އައިޖީއެމްއެޗުގެ އާ ސެންޓަރަށް 8.5 މިލިޔަން ރުފިޔާ

ދަރިމައިވުމުގައި ދިމާވާ މައްސަލަތަކާއި ކިޑްނީގެ ބަލިތަކާއި ކުޑަކަމުދާ ނިޒާމުގެ ހާއްސަ ބަލިތަކަށް ފަރުވާ ދިނުމަށް އައިޖީއެމްއެޗުގައި އަލަށް ގާއިމު ކުރި ސެންޓަރާ ގުޅޭގޮތުން އެތަނުގެ ޑޮކްޓަރު، އިބްރާހިމް ޝިހާމް ވާހަކަ ދައްކަވަނީ-- ފޮޓޯ: ނިޝާން އަލީ/ މިހާރު

އާމިނަތު ޝިފްލީން، މިހާރު

21 ނޮވެމްބަރ 2016 - 16:31

12 comments

ދަރިމައިވުމުގައި ދިމާވާ މައްސަލަތަކާއި ކިޑްނީގެ ބަލިތަކާއި ކުޑަކަމުދާ ނިޒާމުގެ ހާއްސަ ބަލިތަކަށް ފަރުވާ ދިނުމަށް އައިޖީއެމްއެޗުގައި އަލަށް ގާއިމު ކުރި ސެންޓަރަށް 8.5 މިލިޔަން ރުފިޔާ ހަރަދުވެފައިވާ ކަމަށް އެ ހޮސްޕިޓަލުން ބުނެފި އެވެ.

އިއްޔެ ހިދުމަތް ދޭން ފެށި އެ ސެންޓަރާ ގުޅޭގޮތުން ނޫސްވެރިންނަށް މައުލޫމާތު ދިނުމަށް އައިޖީއެމްއެޗުގައި ބޭއްވި ބައްދަލުވުމެއްގައި އެ ހޮސްޕިޓަލުގެ ޕަބްލިކް ރިލޭޝަންސް އެންޑް މީޑިއާ ޔުނިޓުގެ ޑިރެކްޓަރު އަހުމަދު މައުސޫމް ވިދާޅުވީ އެ ސެންޓަރަށް އެންމެ ބޮޑު ހަރަދެއް ކުރީ، އިންޑިއާގެ އެންޔޫ ހޮސްޕިޓަލުން ކަމަށެވެ.

އިންޑިއާގެ މަޝްހޫރު އެ ހޮސްޕިޓަލާއި އައިޖީއެމްއެޗު ގުޅިގެން ގާއިމު ކުރި އެ ސެންޓަރަށް، އެންޔޫ ހޮސްޕިޓަލުން ހަ މިލިޔަން ރުފިޔާ ވަނީ ހަރަދުކޮށްފަ އެވެ.

އަދި ބާކީ، 2.5 މިލިޔަން ރުފިޔާ ހަރަދު ކުރީ ދައުލަތުގެ ބަޖެޓުން ކަމަށް މައުސޫމް ވިދާޅުވި އެވެ.

މި ސެންޓަރުގައި އަލަށް ދޭން ފެށި ފަރުވާތަކުގެ ތެރޭގައި ދަރިމައިވުމުގެ ސިއްހަތާ ގުޅުން ހުރި މައްސަލަތައް ހިމެނެ އެވެ. އެކަމަކު އެ ފަރުވާ އަށް އާސަންދައެއް ނުލިބެ އެވެ.

އެ ސެންޓަރުގައި ފަރުވާ ދެއްވާ، ޑިރެކްޓާ އޮފް މެޑިކަލް ސާވިސް ޑޮކްޓަރު އަލީ ނަޒީމް ވިދާޅުވީ އާސަންދައިގެ ތެރޭގައި އެ ފަރުވާ ނުހިމެނުނު ނަމަވެސް، ގިނަ ބަޔަކު ބޭނުން ވެފައިވާ އެ ހިދުމަތް ރާއްޖެއިން ލިބެން ހުރުމަކީ ގިނަ ބަޔަކަށް ލިބޭނެ ވަރަށް ބޮޑު ފަސޭހައެއް ކަމަށެވެ.

