ރައީސް އޮފީހުގައި ބޭއްވި މީޑިއާ ބްރީފިން އަށް ފަހު ރައީސް އިބްރާހީމް މުހައްމަދު ސޯލިހު އަދި ހެލްތު މިނިސްޓަރު އަހުމަދު ނަސީމް ވާހަކަފުޅުދައްކަވަނީ--
29 މެއި 2021 - 10:24
45 comments
ރާއްޖޭގައި ހަލުވިކަމާ އެކު ކޮވިޑް-19 ފެތުރެމުން ދާތީ ރަށްރަށުގެ ހާލަތު ބެލުން އިތުރަށް ހަރުދަނާ ކުރުމުގެ ގޮތުން ރައީސް އިބްރާހިމް މުހައްމަދު ސޯލިހް ކޮންމެ އަތޮޅަކަށް ސަރުކާރުގެ އިސް ބޭފުޅަކު ހާއްސަކުރައްވައިފަ އެވެ.
ހެލްތު މިނިސްޓްރީން ބުނި ގޮތުގައި އެކި މިނިސްޓްރީތަކުން ސްޓޭޓް މިނިސްޓަރެއް ނުވަތަ ޑެޕިއުޓީ މިނިސްޓަރެއް ކޮންމެ އަތޮޅަކަށް މިހާރު ވަނީ ކަނޑައަޅުއްވައިފަ އެވެ. އެ ބޭފުޅުން މަސައްކަތް ކުރައްވާނީ، ކައުންސިލްތަކާއި ޓާސްކްފޯސްތަކާ ގުޅިގެން އެ އަތޮޅެއްގެ ކޮވިޑް ކޮންޓްރޯލްކޮށް ހުއްޓުވުމަށް ކުރަމުންދާ މަސައްކަތުގައި ހުރި މައްސަލަތަކާއި، ދަތިތައް ހެލްތު އިމަޖަންސީ އޮޕަރޭޝަން ސެންޓަރު (އެޗްއީއޯސީ) އާއި ކަމާ ގުޅޭ އިދާރާތަކުގެ ސަމާލުކަމަށް ގެނައުމަށެވެ.
ކުރިން މާލެ ސަރަހައްދުގައި ކޮވިޑް ފެތުރި ނުރައްކާ ހާލަތެއްގައި އޮތް ނަމަވެސް ރަށްރަށަށް ކޮވިޑް ފެތުރި ނުރައްކާ ހާލަތަކަށް ދިޔައީ ލޯކަލް ކައުންސިލް އިންތިހާބާ ދިމާކޮށް ދިން ބޮޑެތި ލުއިތަކަށް ފަހު ކުއްލިއަކަށެވެ. އޭގެ ފަހުން ރާއްޖޭގެ ހާލަތު ވަރަށް ގޯސްވެ މަރުވާ މީހުންގެ އަދަދު ވެސް ވަނީ ވަރަށް ބޮޑަށް އިތުރުވެފަ އެވެ.
މީހުން ދިރިއުޅޭ 72 ރަށެއްގައި ކޮވިޑްގެ ހާލަތު ގޯސްކަމުން އެ ރަށްރަށަށް އަރައި ފޭބުން މަނާކޮށްފައި އޮތްއިރު، މިއީ ރާއްޖޭގައި މި ބަލި ފެތުރެން ފެށި ފަހުން އެއް ފަހަރާ މިހާ ގިނަ ރަށްރަށް މި ހާލަތަށް ގެނައި ފަހަރެވެ.
އަރައި ފޭބުން މަނާ ރަށްރަށުގައި ވަކި ވަގުތުތަކެއްގައި ކާފިއު ވެސް ހިންގައި ރައްކާތެރިކަމުގެ ފިޔަވަޅުތައް ވަނީ ވަރުގަދަކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މީސް
30 May 2021
ޔިކަން ތިއަށްބުރެ ރަނގަޅަށް އެލްޖީއޭ އިންވެސް ކުރި
އަބްޑޫޅް
30 May 2021
އަނެއްކާވެސް ކޮންމެ ރަށަކަށް ކަތީބަކާ، މުދިމަކާ ނައިބަކާ، ކޮންމެ އަތޮޅަކަށް އަތޮޅުވެރިޔަކު ބޭނުން. އެޓޮލްޝު ގެ ދަށަށް އަތޮޅުތައް ގެނެސްގެން ނޫނީ ހަމައެއް ނުޖެހޭނެ.
އަބްޑޫޅް
30 May 2021
މި ދެމީހުން ހީވަނީ އެއްމާބަނޑު ދެބެންހެން.
