ކޮވިޑް ޖެހޭ މީހުންގެ އަދަދު ރާއްޖޭގައި އިތުރުވުމާ ގުޅިގެން އެޗްޕީއޭއިން މާލެ ސަރަހައްދުގައި ހަވީރު 6 އިން ހެނދުނު 6 އަށް އެއްގަމު އުޅަނދު ދުއްވުން މަނާ ކުރި ދުވަސް ވަރު އިރުއޮއްސޭ ގަޑިއަށް ބްރިޖު ހުރަސް ކުރަން ކިއުހަދާފައި. ރާއްޖޭން މިއަދު ވެސް 400 އަށް ވުރެ ގިނަ މީހުންނަށް ކޮވިޑް ޖެހުނު-. ފޮޓޯ: ނިޝާން އަލީ/މިހާރު
01 މެއި 2021 - 23:54
11 comments
މިދިޔަ 24 ގަޑިއިރުގެ ތެރޭގައި ވެސް ރާއްޖޭން 400 އަށް ވުރެ ގިނަ މީހުން ކޮވިޑް-19 އަށް ޕޮޒިޓިވްވެ، ރާއްޖޭގެ އެކްޓިވް ކޭސްތަކުގެ އަދަދު 5،000 އަށް ވުރެ މައްޗަށް ހިނގައްޖެ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ އާއްމުކުރި މައުލޫމާތުގައިވާ ގޮތުން އިއްޔެ ހަވީރު 6:00 އިން ފެށިގެން މިއަދު ހަވީރު 6:00 އާ ހަމައަަށް 3،856 މީހެއްގެ ސާމްޕަލް ޓެސްޓްކުރި އިރު އޭގެ ތެރެއިން 402 މީހަކު ކޮވިޑަށް ޕޮޒިޓިވްވި އެވެ. މިއާ އެކު ރާއްޖޭގެ އެކްޓިވް ކޭސްތަކުގެ އަދަދަކީ މިހާރު 5،221 އެވެ. މިއީ އެއް ވަގުތެއްގައި ރާއްޖޭގައި ކޮވިޑް ޖެހިފައި ތިބި މީހުންގެ އަދަދު މީގެ ކުރިން ނުދާހާ މަތީ އަދަދެކެވެ.
ކޮވިޑް ޖެހިފައި މިހާރު ތިބި މީހުންގެ ތެރެއިންް 161 މީހަކު ހޮސްޕިޓަލްތަކުގައި އެޑްމިޓްކޮށްފައިވާ ކަމަށް ވެސް އެޗްޕީއޭއިން ބުންޏެވެ. އައިސީޔޫގައި މީހަކު އޮތްކަމެއް ނުވަތަ ނޫންކަމެއް އެޗްޕީއޭއަކުން ނުބުނެ އެވެ.
މިއަދުގެ ކޭސްތަކުގެ ތެރެއިން މީހުން އުޅޭ ރަށްތަކުގެ ކޭސްތަކުގެ އަދަދަކީ 179 އެކެވެ. އޭގެ ތެރެއިން 20 މީހުންނަކީ އއ. އުޅަހުގައި ތިބި މީހުންނެވެ. ގުޅިފަޅުގައި ތިބި 19 މީހަކާއި ތިލަފުށީގައި ތިބި 24 މީހަކު ވެސް މިއަދު ކޮވިޑަށް ޕޮޒިޓިވްވި މީހުންގެ ތެރޭގައި ހިމެނެ އެވެ،
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަމް
02 May 2021
މިބަލީދެ ދިފާއު އޮތީ ރައްޔިތު މީހާ އަތުގަ.ވެކްސިން ޖަހާ ދެ ޑޯޒް ހަމަކުރޭ.ގޭގާ ގިބޭ,ބޭރަށް ނުދޭ.ފޯނުން ރައްޓެހިންނާ ތިމާގެމީހުނާ ގުޅުން ބާއްވާ.
އަލިފުޅު111
02 May 2021
ބަލި އިތުރުވީމަ ކޮން އިތުވެޔޭ އަނެކެއްޗެކޭ ކިޔާކަށްތަ؟؟؟؟ މިތާ ކޮމެންޓް ކުރާމީހުންވެސް މާލޭގަ މީހުން މުޒާހަރާކުރަތީ އަނެއްކަމެއް ކުރާތީ ހީވަނީ އެހެން ކަމެއްވެގެން ތެޅޭހެން. ބަލަ މުޅި ދުނިޔޭގެ ހުރިހާ ޤައުމަކުން އިންޑިޔާ މީހުން އެތެރެކުރުމާއި ދަތުރުތައް ކެންސަލްކުރީމާ މި ރާއްޖެއިން ހަދާލީ ކަރަންޓީނު ޕެކޭޖް އިންޑިއާ މީހުންނަށް. މުޅި ހުޅުމާލެޔާ ގެސްޓް ހައުސްތައް ހުރިރަށްތައް އެޔޮށް ބަންޑުންވަނީ އިންޑިޔާ މީހުންނާ ހެދި.. އެހެންވެގެން ބަލި ފެތުރެނީ..