އެކަމަކު ކިޑްނީގެ ބަލިތަކާއި ކުޑަކަމުދާ ނިޒާމުގެ ހާއްސަ ބަލިތަކަށް އެތަނުން އާސަންދަ ލިބެ އެވެ. އަދި ބަލި މީހާ އަށް އިތުރު ފަރުވާ ބޭނުން ވެއްޖެ ހިނދެއްގައި، އިންޑިއާގެ އެންޔޫ ހޮސްޕިޓަލުން އެ ބައްޔަށް އާސަންދައިގެ ދަށުން ފަރުވާ ކުރެވެ އެވެ.

ކުރިއަށް އޮތް ދެ މަސް ދުވަހު، އެ ސެންޓަރުގައި އައިޖީއެމްއެޗުގެ ޑޮކްޓަރުންގެ އިތުރުން އެންޔޫ ހޮސްޕިޓަލުގެ ޑޮކްޓަރުން ވިޒިޓިން ޑޮކްޓަރުންގެ ގޮތުގައި ފަރުވާ ދޭނެ އެވެ. އެކަމަކު އޭގެ ފަހުން، އެތަނުގެ ޑޮކްޓަރުން ރާއްޖޭގައި ގާއިމުވެ ތިބެ ފަރުވާ ދޭން ފަށާނެ ކަމަށް އައިޖީއެމްއެޗުން ބުންޏެވެ.

އެ ހޮސްޕިޓަލުން ބުނީ ގިނަ ހިދުމަތްތަކަކާއެކު އާ ސެންޓަރު ހުޅުވުމުން، އެ ބަލިތަކަށް ފަރުވާ ދިނުމުގައި މެދުކެނޑުމެއް ނާންނާނެ ކަމަށާއި އެ ބަލިތަކާ ގުޅޭ ހުރިހާ ފަރުވާއެއް އެތަނުން ކުރެވޭނެ ކަމަށެވެ.

އައިޖީއެމްއެޗު ބަލިތައް ކިޑްނީ ދަރިން ނުލިބުން ސިއްހީ ޚިދުމަތް ސިއްހަތު

12 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަބުސީ

22 November 2016

1. ސުޕަސުޕަސެލިސްޓް ބޭނުން އަދަދަކަށް ދުވާލަކު ނަމްބަރުނދޫކުރަނީ. 2. ބަލިމީހާއަށް ވަގުތުން ދޭންޖެހޭ ފަރުވާަ 5 މަސްދުވަހު ކިއުގަ ހުރެގެން. މިއީތޯ ޚިދުމަތް ދިނުމަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެއްޔާ

22 November 2016

މާ މޮޅެތި ވާހަކަތައް ލިޔާ އިރު ރާއްޖެއިން ބޭރުގައި އުޅޭ އިރު ޑޮކްޓާރަށް ދައްކަން ގޮސްފައި ދުވާލެއްގެ 4 ދަން ހޭދަވޭ. ކޮންމެ ކަމަކަށް ހަޖޫ ޖަހާއިރު. ކެތްތެރި ކަމަކީވެސް ހުންނަން ޖެހޭ ސިފައެއް. ހިތަށް އެރި ގޮތަށް ކޮމެންޓް ކުރުމަކީ އެންމެ އިްސާފުވެރި ގޮތެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްޖިބްރާ

22 November 2016

ކުޅިވަރާ ބެހޭ މިނސްޓަރަކުވެސް ބުނި މިހާތަނަށް މިތައް މިލިއަން ރުފިޔާ ކުޅިވަރަށް ޚަރަދު ކޮށްފީމޭ ! އެކަމުން ލިބުނު ރަގަޅު ނަތީޖާއެއް ނުފެނޭ ! އައި.ޖީ އެމް.އެޗުންވެސް ތިހުރިހާލާރި ކަނޑަށް އެޅިއަސް ޖެހޭނީ އެއްތާކު !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމާ

