27 މެއި 2021 - 07:13
17 comments
އުމްރާނީ ގޮތުން ބޮޑެތި ކުރިއެރުންތަކެއް ހޯދަމުން އަންނަ ޔޫއޭއީ އިން ފްލޯޓިން ގެ ވިއްކަން ފަށައިފި އެވެ.
އެ ގައުމުގެ މީޑިއާތަކުން ރިޕޯޓްކޮށްފައިވާ ގޮތުގައި ފްލޯޓިން ހައުސިން ޕްރޮޖެކްޓަކީ "ދަ ނެޕްޗޫން ސީ ރިސޯޓް" ގެ ނަމުގައި ކުރިއަށް ގެންދާ މަޝްރޫއުގެ ބައެކެވެ. އޭގެ ދަށުން ތަރައްގީކުރާ ފުރަތަމަ ފްލޯޓިން ގެ ގަނެފައި ވަނީ އިންޑިއާ ދަރިކޮޅުގެ ދުބާއީގެ ވިޔަފާވެރިޔާ ބަލްވިންދަރު ސަހާނީ (އަބޫ ސަލާ) އެވެ.
ފްލޯޓިން ގެއެއްގެ އަގަކީ 20 މިލިއަން ދިރުހަމް (5.45 މިލިއަން ޑޮލަރު) އެވެ.
ފްލޯޓިން ހައުސިން ޕްރޮޖެކްޓް ފުރަތަމަ ކުރިއަށް ގެންދަން ނިންމާފައި ވަނީ އަލް ހަމްރާ ޕޯޓްގެ ރަސް އަލް ޚައިމާ އާއި ޖުމޭރާގަ އެވެ.
ފްލޯޓިން ގެތައް ތަރައްގީކޮށް ވިއްކަން ކުރިއަށް ގެންދާ މަޝްރޫގައި ގެތައް އިމާރާތްކުރުމުގެ މަސައްކަތްކުރަނީ ކަނޑު އުޅަނދުފަހަރު ބަންނަން މަޝްހޫރު ޔޫއޭއީގެ ކުންފުންޏެއް ކަމަށްވާ ސީގޭޓް ޝިޕްޔާޑުންނެވެ. އެގޮތުން މޫދުގައި އިމާރާތްކުރާ ގެތަކަކީ ހަތަރު ކޮޓަރި ހިމެނޭ ގޮތަށް ދެ ބުރިއަށް އިމާރާތްކުރާ ތަންތަނެވެ. އަދި ކޮންމެ ގެއެއް 900 އަކަފޫޓަށް ވުރެ ބޮޑުވާނެ އެވެ.
މި ގެތަކުގައި ހިތްގައިމު ހަތަރު ކޮޓަރިއާ އެކު އެޓޭޗް ފާހާނާ އާއި ސިޓިންރޫމާއި ބަދިގެ އާއި ބެލްކަންޏާއި ގޭގައި ގެންގުޅޭ މީހުންނަށް ހާއްސަ އިތުރު ދެ ކޮޓަރިއާ އެކު ބިއްލޫރިން ހަދާފައިވާ ސްވިމިން ޕޫލެއް ހިމެނެ އެވެ.
ލަގްޒަރީ ފެންވަރަށް ތިމާވެއްޓާ ރައްޓެހިކޮށް ތަރައްގީކުރާ ގެތަކަށް ބޭނުންވާ ކަރަންޓް ފޯރުކޮށްދޭނީ ސޯލާއިންނެވެ. އަދި ގޭގެ ގިނަ ފަންކްޝަންތައް މަސައްކަތްކުރާނީ އޮޓޮމޭޓެޑް ސްމާޓް ސިސްޓަމް މެދުވެރިކޮށެވެ
"ދަ ނެޕްޗޫން ސީ ރިސޯޓް" މަޝްރޫއު 2023 ވަނަ އަހަރުގެ ފުރަތަމަ ކުއާޓަރުގައި އެއްކޮށް ނިންމަން އަމާޒު ހިފާފައިވާ އިރު، އެތަނުގައި 156 ލަގްޒަރީ ސުއިޓްސްއާ އެކު، ވަށައިގެންވާ ސަރަހައްދުތަކުގައި 12 ރެޒިޑެންޝަލް ފްލޯޓިން ގެތައް ހުންނާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގަދަ
28 May 2021
ތީގެ އަގުހެޔޮ ވައްތަރެއް ރާއްޖެއަށް ތައާރަފުކޮށްބަލަ، ނަގިލި އެއްލައިގެން އަހެރެމެން މަސްބާނަން ތިބެދާނަން،
ޑޮކްޓާރ. ބަނާނާ
28 May 2021
ކޮބާތޯ އެލެކުސް ބްރޯ؟ ތިޔަހެން ކަމެއްނެތި އުޅުއްވާއިރު މިކާމާއި ބެހޭ ގޮތުން ޓްވީޓެއް ވެސް ކޮއްލަ ދެއްވާ!
