ކާފިއު ވަގުތުގައި ފުލުހުން މަގުމަތީގައި ބަޔަކު ހުއްޓުވަނީ: ކާފިއު ގަޑީގައި ޑެލިވަރީ ކުރަން ދޭ ހުއްދަ ވަނީ ލިމިޓް ކޮށްފައި --- ފޮޓޯ/މިހާރު
14 މެއި 2021 - 22:47
7 comments
ކާފިއު ވަގުތުތަކުގައި ޑެލިވަރީ ކުރަން ކެފޭ ރެސްޓޯރެންޓްތަކާއި ފިހާރަތަކަށް ދޭ ހުއްދަތައް ވަކި މިންވަރަށް ލިމިޓްކޮށްފި އެވެ.
ކޮވިޑް-19 އާ ގުޅިގެން ރައްކާތެރިކަމުގެ ފިޔަވަޅެއްގެ ގޮތުން ހަވީރު 4 ފެށިގެން ފަތިހު 4 އާ ދެމެދު ބޭރަށް ނިކުމެ އުޅުން ވަނީ މަނާކޮށްފަ އެވެ. އެހެން ނަމަވެސް ރޭގަނޑު 12 އާ ހަމައަށް ކެފޭ އަދި ރެސްޓޯރެންޓްތަކަށް ޑެލިވަރީ ކުރުމުގެ ހުއްދަ އޮވެ އެވެ.
އިކޮނޮމިކް މިނިސްޓްރީން މިރޭ ނެރުނު އިއުލާނެއްގައި ވަނީ މިއަދުން ފެށިގެން ކާފިއު ވަގުތުތަކުގައި މުދާ ޑެލިވަރީ ކުރުމަށް ފުލުހުން ދޭ ހުއްދަ ދޫކުރާނީ ވަކި މިންވަރަކަށް ކަމަށެވެ. މުދާ ޑެލިވަރީ ކުރާ ވިޔަފާރިތަކަށް ދޫކުރެވޭނީ ޑެލިވަރީ ކުރުމުގެ ދެ ފާހާއި އާއި ސަޕޯޓް ސްޓާފުންނަށް ދެ ފާހެވެ. ކެފޭ އަދި ރެސްޓޯރެންޓްތަކަށް ދޫކުރާނީ ޑެލިވަރީ ކުރުމުގެ ދެ ފާހާއި ސަޕޯޓް ސްޓާފުންނަށް 4 ފާހެވެ. ރަށްރަށާއި ރިސޯޓްތަކަށް މުދާ ފޯރުކޮށް ދޭ ވިޔަފާރިތަކަށް ދޫކުރަނީ ދެ ފާހެވެ އެވެ. އެ ހުއްދަ ދޫކުރާނީ ފުލުހުން ކަމަށް އެ އިއުލާނުގައިވެ އެވެ.
އެ އިއުލާނުގައިވާ ގޮތުން ރަޖިސްޓްރީ ކޮށްފައިވާ އެހެން ވިޔަފާރިތަކަށް ދޭނީ އެންމެ ފާހެކެވެ. އެ ހުއްދަ ދޫކުރާނީ އިކޮނޮމިކް މިނިސްޓްރީން ކަމަށް އެ އިއުލާނުގައިވެ އެވެ.
އެ އިއުލާނުގައިވާ ގޮތުން ކަނޑައެޅިފައިވާ އަދަދަށް ވުރެ އިތުރަށް ފާސް ބޭނުންވާ ނަމަ، މުވައްޒަފުންގެ ތަފްސީލު އެ މިނިސްޓްރީއަށް ފޮޮނުވަން ޖެހޭނެ އެވެ. އަދި އެއަށް ވުރެ އިތުރަށް ފާސް ދޫކުރެވޭނީ މަސައްކަތުގެ ބާވަތަށް ބެލުމަށްފަހު އެ މިނިސްޓްރީން ކަމަށް އެ އިއުލާނުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލޭ
16 May 2021
ކޮން ދުވަހަކުންތަ މިގައުމުގެ ބޮޑެތި ފިހާރަތައް އޮންލައިންކޮށް ޚިދްމަތްދިނުން ހަރުދަނާ ކުރާނީ؟ ރަގަޅުވާންވެގެން ބޭރަށް ނިކުންނަން ބޭނުންނުވިއަސް ގޭގަ ހުރެ ނުލިބޭތީ އެބަ ނިކުންނަންޖެހޭ.
ކާފު
15 May 2021
ތިޔަފާހެއް ހޯދައިގެން ޑެލިވަރީ ނަމުގަ ފިހާރަތަކުގަ އުޅޭކުދިން ބިޓުން ކައިރިޔަށް ޖައްސަނީ
ހޯރާގޯރީ
15 May 2021
ހުރިހާ ފިހާރަތަކެއް ބަންދުކޮށްގެން އިންސާނުން ދުރިއުޅޭނެ ގޮތެއް އެބައޮތްތޯ؟ ދިވެހިންގެ ތެރެއިން %99.5 މީހުން ސަރުކާރުގެ އެންގުންތަކަށް ބޯލަނބާ ކިޔަމަންގަނޭ. %0.5 އުޅޭނެ ވާނުވާގަ ޖާހިލުވެގެން އެކަމަކު އެހެނޭކިޔާފަ ހުރިހާ އެއްމެންގެ އިންސާނީ ހައްގު ގެއްލޭގޮތަށް ކަންކަމެއް ނުކުރެވޭނެ. ނޫސްވެރިންވެސް ތެދުމަޢޫލޫމާތުތޯ ކަށަވަރު ކުރަންޖެހޭ.
އިސްމާއިލްބެ
14 May 2021
ކިހިނެތްތަ ތިޔަ ބުނާ ފާހެއް ހޯދަން ހަދަން ޖެހެނީ؟؟
އެމްސް
14 May 2021
ބޭރަށްނިކުމެ އުޅޭގަޑީގަ ގައިގޯޅިވުން ހުއްޓުވަން ކުރެވެނީ ކީއްބާ؟
ގައިގޯޅި
15 May 2021
އޭގެ އިތުރުން މަގުމަތީ ސިގިރޭޓުބޯން ތިބޭ ގުރޫޕުތަކަށް ކޮންމެސް ގޮތެއް ހަދަންވީ. މާސްކު އަޅައިގެން ތިބޭއިރުވެސް 3 ފޫޓު ބަހައްޓައިގެން ދާއިރުވެސް އެ ދުންގަނޑު އައިސް ވަދޭ. ސިގިރޭޓުބޯން ތިބޭ މީހަކަށް ޖެހިފަ ހުރެއްޖއްޔާ ޖެހޭނެ
ނަން32
15 May 2021
ހުއްޓުވަންވީ ކަމަކީ އެއްގެއިން އަނެއް ގެޔަށް ޒިޔާރްކުރުން. އެނޫން ގޮތަކަށް ބަލި ކޮންޓްރޯލެއް ނުކުރެވޭނެ.