ދަރުމަވަންތަ ހޮސްޕިޓަލް. ކޮވިޑް ޖެހިގެން ހާލުބޮޑުވާމީހުންނަށް ފަރުވާދޭން އެ ހޮސްޕިޓަލްގައި ހާއްސަކޮށްފައިވާ ބައި މިހާރު ވަނީ ފުރިފައި.
05 މެއި 2021 - 08:51
19 comments
ކޮވިޑް-19 ޖެހިގެން އެންމެ ބޮޑަށް ހާލުބޮޑުވާ މީހުންނަށް ފަރުވާދޭން ދަރުމަވަންތަ ހޮސްޕިޓަލުގައި ހާއްސަ ކޮށްފައިވާ އައިސީޔޫ (ޑީއެޗް-11) ފުރިފައިވާ ކަމަށް ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން ރޭ ބުނެފި އެވެ.
އެ އިދާރާގެ މީޑިއާ ބްރީފިންގައި، އައިޖީއެމްއެޗުގެ އެތެރެހަށީގެ ހާއްސަ ޑރ. މުހައްމަދު އަލީ ވިދާޅުވީ ރާއްޖެ އަށް މިހާރު މި އުޅެނީ ކޮވިޑްގެ އާ ސާޖެއް އައިސްގެން ކަމަށާއި އެހެންވެ، އެ ބަލީގައި ނާޒުކް ހާލަތަކަށް ދާ މީހުންގެ އަދަދު ވެސް އިތުރުވެފައިވާ ކަމަށެވެ.
އޭނާ ވިދާޅުވީ ދަރުމަވަންތަ ހޮސްޕިޓަލްގެ 11 ވަނަ ފަންގިފިލާގައި ހަދާފައިވާ އައިސީޔޫގައި މިހާރު ވެސް ކޮވިޑް ބަލީގެ ނުވަ މީހަކު އެޑްމިޓްކޮށްފައިވާއިރު، އޭގެ ތެރެއިން ހަ މީހަކު އޮތީ ވެންޓިލޭޓަރުގައި ކަމަށެވެ. ވެންޓިލޭޓަރަަށް ނުލާ އޮތް ތިން މީހުންގެ ތެރެެއިން އެކަކީ ޑޮކްޓަރު ވިދާޅުވިގޮތުގައި މާބަނޑު މީހެކެވެ.
"އެހެންވީމާ އެެއީ މިހާތަނަށް އަދި އަޅުގަނޑުމެނަށް ފެނިފައި ނުވާ ވަރަށް ހާލަތު ސީރިއަސް ވެފައިވާ މީހެއް،" އޭނާ ވިދާޅުވި އެވެ. ޑރ. މުހައްމަދު އަލީ ވިދާޅުވިގޮތުގައި، ކޮވިޑްގައި ހާލު ބޮޑުވެ، ވެންޓިލޭޓަރަށްލާ މީހުން ވެންޓިލޭޓަރުގައި ބާއްވަން ޖެހޭނީ ކިހާ ދުވަހަކަށް ކަން ލަފާކުރަން ނޭނގޭ ކަމަށާއި ކުރީގެ ތަޖުރިބާ އިން އެނގިފައި ވަނީ ވަރަށް ގިނަ ދުވަހު ބާއްވަން ޖެހޭކަން ކަމަށެވެ.
ހެލްތު އިމަޖެންސީ އޮޕަރޭޝަން ސެންޓަރުގައި ރޭ ބޭއްވި މީޑިއާ ބްރީފިން ގައި ޑރ. މުހައްމަދު އަލީ ވާހަކަދައްްކަވަނީ. .-- ފޮޓޯ: އެޗްއީއޯސީ
"ގިނަ ބަލި މީހުންތަކެއް މިހާ ހަމައަށް ގޮސްފި ކަމުގައި ވާ ނަމަ އަޅުގަނޑުމެންގެ ކެޕޭސިޓީ އެކްސީޑްވެގެން ހިނގައިދާނެ،" ކަންބޮޑުވުމާއެކު، ޑޮކްޓަރު ވިދާޅުވި އެވެ.