22 November 2016

ސެންޓަރުތައް ހުޅުވިޔަކަސް ނުވާނެ ތޯއްޗެ، މިއަދުވެސް ލެބޯޓަރީ ޓެސްޓެއް ހަދަން ގޮއްސަ 2 ގަޑިއރުފަހުން ނަންބަރު ޖެހުނީ. 100 މީހުން ކިޔުގަ. ނަންބަރު ޖެހިގެން ޓެސްޓް ހަދަން ދިޔައީމަ މިބުނަނީ ގަޑި ޖެހިގެން އިތުވެއްޖެއޭ، ދެން މިއަދަކު ޓެސްޓެއް ނުހެދޭނެއޭ. މިއައްވުރެ ހިދުމަތްތައް އަވްސް ވާނެގޮތަކައް ވިސްނަންވެއްޖެ. ހަބަރުގަ ކިޔާ އަޑު އިވުނު އިސްކޫލު ބަންދުގަ ވަރަށް ރަގްޅައް ހިދުމަތްތައް ރާވާފައޭ ހުންނާނީ. ގައިޑް ކޮއްދޭ މީހުންތިބޭނެއޭ، އެކަހަލަ އެއްވެސް ކަމެއް ނުފެނުނުން. އެމަޖެންސީ ބަޔަށް ދައްކަން ދިޔަޔަސް އެހާ ގިނައިރު ކިޔުގަ ތިބެންޖެހޭ. ތަންތަން ހުޅުވާ ލެއްޕިޔަކަސް ނުވާނެ، ހިދުމަތް އަވަސް ނުވަންޏަކާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

22 November 2016

ގަބޫލެއް ނުކުރެވޭ..ގަޑިއިރު ހަމަވަނީއޭ އެތަނުގެ ކުއްޖެއް ކައިރީ ބުނެލާއިރަށް އެކަން ހަމަޖައްސައިދޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަިިައިލީ

21 November 2016

ގައުމީ ހޮސްޕިޓަ ލުން އަދި ކިރިޔާ ތިޔަ ފަދަ ހިދުމަ ތެއް ؟؟ ދިވެހިންގެ މައި ހޮސްޕިޓަލް ހުން ނަނީ އިންޑިޔާ ގާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެތެރެމީހާ

21 November 2016

ނޫސްވެރިންގެ ބައްދަލުވުމަށް ވަޑައިގަންނަވާއިރު ކަރުގައި ކަށިގަނޑު އަޅުއްވައިގެން އިންނެވުމުން ހާމަވަނީ ދިވެހި ޑޮކްޓަރުންގެ މުރާލިކަން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޝިންގް

21 November 2016

ދުނިޔޭގެ ގިނަ ގައުމްތަކުގަ ކަން ހިނގާ ގޮތް މިއީ. މެޑިކަލް ދާއިރާގަ އުޅޭނަމަ މިކަން އިނގޭނެ. މިކަހަލަ ކަންކަމަކީ ޑޮކްޓަރުން ގެ "ކަލްޗަރް" ނޫނީ "އައިޑެންޓިޓީ" ގެ ބައެއް. ބައެއް ފަހަރު ފެންނާނެ ޑޮކްޓަރުން ސްކްރަބްސް ގަ ނޫނީ ކޯޓު ލައިގެން ހުރެ އިންޓަވިއު ދޭތަންވެސް. އެއީކީ މައްސަލައެއް ކަމަކަށް ނުދެކެން. . ބައެއް ޑޮކްޓަރުން އުޅޭނެ ސްޓެތް ޖީބަށް ލައިގެންވެސް. އެވެސް މައްސަލައެއް ނޫން. ޑޮކްޓަރަކު އޭނާ ގެންގުޅޭ ކަށިގަޑު ކަރުގަ އަޅުވައިގެން އިނަސް ނެތަސް އެއީ ކޮންކަހަލަ ޑޮކްޓަރެއްކަމަށް ފޮޓޮލަކުން އަންދާޒާ ނުކުރެވޭނެ. ރަގަޅު ޑޮކްޓަރަކަށްވަންޔާ މަގޭ މައްސަލައެއް ނެތް ސްޓެތް ކިހިލިފަތްދަށަށް ލިޔަސް. ގިނަ ޑޮކްޓަރުންނަކީ އެމީހުންގެ ހަޔާތުން ދިހަ ފަނަރަވަރަކަށް އަހަރު ކިޔެވުމުގަ އާއިލާއާ ދުރުގަ ހޭދަކުރި ބައެއް. މީގެ އިތުރުން ބައެއް ޑޮކްޓަރުން އުމުރުން 45 އަހަރު ވާއިރުވެސް އުޅެނީ ދަރަނި އަދާ ނުކުރެވިގެން. މީހުންނަށް ހީވަނީ ހުރިހާ ޑޮކްޓަރުންނަކީ ރިޗު / ފޮނި / ލާރިއާހެދި އުޅޭ ބައެއް ހެން. ބުރަ މަސައްކަތް ކޮއްގެން ރަގަޅު ފަރުވާދިނަސް ނެތް ސަލާމަތެއް. ސޯ ފްރަސްޓްރޭޓިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޝިންގު

