ސައިކަލްތަކުގައި ފުލުހުން އޭނާގެ ގެ ކައިރިއަށް ގޮސް، ވާހަކައެއް ދައްކާލަން ކަމަށް ބުނެ ތަޅައި އަނިޔާކުރި ކަމަށް އަނިޔާ ލިބުނު މީހާ ބުނޭ. އަދި ފަހުން އެހެން ތަނަކަށް ގެންގޮސްގެން ވެސް ކޮޅުފައިން ތަޅައި ހެދި ކަމަށް އޭނާ ބުނޭ.
ނައިފަރުގައި ފުލުހުންތަކެއް މީހަކަށް އަނިޔާކުރި މައްސަލާގައި އެ ރަށުގެ ބައެއް މީހުން ރުޅިގަދަވެ ފުލުހުންނާ ދެމެދު ހިނގި ހަމަނުޖެހުން
25 މެއި 2021 - 08:15
48 comments
"އަޅުގަނޑުގެ ގައިގައި އަތާއި ފައިން ވެސް ތެޅި، ކޮޅުފައިން ވެސް ތެޅި. މަރާލާނެ ކަމުގެ އިންޒާރު ވެސް ދިން،" މި މަހުގެ 16 ވަނަ ދުވަހުގެ ރޭ، ޅ. ނައިފަރުގައި ފުލުހުން އަނިޔާކުރި ކަމަށް ތުހުމަތު ކުރެވޭ މުންތަސިރު މުހަންމަދު "މިހާރު" އަށް ބުންޏެވެ.
ލިބުނު އަނިޔާތަކާއި އޭގެ ތަފުސީލުތައް ވެސް އޭނާ ވަނީ ޕޮލިހަށް ރިޕޯޓްކޮށްފަ އެވެ. އަދި މައްސަލަ ބަލަން ފުލުހުންގެ ޓީމެއް ވެސް ނައިފަރަށް ވަނީ ގޮސްފަ އެވެ. ޒުވާން މަސްވެރިޔާ، މުންތަސިރަށް އަނިޔާކުރި މައްސަލަ، ރަށުގައި ބޮޑު މައްސަލަގަނޑަކަށްވެ، އެންމެ ފަހުން ރަށުގެ ބައެއް މީހުންނާ ފުލުހުންނާ ދެމެދު ކުރިމަތިލުމަކަށް ގޮސް ފަސް މީހަކު ވަނީ ހައްޔަރުކޮށްފަ އެވެ.
ނައިފަރު ޕޮލިސް ސްޓޭޝަންގެ ފުލުހުންތަކެއް މުންތަސިރަށް އަނިޔާކުރި ކަމަށް ތުހުމަތުކުރަނީ ފުލުހެއްގެ އަންބަކު މަގުމަތިން ދަނިކޮށް، ތުނބުންފުމެ ފުރައްސާކުރި ކަމަށް ބުނެ އެވެ.
ތުނބުންފުމުނު ވާހަކަ އޭނާ ދޮގުކުރޭ!
މުންތަސިރު ބުނާ ގޮތުން، ފުލުހެއްގެ އަންބަކަށް އެއްވެސް ފުރައްސާރައެއް އޭނާ ނުކުރެ އެވެ. އެއީ އެއްވެސް ހަގީގަތެއް އޮތް ވާހަކައެއް ނޫން ކަމަށް އޭނާ ބުންޏެވެ.
ނައިފަރުގައި ފުލުހުންތަކެއް މީހަކަށް އަނިޔާކުރި މައްސަލާގައި އެ ރަށުގެ ބައެއް މީހުން ރުޅިގަދަވެ ފުލުހުންނާ ދެމެދު ހިނގި ހަމަނުޖެހުން
"އެ ރޭ ގޭގައި އޮއްވާ އަޅުގަނޑަށް ނުދަންނަ ނަންބަރަކުން ގުޅައިފައި ބުނީ ބޭރަށް ނިކުމެ ބަލާށޭ ވަރަށް އަވަހަށް. މަންމައާ އެއްކޮށް ބޭރަށް ނިކުމެ ހުއްޓާ ފަސް ސައިކަލުގައި އެ 10 ވަރަކަށް ފުލުހުން އައީ،" މުންތަސިރު ބުންޏެވެ.
