ޕީޖީ ޝަމީމް: ނަޝީދަށް އަމާޒުކޮށް ދިން ބޮމުގެ ހަމަލާގައި ކޯޓުގައި ވަކާލާތު ކުރާނީ އޭނާ އަމިއްލަފުޅަށް --- ފޮޓޯ/މިހާރު
09 މެއި 2021 - 23:28
24 comments
ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް އަމާޒުކޮށް ދިން ޓެރަރިސްޓް ހަމަލާގައި ޕްރޮސެކިއުޓާ ޖެނެރަލް ހުސައިން ޝަމީމް އަމިއްލަފުޅަށް ކޯޓުގައި ވަކާލާތު ކުރައްވަން ނިންމަވައިފި އެވެ.
ސައިކަލެއްގައި ބޮމެއް ހަރުކޮށް ގޮއްވާލުމުން ނަޝީދާއި އިތުރު ބަޔަކަށް އަނިޔާވެ، ނަޝީދު ގެންދަވަނީ ހޮސްޕިޓަލްގައި ފަރުވާ ހޯއްދަވަމުންނެވެ.
ހަމަލާގެ ތުހުމަތަށް ތިން މީހަކު މިހާރު ވަނީ ހައްޔަރުކޮށްފަ އެވެ. އެކަމަކު އެ މީހުންގެ މައްޗަށް އެއްވެސް ދައުވާއެއް އަދި ނުއުފުލަ އެވެ.
ޕްރޮސެކިއުޓާ ޖެނެރަލް ޝަމީމް މިރޭ "މިހާރު" އަށް ވިދާޅުވީ އެ މައްސަލާގައި ކޯޓުގައި އޭނާ އަމިއްލައަށް ވަކާލާތު ކުރައްވަން ނިންމެވީ އެ މައްސަލާގެ ސީރިއަސްކަމަށް ބެލުމަށް ފަހު ކަމަށެވެ.
މީގެ ކުރިން ވެސް ބައެއް މައްސަލަތަކުގައި ޕީޖީގެ ހައިސިއްޔަތުން ޝަމީމް ކޯޓުގައި ވަކާލާތު ކުރެއްވި އެވެ. އެހެން ނަމަވެސް މިއީ ވަރަށް މަދު ނޫނީ ނުކުރާ ކަމެކެވެ. އާންމު އުސޫލުން ކޯޓުތަކުގައި ޕީޖީ ތަމްސީލު ކުރާނީ ޕީޖީ އޮފީހުގެ ވަކީލުންނެވެ.
މީގެކުރިން 2008 ގައި ހއ. ހޯރަފުށީގައި އޭރުގެ ރައީސް މައުމޫން އަބްދުލްގައްޔޫމަށް ވަޅިން ހަމަލާދޭން އުޅުނު މައްސަލާގައި ވެސް ދައުލަތުން ފަރާތުން ވަކާލާތު ކުރެއްވީ ޝަމީމެވެ. އޭރު ޕީޖީ އޮފީސް އުފެދިފައި ނުވާތީ ޝަމީމް އޭރު މަސައްކަތް ކުރެއްވީ އެޓާނީ ޖެނެރަލްގެ އޮފީހުގަ އެވެ. އެ މައްސަލާގައި ދައުވާލިބުނު މީހާގެ މައްޗަށް ކުށް ސާބިތުވެ، 13 އަހަރަށް ޖަލަށްލާން ހުކުމްކުރި އެވެ.
