ރާއްޖޭގައި ކޮވިޑް-19ގެ ކޭސްތަށް ގިނަވުމާއި ގުޅިގެން މާލޭގައި އިއުލާނުކުރި ކާފިއުގެ ގަޑި ކައިރިވުމުން މަގުމައްޗަށް މީހުން ގިނަވެފައި. މިއަދު ވެސް ގިނަ ކޭސްތަކެއް ރިޕޯޓްކުރި.-- ފޮޓޯ:އަހުމަދު އަވްޝަން އިލްޔާސް/ މިހާރު
23 މެއި 2021 - 22:55
14 comments
ރާއްޖޭން ކޮވިޑަށް ޓެސްޓްކުރި ސާމްޕަލްތަކުގެ ތެރެއިން މިދިޔަ 24 ގަޑިއިރުގެ ތެރޭގައި 1،559 މީހަކު އެ ބައްޔަށް ޕޮޒިޓިވްވެފައިވާ ކަމަށް އެޗްޕީއޭ އިން މިރޭ ބުނެފި އެވެ.
އެ އިދާރާ އިން އާއްމުކުރި ތަފާސްހިސާބުތަކުގައިވާ ގޮތުން އިއްޔެ ހަވީރު 6 އިން މިއަދުގެ ހަވީރު 6 އަށް ރާއްޖޭން ކޮވިޑަށް ޓެސްޓްކުރީ 5،834 ސާމްޕަލެކެވެ. އެއާއެކު އެ ބައްޔަށް ޕޮޒިޓިވް 1،559 މީހެއްގެ ނަތީޖާ ހިމެނި ނަމަވެސް އޭގެ ތެރެއިން މިދިޔަ 24 ގަޑިއިރުގެ ތެރޭގައި ޓެސްޓްކުރީ ކިތައް މީހުން ކަމެއް ނުބުނެ އެވެެ. މީގެ ކުރިން މިވަރުގެ އަދަދުތައް ދިނުމަށް ފަހު، އެޗްޕީއޭއިން ބުނެފައި ވަނީ އޭގެ ތެރޭގައި ކުރީގެ ޓެސްޓްތަކުގެ ނަތީޖާ ނުވަތަ ބެކްލޮގް ހިމެނޭ ކަމަށެވެ.
މިރޭ އާއްކުރި މައުލޫމާތުތަކުގައިވާ ގޮތުން ކޮވިޑް ޖެހުނު ކަމަށް އަލަށް ރެކޯޑް ކުރި 1،559 މީހުންގެ ތެރޭގައި، އެ މީހުން ނިޔާވި ފަހުން އެ ބައްޔަށް ޓެސްޓުކުރި ނުވަ މީހަކު ވެސް ހިމެނެ އެވެ. އެކަމަކު އެއީ ސީދާ ކޮވިޑް ބަލީގައި ނިޔާވި ބައެއް ނޫނެވެ.
އެންމެ ފަހުގެ ތަފާސްހިސާބުތަކުގައިވާ ގޮތުން ރާއްޖޭގައި ކޮވިޑްގެ އެކްޓިވް ކޭސްތަކުގެ އަދަދަކީ 23،464 އެވެ. އެ ބަލީގައި ނިޔާވި މީހުންގެ އަދަދަކީ މިހާރު 129 އެވެ. އޭގެ ތެރޭގައި މިއަދު ނިޔާވި ހަ މީހަކު ވެސް ހިމެނެ އެވެ. ރާއްޖޭން ކޮވިޑް ޖެހުނު މީހުންގެ ޖުމުލައަކީ މިހާރު 55،924 އެވެ.
ކޮވިޑް ޖެހިފައިވާ މީހުންގެ ތެރެއިން ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުން އަންނަ މީހުންގެ އަދަކީ މިހާރު 290 އެވެ. އޭގެ ތެރެއިން އައިސީޔޫގައި އޮތީ ކިތަން މީހުން ކަމެއް ނުވަތަ ބަޔަކު އައިސީޔޫއަށް ލާފައިވާކަން ނުވަތަ ނޫންކަން މިރޭ އާއްމުކުރި މައުލޫމާތަކުން ނޭނގެ އެވެ.
ބަލިމަޑުކަމުގެ ހާލަތު ގޯސްވެފައި ވާތީ މާލެ ސަރަހައްދުގައި އަޅާ އިތުރު ފިޔަވަޅުތައް އަންނަ ބުދަ ދުވަހު އިއުލާނުކުރާނެ ކަމަށް ހެލްތު އިމަޖެންސީ އޮޕަރޭޝަން ސެންޓަރުން މިއަދު ހަވީރު ބުންޏެވެ. އެކަމަކު، ލޮކްޑައުންއަކަށް ނުދާނެކަން ކަށަވަރު ކޮށްދިނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހށނ
24 May 2021
ވެކްސިންޖަހާ ވެކްސިންޖަހާ..
