ގައިގެ ހަމުގައި މައްސަލައެއް އުޅޭ ނަމަ އަންގައިދޭ ޓޫލް އެއް ގޫގުލުން އިން ހަދައިފި

ހަމުގެ ހާލަތު ދަނެގަނެވޭ ޓޫލެއް ގޫގުލް އިން މި އަހަރު ތައާރަފުކުރާނެ.

އަހުމަދު އަދްޝަން، މިހާރު

20 މެއި 2021 - 07:26

ހަށިގަނޑު ހަމުގެ ހާލަތު ފަސޭހަ އިން ދެނެގަނޭވެ ޓޫލްއެއް ގޫގުލް އިން ދައްކާލައިފި އެވެ.

މިހާރު ކުރިއަށްދާ އެ ކުންފުނީގެ މި އަހަރުގެ ޑިވެލޮޕާޒް ކޮންފަރެންސްގައި ޕްރިވިއު ދައްކައިލި ޓޫލަކީ އާޓިފިޝަލް އިންޓެލިޖެންސް (އޭއައި) ގެ އެހީގައި މަސައްކަތްކުރާ އެއްޗެކެވެ. މީގައި ހަދަންޖެހޭ ގޮތަކީ ހަށިގަނޑުގެ އެއްވެސް ތަނެއްގެ ހަމުގައި މައްސަލައެއް ހުރިކަން ފާހަގަކުރެވޭ ނަމަ އެތަނެއްގެ ތިން ފޮޓޯއެއް ވަރަށް ކައިރިން ފޯނުގެ ކެމެރާ އިން ނަގާނީ އެވެ. އެއާ އެކު ހަމުގެ ވައްތަރާއި ހަމުގައި ހުރި އަލާމާތްތަކަކީ ކޮބައިކަން އެ ފޮޓޯތަކުން އެނަލައިޒްކޮށްދޭނެ އެވެ އަދި ފޮޓޯ ނެގި ތަނަށް އިޝާރާތްކޮށް، އެތަނެއްގައި ހުރި ކަމަށް ބެލެވޭ ސިއްހީ މައްސަލައެއް ހިމެނޭ ގޮތަށް 288 ހަމުގެ ބަލީގެ ލިސްޓެއް ގެނެސްދޭނެ އެވެ. އެ ލިސްޓުން އެ މައްސަލައެއް ދެނެގަންނަން ފަސޭހަކޮށް ދޭނެ އެވެ.

އެކަމަކު ގޫލް އިން ބުނީ ޓޫލްގެ މައިގަނޑު މަގުސަދަކީ ދިމާވެފައި ހުރި ސިއްހީ މައްސަލަ ކަށަވަރުކޮށް ދިނުން ނޫން ކަމަށެވެ. މަގުސަދަކީ ހަމުގައި މައްސަލައެއް އުޅޭތޯ ބަލައި އަންގައިދީ މައްސަލައެއް އުޅޭކަމުގެ އިޝާރާތެއް ދޭ ނަމަ ވީހާ ވެސް އަވަހަށް ޑޮކްޓަރެއްގެ ލަފާ ހޯދަން ހިތްވަރު ދިނުމެވެ.

2 billion people globally suffer from skin conditions. Our CE-marked AI-powered dermatology tool will help people research common skin conditions. https://t.co/Z9bwC3f6AO #GoogleIO pic.twitter.com/gMWP3dIV3z
— Google Health (@GoogleHealth) May 18, 2021

ގޫގުލް ހެލްތުގެ ޗީފް ހެލްތު އޮފިސަރު ކަރެން ޑިސަލްވޯ ވިދާޅުވީ ހަމަށް ހާއްސަ ފީޗާއެއް ގެންނަން ބޭނުންވީ ވަރަށް ގިނަ ބަޔަކު އެކަމަށް އެދެމުންދާތީ ކަމަށެވެ.

"ގޫގުލް ސާޗް މެދުވެރިކޮށް އަހަރެއްގެ ތެރޭގައި ދިހަ ބިލިއަން ވަރަކަށް ސުވާލުތައް އެބައާދޭ ހަމުގެ އެކިއެކި މައްސަލަތާ ބެހޭ ގޮތުން. އެހެންވީމާ މިހާރު ކޮށްދޭން މި އުޅޭ ކަމަކީ ގޫގުލް ސާޗުގައި މައުލޫމާތު ހޯދަން ގިނަ ވަގުތު ހޭދަކުރަން ޖެހުމުގެ ބަދަލުގައި ފަސޭހަ އިން ހަމުގެ ހާލަތު ދެނެގަނެވޭނެ ގޮތެއް ފަހިކޮށް ދިިނުން." އޭނާ ވިދާޅުވި އެވެ.

ގޫގުލް އިން ބުނި ގޮތުގައި ހަމަށް ހާއްސަ ފީޗާ ތަރައްގީކޮށްފައި ވަނީ މައްސަލަތައް ހުރި ހަމާއި ސިއްހަތު ރަނގަޅު ހަމުގެ އެތައް މައުލޫމާތެއް ބޭނުންކޮށްގެންނެވެ. އެގޮތުން މީސްމީހުންގެ ޖިންސާއި އުމުރާއި ނަސްލާއި ހަމުގެ ވައްތަރު ދެނެގަތުން ފަދަ އެތައް ކަމެއް މީގެ ތެރޭގައި ކޮށްފައިވެ އެވެ.

Using AI to help find answers to common skin conditions

Our AI-powered tool that will be available later this year helps anyone identify skin conditions using their phone’s camera.

Google

މި މަސައްކަތުގައި އަދިވެސް ގޫގުލް އެމެރިކާގެ ސްޓޭންފޯޑް ޔުނިވަސިޓީއާ އެކު މަސައްކަތްކުރަމުން އަންނަ އިރު މިކަމަށް ޔޫރަޕިއަން ޔޫނިއަންގެ އެހީ ވެސް ހޯދާފައިވެ އެވެ.

ހަމަށް ހާއްސަ ގޫގުލްގެ ޓޫލް މި އަހަރުގެ ފަހުކޮޅު ލޯންޗްކުރާނެ އެވެ.

ސިއްހަތު ގޫގްލް

1 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޯކޭ

20 May 2021

މައްސަލައަކީ ޑޮކަށް ދައްކަންވެސް ރަގަޅު ފޮޓޯއެއް ފޯނުން ނުނެގޭކަން. ކެމެރާ އޮޓޮމެޓިކުން ހަންގަނޑު ކޮސްމެޓިކްކޮށްލާ ވަރުން ހަމުގަ ހުންނަ މައްސަލަތައް ޑޮކަށް ފެންނާނެ ގޮތަށް ރަގަޅު ފޮޓޯއެއް ނުނެގޭ.