ކޮވިޑް ޖެހި ހާލުބޮޑުވެގެން ވެންޓިލޭޓަރަށްލާ މީހުން ބަލަހައްޓަން އެހެން ބަލިތަކުގެ މީހުންނަށް ވުރެ ތިން ގުނަ ހަތަރު ގުނަ އިތުރަށް ނަރުހުން ބޭނުންވާ ކަމަށް ވެސް ޑޮކްޓަރު ވިދާޅުވި އެވެ. ގިނަ އަދަދެއްގެ ބަލި މީހުން އެގޮތަށް ބަލަަހައްޓަން ޖެހިއްޖެ ނަމަ ވަސީލަތްތަތައް ހުސްވާނެ ކަމަށާއި އިންޑިއާ އިން އެ ފެނުނީ އޭގެ މިސާލެއް ކަމަށް ޑރ. މުހައްމަދު އަލީ ވިދާޅުވި އެވެ.
ރާއްޖޭގައި ކޮވިޑް ކޮންޓްރޯލް ކުރުމަށްޓަކައި އާ ފިޔަވަޅުތަކެއް މިއަދުން ފެށިގެން އަޅާނެ އެވެ. އެގޮތުން މިހާރު އިލާނުކޮށްފައިވާ ފިޔަވަޅުތަކުގެ އިތުރުން ވެސް ފިޔަވަޅުތައް ތައާރަފު ކުރުމާ މެދު މަޝްވަރާތައް އަންނަނީ ކުރަމުންނެވެ.
މިދިޔަ ދެހަފްތާ ތެރޭގައި ރާއްޖޭގައި ކޮވިޑް ކޭޭސްތައް ކުއްލިއަކަށް ވަރަށް ބޮޑަށް އިތުރުވެ، އެކްޓިވް ކޭސްތަކުގެ އަދަދު މިހާރު ވަނީ 6،000 އަށް ވުރެ ގިނަވެފަ އެވެ. އެއާ އެކު ހޮސްޕިޓަލްގައި އެޑްމިޓްކޮށްގެން ފަރުވާދެމުން އަންނަ މީހުންގެ އަދަދު މިހާރު ވަނީ 200 އާ ކައިރިވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮވިދު
05 May 2021
ތިވާހަކަ ތި ދައްކާ ގޮތުންވެސް އެބަ ސާފުވޭ ކަލޭމެން ނޫޅެ ކޭސް ގިނަވެގެން ކަންތައް ބޮޑުވެގެނެއް. ފެސިލިޓީ އިތުރުކުރާކަށް ވެސް ނޫޅެ. ހަމައެކަނި ތި ޑޮކްޓަރުން ގެ ވިސްނުން , ގިނައިން ޓެސްޓު ކުރުމަައް. އެހެންނު ވާނި ކޮންމެ ދިވެހި ޑޮކްޓަރަކު އެބަހުރޭ އަމިއްލަ ކުލިނިކެއް. ވީހާ ގިނައިން ޓެސްޓު ކުރީމަ އަވަހަށް މުއްސަދި ވާނީ. މިހާރުވެސް 4 ބިލިއަން ހަރަދު ވެއްޖެ. މީގެ ބޮޑުބައެއް އެ އީ ކޮވިޑު ޓެސްޓު. ޓެސްޓެއް ވެސް ނޫން ޓެސްޓު ކުރީމޭ ކިޔައިގެން ކަޓުވާ ބައި. ކާކަށް އެނގޭނީ ޓެސްޓު ކުރިއްޔާ ނުކުރިއްޔާ. ހަމަ އަދަދު ބުނެލީމަ ނިމުނީ.
އަޅިކެނޑި
05 May 2021
1 އަހަރުތެރޭ ކޮޥިޑަށް 4 ބިލިއަން ހަރަދު ކުރީރު އައިސީޔޫގަ ހުރީ އެންމެ 9 އެނދު؟ އެވެސް ޔާމީނު ކޮށްދީފަ ހުރިކަމުން ހުރި އެއްޗެހި. ވަރަށް ނާގާބިލް ސަރުކާރެއްމީ.
ކޮމެންޓޭ1
05 May 2021
ބިލިއަނުން ރުފިޔާ ޚާރަދު ކޮށްފަ ސަރުކާރުން މިބުނަނީ ކޮވިޑު ހާލަތު ގޯސްވީމަ ފަރުވާދޭން ހުރީ 9 އެނދޭ. އެއް އަހަރު ކުރިންވެސް ހުރީ ނުވަ އެނދު. މިއީވެސް ފަރުދީ ޒިންމާގެ ހިމެނޭ ކަމެއްބާ އަހަރުމެންބާ އައިސީޔޫ ބެޑާއި ނަރުހުން ހޯދަންވީ.
