ކުރިން ވެކްސިން ޖެހުމަށް ގިނަ ބަޔަކު ކިއޫގައި -- ފޮތޯ: ނިޝާން އަލީ/ މިހާރު
22 އެޕްރީލް 2021 - 13:30
5 comments
ފުރަތަމަ ޑޯޒްގެ ގޮތުގައި ޖެހި ބްރޭންޑްގެ ވެކްސިން ނޫން އެހެން ބްރޭންޑެއްގެ ވެކްސިންއެއް ދެވަނަ ޑޯޒްގެ ގޮތުގައި ދިވެއްސެއްގެ ގަޔަށް ޖެހި ކަމަށް ބުނާ މައްސަލައެއް ފެންމަތިވެއްޖެ އެވެ.
އަބްދުލްމަތީން މޫސާ ނަމަކަށް ކިޔާ މީހާގެ ގަޔަށް ފުރަތަމަ ޑޯޒްގެ ގޮތުގައި ޖަހާފައި ވަނީ ޗައިނާގެ ސިނަފޯމް ވެކްސިންކަން ސޯޝަލް މީޑީއާގައި އާންމު ކޮށްފައިވާ ވެކްސިން ކާޑުން ދައްކަ އެވެ. ކޮވިޑުން ރައްކާތެރިވުމަށް ދެވަނަ ޑޯޒްގެ ގޮތުގައި އެމީ ހާގެ ގަޔަށް ޖަހާފައި ވަނީ އިންޑިއާގެ ކޮވިޝީލްޑް ވެކްސިން އެވެ.
އޭނާ ވެކްސިން ޖަހާފައި ވަނީ ވެލާނާ އިންޓަނޭޝަނަލް އެއާޕޯޓްގައި ގާއިމުކޮށްފައިވާ ވެކްސިން ސެންޓަރުންނެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) ގެ ތަރުޖަމާނު ޑރ. ނަޒްލާ ރަފީގް ވިދާޅުވީ، އެކަން ހިނގައިދިޔަ ގޮތް މިއަދުގެ ޕްރެސް ބްރީފިންގައި ކިޔައި ދެއްވާނެ ކަމަށެވެ.
އެ މީހާގެ ގަޔަށް ދެ ބްރޭންޑްގެ ދެ ޑޯޒް ޖެހީ އޮޅުމަކުން ކަމެއް ނުވަތަ ކާޑުގައި އެގޮތަށް އޮޅިގެން ޖެހުނީ ކަމެއް ސާފެއް ނުވެ އެވެ.
ޑޮކްޓަރުން ކުރިން ބުނަމުން އައީ ރާއްޖޭގައި ދެވަނަ ޑޯޒް ޖަހައިދޭނީ، އެ މީހަކު ފުރަތަމަ ޑޯޒްގެ ގޮތުގައި ޖަހާ ބްރޭންޑްގެ ވެކްސިނުން ކަމަށެވެ. ވެކްސިން ދެމުން އައީ ވެސް އެގޮތަށެވެ. ރާއްޖޭގައި މިހާތަނަށް 285،562 މީހަކަށް ކޮވިޑް ވެކްސިން ދީފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހށނ
22 April 2021
މިކަހަލަ ފަރުވާ ކުޑަ ކިތައްމެ ކަމެއް ސިއްހީ ދާއިރާގަ ހިނގާ. މިކަން ވެސް އެގުނީ ރިކޯޑުއާއްމުކޮށް ފެންނަން އޮތީމަ.
ނައު7
22 April 2021
މިއީ މައްސަލަ އެއްނޫން. ޔޫކޭގަ މިހާރުވެސް ވެކްސިން މިކްސް ކޮއްގެން ދޭ ޑޯޒްގެ ޓްރަޔަލް އެބަ ހިނގާ.
ށަވިޔަނި
22 April 2021
ހަގީގަތުގައި ތިގޮތަށް ޖެހުމުގެ ފުރުސަތު ވަރަށް ކުޑައެވެ.
އިޔެ1
22 April 2021
ދުނިޔޭގެ ވަރަށް ގިނަ ޤައުމުތަކުގައި އެސްޓްރާ ޒެނެކާ ވެކްސިން ދިނުމުން ލޭގަނޑުވެ ފުރާނަައަށް ނުރައްކާވާތީ މަނާކުރިއިރު އެކަހަލަ ވާހަކައެއް ރާއްޖޭގައި ނުދައްކާތީ ކަންބޮޑުވޭ.
ޙަމްު8
22 April 2021
ލޭގަނޑުވަނި 10 މިލިއަަނުން އެކަކު. ޢާނމުކޮއް ދޭތެރެ ދުރުކުރަން ކާބޭހުގަ 1000 މީހުން އެކަކު ލޭގަނޑު ވުމުގެ ރިސްކު އޮވޭ.