23 މެއި 2021 - 10:12
7 comments
އައްޑޫގައި ކޮވިޑް-19 ގެ ހާލަތު ވަރަށް ބޮޑަށް ގޯސްވެ، މިހާރު ކޮމިއުނިޓީ ސްޕްރެޑެއް އޮތުމުން އައްޑޫ ސިޓީ ކައުންސިލުން ދޭ ހުރިހާ ހިދުމަތެއް މިއަދުން ފެށިގެން ވަގުތީ ގޮތުން މެދުކަނޑާލައިފި އެވެ.
ކައުންސިލުން ނެރުނު ބަޔާނެއްގައި ބުނީ، ހިތަދޫގައި ހުންނަ ކައުންސިލްގެ އިދާރާގެ މައި އޮފީހާއި އެތަނުގެ ދަށުން ހިންގާ އައްޑޫގެ އަވަށު އޮފީސްތަކުގެ ހިދުމަތް ވަގުތީ ގޮތުން މެދުކަނޑައިލި ނަމަވެސް އައްޑޫ އިމަޖެންސީ އޮޕަރޭޝަން ސެންޓަރު (އީއޯސީ) އާއި ސޯޝަލް ސަޕޯޓް ޑެސްކްތަކުން ދެމުންގެންދާ ހިދުމަތްތައް މެދުކެނޑުމެއް ނެތި ލިބޭނެ ކަމަށެވެ.
"ކޮމިއުނިޓީ ސްޕްރެޑެއް އޮތުމުން، އެންމެހާ ރައްޔިތުންގެ ސަލާމަތާއި ރައްކާތެރިކަމަށްޓަކައި އައްޑޫ ސިޓީ ކައުންސިލުން ވަކި ގޮތެއް އަންގަން ދެން، އައްޑޫ ސިޓީ ކައުންސިލް އިދާރާ އާއި މި އިދާރާގެ ދަށުން ހިނގަމުންދާ އަވަށު އޮފީސްތަކުން ދެމުން ގެންދާ އެންމެހާ ހިދުމަތްތައް ދިނުންް ވަގުތީ ގޮތުން މެދުކަނޑާލުމަށް ވަނީ ނިންމައިފަ އެވެ." ކައުންސިލްގެ ބަޔާނުގައި ބުންޏެވެ.
މިދިޔަ މަހުން ފެށިގެން އައްޑޫގައި އަނެއްކާ ވެސް ކޮވިޑް ފެތުރެން ފެށުމާ ގުޅިގެން މި ސިޓީ އަށް އަރައިފޭބުން އެޗްޕީއޭ އިން ވަނީ މަނާކޮށްފަ އެވެ. އެ ފިޔަވަޅު އެޅީ މި މަހުގެ 1 އިން ފެށިގެންނެވެ.
ކައުންސިލްގެ ހިދުމަތްތައް މެދުކަނޑައިލިއިރު އާ ކައުންސިލަރުން މި މަހުގެ 17 ގައި ހުވާކުރައްވައި، ރަސްމީކޮށް މަސައްކަތްތަކަށް ނުކުންނެވީ މި މަހުގެ 18 ގަ އެވެ. އޭގެ ފަހުން ކައުންސިލަށް މިހާތަނަށް މުޅިންހެން އުޅެން ޖެހިފައި ވަނީ ކޮވިޑާ ގުޅުން ހުރި ކަންކަމުގަ އެވެ.