އެ ރޭ 09:30 ހާއިރު އެ 10 ފުލުހުން އެންމެ ފުރަތަމަ ގޮސް މަޑުކުރީ އޭނާގެ ގެ ކައިރީގައި ހުރި ހަނި ގޯޅިގަނޑަކަށް ކަމަށާއި އެއީ ކޮން ބައެއްކަން އެނގުނީ ވެސް ގޮސް ބެލުމުން ކަމަށް މުންތަސިރު ބުންޏެވެ. އަދި އެ މީހުންނާ އަރާ ހަމަވުމުން ވާހަކައެއް ދައްކަން ދާން ހިނގާށޭ ބުނެ ސައިކަލަށް އަރުވައިގެން ގެންދިޔަ ކަމަށް ވެސް އޭނާ ބުންޏެވެ.
އަނިޔާކުރީ އެ ރަށުގެ ދެކުނު ފަރާތުގައި އޮންނަ ސިނާއީ ސަރަހައްދަށް ގެންގޮސް ކަމަށް އޭނާ ބުންޏެވެ. އަދި ފަހުން ކުނިގޮނޑު ސަރަހައްދަށް ގެންގޮސް ވެސް އޭނާ އަށް އަނިޔާކުރި ކަމަށް ބުންޏެވެ.
ވަރަށް ހަޑިހުތުރު ބަހުން އެއްޗެހި ގޮވަމުން، އެތަނުން ފުލުހަކު މުންތަސިރުގެ މޫނުމަތީގައި ތިން ފަހަރު ޖެހި ކަމަށާއި އަދި އެންމެ ފަހު ފަހަރު ޖެހުމުން ބިންމައްޗަށް ވެއްޓުނު ކަމަށް އޭނާ ބުންޏެވެ. އަދި ވެއްޓުމުން އެ ހުރިހާ ފުލުހުން ވެގެން އޭނާގެ ގައިގައި ފައިންނާއި އަތުން ތެޅި ކަމަށް ވެސް ބުންޏެވެ.
ނައިފަރުގައި ފުލުހުންތަކެއް މީހަކަށް އަނިޔާކުރި މައްސަލާގައި އެ ރަށުގެ ބައެއް މީހުން ރުޅިގަދަވެ ފުލުހުންނާ ދެމެދު ހިނގި ހަމަނުޖެހުން
"އަޅުގަނޑު ތަކުރާރުކޮށް އެދުނިން ވެގެން އުޅޭ ގޮތް އޮޅުން ފިލުވައިދޭށޭ. ބުނިން މީހަކަށް ގެއްލުމެއް ދީގެންހޭ ނޫނީ މީހަކު އަތުން ފޭރިގެންހޭ ނޫނީ މީހެއް ގައިގައި ތަޅައިގަނެގެންހޭ ތިއުޅެނީ،" އެހެން ބުނުމުން "ކަލެޔަށް އޭނގޭނެއޭ" ބުނެ އިތުރަށް އަނިޔާކުރި ކަމަށް މުންތަސިރު ބުންޏެވެ.
އޭނާ ބުނީ އެ ރޭ ލިބުނު އަނިޔާތަކަށް ޑޮކްޓަރަށް ދައްކައި ފަރުވާ ވެސް ހޯދައިފައިވާނެ ކަމަށެވެ. އަދި ގައިގެ ތަންތަން ވަރަށް ބޮޑަށް ދުޅަވެފައި ހުރި ކަމަށް އޭނާ ބުންޏެވެ.
ރަށުގައި އިތުރު ހަމަނުޖެހުންތަކެއް
ޖެހިގެން އައި ދުވަހު މުންތަސިރުގެ އާއިލާގެ ބައެއް މީހުންނާއި ރައްޓެހިން، ފުލުހުން އުޅޭ ގެތަކަށް ގޮސް ވެގެން އުޅޭ ގޮތެއް އޮޅުންފިލުވަން އުޅުމުން އިތުރު ހަމަނުޖެހުންތަކެއް ވެސް ހިނގި އެވެ.