ހާލަތު
24 May 2021
އަރުތަ ތިބޭފުޅާއަށް ބާރުލާފަ ރައްދު ދެވިދާނެ. މެލޭޝިއާ ލޮކްޑައުން ކުރީ ދުވާލަކު 6000 ވަރަކަށް މީހުން ޕޮޒިޓިވް ވި ހިސާބުން. 30 މިލިއަން މީހުންގެ އާބާދީއަކުން. އެ ނިސްބަތުން ބަލާނަމަ, ރާއްޖޭގަ ދުވާލަކު 100 މީހުން ޕޮޒިޓިވްވުން. އެކަމަކު އޭގެ 20 ގުނަ އިތުރަށް ދުވާލަކު ޕޮޒިޓިވްވާއިރުވެސް މި ޤައުމުގަ މިހެން މި ތިބެނީ ސިޔާސީ މީހުންނާހެދި. މިއީ ހަޤީޤަތް. ކޮވިޑް ތެރޭ އިންތިޚާބު ތައް ބޭއްވި ހުރިހާ ޤައުމެއްގަ ވެސް ކޭސްތައް އިތުރުވި. ރާއްޖެެއަށްވުރެ ނިސްބަތުން މަދުން. އެއީވެސް ހަމަ ހަޤީޤަތް. ޤަބޫލުކުރަން ބޭނުން ވިޔަސް ނުވިޔަސް މިހާލަތުގަ މި ޤައުމު މިއޮތީ ސިޔާސީ އެދުމުން ފޯވެފަ ތިބި ބަޔަކާ ހެދި.
ބަރުތަ
24 May 2021
އަރުތަ ކިތަންމެ ބައިވަރު ކޮމެންޓެއް ކުރިއަސް ހަގީގަތް އޮޅުވާނުލެވޭ ވަރަށް އެއޮތްގެން ފާޅުވަނީ. މިގައުމަށް ބިންޑިއާ ވޭރިއަންޓް އެރުވި މީހުންގެ ޒިންމާ ވަރަށް ބޮޑު. ފަރުދީ ޒިންމާތައް ހުރިގޮތައް އެތައް މަހަކު ހުއްޓާ އާ އެއްޗެއް އެރީ މިހިސާބުގެ ގައުމުތަކުގަ ބަލީގެ ވާނުވާ ބެލުމުގެ ގާބިލްކަން އެކަންކުރާ ބައެއްގެ ނެތުނީމަ. އަދި ކަންކަން ބޮއްސުންލައިގެން ދާއިރުވެސް އެންމެ ގައުމެއްގެ އެހީއަށް އެދި ގޮވަގޮވާ ތިބުމަކީ ކަމެއް ހައްލުވާނެކަމެއް ނޫން.
އަރުތަ
24 May 2021
"އާއްމުކުރި ތަފާސްހިސާބުތަކުގައިވާ ގޮތުން އިއްޔެ ހަވީރު 6 އިން މިއަދުގެ ހަވީރު 6 އަށް ރާއްޖޭން ކޮވިޑަށް ޓެސްޓްކުރީ 5،834 ސާމްޕަލެކެވެ. އެއާއެކު އެ ބައްޔަށް ޕޮޒިޓިވް 1،559 މީހެއްގެ ނަތީޖާ ހިމެނި ނަމަވެސް އޭގެ ތެރެއިން މިދިޔަ 24 ގަޑިއިރުގެ ތެރޭގައި ޓެސްޓްކުރީ ކިތައް މީހުން ކަމެއް ނުބުނެ އެވެެ". 5834 ނޫންތަ!
އޮޅުންބޮޅުން
23 May 2021
އެ 9 މޯހުންގެ ވާހަކަ އެޗްޕީއޭ އާންމުކުރާ ފޮޓޯގެ ތިރީގަ އިންނަތާ ކޮންދުވަހެއް. ކުރީ ދުވަސްތަކުގެ ފޮޓޯތައްވެސް ބަލާލަބަލަ. އެއީ މިއަދުގ 1559 ގެ ތެރޭ ހިމެނޭ ނަންބަރެއް ނޫން.
