ބާޒާރުމަތީ ފިހާރައެއްގައި ހުރި ބިސްތަކެއް މީހަކު ނަގަނީ: އެސްޓީއޯ އިން ވަނީ ރޯދައާ ދިމާކޮށް ބިހާއި އަލުވި އަދި ފިޔާގެ ދެ ޝިޕްމަންޓް މާލެ ގެނެސްފައި. ފޮޓޯ: މުހައްމަދު ޝަރުހާން/މިހާރު
04 ޖޫން 2016 - 12:21
7 comments
ރޯދަ މަހު އެސްޓީއޯ އިން ވިއްކާ ފިޔާ، އަލުވި އަދި ބިސް، އެއް އަގެއްގައި ހިފެހެއްޓުމަކީ ވަރަށް ބޮޑު އަމާޒެއް ކަމަށް އެ ކުންފުނިން އިން މިއަދު ބުނެފި އެވެ.
ބާޒާރުގައި ދަތިކަމެއް ނެތި ފިޔާ، އަލުވި އަދި ބިސް ލިބޭނެ މަގު ފަހިކޮށް ދިނުމަށް، އޭގެ ޝިޕްމަންޓެއް މިދިޔަ ބުރާސްފަތި ދުވަހު ވަނީ މާލެ ގެނެސްފަ އެވެ. މިއީ އެސްޓީއޯއިން ރޯދައާ ދިމާކޮށް ގެނައި ދެވަނަ ޝިޕްމަންޓެވެ. އެ ކުންފުނީގެ ފުރަތަމަ ޝިޕްމަންޓް ގެނައީ މިދިޔަ މަހު އެވެ.
އެސްޓީއޯގެ ފުޑް އެންޑް ބެވަރެޖާސްގެ ޖެނެރަލް މެނޭޖަރު ފާތިމަތު އާޝާން މިއަދު ވިދާޅުވީ ދެވަނަ ޝިޕްމަންޓް ކްލިއާ ކުރުމުގެ މަސައްކަތް ކުރަމުން އަންނަ ކަމަށެވެ. އަދި ދެވަނަ ޝިޕްމަންޓް މިއަދު މެންދުރުފަހު ބާޒާރަށް ނެރެވޭވަރު ވާނެ ކަމަށް އޭނާ ވިދާޅުވި އެވެ.
އަޅުގަނޑުމެން ވަރަށް ބޮޑަށް މަސައްކަތް ކުރާނަން މި ބާވަތްތައް އެއް އަގެއްގައި ހިފަހައްޓަން. --އާޝަން
އެސްޓީއޯ އިން ފިޔާ ބަސްތާއެއް ވިއްކަނީ 160ރ. އަށެވެ. އަދި 250ރ. އަށް އަލުވި ބަސްތާއެއް ވިއްކާއިރު، ބިސް ކޭހެއްގެ އަގަކީ 275ރ. އަށެވެ. އެކަމަކު ބާޒާރުގައި މި ބާވަތްތައް ވިއްކާ އަގު ބޮޑެވެ.
ބާޒާރުގައި ފިޔާ ބަސްތާއެއް 250ރ. އަށް ވުރެ މަތީގައި އުޅޭއިރު އަލުވި ބަސްތާއެއް ވިއްކަނީ 300ރ. އަށް ވުރެ މަތީގަ އެވެ. އަދި ބިސް ކޭހެއްގެ އަގު އުޅެނީ 350ރ. އަށް ވުރެ މަތީގަ އެވެ.
ބާޒާރު މަތީ ފިހާރައަކުން މީހަކު އަލުވި ގަންނަނީ. އެސްޓީއޯ އިން އަލުވި ބަސްތާއެއް ވިއްކަނީ 250ރ. އަށް. -- ފޮޓޯ:ނިޝާން އަލީ/މިހާރު
އާޝާން ވިދާޅުވީ މިދިޔަ ދުވަސްތަކުގައި ފިޔާ، އަލުވި އަދި ބިސް ކޮންޓްރޯލް ކޮށްފައި ނުވާ ފަދައިން ކުރިއަށް އޮތް ތަނުގައި ވެސް އެ ބާވަތްތައް ކޮންޓްރޯލް ކުރުމުގެ ވިސްނުމެއް ނެތް ކަމަށެވެ.
