ކޮވިޑަށް ޕޮޒިޓިވް ވެފައިވާ 118 މީހަކު މިހާރު ވެސް އައްޑޫގައި އެބަތިބި. ބަލި ކޮންޓްރޯލް ކުރަން ކޮންމެ ދުވަހެއްގެ ހަވީރު 6 އިން ފަތިހު 4 އަށް އައްޑޫގައި އޮންނަނީ ކާފިއު ހިންގާފައި.
18 މެއި 2021 - 16:37
17 comments
އައްޑޫގައި ކޮވިޑް-19 ގެ ހާލަތު މިހާރު އޮތީ ކަންބޮޑުވާން ޖެހެހޭ ސީރިއަސް ހާލަތެއްގައި ކަމަށާއި އެހެންވެ، އެ ބަލި ކޮންޓްރޯލް ކުރަން ފުލް ލޮކްޑައުންއަކަށް ދާން ޖެހިދާނެ ކަމަށް އައްޑޫ ސިޓީ ކައުންސިލުން މިއަދު ބުނެފި އެވެ.
އާ ކައުންސިލަރުންނާއެކު ކައުންސިލުން ބޭއްވި ފުރަތަމަ ނިއުސް ކޮންފަރެންސްގައި، އިއްޔެ މަގާމުގެ ހުވާކުރެއްވި އާ މޭޔަރު އަލީ އަލީ ނިޒާރު ވިދާޅުވީ، ހާލަތު މިހާރު އޮތް ގޮތުން އައްޑޫ ލޮކްޑައުންކަށް ދާން ގިނަ ބަޔަކު ލަފާ ވެސް ދެމުން އަންނަ ކަމަށެވެ. އެކަމަކު ލޮކްޑައުންއަކަށް ދިއުމަކީ އެންމެ އުނދަގޫ ނިންމުން ކަމަށް ވާތީ މި ވަގުތު އޮތް ގޮތަކީ ބަލިން ރައްކާތެރިކަން ހޯދަން އަޅާފައިވާ ފިޔަވަޅުތަކަށް ރައްޔިތުން ވީހާ ވެސް ބޮޑަށް ބޯލެނބުން ކަމަށް ވިދާޅުވި އެވެެ.
ނިޒާރު ވިދާޅުވިގޮތުގައި، އާ ކައުންސިލަރުން މިއަދު އޮފީހަށް ނުކުމެވަޑައިގެން މިހާތަނަށް ކުރެއްވި މަސައްކަތުގެ ތެރޭގައި ވެސް ކޮވިޑާ ގުޅުން ހުރި ގިނަ ކަންކަމާ ބެހޭ ގޮތުން ކަމާބެހޭ ފަރާތްތަކާ އެކު މަޝްވަރާ ކުރެއްވި ކަމަށެވެ. އޭގެ ތެރޭގައި އައްޑޫ އިކްއަޓޯރިއަލް ހޮސްޕިޓަލް (އޭއީއެޗް) އާއި އައްޑޫ އިމަޖެންސީ އޮޕަރޭޝަން ސެންޓަރު (އީއޯސީ) އާއި ހެލްތު ޕްރޮޓެކްޝަން އެޖެންސީ (އެޗްޕީއޭ) އާއި ފުލުހުންނާއި ސިފައިންނާއި ރެޑް ކްރޮސް ފަދަ ތަންތަން ހިމެނެ އެވެ.
"އެހެންވެ ކުރިއަށް އޮތް ސައުވީސް ގަޑިއިރުގެ ތެރޭގައި އައްޑޫގައި އިތުރު ފިޔަވަޅުތަކެއް އެޅިގެންދާނެ. ކަމާ ގުޅުން ހުރި ހުރިހާ ފަރާތްތަކެއް މަޝްވަރާ ކޮށްފައި ނިންމާ ގޮތްތަކެއް ވަރަށް އަވަހަށް އާންމުކުރާނެ،" ނިޒާރު ވިދާޅުވި އެވެ.
