ޚާއްޞަކޮށް އެމްޑީޕީ މީހުންގެ ގިނަބަޔަކު ވޯޓލާން ނުނިކުމޭ. އެކަން އެހެންވާންހެހުނީ ސަރުކާރު ހިންގާގޮތާމެދު ހިންހަމަނުޖެހިގެން އެކަން ހާމަކުރުމުގެ ގޮތުން. މިހަގީގަތް އެބަޖެހޭ ގަބޫލުކުރަން. ޒީރޯ ޓޮލަރަންސް އޮތީ ނަމެއްގަ. ވެންޓިލޭޓަރުގެ މައްސަލައާއި އަދީބުގެ މައްސަލަޔަކީވެސް ބަޔަކު އަޑީގަތިބެގެން ކުޅޭކުޅިގަނޑެއްކަން އެންމެނަށް އެގޭ. މައްސަލައުލޭކަން އެބަޖެހޭ ގަބޫލުކުރަން.
ފޫހި
10 April 2021
ނަޝީދޫ ކަލެއަށް ރަނގަޅެއްނު ރައްޔިތުން ވޯޓްލާން ނުދިޔައިމަ. ވޯޓް ނުލައިވެސް އެތަށްގޮޑިއެއްލިބިއްޖެދޯ. ދެން މާދަމާބުނޭ ރައްޔިތުން ބުނީ ބަރުލަމާނީގެންނާށޭ. މަށަށްށޭ ތާއީދު އޮތީ. ލަދު. ރައްޔިތުން ނުނިކުތީ ޕާޓީތަށް ދެކެ ފޫހިވެގެން.
އޮނަރަބްލް އަފީފު ދީދީ
10 April 2021
އިއްޒަތްތެރި ރައީސް. ތިގޮތަށް ތިވާހަކަދެއްކުމަށް ޖާގަލިބިފައިވަނީ ރައްޔިތުން މަޖިލީހުގެ ސުޕަރމެޖޯރިޓީ އެމްޑީޕީއަށް ދީނީމާ "ތިބޭފުޅުން ލާމަރުކަޒީ ޤާނޫނު އިސްލާޙްކުރިގޮތުން" ނޫންތޯ. # ކީއްވެގެންތޯ ލާމަރުކަޒީޤާނޫނުގައި ވޯޓްލާންނުގޮސް "ގޮތް ނިންމުމަށް" ރައްޔިތުނަށް ބާރުއޮންނަގޮތަށް ވޯޓްލާންޖެހޭ އާބާދީގެ %51 ވޯޓްނުލާނަމަ (ސިމްޕަލް މެޖޯރިޓީގެ ވޯޓުން) ސިޓީތަކަށް މޭޔަރުން އިންތިޙާބުނުކުރެވޭނެ ޤާނޫނުގައިކަޑައަޅާ ރައްޔިތުންގެ ޙައްޤު ފުޅާނުކުރީ؟!
އަހުމަދުބޭ
10 April 2021
ދެން ވޯޓްލާން ދާނީ ނަމުން ޑިމޮކްރަސީ ކަމުން ޢޮޓްކްރަސީ އަށް ވެރިކަން ކޮއްދޭނެ މީހަކު ސިޔާސީ މައިދާނަށް ނުކުތް ދުވަހަކުން، މަނިކުފާން އަޅުގަނޑުމެންނަށް ގެނެސްގެން ތިޔަވިއްކަން އުޅޭ ޑީމޮކްރަސީން ގައުމުގައި ތަރައްގީ ކުރެވެނީ އިތުރަށް ކޮރަޕްސަން، 10 ބާރަ މިލިއަން ޚަރަދުކޮއްގެން މަޖްލީހަށް ކައުންސިލްތަކުގެ ގޮނޑިހޯދަން ރައްޔިތުން ކައިރީގައި ވޯޓްލާން ތިޔަސަލާން ޖަހަނީ ރައްޔިތުން މޮޔައިން ކަމަށް ދެކިގެންތޯ؟ ލާހިކެއްނޫން ވޯޓްލާން ޖެހޭވަރަށް ވޯޓްލައިފިން
ޞގފފފ
10 April 2021
މިފަހަރު ލިބޭނަތީޖާއިން ހީކުރަންފިލާވަޅެއް ލިބިގަންނާނެކަމަށް. އަހަންނަކީވެސް އެއްވެސް ސިޔާސީޕާޓީއެއްގައުޅޭ އަދި ތާއީދުކުރާވަކި ފިކުރެއް ގެންގުޅޭމީޖެއްނޫން. އެކަމަކު ކޮންމެ އިންތިހާބެއްގަވެސްވޯޓުދިނިން. މިފަހުން އަހަރެންދިން ހުރިހާވޯޓެއްވެސް ދިނީ އެމްޑީޕީއަށް. ލިބިފައޮތްއެކަމަކު ހިޔާ ފްލެޓް އަތުލިހިސާބުން އެނގިއްޖެ. އެމްޑީޕީއަކީ އަހަންނަށްފައިދާއެއް ލިބިދޭނެޕާޓީއެއްނޫންކަން. އަހަރެމެންކަހަލަ ގިނަބައެއްގެ ނުރުހުން އެމްޑީޕީއަށްއެބައޮތް ޔަގީނަސް
އުދުހޭ
10 April 2021
ސަފާރީއަކަށް އަރާ ނަޝީދު ފޫކޮޅު ތަޅުވާލިޔަސް އަދި ރައްޔިތުން ވޯޓް ނުދީފާނެ.
އުދުހޭ
10 April 2021
ވޯޓުން މަދުވުމުން އަންގައިދެނީ ވެރިކަމުގައި ތިބި ޕާޓިން ކަންކަން ކުރާގޮތާމެދު ރައްޔިތުން ނަފްރަތުވެފައިވާއިރު އިދިކޮޅު ޕާޓީއަށްވެސް ސަޕޯޓް ނުކުރާކަން. މިހާލަތުގައި ވޯޓް ދޭނެ ކޮޅެއް ނެތް. ދެކޮޅުގައިވެސް ތިބީ ވެރިކަމަށް ފެންބޮވައިގެންފައިވާ ހުދުމުހުތާރު މީހުން. ރައްޔިތުންނަށް އިހްލާސްތެރިއެއްނޫން.