އެދުރުކަލޭގެފާނު
30 May 2021
ވެރިޔެއްގެ ސިޔާސީ ވިސްނުން ކޮށިވެ ހަލާކުވާނީ ބަސް ޤަބޫލުނުކޮށް ތިމާއަށް ތިމާ ފެންނަ ހިސާބުންނެވެ. މިފެންނަނީ އެދުވަހެވެ. މިބަލި މަޑުކަން ފެތުރެން ފެށި ހިސާބުންވެސް ސަރުކާރުގެ ވަޒީރުން އުޅުއްވީ މަސްލަޙަތު އޮތް ކުންފުނިތަކަށާއި ތިމާގެ މީހުންނަ ބަދަލު ދެއްވާށެވެ. ރައީސްއަށް އެކަން އެނގި ނުހުއްޓުވައި ހުންނެވީ ސިޔާސީ އިތުރު ބާރުވެރިކަމަކަށް ކުރެވުނު އުއްމީދުގެ އަވައިގައި ޖެހިވަޑައިގެންނެވެ. ކަން ނިއުޅެމުންދާ ގޮތް މިހާރު ބައްލަވާށެވެ.
ޔިންޑިޔާ ވޭރިޔަންޓަރ
30 May 2021
ރަނގަޅު ނިންމުމެއް ކަމިގައި ދެކެން. ވަކި ކައުންސިލަކަށް ވަކި ގޮތެއް ނުހެދުމުގެ ހަރުދަނާ ވިސްނުމެއް ކަމުގައި ދެކެން. ރިސޯސް ހުރީ ވަކި ލިމިޓެއްގައި ކަމުގައިވާއިރު އެބަޖެހޭ އެއް ކައުންސިލުގެ ހާލަތާ އަނެއް ބައެއްގެ ހާލަރު އަޅާކިޔޭނެ ގޮތެއްވެސް ހަދަން. ބޮޑު މުސާރަ ދީފަ ތިބޭ ސްޓޭޓުންނާއި ޑެޕިއުޓީން މިކަމާ ހަވާލުވުން އެއީ ހަމަ އެންމެ ރަނގަޅު ގޮތެއް، އިތުރު ޚަރަދަކާ ނުލާ މިކަން ކުރަން. ކައުންސިލަކުން ކުރަން ބުނާތަނުން މީހަކު ނެތޭ ކިޔާފަ ފެށުން ގާތީ
ބޮޑުމީހާ
29 May 2021
އިބޫގެ ކަމަކީ ހުންނަ އިޝޫސްތައް ހައްލުކުރުމުގެ ބަދަލުގައި ކޮމިޓީ އުފެއްދުން، އެޑްވައިސަރެެއްލުން، ކޮމިޝަން އުފެއްދުން. މައްސަލަ އިގޭއިރު ގްރާސްރޫޓުގަ މައްސަލަ ހައްލުކުރަން މާބޮޑުކަމެއް ނުވޭ! އިބޫ އިސްތިއުފާ ދޭންވީ ވަގުތު ފާއިތުނުކޮށް
ބަޑި
29 May 2021
ތީހަމަ ސީދާ އިންޑިޔާ ވޭރިއަންޓް ފޮނުވަނީ
ބަނޑޭރި
29 May 2021
އެބަ ރަނގަޅުވޭ. ފިނޭންސް މިނިސްޓަރ ވިދާޅުވަނީ ކުރިއަށްއޮތް އަހަރު ޚަރަދު ކުޑަ ކުރާނެ ކަމަށް. ސަރުކާރުން ބުނަނީ ޑީސެންޓްރަލައިޒްކޮށް ކައުންސިލްތައް ޒިންމާދާރު ކުރުވާނެ ކަމަށް. އެކަމު އަމަލުން މިފެންނަނީ މުޅިން ދިމާ އިދިކޮޅު. ސަރުކާރުން ތިޔަ ފޮނުވާ ކޮންމެ މީހަކަށް ޕޮކެޓްމަނީ ދީފަ ހުންނާނެ ޚަރަދު ދިނީމަ ހުންނާނީ ފިސާރި ޚަރަދު ކުޑަވެފަ. އެކްޓިވިސްޓުންނަށް ރުފިޔާ ދޭން ކުރާކަމެއް ނޫންބާ މި.
ފާތޭ
29 May 2021
ކޮބާތޯ މީގެ ބޭނުމަކީ.. ލާ މަރުކަޒީގެ ހަގީގީ ރަހަ ފެންނާނޭ ވިދާޅުވެ ކަން މިކުރަނީ ކިހިނަކުންތޯ...
އިބުރާހީމް ރއިމް
29 May 2021
ކޮންމެ ސިއްހީ މަ ރުކަޒެއްގައި ކޮންމެ ހޮސްޕިޓަލް ގައި ސިޔާސީ މީހަކު މިހާރު ވެސް އެބަހުރި އެއީ ކީއް ކުރާ މިހެބަ އަދި އައްޑޫ ހޮސްޕިޓަލް ގައި 8 މީހުންގެ ބޮޑެއްވެސް އެބައޮވެ ނަގަބިލް ސަ ރުކރެއްމި