އޭނާ ވިދާޅުވިގޮތުގައި، އައްޑޫގައި މިހާރު ވެސް ކޮވިޑަށް ޕޮޒިޓިވް ވެފައިވާ 118 މީހަކު ތިބުމަކީ ވަރަށް ސީރިއަސް ކަމެކެވެ. އެހެންވެ، އަޅާފައިވާ ފިޔަވަޅުތައް ރައްޔިތުން ލުއިކޮށް ނުނެގުމަށް އިލްތިމާސް ކުރެއްވި އެވެ. އެގޮތުން ކާފިއު އިއުލާން ކޮށްފައިވާ ގަޑިތައް ފިޔަވައި އެހެން ވަގުތުތަކުގައި ވެސް ރަށުތެރޭގައި ނޫޅުމަށާއި ފިނިބުރު ޖެހުމާއި ސައި/ކޮފީ ބޯން ނުދިއުމާއި ކުރިއެކޭ އެއްގޮތަށް އާންމު އުސޫލުން ވިޔަފާރު ކުރަން ނުދިއުމަށް މޭޔަރު އެދިވަޑައިގަތެވެ.
މި މަހުގެ 1 އިން ފެށިގެން އައްޑޫ މޮނިޓަރިންގައި އޮތް އިރު ކާފިއު ހިންގަނީ ހަވީރު 6:00 އިން ފަތިހު 4:00 އަށެވެ. އެއާ އެކު ގިނަ ފިޔަވަޅުތަކެއް މިހާތަނަށް އަޅާފައިވެ އެވެ.
މޭޔަރު ވިދާޅުވިގޮތުގައި، އެންމެ ބޮޑު އެއް މައްސަލައަކީ ކޮވިޑް ކަމަށް ވާތީ ބަލިން ކޮންޓްރޯލްކޮށް، އައްޑޫ މިކަމުން އަރައިގަނެވޭނީ ރައްޔިތުންގެ އެއްބާރުލުމާއި އެހީތެރިކަން ދީގެންނެވެ. ބަލި ކޮންޓްރޯލްކުރުމަށްޓަކައި މާލެ އާއި އައްޑުއާ ދެމެދު ދަތުރުކުރާ ބޯޓްފަހަރުތައް ބަނދަރުކުުރުމުގައި ވެސް ހާއްސަ ފިޔަވަޅުތަކެއް އަޅާނެ ކަމަށް އޭނާ ވިދާޅުވި އެވެ.
ނިޒާރު ވިދާޅުވީ، ބަލި ކޮންޓްރޯލް ނުވެ އަތުން ދޫވެއްޖެ ނަމަ އައްޑޫގެ ހާލަތު ބޮއްސުންލައި، ބަލިޖެހޭ މީހުންނަށް ފަރުވާ ދިނުމާއި އެކަމަށް ބޭނުންވާ ވަސީލަތްތަކުގެ ދަތިކަމަށް ވެސް ޖެހިދާނެ ކަމަށެވެ.
"އެހެންވީމާ މި ހުރިހާ ކަމަކަށް އެބަޖެހޭ ވިސްނަން. މުޅި އައްޑޫ ބަންދުކޮށްގެން ތިބުމަކީ ފަސޭހަ ކަމަކަށް ނުވާނެ. އޭގެ ސަބަބުން އެތައް ދައްޗެއް ރައްޔިތުންނަށް ކުރިމަތިވާނެ،" މޭޔަރު ވިދާޅުވި އެވެ.
"އެހެންވީމާ ލޮކްޑައުންއަކަށް ނުގޮސް ފަރުޖެއްސޭނީ ވެސް މިހާރު އަޅާފައިވާ ފިޔަވަޅުތަކަށް ރައްޔިތުން ބޯލަނބައިގެން. އެހެން ނޫން ކަމަށްވާ ނަމަ [މުޅި އައްޑޫ] ބަންދުކޮށްގެން ނޫން ގޮތަކަށް މިކަން ކޮންޓްރޯލެއް ނުވާނެ."
