އެ ބަދަލަކީ، އެޑިއުކޭޝަނުން އެއްބަސްވުމާ ޚިލާފުވުމުގެ ސަބަބުން ވެފައިވާ ގެއްލުމެއްކަމާއި އެއްބަސްވުމާ ޚިލާފުވެފައިވާ ޚިލާފުވުމާ ސީދާ ގުޅުންހުރި ގެއްލުމެއް
03 މެއި 2021 - 11:56
35 comments
މަންދު ކޮލެޖު ހިންގާ މާލޭ ހައި ޕްރައިވެޓް ލިމިޓެޑަށް ގެއްލުމުގެ ބަދަލުގެ ގޮތުގައި 15 މިލިއަން ރުފިޔާ ދޭން ސިވިލް ކޯޓުގެ ޑިސްޕިއުޓް މަރުހަލާގައި އެއްބަސްވުން ދިފާއުކޮށް އެޓާނީ ޖެނެރަލް އޮފީހުން މިއަދު ބަޔާނެއް ނެރެފި އެވެ.
ކުރީގެ އެމްއީއެސް އިމާރާތުގައި ޕްރައިވެޓް އިންޓަނޭޝަނަލް ސްކޫލެއް ހިންގަން އެތަނުގެ މަސްއޫލުވެރިންނާއި މިނިސްޓްރީ އޮފް އެޑިޔުކޭޝަނާ ދެމެދު ޑިސެމްބަރު 28، 2008 ގައި ވީ އެއްބަސްވުން ފެބްރުއަރީ 6، 2010 ގައި ބަދަލުކޮށްފައި ވަނިކޮށް އެ އެއްބަސްވުން ސަރުކާރުން އުވާލީ ޖެނުއަރީ 25، 2015 ދުވަހު އެވެ. އެ މައްސަލާގައި ސިވިލް ކޯޓުން ދައުލަތާ އެއްކޮޅަށް ހުކުމް ކުރި ނަމަވެސް ހައި ކޯޓުގައި އިސްތިއުނާފުކުރުމުން ހުކުމް އައީ ދައުލަތާ ދެކޮޅަށެވެ. އަދި ގެއްލުމުގެ ބަދަލު ހޯދަން މާލޭ ހައި ކުންފުނިން ދައުވާކުރަން ހައްގު އޮންނާނެ ކަމަށް ހުކުމުގައިވެ އެވެ. ހައި ކޯޓުގެ ނިންމުން ސުޕްރީމް ކޯޓުގައި ދައުލަތުން އިސްތިއުނާފުކުރުމުން ވެސް ކާމިޔާބެއް ނުވި އެވެ.
ބަދަލު ދިނުމުގެ މައްސަލާގައި ފާޑުކިޔުން ބޮޑުވެފައި ވަނިކޮށް އެޓާނީ ޖެނެރަލްގެ އޮފީހުން ބުނީ އެ ބަދަލަކީ، އެޑިއުކޭޝަނުން އެއްބަސްވުމާ ޚިލާފުވުމުގެ ސަބަބުން ވެފައިވާ ގެއްލުމެއްކަމާއި އެއްބަސްވުމާ ޚިލާފުވެފައިވާ ޚިލާފުވުމާ ސީދާ ގުޅުންހުރި ގެއްލުމެއް ކަމަށެވެ. އަދި ލިބުނު ގެއްލުމާގުޅޭ ކިތާބީ ހެކި ނަފީކުރުމަށް ބަލާއިރު، އެކަން ކުރެވެން ވެސް ނެތް ކަމަށާއި މި މައްސަލާގައި ޝަރީއަތުން ގޮތެއް ނިންމަން މަޑުކޮށްފި ހާލަތެއްގައި އިތުރު މުއްދަތު ހޭދަ ކުރަންޖެހުމުގެ ސަބަބުން ގެއްލުމުގެ ބަދަލުގެ ގޮތުގައި ދޭންޖެހޭ އަދަދު އިތުރުވެގެން ދިއުމުގެ ފުރުސަތު ވެސް އެބަ އޮތް ކަމަށެވެ.
