ސީރިއާގައި ހަނގުރާމައި ގައި ބައިވެރިވި ކަމަށް ބުނާ ދިވެހިންތަކެއް. ހަނގުރާމައިގައި ބައިވެރިވި ކަމަށް ބެލެވޭ ތުހުމަތު ވެސް ތަހުގީފު ކުރެވޭ ގޮތަށް ގާނޫނު ބަދަލުކުރަން ބިލެއްގައި ވަނީ ހިމަނާފައި.
30 މެއި 2021 - 21:24
8 comments
ހަނގުރާމައަށް ދިއުމަށް ފަހު ނުވަތަ ހަނގުރާމަހިނގާ ސަރަހައްދަކަށް ދިއުމަށް ފަހު އެނބުރި އަންނަ މީހުން ހަނގުރާމާގައި ބައިވެރިވި ކަމަށް ތުހުމަަތުކުރެވޭ ހިސާބުން ވެސް ވަގުތުން ތަހުގީގު ފަށައި ރިހެބިލިޓޭޝަން ލާޒިމްވާ ގޮތަށް، ޓެރަރިޒަމާ ބެހޭ ގާނޫނު އިސްލާހުކުރަން އެޓާނީ ޖެނެރަލްގެ އޮފީހުން އެކުލަވައިލި ބިލެއްގައި ހިމަނައިފި އެވެ.
ޓެރަރިޒަމް މަނާކުރުމުގެ ގާނޫނަށް ބަދަލުތަކެއް ގެންނަން އޭޖީ އޮފީހުން އެކުލަވައިލި ބިލް އެ އޮފީހުން ބުނި ގޮތުގައި މިހާރު ވަނީ ރައްޔިތުންގެ މަޖިލީހަށް ހުށަހެޅުމުގެ ކުރިން ރައީސް އޮފީހަށް ފޮނުވައިފަ އެވެ. އެ ބިލުން ގެންނަން ހުށަހަޅާފައިވާ އެއް ބަދަލަކީ ހަނގުރާމައިގައި ބައިވެރިވިކަމަށް ކުރެވޭ ތުހުމަތު ކުޑަ ކަމަށް ވިޔަސް ވަގުތުން ތަހުގީގު ފެށޭގޮތަށް ހެދުމެވެ.
ކުށެއް ކުރިކަމުގެ ތުުހުމަތާއި ކުށެއް ކުރިކަމަށް ބެލެވޭ ތުހުމަަތަކީ ގާނޫނީ ބަހުރުވައިގައި ތަފާތު ދެ ފަންތިއެއްގެ ތުހުމަތެވެ. ކުށެއް ކުރިކަމަށް ބެލެވޭ ތުހުމަތަކީ ކުށް ކުރިކަމަށް ކުރެވޭ ތުހުމަތަށް ވުރެ ބަލިކަށި ތުހުމަތެކެވެ.
އޭޖީ އޮފީހުން މިއަދު ބުނީ ހަނގުރާމައަށް ދިޔުމަށް ފަހު ނުވަތަ ހަނގުރާމަވެރި ސަރަޙައްދުތަކަށް ދިޔުމަށް ފަހު އަނބުރާ އަންނަ މީހުންނާ މެދު އަމަލުކުރާ އިޖުރާއަތުތަކަށް ގެންނަން ހުށަހަޅާ މައިގަނޑު ބަދަލަކީ އެފަދަ މީހުންގެ ތެރެއިން، ޓެރަރިޒަމްގެ ތުހުމަތުގައިވާ މީހުންގެ ތަހުގީގު ވަގުތުން ވަގުތަށް ވެސް ކުރިއަށްގެންދެވޭނެ ގޮތް ހަމަޖެއްސުން ކަމަށެވެ.
އެފަދަ ތުހުމަތެއް ނެތް ނަމަވެސް ހަނގުރާމަ ހިނގާ ސަރަހައްދަކަށް ދިއުމުގެ ސަބަބުން ޓެރަރިޒަމަށް ހުށަހެޅިފައިވާ މީހުންނަށް މެދުނުކެނޑި ރިހެބިލިޓޭޝަން ހޯދުން ލާޒިމްކުރަން ވެސް ވަނީ ހިމަނައިފަ އެވެ. އޭޖީ އޮފީހުން ބުނީ އެގޮތަށް އަންނަ މީހުންގެ ނުރައްކަލުން މުޖުތަމައު ރައްްކާތެރިކުރުމަށް އެ މީހުންނަށް ފިޔަވަޅު އަޅަންޖެހޭ ކަމަށެވެ.
ބިލުގައި ހިމަނާފައި ވާނީ އެފަދަ މީހުންނަށް ހިންގާ ރިހެބިލިޓޭޝަނަކީ އެ މީހަކު ގާނޫނީ ނިޒާމުގެ ކުރިމައްޗަށް ހާޒިރުވާ ހިސާބުން ފެށިގެން، މުޖުތަމައަށް ރުޖޫއަވަންދެން ދޭ ފަރުވާއެއްގެ ގޮތުގައި މަޖުބޫރުކުރުމަށް ކަމަށް ބަންޑާރަ ނައިބުގެ އޮފީހުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލީބެ
31 May 2021
ހަތްފެނުކެއްކިޔަ ސް ނުވާނެ. ހިމަންދޫން މީގެ 14 އަހަރު ކުރިން ހަތްޔަރު ކުރިމީހުން މިހާރު އަލުން ހައްޔަރު ކުރަންޖެހެނީ އެހެންވެ. ރާއްޖޭގެ ހާލަތަކީ ރީހެބުކިޔާދޭ މީހާގެބޯ އެމީހުންކާލަނީ.