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިނބޫ
19 May 2021
ތި އީއޯސީ ގައި އާއްމު ރައްޔިތުންގެ ތެރެއިން ބަޔަކު ވެސް ހިމަނަން ޖެހޭ. މިހާރު ރައްޔިތުން ތިބެން ޖެހެނީ ވާނުވާގަ.
ސުމުއްވުލް
19 May 2021
އަލަށް މޭޔަރު ކަމަށް އާދެވުނީމާ ހުރިހާކަމެއް ވެސް އާވާނެ. ހީވާނެ ރައްޔިތުން އެދޭ ގޮތަކީ ލޮކްޑައުން ހެން. އަނެއްކޮޅުން ހަބޭހަށް ބަވާނެ ސަރުކާރަށް ޝަނގްރިލާ ނުހުޅުވައިގެން. ދެ އަނގައިގެ އަހުލުވެރިން.
މިވަރެއްނެތް
18 May 2021
އައްޑޫއަކީ މާލެކަހަލަ ތޮއްޖެހިފައިވާ ތަނެއްނޫންދޯ؟ ލޮކްޑައުން ކަހަލަ ބޯދާ ޚިޔާލުދޫކޮށްލާފަ ޓެސްޓުކުރުން އިތުރުކޮށް ޕޮސިޓިވްވާ މީހުންނާއި ޑައިރެކްޓްކޮންޓެކްޓް އެކަހެރިކޮށް މީހުން ހޭލުންތެރިކުރުމަށް ޚަރަދުކުރުމުން ނަތީޖާ މާރަނގަޅުވާނެ. ވިއެޓްނާމުން މިސާލުނަގާ. އެއީ ސަތޭކަމިލިޔަންގެ އާބާދީ އޮންނަ ފަގީރުގައުމެއް. އެކަމަކު ކޮވިޑުއެހާމަދު. އެވެރިން ކުރާކަމަކީ ގޭބިސިން، ކޮށިކޮށިން އަވަށުން ރަށު ފެންވަރުން އަދި ގައުމީ ފެންވަރުން މީހުން ހޭލުންތެރިކުރުން.
ގައިގާދުރު
19 May 2021
އެންމެ ފުރަތަަމަ ބަސް އަހާބަޔަކަށް ވެގެން މެނުވީ އެއްކަމެއްވެސް ނުވާނެ. ހައްތަހާ ވެސް ރޯނުއެދުރުން.
އެދުރުކަލޭގެފާނު
18 May 2021
އަޅާފިޔަވަޅެއް އަޅަންވާނީ ރައްޔިތުންނަށް އޭގެ މަންފާވާގޮތަށެވެ. އަދި ހަމަ އެގޮތަށް ރަށުގެ އިޤްތިސާދަށް ވީހާވެސް ލޮޅުން ކުޑަވާނެ ގޮތަކަށެވެ. ހަމަ ހުރެފައި ފިޔަވަޅު އަޅަނީޔޭ ވިދާޅުވެ، މުޅި ރަށުގެ ރައްޔިތުންނަށް އޭގެ އުދަގޫ ފޯރާނެހެން އަދި އެފިޔަވަޅުތަކަކީ ތަހައްމަލުކުރާ އުދަގުލުގެ މައްޗަށް އިތުރު އުދަގޫފޯރާނެ ފަދަ ފިޔަވަޅުތަކަކަށް ވެގެންނުވާނެއެވެ. އެހެންނޫނީ ތިޔަ ފިޔަވަޅުތަކަށް ބޯލަނބާ މީހުންނަށް ވުރެން ނުލަބާ މީހުން ގިނަވެދާނެެއެވެ.