އަލީ1
02 May 2021
އަދިވެސް ތަންތަނަށް އެއްވާންވީ؟!
ފުރޭތަ
02 May 2021
ތި ކޮވިޑް ވެކްސިނެއް ޖެހި ފަހުން ކަންތައްވީ ބޮޑެއްނު
އަޅި
02 May 2021
ވެކްސިން ޖެހީމައޭކިޔަފަ ބަލައިނުލާ އުޅެނީ، ދެން ފެރުރޭނެތާ، ވެކްސިންޖެހިޔަސް ބަލިޖެހޭނެ
ދިރާސަތުލް
02 May 2021
ކެރަފާ ނަސީމަށް ހެލްތް މިނިސްޓަރކަން ދިން ދުވަހު ނަޝީދު ވިދާޅުވި ނޫންތޯ ތަފާތު ދައްކާނެ ކަމަށް، އެވިދާލުވި ތަފާތަކީ ކޮވިޑް ބަލި އިތުރުވަމުން ދިއުން ކަމުގައި ހުރިހާ ރައްޔިތުން ޤަބޫލު ކުރާހުށިކަމެވެ.
އަލީ1
02 May 2021
ކެރަފާނަސީމަށް އެކަނި ކުރެވޭނެ ކަމެއްނޫން އެއީ. މިހާރު އަޅާފަހުރި ފިޔަވަޅުތަކަށް ތަބާވޭ، މާސްކު އަޅާ. ގައިދުރުކަން ބަހައްަޓާ ގިނަގިނައިން އަތްދޮވޭ. އެކަން ކުރުވަން ވެސް އަންނަނ ޖެހެނީ ކެރަފާ ނަސީމުތަ؟!
ށަވިޔަނި
02 May 2021
ކޭސްތައް މަތިވިއަސް ބަލާނެކަމެއް ނެތް. މުޒާހަރާތަކާ އެއްވުންތައް ކުރިއަށް އެބަދެއެއްނޫން. މީހުންގެ ސިއްހަތާ ފުރާނަ އަށްވުރެ އެއްވުންތައް މުހިންމެއް ނޫން.
ހުރިގޮތް
02 May 2021
މިރޭވެސް ބަޔަކު އެއްވެ މުޒާހަރާ ކުރަނީއެވެ. މި ބަލި ފެތުރޭ އެންމެ އަސާސީ ގޮތަކީ ގިނަބަޔަކު އެއްވެ އުޅުމެވެ. އަނެއް ބަޔަކު ބައިހަދާފަ ބޯޅަ ނުކުޅެވިގެން. އަނެއް ބަޔަކި ގުރޫޕް ހަދައިން ރޯދަ ވީއްލުމާ ތަރާވީސް ބޭއްވުމުގައެވެ.
ޝޯމޭން
02 May 2021
ބަލިޖެހޭ ބަޔަކަށް ޖެހި ރައްޔިތުންނަށް ވާނެއެއްޗެއް ވާން ދޫކޮށްލައިފި މިސަރުކާރުން. މިތާގަ ލޮކުޑައުން ކޮށްފާނެތީ ބިރުން އުޅޭ މީހުންކައިރި ބުނެލަން ބޭނުން، އަމިއްލަ އާއިލާ މީހަކަށް ބަލި ޖެހިގެން ވެންޓިލޭޓަރަށް ލާންޖެހޭވަރުވީމަނޫނީ ތިމީހުންނަކަށް ނޭނގޭނެ މިބަލިމިއީ ކިހާވަރެއްގެ އެއްޗެއްކަމެއް. ދިރިހުރިއްޔާ ކޮންމެހާލެއްގަ ހުއްޓަސް މާދަމާ ކޮންމެސް ކަމެއް ކުރެވިދާނެ. ގަބޫލުކުރިޔަސް ނުކުރިޔަސް މާލެމިއޮތީ ލޮކުޑައުން ކުރަންވެފަ.
އިޔެ1
02 May 2021
ދުވާލަކަށް 400 ކޭސް އުޅެންޔާ ސިންގަޕޯ، ގަތަރު، ހީތްރޯ ފަދަ އެއާޕޯޓުތަކުން އަންނަ ފްލައިޓު ކެންސަލް ކުރަން އެއާލައިންތަކަށް މަޖުބޫރު ވާނެ. ކާބޯތަކެއްޗާއި ބޭހުގެ ބޮޑު ސްޓޮކެއް ހޯދާ. ބޭކާރު ހަރަދު ހުއްޓަލާއި ހުރިހާ ފޯކަސްއެއް ކަރަންޓީނު، ޓެސްޓު. ޓްރޭސް، ވެކްސިން އަދި ފަރުވާއަށް ދެއްވާ. ރަންބިސްއަޅާ ކުކުޅަކީ ބްރޭންޑެއްކަން ހަނދާންނައްތާ ނުލާ.