މަންދޭ
23 May 2021
މަދު ބަޔަކު ސިޔާސީ މަންފާ ހޯދަން އިލެކްޝަން ބޭއްވީ ރައްޔިތުން ނުރައްކަލަށް ވައްޓާލާފައި... މުޅި ދިވެހިރާއްޖެއަށް ކޮވިޑް ފެތުރީ އެވެރިން! މިހާރު މިއޮތީ މުޅި ގައުމު ބޮއްސުންލާފަ! ކިހާ ދެރަ ؛(
އަރުތަ
24 May 2021
އެހެންވެގެންތަ މެލޭޝިއާ އެއްކޮށް ލޮކްޑައުން ކޮށްގެން އެއުޅެނީ، މިބުނީ ރާއްޖޭގަ ކައުންސިލް އިންތިޚާބު ބޭއްވީމަހޭ، ނޫނީ އެހެން ޤައުމުތަކުގަ މިބަލި އިތުރަށް ބޮޑުވެގެން އެއުޅެނީ އިންތިޚާބު ބޭއްވީމަހޭ.
ސާދުނަާ
23 May 2021
ކޮވިޑު ގެ އަގުވައްޓައިލީ ސިޔާސީ މީހުން... މިއަދު އެމީހުންޖެހޭނެ ޒިންމާވާން. ހާއްސަކޮށް މަޖިލިސް.
އަރުތަ
24 May 2021
ދުނިޔެ ޖެހޭނީ ޒިންމާވާން، މުޅި ދުނިޔެވެސް ކޮވިޑްގެ ބަލިމަޑުކަމާ ހަނގުރާމަ ކުރަނީ.
ވެލިފުއް
23 May 2021
އެމްޑީޕީގެ ހެލްތް މިނިސްޓަރެއް ހުރީމަ ކިތޭބޮޑައް ސިއްހީ ހިދުމަތް ފެއިލްވެފަ އޮތަސް މިސަރުކާރާއި މަތިންފައިބައިތިބި އެމްޑީޕީ ރައްޔިތުންގެ މަޖިލީހައްވެސް ބޮޑު އޯކޭގައި، ހަމަ ޖެހުނުތާކުން ކާލަކާލާ ތިބެނީ ދެންވެސް ހަމަ ބަޔަކު އަތްޖަހަންވެސް ތިބޭނެ. ރަނގަޅައްދާ ހަމަ އެއްވެސް ކަމެއް ނެތްއިރުވެސް ތަންތަނައް އަރާތިބެ ނޫސްވެރިން ކުރިމަތީގައި މިވެރިންވަރު ބަޔަކު ނެތްކަމައް ފޮނިކެނޑުންނޫން ކަމެއް ނުކުރޭ ކީކޭބުނާނީ....
އަރުތަ
24 May 2021
އެމްޑީޕީއެއް ޕީޕީއެމްއެއް ބޮޑުންނެއް މަޖިލިހެކޭ ކިއާނެ ކަމެއް ނެތް، ކޮވިޑްބަލީގަ މުޅިދުނިޔެ އޮތީ ކުޑަކަކޫޖެހިފަ، އެކަމަކު އެއީ އެއްވެސް ޤައުމަކަށް އޯކޭ ވެގެނެއް ނޫން، ކުރިއަރާފަވާ ބޮޑެތި ޤައުމުތައްވެސް އޮތީ މިބަލިމަޑުކަމުގަ ވެންޓިލޭޓަރުގަ.........
ހސެން
23 May 2021
ބެކްލޮގް ވަކިން ދީފަ އެދުވަހެއްގެ އަދަދު އެދުވަހަކަށް ދެވޭވަރެއް ނުވާނެތަ؟ މިހާރު ތި ދެން ބޭކާރު އަދަދު ތަކަކަށް ވެއްޖެނު.... ބޮޑު މަސްހުނިގަޑަކަށްވެއްޖެ ތި ނަތީޖާތައްވެސް....
ލާޗާރު
23 May 2021
ދިނަސް ނުދިނަސް ފައިދާއެއް ނުވާނެ . ކަމެއްގެ މުހިއްމުކަން ނުދަންނަ ބަޔަކަށް. މިހާރު ދެން ގުނަންވީ ކޭސްއެއްނޫން. މަރުގެ އަދަދު. އަދިވެސް ބަލަން އެތިބީ ތިރިވާނޭ ކިޔަކިޔައި
އަރުތަ
24 May 2021
އިރުއަރާއިރަށް ބައިހަދާފަ ގޮސް ކޮފީމޭޒުތައް ފުރާލީމަ މަސްހުނިގަނޑަކަށް ނުވާނެ.