ޙަސަނުބެ
18 May 2021
އެމް.އެމް.ޕީ.އާރު.ސީގެ ލާރިކޮޅު ކޮބާ؟
ޢައްޑޫ ކައްލަބާ
18 May 2021
ޢިއްޔެ ހުވެއި ކެރިީ މިކޯ މިދައްކަނީ ރައްޔިތުން ބަންދު ކެރާވާހަކަ ތިމާ ޖީބުގަ އެހެނިހެން ގޮތްގޮތުން ހޯދިފައިސާ އެއްކޮށް ތިމާގެ އެއްމެންނަށް ކާގެން ބޯގެން ތިބޭވޭހެއް. ޢެކަމަކި އަފިރިން ޖީބަކި ނެތޭ ފައިސާ! ޢެވަރުން ނިވެގެން ކޮންމި ދުވަހަކަށް ފްރަންޓް ލައިން އެލަވަންސް! ލޮކްޑައުން އަކީ ކޮވިޑަށް އަދަބު ދިނިންފެހޭ އެކަން ކޮށްހެން އެޔާ ހުއްޓުވަ!
ރިއްޓޭ
18 May 2021
ތިހިސާބައް ކަންތައްތައް ދާންޖެހުނީ ހަމަ ސަރުކާރުގެ ދޯހޮޅިކަމުން . ރަށުމީހާ ރަށައްދާންވީމަ ކަރަންޓީން . އެކަމަކު ޒަރޫރީ ބޭނުމެއް އޮވެޔޯ ކަރަންޓީނާނުލާ 5 ދުވަހަކުން ކޮވިޑެއް ނާރާނެޔޯ ކޮވިޑް ޖެހިފަ ހުއްޓަސް ވޯޓުލާންވީމަ ކޮވިޑެއްނާރާ ކެމްޕެއިން ކުރަންވީމަ ކޮވިޑެއްނާރާ މިހެންވީމާ މީހާ މިހާރު އެއްމެނައްކޮވިޑް
އަލްމާސް
18 May 2021
ރާއްޖޭ ގެ އެއްވެސް ތަނެއް ބަންދު ކުރުމު ގެ ބާރު ލިބިދެނީ މައިމޫނާއަށް. އެހެން މީހަކަށް އެބާރެއް ނެތް.
ބައިރޯ
18 May 2021
ކޮންމެ މީހަކު ފުއްމާއިގެން އަރާ ލޮކުޑައުންއޭ.. ބަލަ މީހުން ކައިގެން ބޮއިގެން އުޅެވޭނީ މަސްކަޔް ކޮށްގެން ތިއަވުރެ މާރަންގަޅު މާލެއަށް ދަތުރު ކުރާ ބޯޓް ފަހަރުން ބަލި ނައްއަންނާނެ ގޮތަކަށް އިންތިޒާމު ކުރިއްޔާ އޭރުން ތިބަލި ރައްރަށައް ނައަންނާނެ ނޫން މިމީހުން ސަރުކާރުންނާ އެމް. އެމް. ޕީ.އާރުސީން ލާރި ލިބިގެން ތިއްބަސް އެހެން މީހުން އެގޮތަކަށް ނޫނޭ
އޮނަރަބްލް އަފީފު ދީދީ
18 May 2021
ލޮކްޑައުން ކުރިކަމުގައިވިޔަސް ހުޅުވިފައިވާ ގަނޑިތަކުގައި އެމީހުންގެ އަމިއްލަވެހިކަލްތަކުގައި ގުޅިފައިވާއަވަށްތަކަށްދިއުމަށް ހުރަސްއެޅުމަކީ އެންމެރަނގަޅުގޮތް ކަމުގައިނުދެކެން. # ސަބަބަކީ ކ.އަތޮޅު މާލެއިން އަންނަ ބޯޓް ތަކުން މުދާ ގެނައުމަށްވެސް ދަތިތަކެއް ހުރުމާއިއެކު ފޭދޫގައި ނުހުންނަ ތަކެތި ބަލާ ހިތަދުއަށް އަދި މިގޮތަށް ހިތަދޫ އިން ނުލިބޭ ތަކެތި ގަންނާން ފޭދޫ އަށާއި މަރަދުއަށްވެސް ދާންޖެހޭތީ މިދަތުރު ތަކަށް ހުރަސް ނޭޅޭގޮތަކަށް ތިކަން ކުރާންޖެހޭ.