ރައްޔިތުންގެ ކަންބޮޑުވުންތަކާ ގުޅިގެން ބައެއް މިނިސްޓްރީތަކުގެ ހިންގުމަށް މުހިއްމު ބަދަލުތަކެއް ގެންނަވާނެކަން ބައެއް ޕާޓީތަކުގެ ލީޑަރުންނަށް ވަނީ އަންގާފައި.
ރައީސް އިބްރާހިމް މުުހައްމަދު ސޯލިހު މީގެ ކުރިން ބޭއްވެވި ކެބިނެޓް ބައްދަލުވުމެއްގައި ވަޒީރުން ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް
29 އެޕްރީލް 2021 - 18:55
61 comments
ރައްޔިތުން ބަލައިގަންނަ ފަދަ މަސައްކަތްތަކަށް ހެދުމަށް ކެބިނެޓަށް ބަދަލުތަކެއް ގެންނަވާނެ ކަމުގެ އިޝާރާތެއް ރައީސް އިބްރާހިމް މުހައްމަދު ސޯލިހު މިއަދު ދެއްވައިފި އެވެ.
އެނގިފައިވާ ގޮތުގައި ރައްޔިތުންގެ ކަންބޮޑުވުންތަކާ ގުޅިގެން ބައެއް މިނިސްޓްރީތަކުގެ ހިންގުމަށް މުހިއްމު ބަދަލުތަކެއް ގެންނަވާނެކަން، މި ސަރުކާރު ކޯލިޝަންގައި ހިމެނޭ ބައެއް ޕާޓީތަކުގެ ލީޑަރުންނަށް ވަނީ ސިޓީއަކުން އަންގައިފަ އެވެ. ނަމަވެސް އޭގެ އިތުރު ތަފްސީލެއް އަދި ނުލިބެ އެވެ.
ރައީސް އޮފީހުގެ ޗީފް އޮފް ސްޓާފް، އަލީ ޒާހިރު ސޮއިކުރައްވައި ފޮނުއްވި ސިޓީގައި ބުނެފައިވަނީ ބައެއް މިނިސްޓްރީތަކުގެ ހިންގުމަށް މުހިއްމު ބަދަލުތަކެއް ގެންނަނީ ސަރުކާރުން ރައްޔިތުންނަށް ވެފައިވާ ވައުދުތައް ވީހާ ވެސް އަވަހަކަށް ފުއްދައި ރައްޔިތުން ބަލައިގަންނަ ފަދަ މަސައްކަތްތަކަށް ހެދުމަށް ކަމަށެވެ.
ކެބިނެޓަށް ބަދަލުތަކެއް ގެންނާނެ ކަމުގެ އިޝާރާތެއް ރައީސް ދެއްވިއިރު، މި މަހުގެ 10 ވަނަ ދުވަހު ބޭއްވި ލޯކަލް ކައުންސިލް އިންތިހާބުގައި، ސަރުކާރު ކޯލިޝަންގެ މައި ޕާޓީ އެމްޑީޕީއަށް މާލެ ސިޓީން ވަނީ ބޮޑު ނާކާމިޔާބީއެއް ލިބިފަ އެވެ. އެކަމާ ގުޅިގެން ރައީސް ވިދާޅުވީ މާލެއިން ނާކާމިޔާބުވީ ރައްޔިތުންގެ ކަންބޮޑުވުންތައް ހުރެގެން ކަމަށެވެ.
ރައީސް އޮފީހުގައި ބޭއްވި ނިއުސް ކޮންފަރެންސްގައި އެ މަނިކުފާނު ވިދާޅުވީ އިންތިހާބުގެ ނަތީޖާއާ މެދު ވިސްނާލަަންޖެހޭ ކަމަށެވެ. އެ ކަންކަން ބަލައި ރަނގަޅު ކުރާނެ ކަމުގެ ޔަގީންކަން ރައީސް ދެއްވި އެވެ.
މި ސަރުކާރަށް ތިން އަހަރުވެގެން ދާއިރު ތިން ވަޒީރަކު އަމިއްލައަށް އިސްތިއުފާ ދެއްވާފައި ވެ އެވެ. އެއީ ޖެންޑާ މިނިސްޓަރުގެ މަގާމުގައި ހުންނެވި އަދާލަތު ޕާޓީގެ ޝީދާތާ ޝަރީފާއި ހައުސިން މިނިސްޓަރުގެ މަގާމުގައި ހުންނެވި އެމްއާރުއެމްގެ އާމިނަތު އާތިފާ އާއި ހެލްތު މިނިސްޓަރުގެ މަގާމުގައި ހުންނެވި ޖޭޕީގެ އަބްދުﷲ އަމީނެވެ.