އަރުތަ
05 May 2021
ކޮމެންޓޭ1 ތިބުނީ ރަނގަޅު ވާހަކައެއް، އައިސީޔޫއާ ބެޑާ ނަރުހުން ހޯދުމަކީ އަހަރުމެންގެ ކަމެއް ނޫން، އެކަމަކު އައިސީޔޫއާ ބެޑާ ނަރުހުންގެ ޚިދުމަތަށް މިބަލީގަ ދާންޖެހޭ ޙާލަތަށް ދިއުމުގަ އަހަރުމެންގެ (އަޅުގަނޑުވެސް ހިމެނޭ ގޮތަށް) އިހުމާލު އެބައޮތް، އެއީ ފަރުދީޒިންމާ އަދާ ނުކުރެވުނީމަ ވީގޮތް މީޙަޤީޤަތް، ކޮންމެއަކަސް ވަރަށް ދެރަ.
ކަރުތަ
05 May 2021
އަރުތަ ކޮއިފުޅާ ފަރުދީ ޒިންމާ ކިޔާ ޕާޓީއެއް އެބަ އުފަންވޭ މިހާރު ތިކަމާ ކަންބޮޑުވާ ކުދިން ގިނަ ކަމުން. މިތަނުގައި ހަމައެކަނި ކޮމެންޓެއް ކޮށްލައިގެން މީހުން ހަމަޔަކަށް ނޭޅުވޭނެ. އަމަލީ ގޮތުން ކަންކަން ކޮށްގެން ވާނީ. މާސްކް ނާޅާ ޑިސްޓަންސް ނުބަހައްޓާ ތިބޭ އެންމެންނަށް މާސްކް އަޅަން ހަނދާންކޮށްދީ ދުރުމިން ބަހައްޓަން ބުނެލަދީގެން ހަމަޔަކަށް އެޅޭނީ.
ހައުކަމް
05 May 2021
ވެކްސިންޖެހީމަ ބަލީގަ ބޮޑުވަރުނުވާކަމުގެ ހެކި ތަ އެ ފެންނަނީ؟
އަލިފުޅު1111
05 May 2021
އިންޑިއާ މީހުންގޮތަށް މައިންބަފައިން މަގުމައްޗަށް މަރުވާން ދޫނުކޮށް ދެންވެސް ތަންތަންހަދާ އޮކްސިޖަން އެތެރެކުރަންވީ ނޫންތޯ؟؟؟ ރައްޓެހިންނަށް 15 މިލިޔަނުން ރުފިޔާ ބަހާފަ އަހަރެމެންނަށް ވެކްސިން ނުލިބުނުތާގަ އިންޑިއާ މީހުން އަރުވައިގެން މުޅި ރާއްޖެއަށް ކޮވިޑް ފެތުރި ސަރުކާރުގެ ޒިންމާ އޮންނާނެ... އެންމެ މަރެއްގެ ޒިންމާއިންވެސް މި ނާޤާބިލް ސަރުކާރަކަށް ސަލާމަތެއް ނުވެވޭނެ.
އަރުތަ
05 May 2021
ޑޮލަރު ހޯދަންވެގެން "ކަރަންޓީންޕެކޭޖް" ހަދައިގެން އިނޑިއާގެ މީހުނަށް ގެސްޓްހައުސް ވިއްކި މީހުން ޒިންމާ ވާކަށް ނުޖެހޭބާ! މިބަލީގަ "ޒިންމާ"އިން ރެކެވޭނީ ކާކަށްބާ!؟
އަލިބެއްޔާ
05 May 2021
މެޑިކަލް އޮކްސިޖަން މަދުވެ، ލިބުން ދަތިވެއްޖެ ޙާލަތެއްގައި ޑައިވިންގ ކުރަން ބޭނުން މިކުރާ އޮކްސިޖެން ބޭނުން ކުރެވިދާނެތޯ؟؟ މިހެން މި އެހީ އެންމެ ވޯސްޓް ކޭސް ތަކަށް ފަރުދީ ގޮތުން އަޅުގަނޑުމެން ތައްޔާރުވާން އެބަ ޖެހޭ.. މާލެއަށް ތަކެތި ފަސޭހައިން ލިބުނަސް ރައްފުށުގަ ވަރަށް އުދަގޫ ކަމެއް. ސިއްޙީ މާހިރަކު ޖަވާބު ދިނުން ރަނގަޅު..