"އަޅުގަނޑުގެ އާއިލާއިން ގޮސް އަނިޔާކުރި ފުލުސް މީހާގެ އަންހެނުން ގާތުގައި އެހީމަ އެ އަންހެން މީހާ ވެސް ބުނި ނުވެސް އެނގެއޭ ތިމަންނައަކަށް [ފުރައްސާރަ ކުރި ކަމެއް]. ނުވެސް ނިކުންނަމޭ އެ ދުވަހަކު ގެއަކުން،" އޭނާ ބުންޏެވެ.
އެ މައްސަލާގައި އެ ދުވަހު އާއިލާގެ ބައެއް މީހުންނާ ފުލުހުންނާ ދެމެދު އަނެއްކާ ވެސް ބޮޑު ހަމަނުޖެހުމެއް ހިނގި އެވެ. އެ ދުވަހު ވެސް ފުލުހުން މުގުރު ފަދަ އެއްޗެހިން އޭނާގެ އާއިލާގެ ބައެއް މީހުންނާއި ރައްޓެހިންނަށް އަނިޔާކުރި ކަމަށާއި އަދި ޕެޕާ ސްޕްރޭ ވެސް ޖެހި ކަމަށް ބުންޏެވެ. އެ ދުވަހު އާންމުންގެ ހަތް މީހަކަށް އަނިޔާވި އެވެ.
މީހަކަށް އަނިޔާކުރި މައްސަލައިގައި ނައިފަރުގައި އުފެދުނު ހަމަނުޖެހުން
މި ހަމަނުޖެހުންތަކުގެ ތެރެއިން އާންމުންގެ ފަސް މީހަކު ވަނީ ހައްޔަރު ވެސް ކޮށްފަ އެވެ. ނައިފަރު މެޖިސްޓްރޭޓް ކޯޓުން އެ މީހުންގެ ބަންދަށް ޖެހި ހަތް ދުވަސް ހަމަވީ އިއްޔެ އެވެ. އެކަމަކު އެ މީހުން މިހާރު ވަނީ ދޫކޮށްލައިފަ އެވެ. ކޯޓުން މުއްދަތު ޖެހުމުގެ ކުރިން ފުލުހުންގެ ބެލުމުގެ ދަށުގައި އެ މީހުން ބޭތިއްބި އިރު، ފުލުހުން އެ މީހުންނަށް އަނިޔާކުރި ކަމުގެ ތުހުމަތު ވެސް އާއިލާ އިން ވަނީ ކޮށްފަ އެވެ.
މި މައްސަލައާ ގުޅޭ ގޮތުން ފުލުހުންގެ ބަހެއް ހޯދުމަށް ވޭތުވެދިޔަ ދެ ދުވަހު ކުރި މަސައްކަތުން، ފުލުހުން މީޑިއާ އޮފިޝަލަކު ރޭ ވިދާޅުވީ މި މައްސަލަ ތަހުގީގު ކުރަމުން ދާތީ މި ވަގުތު އާންމުކުރެވޭނެ އިތުރު މައުލޫމާތެއް ނެތް ކަމަށެވެ. އަދި މި މައްސަލަ ތަހުގީގު ކުރުމަށްޓަކައި ފުލުހުންގެ ހާއްސަ ޓީމެއް އެ ރަށަށް މިހާރު ގޮސްފައިވާ ކަމަށް އޭނާ ވިދާޅުވި އެވެ.