އޭގެ އިތުރުން ޖިންސީ ގޯނާގެ މައްސަލައިގައި ޓޫރިޒަމް މިނިސްޓަރުގެ މަގާމުން ޖޭޕީގެ އަލީ ވަހީދު ވަކިކުރެއްވިއިރު އިތުބާރު ނެތްކަމުގެ ވޯޓެއް ނަގައި ކޮމިއުނިކޭޝން މިނިސްޓަރުގެ މަގާމުން މަލީހު ޖަމާލު ވެސް ވަނީ މިދިޔަ މާޗު 1 ވަނަ ދުވަހު ވަކިކޮށްފަ އެވެ. އޭރުން ފެށިގެން އެ މިނިސްޓްރީ ހިންގުމާ ވަގުތީގޮތުން ހަވާލުވެވަޑައިގެންފައިވަނީ އިކޮނޮމިކް މިނިސްޓަރު ފައްޔާޒު އިސްމާއިލެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދީމާހު
01 May 2021
ހިޔެއްނުވޭ ވަޒީރުން ބަދަލުކުރިޔަސް ބަދަލުތަކެއް ފެންނާނެހެން. 2023 ގައި ކާމިޔާބުވުން ވަރަށް ދުރު
ހުޅުލޭ ބޮޑުމީހާ
30 April 2021
މިހާރުން މިހާރަށް މިނިސްޓަރ އަމީރު ބޭރު ކުރުމަށް ގޮވާލަން އެކަމަކު ހިޔެއްނުވޭ އެމްޑީޕީގެ މިނިސްޓަރެއް ބޭރު ކުރަން ކެރޭނެހެން. އަމީރު ޖިންމާވާން ޖެހޭނެ ވެންޓިލޭޓަރ މައްސަލައިގައި އެހާބައިވަރު ލާރި ރިލީސްކުރަން ހުއްދަދިނީމަ
އޮނަރަބްލް އަފީފު ދީދީ
30 April 2021
ލިޔެފައިވާ މެނިފެސްޓޯއަކަށް ރައްޔިތުން ވޯޓްދިނުމުން އެއަށް އަމަލުނުކުރާނެކަމަށް ކުރީގެ ވަޒީރު އަލީ ވަޙީދު އާއި މިހާރުގެ ވަޒީރުންގެތެރެއިން އަސްލަމް ފަދަ ވަޒީރުން ފާޅުގައިބުނަމުންދިޔައިރު ރައީސް އެކަމަށް ފިޔަވަޅުއެޅުއްވިނަމަ މިއަދު ތިހިސާބަށް ދާކަށް ނުޖެހޭނެ. # އަދިވެސްވަގުތު އެބައޮތް. ޤާނޫނު އަސާސީގައި ބުނެފައިވާގޮތަށް "ވަޒީރުންނަނީ ރައީސް ޙަވާލު ކުރައްވާ ކަމެއް ކުރާންޖެހޭ ބައެއް" ގެ ގޮތުގައި ބޭނުންކޮށް މެނިފެސްޓޯއާއިގެން ކުރިއަށް ވަޑައިގަންނަވާ.
ޒަރިޔަންޑް
30 April 2021
އހަރެންގެ ހިޔާލުގައި ވަކިކުރަންޖެހޭ މީހުން. ހުސަން ރަޝީދު ހަސަން ޒަހާ ނަހުލާ އަސްލަމް
އަމަލީ ހިޔާލު
30 April 2021
ކެބިނެޓެއްނޫން މައްސަލައަކީ. މައްސަލައަކީ ލީޑަޝިޕް.އިބޫ ސޯލިހު ރައީސައަކަށް ވެ ހުރެ ކޮންމެ ފަދަ ކެބިނެޓަކާ އެއްކޮށްވެސް ގައުމު ހިންގަން ހުރި ގާބިލުކަމާ ހިތްވަރާ ޖޯޝާމެދު ރައްޔިތުން އިންތިހާއަށް ޝައްކުކުރެވޭކަމަކީ މިހާރު ދޮގަކަށް ނުވާނެ!ފެންނަ މަންޒަރަކީ އިބޫ ސޯލިހު ކެބިނެޓު ފަހަތުގަ ފިލާ ހުންނަތަން.ރައްޔިތުންދެކެ ބިރުން ނުވަތަމީހާ ބޮޑާކަމުން ނުވަތަ މިޒާޖުން މަދުފަހަރެއްނޫނީއާ ރައްޔިތުންނާ މުހާތަބުވެސް ނުކުރޭ.މިއީ ލީޑަޝިޕުގެ މައްސަލައެއް.
ޕްލީސް
30 April 2021
އިންވެސްޓަރުން އަތުން ނާޖާއިޒް ފައިދާ ފާޅުގައި ނަގަމުންދާ ވަޒީރުން ބޭރުކުރޭ. ކޮރަޕްޝަނަށް ޒީރޯ ޓޮލަރެންސް ޕްލީސް
ނުކެރޭނެ
30 April 2021
ފައްޔާޒު އާއި އަމީރު ފެޔަށް ޖައްސައިފި ނަމަ ހަމަ ޔަގީނުންވެސް ކޮރަޕްޝަން ހުއްޓުވުމުގައި ކޮންމެވެސް މިންވަރެއް ހާސިލްވާނެ
ނާގާބިލް މީހުން
30 April 2021
އަމީރު އަދި އަސްލަމް ވަކި ކުރުމަށް ގޮވާލަން
ކުރިގެ ސަރުކާރު
30 April 2021
ކުރީގެ ސަރުކާރު ބެސްޓު. ޕީޕީއެމް
ޖޫލީ
30 April 2021
ބަދަލުކުރަންވީ މިނިސްޓަރުންނެއްނޫން، ކަމެއް ވާއިރަށް ކީރިތި ކުރައްވާފައި ގޮސް ބޮޑުއެދުގައި އަތް އަޅުއްވައިގެން އޮންނަވާ ރައީސް، ރައިސް އިސްތީފާ ދީ، އޭރުން ކަންކަން އަވަސްވެދާނެ، ނުރޮއި ކަންކަމާ ކުރިމަތިލާން ކެރޭ މީހަކަށް ގައުމު ހިންގަން ހަވާލުކުރަންޖެހޭ