މޯލްޑީވްސް މަނިޓަރީ އޮތޯރިޓީ އިމާރާތް: ބޭންކުތަކާއި އެމްއެމްއޭވެސް އަންނަ ހަފުތާގައި ހުޅުވާނީ ތިން ދުވަހު ކަމަށް ވަނީ ބުނެފައި-- ފޮޓޯ: މިހާރު
14 މެއި 2021 - 18:06
1 comments
އަންނަ ހަފުތާގައި ބޭންކުތައް ހުޅުވާނީ ތިން ދުވަހު ކަމަށް އެމްއެމްއޭ އިން ބުނެފި އެވެ.
އެމްއެމްއޭ އިން ކުރި އިއުލާނެއްގައި ބުނީ އަންނަ ހަފުތާ ބޭންކު ހުޅުވައިގެން ހިދުމަތް ދެވޭނީ ހޯމަ، އަންގާރަ އަދި ބުދަ ދުވަހު ކަމަށެވެ. އެމްއެމްއޭ އިން ވެސް ހިދުމަތް ދޭނީ މި ދުވަސްތަކުގަ އެވެ.
އެމްއެމްއޭއިން ބުނީ މި ދުވަސްތަކުގައި އެތަނުން ފައިސާ ބަލައިގަނެ، ދޫކުރުމުގެ ހިދުމަތާއި ސިޓީ ބަލައިގަތުމުގެ ހިދުމަތް ދޭނީ ހެނދުނު 9:30 އިން މެންދުރު 12:00 އަށް ކަމަށެވެ. މި ވަގުތުތަކުގައި ހިދުމަތް ދޭނީ މިހާރު ވެސް ދެމުން އަންނަ ގޮތަށް އެޕޮއިންޓްމަންޓަށް ކަމަށް އެ އިދާރާ އިން ބުންޏެވެ.
ބޭންކުތަކާއި އެމްއެމްއޭ ހުޅުވާފައި ހުންނަ ވަގުތުތަކަށް ބަދަލު ގެނެސްފައިވަނީ ކޮވިޑް-19 ފެތުރުން ކޮންޓްރޯލް ކުރުމަށް އެޗްޕީއޭ އިން އަޅާފައިވާ ފިޔަވަޅުތަކާ ގުޅިގެންނެވެ. މި ދުވަސްވަރު ގޭގައި ތިބެގެން މަސައްކަތް ކުރުމަށާއި އޮންލައިންކޮށް ހިދުމަތް ހޯދަން ވަނީ އިރުޝާދު ދީފަ އެވެ.
އެމްއެމްއޭގެ އިތުރުން ރާއްޖޭގެ ހުރިހާ ބޭންކުތަކުން ވެސް ވަނީ ކޮވިޑް-19ގެ ހާލަތު ރަނގަޅުވަންދެން، އޮންލައިންކޮށް ލިބޭ ހިދުމަތްތައް އޮންލައިންކޮށް ހޯދަން އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަލް
14 May 2021
ބީއެމްއެލް އިން 9.30 އިން 12 އަށް ހިދުމަތް ނުދެ އެވެ. 11.30 ގަ ނަންބަރެއް ނަގަން އުޅުނީމަބުނީ ލިމިޓް ވެފައޭ ދެން އަނެއް މީހާ 12 ގެ ކުރީން ސިޓީ އެއް ހަވާލު ކުރަން ދިޔައީމަ ބުނީ ނަންބަރެއް ނަގާށޭ އެވެ. އެކަމު ކިޔުއާރ އިން ލިމިޓް ހަމަވީމަ 12 ގެ ކުރީން ވެސް ނަންބަރެއް ނުނެގެ އެވެ.