ކޮމެންޓޭ1
05 May 2021
ޑައިވް ކުރަން އާންމު ކޮށް ބޭނުން ކުރަނީ ވައި ކޮމްޕްރެސް ކޮށްފަ. އޮކްސިޖަން އެއް ނޫން
އަހުމަދުބޭ
05 May 2021
ކުރިއާލައި 1 ހާސް މީހުންގެ ކުރިޓިކަލް ކެއާރ ޔުނިޓެއް އަވަހަށް ތައްޔާރީ ހާލަތަކަށް ގެންނަންވީ ނޫންތޯ؟ ކޭސްތަށް އިތުރުމިވަނީ ކުއްލިއަކަށް ނޫން، މެޑިކަލް މީހުންގެ ދަފްތަރެއް މުޅިރާއްޖެއިން ހަދާ، އަދި މެޑިކަލްގެ ކަންކަމުގައި އުޅޭހިއްވާ މީހުންނަށް ފުރުސަތު ހުޅުވައިލައި މެޑިކަލްގެ ބޭސިކް ކަންކަން އުގަންނާދީ ބީ ޕީ އަދި އިންޖެކްސަން ފަދަ ކަންކަމަށް މީހުން ތަމްރީނު ކުރަންވީ، އަވަހަށް މިގޮތުން މުޅިރާއްޖޭގައި ބެސިކް މެޑިކަލް ކިޔަވާދީ 5 ހާސް މީހުން އުފައްދަ
ހުސެންއަލީ
05 May 2021
ކީއްވެހޭ އެންމެ 9 އެނދު ތިތަނުގަ ހުންނަންވީ. ރައްޔިތުން ދިންހާ ލާރިކޮބާ؟
ތެދެއްމެ
05 May 2021
ކޮވިޑަށް 1 އަހަރުވާއިރު ވެންޓިލޭޓަރުތަކެއް ހޯދަން ވިސްނިއިރު އައިސީޔޫތައް ހަދާކަށް ނުވިސްނާ. ވެކްސިނަކީ ހަމަ އަވާމެންދުރެއް. އެއަށް އިތުބާރުކުރީ މާ ބޮޑަށް.
ސިއްކަމޮހޮރާ
05 May 2021
އެއް އަހަރު ދުވަސް ލިބިއްޖެ.. ހަތަރު ބިލިއަން ރުފިޔާ ހަރަދުކޮށްފި.. އެކަމަކު ކޮވިޑުގައި ހާލުބޮޑުވާ މީހުންނަށް ފަރުވާދޭން މުޅި ދިވެހިރާއްޖޭގައި މިހުރީ އެންމެ 9 އެނދު.. އަޖައިބުން އަންތަރީސް...
ފަހި
05 May 2021
ޔާމީނު އެފަދަ ތަނެއް ހަދާފަ ހުރިކަންވެސް ނަސީބެއްނު މިދުވަސް އައިއިރު.
ހޭލަ
05 May 2021
ދަރުމަވަންތަ ހޮސްޕިޓަލުގެ 25 ފޮލޯއިން އެންމެ ފޮލޯއެއްތޯ ހާލުބޮޑު މީހުންއެޑްމިޓްކުރަން އައިސީޔޫ ހެދިފަ ހުންނަންވާނީ. ބަލީގެ ކުރީކޮޅު އެންމެގޯސް ހާލަތަކަށްވެސް ތައްޔާރުވެ ހެނދު ހަމަކުރެވިފައިވާކަމަށް ބުނެފައިވޭ. ދަރުމަވަންތަގެ ގިނަ ފޮލޯތަކެއް ކޮރޯނާ ވައިރަހުގެ ބަލީމީހުންނަށް ޚާއްސަކުރެވި ފަރުވާ މިހާރަށްވުރެ ރަނގަޅުކުރަންޖެހޭކަމަށް ފެނޭ. މިހާރު ގަބޫލުކުރަންވީ ހާލަތުގޯސްވަމުންދާކަން. ކެޕެސިޓީއާއި ފެސިލލޓީ ދުރާލާ ހަމަޖައްސަންޖެހޭކަން.