ހަސަނު
31 May 2021
ހައްދު ފަހަނަ އެޅި ހަރުކަށި މީހުން ރިހިބިލިޓޭޓް ކޮށްގެން ވަކި ރަނގަޅު ވެދާނެބާ؟.. ރަނގަޅު ނުވާނަމ ރަނގަޅު ވަންދެން ބޢަިތިއްބާ ލިތަންމެ ދުވަހެއް ވިޔަސް..
ދިރާސާވެރިޔާ
31 May 2021
އަފްގާނިސްތާން، ލިބިޔާ، ސީރިޔާ، އިރާޤު، ޔަމަން. މިގައުމުތައް މިއަދު އޮތް ހާލަތަށް ދިޔަގޮތުގެ ފެށުން އައީ ކިހިނެއްކަން ބަލާލާ. ދިވެހި މިކުޑަ ރާއްޖޭގައި ދާހިލީ ހަނގުރާމައެއް ފެށިދާނެ ކަމުގެ ކޮޅުމަތި ފެންނަނީ.. ދިވެހިރާއްޖޭގައި އެއްދީނެއްގެ ދެފިކުރު އުޅޭކަން ދުނިޔޭއަށް އިސްތިހާރު ވެއްޖެ.. އައިއެސް އަކީ އެމެރިކާ އިނގިރޭސި ވިލާތް ސައުދީގެ މިހާރުގެ ވަލޫއަހުދު އަޑީގައި ތިބެ އުފައްދާފައިވާ ޖަމާއަތެއް.އެކިގައުމުތަކުގެކުށުގެވެށީގައިއެޅުނު މީހުން ސިކުނޑދޮވ
ހައި ސްޕެރޯވް
30 May 2021
ދެން ދުވަސް ކޮޅަކުން ކޮރަޕްޓު މީހުންނައްވެސް ވެސް ދޭނީ ރިހެބިލިޓޭޝަން ތޯއްޗެއް އެހެން ގައުމުތަކުގައި ޓެރަރިސްޓުން ލަނީ ޖަލަށް ، ޖަލުގަ ބައިތިއްބާ ތި ބައިގަނޑު ބޭނުން ކޮއްފާނެ ހަތިޔާރެއްގެ ގޮތުގައި ، ވިޔާނުދާ ސިޔާސީ މީހަކު.
ރާޒިން
31 May 2021
ރަނގަކު ކަމެއް، ރަނގަލުވާ ރައްޔިތުމީހާގެ ފަރާތުން ފަހުން ފައިދާއެއް ވެދާނެ.
ޖޯންސްނޯ
30 May 2021
ސީރިއާގައި ހަނގުރާމައި ގައި ބައިވެރިވި ކަމަށް ބުނާ ދިވެހިންތަކެއް ކަމަށް ބުނެ ފޮޓޯ ޖަހާއިރު މޫނު ފުސް ކޮއްފަ ފޮޓޯ އަޕްލޯޑް ކުރުމުގެ މާނައެއް ނެތެއްނުން. އެމީހުންގެ އައިޑެންޓިޓީ އެއީ ސިއްރު ކުރަން ޖެހޭ އެއްޗެއް ކަމަކަށް ނުދެކެން. ޤައުމަށް ޖެހިފައި އޮތް މުސީބާތެއް ތިހަރުކަށި ފިކުރުގެ މީހުންނަކީ. މީ މަގޭހިޔާލު!!!!
ހަމަނުޖެހޭ ކަމެއް ތިއީ
30 May 2021
ރިހާކުރު ފުޅިއަކުން ވައްކަންކުރީމާ ޖަލަށް. ބިލިއަނުން ކޮރަޕްޝަން ހިންގީމާ ގެބަންދަށް (އަދީބުގެ ވާހަކަ). މީހަކު މެރީމާ ދުވަހަކުވެސް ކުށެއް ސާބިތެއް ނުވާތަން. ރޭޕްކުރީމާ 15 ދުވަސްފަހުން ދޫކުރަނީ. ރައްޔިތުން މިކަމާ ދެކޮޅަށް އަޑު އުފުލިއްޔާވެސް ޖަލަށް. އެކަމަކު ސީރިޔާއަށް ހަނގުރާމައަށް ދިޔައީމާ ރިހެބިލިޓޭޝަން. ތިއަށްވުރެ މާރަނގަޅުވާނެ ތިމީހުން އުމުރު ދުވަހަށް އެހެން މީހުންނާއި ބައްދަލު ނުވާހެން ޖަލަށްލައި ރައްޔިތުންނަށް ނަފްސާނީ ފަރުވާ ދިނިއްޔާ
މ މ ޕ ރ ސ
31 May 2021
ކޮބާ ރާޅުގަނޑު ސަރަހައްދުގެ ބޮޑު އިމާރާތެއްގަ އިންނެވި އިކޮނޮމިސްޓް.