ކުޑަކުދިންނަށް ކުރާ އަނިޔާއާ ދައްކުވައިދޭ ފޮޓޯއެއް: ކުޑަކުދިން ހިމާޔަތްކުރަން ހަރުކަށި ފިޔަވަޅުތަކެއް ވެސް އަޅަން ޖެހޭ ވަރަށް ރާއްޖޭގައި އެ މައްސަލަ އޮތީ ނާޒުކުވެފައި
30 މެއި 2021 - 23:21
1 comments
މެދުރާއްޖެ ތެރޭގެ ރަށެއްގައި އުމުރުން 16 އަހަރުގެ އަންހެންކުއްޖަކަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލައެއް ފުލުހުން ބަލަން ފަށައިފި އެވެ.
ފުލުހުންގެ މީޑިއާ އޮފިޝަލަކު ވިދާޅުވީ 16 އަހަރުގެ އަންހެންކުއްޖަކަށް ޖިންސީގޯނާކުރި ކަމަށް ތުހުމަތުކުރެވޭ މައްސަލައެއް ހުށަހަޅާފައި ވަނީ އިއްޔެ ކަމަށާއި އެ މައްސަލަ ބަލަމުން އަންނަ ކަމަށެވެ.
އެނގިފައިވާ ގޮތުގައި އެ ކުއްޖާއަށް މީހަކު ޖިންސީ ގޯނާކުރިކަން އެނގުނީ އޭނާ ގެއްލިގެން، ހޯދަން މަސައްކަތްކުރަނިކޮށް ފެނުމުންނެވެ. މައުލޫމާތު އެނގޭ މީހަކު ބުނި ގޮތުގައި ހެނދުނު ގެއިން ނުކުމެގެން ދިޔަ ގޮތަށް ޚަބަރެއް ނުވެގެން ހޯދަމުން ދަނިކޮށް އެ ކުއްޖާ ފެނުނީ ގެއާ ވަރަށް ދުރު ހިސާބަކުން ހިނގާފައި އަންނަނިކޮށެވެ.
ބެލެވޭ ގޮތުގައި އެ ކުއްޖާއަށް ޖިންސީ ގޯނާކުރީ ގްރޫމްކޮށްގެންނެވެ. ގްރޫމް ކުރުމަކީ ކުޑަކުއްޖަކު ހައްލާލައިގެން ގެންގޮސް ގޯނާކުރުމެވެ. އެއީ ބޮޑު ކުށެކެވެ.
އެ މައްސަލައިގައި މީހަކު ހައްޔަރުކުރިކަމެއް ނުވަތަ ނޫންކަމެއް އަދި ނޭނގެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގެދާނޯމޮސް
31 May 2021
ހިނގާލާފަ އައުމުން ދޭހަވަނީ އެކުށްޖާ އެވަނީ އެފަދަ އެތަށް ފަހަރު މަތިން ބެހިފަކަމެވެ. މިރާއްޖޭގެ އެކި ކަންކޮޅު ތަކުގަ މިފަދަ އެތަށް ކުދިންނަކަށް ޖިންސީ ގޯނާކުރެއެވެ. ނަމަވެސް ސަރުކާރުގެ ސިޔާސަތު މިކަމުގަ ގެންގުޅޭ ދޯހަޅިކަމުން ގިނަ އާޢިލާތަކުން އެކުވެރިން މިފަދަ ކޭސްތަށް ހިންދާލައިގެން ތިބެނީކަމަށް ބެލެވިދާނެއެވެ. މި ކުދިންގެ ކިޔެވުމާއި އެކުދިންގެ ދަރިފަސްކޮޅު ގެއްލި ބާއްޖަވެރި ހަޔާތެއްގެ ނަސީބުން މަރުހޫމް ވަމުން ދިޔުމަކީ ބޮޑު ހިތާމައެކެވެ.