ރައީސް އޮފީސް: އޮޑިޓާ ޖެނެރަލްކަމުގެ މަގާމަށް ކުރިމަތިލުމުގެ ފޯމު ބަލައިގަންނާނީ މި މަހުގެ 15،16 ވަނަ ދުވަހު.
06 ޖޫން 2021 - 15:05
7 comments
އޮޑިޓ ޖެނެރަލްގެ މަގާމަށް ކުރިމަތިލުމަށް ރައީސް އޮފީހުން ހުޅުވައިލި ފުރުސަތުގެ މުއްދަތު ރައީސް އޮފީހުން އިތުރުކޮށްފި އެވެ.
އެ އޮފީހުން މިއަދު ބުނީ، މި މަގާމަށް ކުރިމަތިލުމުގެ ފުރުސަތު މި މަހުގެ 16 ވަނަ ދުވަހުގެ ނިޔަލަށް އިތުރުކޮށްފައިވާ ކަމަށެވެ.
މި މަގާމަށް ކުރިމަތިލުމުގެ ފޯމު ބަލައިގަންނާނީ މި މަހުގެ 15 އާއި 16 ވަނަ ދުވަހުގެ ހެނދުނު 10:00 އިން މެންދުރު 12:30 އަށެވެ. މަގާމަށް ކުރިމަތިލުމުގެ ފޯމު ރައީސް އޮފީހުގެ އޮފީހުގެ ވެބްސައިޓުން ލިބޭނެ އެވެ.
އޮޑިޓާ ޖެނެރަލްގެ މަގާމަށް ކުރިމަތިލުމުގެ ފުރުސަތު ހުޅުވައިލީ، ކުރިން އެ މަގާމުގައި ހުންނެވި ހަސަން ޒިޔަތު މިދިޔަ މަހު 12 ގައި އިސްތިއުފާ ދެއްވުމުންނެވެ.
ޒިޔަތު އެ މަގާމުން އިސްތިއުފާ ދެއްވީ ރައްޔިތުން މަޖިލީހުން އާންމުކުރި އެމްއެމްޕީއާރުސީ ހިޔާނާތުގެ ލިސްޓުގައި އޭނާގެ ނަން ހިމެނިފައިވާތީ، އެފަދަ ތުހުމަތެއް ކުރެވޭއިރު މަގާމުގައި ހުރެއްޖެ ނަމަ އޮޑިޓާ ޖެނެރަލްގެ މަގާމަށާއި އެ އޮފީހުގެ ކަރާމާތަށް އުނިކަމެއް އަންނާނެ ކަމަށް ދެކެވަޑައިގަންނަވާކަމަށް ވިދާޅުވެ އެވެ.
އޮޑިޓާ ޖެނެރަލްގެ މަގާމުން ޒިޔަތު އިސްތިއުފާ ދެއްވުމުން އެ މަގާމަށް ކުރިމަތިލުމުގެ ފުރުސަތު ރައީސް އޮފީހުން ފުރަތަމަ ހުޅުވައިލީ މިދިޔަ މަހުގެ 25ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަގުބޫލު
06 June 2021
ތިޔަ މަޤާމަށްވެސް ނަގާނީ ހަމަ ޕަޕެޓެއް. ޢެހެންނޫނީ ބޭނުން އެއްޗެއް ނުހެދޭނެތާ. ބުނާތީ އިވޭ ވަކިމީހަކަށް ދޭން ނިމުފައޭ އޮތީ. ޤާބިލް މީހަކަށް ދެންޏާ އަދިވެސް ހަމަ ހުރީ އިސްތިއުފާ ދެއްވި ބޭފުޅާ. ޢެބޭފުޅާއަށް ދޭކަށް ނުކެރޭނެ. ޙިތުހުރިހާ އެއްޗެއް ނެހެދޭނެތީ. ސެލިއުޓް ޒިޔަތު. މިބައިގަނޑުގެ އަވައިގަ ޖެހޭނެ ކަމެއްނެތް.
ޙުދާ
06 June 2021
އަދިވެސް ޒިޔަތު އަށް ހަމަ ތިކަންވާނީ. ހެޔޮނުވާނެ ޒިޔަތު އެޕްލައި ކުރައްޗޭ. މިސަރުކާރު ބިރުގަންނާނެ ދޭން އެކަމަކުވެސް ލާތި. ޢަބްދުﷲ ޝާހިދުގެ ކޮއްކޮ މެންނަކަށް ނުވާނެ. އާދޭހާއެކު ބުނަން ޒިޔަތު ކުރިމަތިލާ
އަހަންމަޑޭ
06 June 2021
ތިޔަ މަސްއޫލިއްޔަތުވެސް މިނިސްޓަރ ނަސީމާ ޙަވާލުކޮށްލަން ފެނޭ. ފިސާރި ހިންގާދައްކާލާނެ. ރެއަކު ތަނެއް އޮޑިޓްކޮށް ރިޕޯޓްވެސް ނިންމާލާނެ.
އަހުމަދު އަނީސް
06 June 2021
ހެހެހެ.ލާނެ މީހަކުވެސް ނުވީދޯ.އެހެންތާވަނީ.ކިތަންމެ މިނިވަނޭ ބުއްޏަސް އެންމެންނަށް އިގޭ މަޖިލީހުންވެސް އަދި ދެންތިބި މީހުންވެސް ކަންކަން ރާވާ ހިންގާގޮތް.މިކަމުން މިބުނެދެނީ ޕްރޮފެޝަނަލް މީހުންގެ އިތުބާރު ގެއްލިފަ އޮތްކަން.މިއީ ވަރަށް ކަންބޮޑުވާން ޖެހޭ މައްސަލައެއް.
ޖަޑިބެ
06 June 2021
މިހާރު ތާކުންތާކު ޖެހޭ މީހަކު ހަމަހޭގަހުރެގެން މިކަހަލަ މަގާމަކަށް ކުރިމަތިލާނެކަކަށް ނުފެނޭ. ފެކްޝަންތައް ގިނަވެގެން ތިމާއަށް ނޭގިހުއްޓާ އޮންނާނީ ފެކްޝަން އަކަށް ލާ ނިމިފައި. ދެން ފެންނާނީ މަޖިލީހުން އެމީހަކު ނޮޅާލާ ރޮލަށް ކާލާ ތަން.
ސުލާސަރާބްބެ
06 June 2021
މިގައުމަށް އޮޑިޓަރޖެނަރަލެއް ބޭނުންވޭބާ؟
ނިރު
06 June 2021
ކެރެފާ ނަޝީމް ނިކަން ޒިޔަތު ކަހަލަ މީހުން ނަމޫނާ ޔަކަށް ނަގާބަލަ. ޒިންމާނަގަން ކެރޭ ތަންތަނުގެ ވެރިންނަކީ މިއީ