"މިނިސްޓްރީ އޮފް އެޑިއުކޭޝަނުން ބަޔާންކޮށްފައިވާ އަދަދު ދައުލަތުން ދައްކައި ޚަލާސްކުރާ ގޮތުގެމަތިން މި މައްސަލަ ސިވިލް ކޯޓުގެ ޑިސްޕިއުޓް ރިޒޮލިއުޝަން ޑިވިޝަނުގައި ސުލްހަވެރިކަމާ އެކު ހައްލުކުރުމަށް ދެފަރާތުން އެއްބަސްވުމަކަށް އައީ" ކަމަށް ބަޔާނުގައިވެ އެވެ.
އޭޖީ އޮފީހުން ބުނީ ގެއްލުމުގެ ގޮތުގައި ދޭން އެޑިއުކޭޝަނުން ހިސާބުކުރި ފައިސާ އަކީ އެއްބަސްވުމާ ޚިލާފަށް އެއްބަސްވުން ބާތިލުކުރުމުގެ ސަބަބުން، ކޮލެޖް އަލުން ފެށުމަށް ބޭނުންވާ އާލާތްތައް ހޯދުމަށް ހޭދަކުރަންޖެހުނު 4,317,500ރ. އާއި އެހެން އިމާރާތަކަށް ބަދަލުވާން ޖެހުމުން ކުލީގެ ގޮތުގައި ދައްކަން ޖެހުނު 10,695,000ރ. ކަމަށެވެ. އަދި މިކަމުގައި އޮޑިޓަ ޖެނެރަލް ހެދި އެސެސްމަންޓަށް ފަހު ދިން ލަފަޔަކީ ކޮންޓްރެކްޓާބެހޭ ގާނޫނުގެ 23 ވަނަ މާއްދާއަށް ރިއާޔަތްކޮށް، ކޮންޓްރެކްޓާ ޚިލާފުވުމުގެ ސަބަބުން، ލިބޭ ސީދާ ގެއްލުމުގެ ބަދަލު ކޯޓުތަކުން ނަގައި ދިނުމުގައި ކޮށްފައިވާ ހުކުމްތަކުގައި އެކަށައަޅާފައިވާ އުސޫލުތަކާއި "ފްރީޑަމް އޮފް ކޮންޓްރެޓް" އަދި "އެއްބަސްވުންތަކަކީ ތަންފީޒުވާންޖެހޭނެ އެއްޗެއް" ފަދަ ގާނޫނީ މަފްހޫމުތަކާ ތައާރުޒުވާ ލަފައެއް ކަމަށް ވެސް ބުނެފައިވެ އެވެ.
މާލޭ ހައި އިން ތަނެއް ކުއްޔަށް ހިފަން ޖެހުމަކީ، އެ ކުންފުންޏާއި މިނިސްޓްރީ އޮފް އެޑިއުކޭޝަނާ ދެމެދު ވެފައިވާ އެއްބަސްވުން ބާތިލުކުރުމުގެ ސަބަބުން ކުރިމަތިވި ގެއްލުމެއްކަމާއި އެ ގެއްލުމަކީ، ވެދާނެ ގެއްލުމެއްކަން އެއްބަސްވުމުގެ ބައިވެރިންނަށް އެނގިފައިވާނެ ގެއްލުމެއްކަަން އާދައިގެ "ސަބަބުވެރި ކޮންމެ މީހަކަށްވެސް ގަބޫލުކުރެވޭ" ކަމަށް އޭޖީ އޮފީހުން ބުންޏެވެ.