މޮހޮރު ތަޅާ
28 May 2021
ފުލޯޓިން ގެެއެއް މަޖުލީސް ރައީސްސަށާއި އުށްތަމަ ފަޑިޔާރައްދޭންފެނޭ އޭރުން ވައުދުވެސްފުއްދުނީ ރައްޔަތުމީހާއައް ބޯހިޔާވެހިކަންވެސްލިބުނީ
ޚިޔާލީ ސަރުކާރު
27 May 2021
ކޮބައިތަ ބޮޑުވަޒީރު ވިއްކން އުޅުނު ފްލޯޓިން ގެތައް. ކަސުންސިލް އިންތިޚާބާ ދިމާކޮށް ދެއްކި ހުވަފެން. އަބަދު ހުވަފެން ދެއްކުމުގަ އެއްވެސް ކަމެއް ނުވާ ސަރުކާރެއް މިއީ.
ބޯ ޖަލީލު
27 May 2021
ތިޔައީ ރާއްޖޭގައި ރީނދޫ ގުރޫޕުން އެޅި ފުލޯޓިންގ ފުލެޓުތަށް
ދަރަނި ދަންތުރަ
27 May 2021
ނޫސްވެރިންނަށް އޮޅިއްޖެ ؟ މި ފުލޯޓިންގ ގެތަކަކީ 2009 ގައި އޭރުގެ ރައީސް ގ ކެނެރީގޭ މުހައްމަދު ނަސީދު ވައުދުފުޅާ އެއްގޮތަށް އެމަނިކުފާނުގެ ވައުދުފުއްދުމަށް ރ އަގޮޅިތީމުގައި އަޅަންފެށި ފުލޯޓިން ހައުސްތަކެއް ، ނަސީދު ދައުރު ހަމަވުމުގެކުރިން އިސްތިއުފާދިނުމުން މޫސުން ގޯސްވެ އުފެދުނު ތޫފާނުގައި މި ފުލޯޓިންގ ހައުސްތަށް އޮޔާދިޔައީ ފުލޯޓިންގ ހައުސްތަށް ގެއްލިވީތަނެއްނޭގިފަތިއްބާ އެހެންބަޔަކު ތިޔަ ގެތަށް ތިޔަވިއްކާލީ...
މިސްޓަރ ފުލޯޓް
27 May 2021
ހުރިހާ ފަޅުތަކެއް ހިއްކާނެކަމެއްނެތް ހިއްކަން ބޭނޫންކުރާ ފައިސާ ރައްޔިތުން ބޭނުންވަނީ ފުޅޯޓިން ގެ އޭރުން މާ ބޮޑަށް ވެސް ތިމާވެށި ވެސް އަދި މި ދިރިއުޅޭ ރަށްތައް ވެސް ހިމާޔަތްވާނެއެވެ،
އެޑްމުންޑޯ
27 May 2021
ބަޔަކު ހަމަކަމެއް ކުރާއިރަށް އެކަމެއް ރާއްޖޭގައި ކުރަންޖެހޭތަ ، މީގެ ގެއްެއްގެ އަގު އެބުނަނީ 5.5 މިލިއަންޑޮލަރ ވާހަކަ ، މިފަދަ ގެއްގައި އުޅެވޭނެ 10 ވަރަކަށް މީހުންވެސް ރާއްޖޭގައި ނޫޅެނެ.
ބަނޑޭރި
27 May 2021
ތީ ހަމަ ބޮޑު ދޮގެއް. އެމް.އެމް.ޕީ.އާރު.ސީ އާ ދެން އޮތްތަނަކުން ވައްކަންކޮށްގެން ކީއްވެ ބޮޑުންނަށް ނުގަނެވެން ވީ
ޑިމޮކރަސީ
27 May 2021
ރާއްޖޭގެގެެތައްއަޅަނީ ކޮންއިރަކުން ???
ޗާލޭ
27 May 2021
ލޮނުގަނޑު އުސްވެގެން ރަށްތައް އަޑިއަށްދާނެ ކަމަށް ބުނާއިރު އެހެން އަސްލު އެކަން ވެއްޖެނަމަ ފްލޯޓިންގ ގެއެއްގަތާ އުޅެވޭނީ. ވޯޓަރވޯލްޑް ހެދުނީމަ ތިޔަ ކަހަލަ އެއްޗެހި ވަރަށް ބޭނުންތެރިވެދާނެ. އެކަމު ކުރާ މޮޅު ޕްލޭނަކުން ދުނިޔޭގެ ދިރުންތައް ނިމިދިއުމެއް ނުހުއްޓުވޭނެ އެކަން އެހެން ވާން ނިންމަވާފަ އޮތްނަމަ.