ނަޝީދަށް ހަމަލާދިން މައްސަލާގައި ހައްޔަރުކުރި ތިން މީހުންގެ މައްޗަށް ކުރަނީ ޓެރަރިޒަމްގެ ދައުވާ އެވެ. އެ މީހުން ވަނީ އެކަމުގައި ބައިވެރިވި ކަމަށް ކޯޓުން އިންކާރުކޮށްފަ އެވެ. އެކަމަކު ކޯޓުން ވަނީ އެ މީހުންގެ ބަންދަށް 15 ދުވަސް އިތުރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޫސާ މު
10 May 2021
ނިކަން އަލީ ވަހީދު ކޭސްއަށް ވަކާލާތު ކުރަންދޭބަލަ. މި ކޭސް އަލަށް ވަންނަ ކުއްޖަކައްވެެސްވާނެ
މަރޭ
10 May 2021
ބޮޑަށް ރަގަޅުވާނީ ޕީޖީ މި 3 މީހުންގެ ވަކީލަކަށް ދިޔައިއްޔާ ، ކުރިންވެސް މިފަދަ ބޮޑެތި ކުއްވެރިންގެ ވަކީލެއްނޫންތޯ ތިޔައީ
ހަގީގޭ
10 May 2021
އިތުބާރުގެއްލިފައިވާ، އިނގިލިދިއްކުރެވޭމީހެއް. ކަންތައްދާގޮތުން ވާގޮތާއި ވާނެގޮތް އެނގޭނެ.
ފައިސޫރު
10 May 2021
ފިނިފެންމާ ދޯނީގެ ދިފާއުގައި ރައީސް ޔާމީނާ ދެކޮޅަށް. އާފިޔާގެ ދިފާޢުގައި އިބްތިހާލާ ދެކޮޅަށް. ބަދަލުދިނުމުގައި ދައުލަތާ ދެކޮޅަށް. މިއީ ހައްތަހާވެސް އިވޭވާހަކަތައް. މިފަހަރުު މަނިކުފާނު ރައްޔިތުންގެ އިތުބާރު ހޯއްދަވާނެކަމަށް އުއްމީދުކުރަން.
ރަންރަން22
11 May 2021
ވަކީލެއްގެ ހައިސިއްޔަތުން ވަކާލާތު ކުރިޔަސް އެއީ އިތުބާރު ގެއްލުމެއް ނޫނެއްނު؟ ކިތަންމެ ބޮޑު ކުށެއް ކުރިޔަސް އެމީހެއްގެ ދިފާޢުގައި ވަކާލާތު ކުރާނެ ވަކީލެއް ހުރުން ލާޒިމް
ހިސްޓޯރިޔާ
10 May 2021
ތީ މާ މޮޅުމީހަކީތަ؟ އަހަރެމެން ނުދެނެތިބިން! އަބަދުވެސް އޮޅިގެން ކަނތައް ކުރެވެނީ. އެންޑީއެން ގަ މަސައްކަތއް ކުރެވުނީ އޮޅިގެން. އަދީބުގެ ވަކީލުކަން ކުރިކަން ހަދާނެއް ނުހުރޭ! ކޮންމެހެން ސްޓަންޓް ޖައްސާނެ ކަމެއް ނެތް، އަހަރެމެން ބޭނުންވަނީ ވަކާލާތުކުރަނީ ކާކުތޯ ބަލާކަށް ނޫން. ބޭނުން ވަނީ އިންސާފު. ބޭނުން ވަނީ ރައީސް ނަޝީދަށް ހަމަލާދިން ބަޔަކުހޯދި އެމީހުނަށް ގާނޫނުގާ ބުނާ އެންމެ ބޮޑު އަދަބެއް ލިބުން.
ވަހުތާން
10 May 2021
ބޮޑުޚިޔާނާތުގެ ލިސްޓަށް ނާރާތޯ؟ އެރިނަމަ މަމެންނަށް އަންގާލާތި؟
އިތުބާރެއްނެތް
10 May 2021
ކޮންމެހެން ޝޯކުޅޭނެ ކަމެއްނެތް. އިތުބާރު ގެއްލިފައި ހުރިމީހެއް ދައުލަތް ކަޅާކޮށްލި މީހުންނަށް ހިމާޔަތް ދިންމީހެއް. އިނގިލިދިގުކުރެވޭ މީހުންގެ އައުވާނެއް
ލޮލް21
10 May 2021
ލޮލް
ބަހަައުއްދީން
10 May 2021
ފަހުވަގުތު ބުނާނެ އުންސުރު ހަމަނުވެޔޭ.
ނަރުސް
10 May 2021
މިއީ ދެން ވަރަށް ސާފުކޮށް ލިބޭގޮތަށް ހެކިތައް ހުރި ކޭސް އެއްވީމަ، މޮޅުކަން ދައްކާލަނީ ދޯ؟