"...ނަގައިދީފައިވާ ގެއްލުމުގެ ބަދަލަކީ، މިނިސްޓްރީ އޮފް އެޑިއުކޭޝަނުން އެއްބަސްވުމާ ޚިލާފުވުމުގެ ސަބަބުން ވެފައިވާ ގެއްލުމެއްކަމާއި އަދި އެއީ، އެއްބަސްވުމާ ޚިލާފުވެފައިވާ ޚިލާފުވުމާ ސީދާ ގުޅުންހުރި ގެއްލުމެއްކަން ވެސް ފާހަގަކުރަމެވެ." ބަޔާނުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބައިއެޅޭފަގީރުނައިބު
04 May 2021
ބައިއެޅޭ ވަގުން ކަންކަން ދިފާއުކުރާނެ! އެއީ ދުނިޔޭގެ އާދަ. އެކަމަކު ވަގުން ހަދާންކުރަންވީ ވަގަކަށް ހާސް ދުވަހޭ ވެރިއކަށް އެއްދުވަހޭ. އަދާލަތުގެ ކުރިމައްޗަށް ގެނެވޭނެ. ކަސްތޮޅު އެލޭނެ. ޖަލުގެ ތޭރިތަކުގެ ބިއްދަށަށް ގަޅާލެވޭނެ! އިންޝާﷲ! ބަލަންތިބޭ.
ހޭވިހަޑި
04 May 2021
މިކިޔަނީ ދޭކަށް ނުޖެހޭނޭ. ދޭކަށް ނުޖެހޭނޭ. ބަޔަކަށް ބަދަލުއަރަނީތަ. ރައްޔިތުންގެ ފައިސާ ހިތުހުރި ބަޔަކަށް ހިތުހުރިގޮތަކަށް ދީ ތިޔަ ނިންމާލަނީ. އަނެއްކާ މީގަ އެންމެ ހެއްވާތަންކޮޅަކީ މިފައިސާ ދޭން އެއްބަސްވާ ބޮޑެތިމީހުންވެސް ތިބޭތީއޭ.
ޙަގީގަތް މިއޮތީ
04 May 2021
2007-2008ގެ ތެރޭ ޒާހިޔާ އެޑިއުކޭޝަން މިނިސްޓަރުކަމަށް ހުންނަވައިގެން މައުމޫނު ސަރުކާރު ކެބިނެޓުން އެމްއީއެސް ބިޑެއްނުކޮށް އެމްއީއެސް ފައުންޑަރ އަލީ މުސްތަފާއަށް އިތުރު 10 އަހަރަށް އިންޓަނޭޝަނަލް ސްކޫލެއްހަދަން ހަވާލުކުރަންނިންމި.ބިޑުނުކޮށް މިހެން މިކަން ކުރެވުނީ އޭރު މާލިޔަތުގާނޫނުއަދި ތަންފީޒުނުވާތީ.ނަމަވެސް އެއަށްފަހު މާލިއްޔަތުގާނޫނު ތަންފީޒުވުމަށްފަހު އިބުރާއަށް މިތަން ބިޑުނުކޮށް އަންނިސަރުކާރުން ބަދަލުވިގޮތް އޭސީސީއިން ބަލަންޖެހޭ.
ނަހަމަ
04 May 2021
އެޑިކޭޝަން ސެކްޓަރގައި މަސައްކަތްކުރާ ނިކަމެތި ފަންތީގެ މުވައްޒަފުން ހަނާ ވާއިރުވެސް މޮޅެތި ގޮތްގޮތައް ކޮންޓްރެކްޓް ހަދައިގެން ފޫ ނުބެދޭ ވަރުގެ ގެއްލުންތައް ބޮލުގައި ތިޔަ އަޅަމުން ދަނީ ==ކަރަޕްޝަންގެ ތެރެއިން== އެޑިކޭޝަން ސެކްޓަރގައި މަސައްކަތްކުރާ ނިކަމެތި ފަންތީގެ މުވައްޒަފުންގެ އޯޓީ ކޮޅު ތިކަހަލަ ހަރަދުތައް ނުކޮށް ނިކަން ދީބަލަ
ޑެރަ
04 May 2021
މާލިއްޔަތުގައި ފައިސާ ނެތޭ ކިޔަކިޔާފަ އާންމުންނަށް ދަތި ކުރަނީ، އެހެން ކަމަކުން މިކަންކަމެއް ނުފެނޭ، އިންސާފްގެ ނިޒާމުވެސް ބައިވެރިވެގެން ބައި މީހުންނަށް ބައި އަޅާ، މުސާރަ ބޮޑުކޮށް، މަގާމްތައް އުފަންކޮށް ހުސް "ސަވާބު ލިބެނިވި ހޭދަ" ކުރައްވާތަން ފެންނަނީ. ޢާންމުން ހަނާ ވަނީ.