ޑިމާންޑަށް ބަލާފައި އިތުރު ޝިޕްމަންޓްތައް ގެނައުމުގެ މަސައްކަތް ރާވާނަން. --އާޝާން
ފިޔާ، އަލުވި އަދި ބިސް ވިއްކުމަށް އެސްޓީއޯގެ ހަ ނަންބަރު ކޮށި ވަނީ ހާއްސަކޮށްފަ އެވެ. އަދި ރަށް ރަށުގައި ހުންނަ 13 ފިހާރަ އިން އެސްޓީއޯ އިން ވިއްކާ އަގުގައި މި ބާވަތްތައް ގަންނަން ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަސްވާސް
06 June 2016
މިއަދުވެސް އެސް.ޓީ.އޯ ބިސް ބާޒާރުމަތީ ފިހާރަޔަކުން ވިއްކަން ހުރީ 480 ރުފިޔާ އަށް..... ކޮންޓްރޯލް ނުކުރިއަސް ރައްޔިތުން އުޅެން ޖެހެނީ ހަމަ މިހާލުގަ....
ޖުހާ
05 June 2016
މައްސަލައަކީ ވިޔަފާރިވެރިންނަސް ހެޔޮ އަގުގައި ގަނޑުކޮށް ވިއްކީމާ އެމީހުން ބޮޑުއަގުގައި އާންމުންނަށް ވިއްކާތީ. އެންމެނަކަށް އެތަކެތި ގަންނަން ގުދަނަކަސް ނުދެވޭނެ. ވިޔަފާރިވެރިންނަށްވެސް ވަކިއަގެއްނެތި އެންމެނަށް އެއްއަގުގައި ވިއްކާބަލަ.
ކުނި ފިޔާ
04 June 2016
އެސްޓީއޯ އިން ވިއްކަނީ ކުނިފިޔާ.. ސާފުވެސް ނުކޮށް ފިހާރައިގައި ވިއްކަން ހުންނަނީވެސް
ޖަންބެ
04 June 2016
އެސްޓީއޯގަ އުޅޭ ހުރިހާ ސްޓާފުނަށް ރޯދަ އިނާޔަތަށްވާ ފިޔާ ، އަލުވި އަދި ނުލިބޭ ހާއްސަގޮތެއްގައި އަތޮޅުތެރޭގެ ފާމަސީތަކުގައި މަސައްކަތް ކުރާ ކުދިންނަށް .. މިދިޔަ އަހަރުވެސް ނުލިބޭ.. މިހާރުގެ ޓީީމުން މިކަން ބަލާލަދީބަލަ..
ރާަަާ
04 June 2016
ހުސެދޮގު ނުލިބެ
މުޙައްމަދު އާދަނު
04 June 2016
ފިޔާ، އަލުވި ، ބިސް އެކަނި ކައިގެން ދޯ ރޯދަހިފަންވީ. އެބަކު ހިތައްއެރި އަގެއްގައި ތަކެތި ވިއްކަމުންދާއިރު ކަމާބެހޭ މިނިސްޓްރީތަކުން ކަހާތަން ހިރުވާވެސްނުލާ ތިބޭނީ. ކިހާދެރަކަމެއް މީ.
ރަޝީދު
04 June 2016
އަޅުގަނޑު ހިތައް އަރަނީ އެސްޓީއޯގެ ފިއުލް ސަޕްލައިނ ވިއްކާ ޕެޓްރޯލް ޑީސަލް މިދިޔަ ދެމަސް ދުވަހު 3 ފަހަރު އަގު ބޮޑުވެއްޖެ. އަނެއްކަ ބޮޑުވަނީވެސް ފުނަދޫއިން ގަންނަ ހުރިހާ ސަޕްލަޔަރުންނަނށް މިވާހަކަ އެއްވެސް މީޑީއާއަކަށް ނޭގެނީ ކީއްވެ ބާއޭ. ފިއުލް ސަޕްލައި ފުނަދޫއިން ދޫކުރާ އަގު 3 ފަހަރު ބޮޑުވެއްޖެ. އެންމެ ފަހުން ބޮޑުވީ 3 ޖޫން 2016 ގައި، އަޅެ މިވާހަކަ ކޮންމެވެސް ނޫހެއްގަ ޖަހާލަ ދީބަލަ.