އައްޑޫގައި މިހާރު ކޮވިޑްގެ 163 އެކްޓިވް ކޭސް އުޅޭ އިރު، އެޑްމިޓްކޮށްގެން ހަ މީހަކަށް އަންނަނީ ފަރުވާދެމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެދުރުކަލޭގެފާނު
23 May 2021
ޚިދުމަތްތަށް ނުދޭނަމަ މުސާރަވެސް މެދުކަނޑާލަން ވާނެއެވެ. ޚިދުމަތްތަށް މެދު ކަނޑާލާއިފައި ބޮޑު އަދަދުން ރައްޔިތުންގެ ފައިސާއިން މުށްޖަހާފައި ނަގައިގެން މުސާރައާއި އެލެވެންސް ގެއަށް ގެންދިއުންވާނީ މިދަނޑިވަޅުގައި ރައްޔިތުންނަށް ދެވޭ އަނިޔާއަކަށެވެ. އައްޑޫ ސިޓީ ފަދަ ކިޔަވައިގެން އޮތް ބޮޑު އާބާދީއަކަށް މިޒަމާނުގައި ޚިދުމަތް މެދުކަނޑާ ނުލައި އޮންލައިންކޮށްވެސް ޚިދުމަތް ފޯރު ކޮށްދެވޭނެ ނޫންތޯއެވެ؟ “
ޓޮއްޓޮއް
23 May 2021
އައްޑޫ ކައުންސިލް ހާދަ ކަޑަދޯ.މާލެ ކައުންސިލް އާއި މާލޭގެ މޭޔަރ ހުންނެވީ ރައްޔިތުންގެ ހިދުމަތުގަ ބާރައް އަތް އަަނބުރާލާފަ.
ސުންބުލި
23 May 2021
ވަރުގަދަ ކަމެއް. ކޮވިޑޭ ކިޔާފަ މުސާރަ ނަގައިގެން ގޭގަ. ވަރަށް ތާހިރެއްނު.
އޮނަރަބްލް އަފީފު ދީދީ
23 May 2021
ސާބަހޭ!! ތިއޮތީ މެގަ ޕްރޮޖެކްޓް ހިންގާ ސިޓީއަށްބޭނުންވާނެ ޔޫޓުލިޓީޒް ހިދުމަތްޤާއިމްކޮށް މަގުތަކާއި ބަނދަރު ހަދާނިމި އައްޑުއަކީ ކޮމާޝަލް ކެޕިޓަލްކަމަށް ހަދާނިމިފަ. # ބަންދުކުރާންވީ ކައުންސިލް ހޯލް އެކަންޏެއްނޫން. ގޭންއެއަރޕޯޓާއި ކަނޑުގެބަނދަރުތައްވެސް ބަންދުކޮށް އަދި ސެންޓްރަލް ޕަވަަރ ހައުސްގެ ޖެނަރޭޓަރ ތައް ނިންވާލާފައި އެތަނުގެހިދުމަތްވެސް މެދުކަޑާލަންޖެހޭ. ތިއޮތީރަނގަޅަށް ސިޓީ ހިންގިފަ. ދައުރު ނިމެންދެން ތިކުދިންގެ އެކައުންޓަށް މުސާރަ ޖަމާވާނެ.
ވައްތަރު
23 May 2021
ތިވައްތަރަށް އުޅެގެން އެެއޮތީ ނައިފަރުގަ ކޮވިޑުކަންތައް ބޮއްސުންލާފަ.
ރަށިބޮޑޮމީހާ
23 May 2021
ކޮވިޑާއި އެކު އުޅެން ދަސްކޮށްދެވޭނީ މިހާވަރަށް. އޮންލައިންކޮށް ޚިދުމަތް ދެވޭކަށް ނެތް. ރައްޔިތުންވެސް ގެއަށް ވަދެ ﷲއާއި ވަކީލު ކޮށްލައިގެން ގޭގަ ތިއްބަވާ. ކައުންސިލަރުންނަށް ބަރާބަރަށް ދައުލަތުން މުސާރަ ލިބޭނެ. ކޮވިޑް ދެވަނަ ރާޅާއި އެކީ ލިބުނު އައު ކައުންސިލް ވަރަށް ހަބޭސް. ހުރިހާ ކަމެއް މިހުރީ ނިކަން ރޭވުންތެރިކަމާއި އެކީ. ފައްކާ ކައުންސިލެއް އައްޑޫއަށް މިލިބުނީ. ޝުކުރިއްޔާ ރައްޔިތުން
އެޗް އެމް.
23 May 2021
އެތަނުން ހިދުމަތެއް ލިބުނީ ކޮންދުވަހަކު؟