ަވޗދ
04 May 2021
ކޮމެންޓް ތަކުން އެކަނި ވެސް މައްސަލަ ވަރަށް ސާފު. ހަބަރު ކިޔުމުގެ ބޭނުމެއް ނެތް. އިބުރާއަށް ބައި ރުފިޔާ ވެސް މިކަމުގައި ދީގެން ނުވާނެ.
88888
03 May 2021
ރާއްޖެ ދުއް އެންމެ ނާޤާބިލް އޭޖީ
ރާފިޢު
03 May 2021
އިބުރާއަށް މަންދު ކޮލެޖް ދިނީ ސުކޫލެއް ހިންގާށެވެ. ދެން އިބުރާ އެތާގައި މަންދު ކޮލެޖޭ ކިޔުއްވައިގެން ރާއްޖޭގެ ތަޢުލީމީ ނިޒާމް ހަލާކުކޮށް ފައިސާ ހޯދުމަށް ޑިގްރީއޭ ކިޔާއެއްޗެއް ސުމާރެއްނެތި ވިއްކަންހެދި ބިޔަ ސްކޭމް ފުރިހަމަނުވަނީސް އެތަން ﷲގެ އިރަަދަފުޅުން ބީވެގެން ދިޔައީއެވެ. ތިޔަވިދާޅުވާ އަދި ބަދަލުދޭން ތިޔަ ފޫގަޅާފައިވާ ތަނަކީ ރަނގަޅު ކޮލެޖެއްނަމަވެސް މައްސަލައެއްނެތެވެ. ތިމާގެ އަމިއްލަދަރިން ވައްދަން ބޭނުންނުވާ ކޮލެޖެއްނަމަ އެއީ މަކަރެވެ.
ބައިކަނޑި
03 May 2021
މަންދު ކޮލެޖުން އެއްބަސްވެފައި އޮތް މާލޭ އިންގްލިޝް ސްކޫލްގެ ނަމުގައި އެއިމާރާތުގައި ސްކޫލެއް ހިންގަން. ދައުލަތުން ބުނެދީބަލަ އެއިމާރާތުގައި އެމީހުން އެކަން ކުރިތޯ؟
ޝަފީރު
03 May 2021
އަބްދުﷲ ޤާޟީ މައްސަލާގައި ނުބައިކޮށް ކަންކަން ކުރިކަމަށްބުނެ. ޤާޟީ ހައްޔަރުކުރީ. އެކަމަކު މަންދު ކޮލެޖަށް ބަދަލުގައި ފައިސާދޭންވީމާ އެގުރިމެންޓް ބާތިލިކުރި މީހުންނަކަށް ދޭނެ އަދަބެއްނެތް. ހަމަ ފައިސާ ދިނުންނޫން ހުކުމެއް ނެރެވޭކަށްވެސްނެތް. ޢިތުރަށް ބަލާ ކޮންމެ ކަމެއްވެސް ފެންނަނީ ފައިސާދޭން. ކަންކަން ހިނގާ ދިޔަގޮތް އެންމެންގެ ލޮލަށް ފެނިފައިހުރިގޮތް އެތިބަ ގޮވާނަގަނީ. ޤެކަމަކުވެސް ހަމަ ބަދަލުދިނުންނޫންގޮތެއްނެތް. ޢަޖައިބެއްނު. ދަވާލަނީހަމަ.