މި ހަމަނުޖެހުންތައް ހިނގިއިރު ނައިފަރުގައި ވަރަށް ބޮޑަށް ކޮވިޑް ފެތުރޭތީ އެ ރަށް އޮތީ ފުރަބަންދު ވެސް ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝިނާން
26 May 2021
ފެންވަރު ނުބަލާ ހިތުހުރި މީހަކު ވެއްދީމަ ވާނީ މިހިން. އަޚުލާގު ނެތް ތަނުގަ މީހާ ފިޒިކަލީވެސް އެހާ ބަލިކަށި. މި ހުންނަނީ ކިނބިއްސެއް އެޅީމަ ވެއްޓޭހާ ކަމީނާކޮށް. މަށަކަށް ނޭނގެ ކިހިނެތް ކަމެއް ޓްރެއިނިން އިން ފާސްވެގެން ނިކުމެ މިބެނީ. 40 ކިލޯ ހަމަނުވާ ކުދިން އެބައުޅޭ. އަނެއްކޮޅުން ލަދުނެތް. އިންސްޓަގްރާމް "މޮޑެލް" ވެގެން އުޅޭނެ މީގެ އަންހެން މީހުން. ސިފައިން ފަދަ ޓްރެއިނިން އަކާ ޑިސިޕްލިން ބޭނުންވޭ. މިހާރު އެމީހުންނެކޭ ޕާޓޭ ގުރޫޕެކޭ ކޮބާ ތަފާތެއް؟
އަޙްމަދުއަޙްމަދު
26 May 2021
ރަނގަޅު ދިރާސައެއް ހަދައިފިއްޔާ އެނގޭނެ ރާއްޖެގެ ސިފައިންނައި ފުލުހަށް ވަދެ ތިބި ގިނަ މީހުންނަކި ސްކޫލް ދައުރުގައި ރަނގަޅަށް ކިޔެވިފައި ނެތް އަދި ވަޒީފަގަނޑެއް ހޯދަލުމުގެ ބެނުމުގައި ވަދެތިބި ބައެއްކަން.
ޙަގީ
26 May 2021
ވަރައް ބޮޑު ތެދެއް...
ލަދުކޮބާާ
28 May 2021
ގައުމުގެ ވެރިކަމުގަޔާ އެނޫންވެސް މަތީ މަޤާމުތަކުގަ އެތިބަ މީހުން އެއީ މާމޮޅަށް ކިޔަވައިގެން ތިބި ބައެއްތަ؟
މިގޭ
26 May 2021
އިންސާފުގެ ދަތުރު ނމުނީ
ސަރާފަ
26 May 2021
އެބުނާ އަނބިމީހާ އަކީ އައިޝްވަރްޔާ ރާއީ ތަ؟
ސަކަރާތް
26 May 2021
މިކަހަލަ ބައެއް ގޮތެއް ފޮތެއް ނެތް މީހުންގެ ސަބަބުން މުޅި މުއައްސަސާޔަށް ހުތުރު. ކޯޑު އޮފް ކަންޑަކްޓުވެސް ނުހުންނަނީތަ.
ޢިސްކުރުބެ
26 May 2021
ބަލަ މުޑުދާރު މުއައްސަސާއެއް ތާހިތު ވާނެ އެއްވެސް ބޭހެއް ކެމިކަލެއް ހުރެދާނެ ކަމަށް ދެކެން ޖެހޭއެއްވެސް ސަބަބެއް ނެތް ފުލުހުންނަކީ ހަމަޖާހިލު ބައެއް އެތާންގެ ވެރިން ޚާއްސަކޮށް.
ބަޑޭރި
26 May 2021
އެމްޑީޕީގެ ހިއުމަން ރައިޓްސް ކޮމިޝަން ނިދާފަ ދެއްތޯ؟
އަލީބެ
25 May 2021
ފުލުހުންގެ އަނިޔާވެރިކަންހުއްޓތުވާ!
އަލީ އީމަން .
25 May 2021
މާރާމާރި ފުލުސް ގޭނގ . އާނމު މީހަކަށް ކަމެއް ދިމާވާއިރު އެއްކަމެއް ވެސް ވާ ބަޔެއް ނޫން ފުލުހުން ނަކީ . މިކަން ވިސްނޭ ބައެއް ނުތިބޭތީ ދުވަހަކު ހައްލު ނުވަނީ .
ސާމާނުބެ
25 May 2021
ފުލުހުންނަށްވުރެ ބޮޑަށް ނުރައްކާތެރި ގޭންގަކާ ވައްތަރީ
ކުޑަކުއްޖާ
25 May 2021
ފުލުހުންގެ މުއައްސަސާއޮތީ ޔުނީފޯމްއެޅި ސުމާޓް ގޭންގަކައް ބަދަލުވެފަ. އެކަމް އެންމެބޮޑެތި މައްސަލަތަކުގަވެސް މަދުފަހަރަކުނޫނީ ހިޔެއްނުވޭ އިސްވެ މީހެއްގެ ގައިގަ ޖަހާފާނެހެނެއް.