22 November 2016

ދިވެހި ޑަކްޓަރުން ކީއްވެތަ ދުވާލަކު 5 މީހުން ގައުމީ ހަސްފަތާލުގަ ބަލަނީ، ކްލިނިކް ގަ 20 މީހުން. ލާރިއަކަށް ނޫން ދޯ އެމީހުނަބަލަނީ. ފޮނިބޮޑުބަޔަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Mishy

22 November 2016

ކޮންމެހެން ތި ޑޮކްޓަރުން މޮޅުކުރާނެކަމެއްނެތް އިނގޭ! ސްޕެޝަލިސްޓަކަށް ދައްކަން ކޮންމެ މީހަކުވެސް ބޭނުންވާނީ، ނޫންތަ....ތި މައި ހޮސްޕިޓަލްގައި 2-3 މަސް ވާއިރުވެސް ކިޔުގަ...ދެން އަހަރުމެންވީ ބޮޑުއަގުގައި އެމީހުންގެ ކުލިނިކުތަކަށްދާން... ރާއްޖޭގެ ގިނަ ޑޮކްޓަރުންނަކީ ޚިދުމަތަށްވުރެ ލާރިއަށް އުޅޭބައެއް....ގިނަ މީހުން އަދި ތިބޭނީވެސް މޫނު ހަދައިގެން...ހީވާކަހަލަ ތިމާމެން ވަރުގެ ބަޔަކުނެތޭ....އެކަމަކު ކީއްކުރާނީ، ބަލިވީމާ އެމީހުންކައިރަށް ދާން މަޖުބޫރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސީބާ

22 November 2016

ޑޮކްޓަރުން ނޫސްވެރިންގެ ބައްދަލު ވުމަށް ދަނީ ބަލިމީހުން ވެސް ބަލަން ތިބެ ފަ، އެހެން ވީމާ އެކަން އެގޮތަށް ދިމާވެދާނެ،،، އެއީ މައްސަލައެއް ނޫން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޝިންގް

22 November 2016

މިޝީ. އެމީހަކު ބޭނުން ސްޕެޝަލިސްޓަކަށް ދެއްކޭ ގޮތް އޮންނަން ވާނެ؟ އެކަމަކު ކިހިނެއްތޯ އާންމު މީހަކަށް އެމީހަކު ދައްކަން ޖެހެނީ ކޮންކަހަލަ ޑޮކްޓަރަކަށް ކަން އިނގޭނެބާ؟ އަހަރުމެންނަށް ފެނޭ ނާރުގެ ޑޮކްޓަރުން ކައިރިއަށް ކަށީގެ މައްސަލަތައް ދައްކަން އަންނަތަންވެސް. އެއީ ހަމަ ހަގީގީ ނާރުގެ ޑޮކްޓަކަރަކަށް ދައްކަންޖެހޭ ޕޭޝަންޓެއްގެ ނަންބަރެއް. ބޭރު ތަންތާ ސަރުކާރު ގިނަ ހޮސްޕިޓަލުތަކުގަ ބަލިމީހާ ބޭނުން ޑޮކްޓަރަކަށް ދެއްކުމަކީ އޮންނަ އުސޫލެއް ނޫން. އެކަން ކުރަންޖެހޭ ގަވާއިދެއްގެ ދަށުން ރިފަރ ކުރެވޭނީ. ދިވެހިން ބޭރު ތަންތާ މޮޅެތި ހޮސްޕިޓާތަކަށް ގޮސް ސްޕޮއިލް ވެފަ މިތިބީ. ކިއުގެ މައްސަލަ އަކީ ޑޮކްޓަރުންގެ ކަމެއް ނޫން. އެއީ މެނޭޖްމަންޓުގެ މައްސަލައެއް. ޑޮކްޓަރުން ވީ އިތުރު ޑޮކްޓަރުން ވިހަންތަ؟ އަދި ހޮސްޕިޓަލުން ދޭ މުސާރައިން ދެކޮޅު ޖެހޭކަށްވެސް ނެތް. އޯވަރވޯރކްޑް. އަންޑަސްޓާފްޑް. އަންޑަޕެއިޑް. ކޮންމެއަކަސް. އަހަރުމެން ފިއްތާލައިގެން އަދިވެސް ތިބޭނަން ފަރުވާ ދީ ދީ. ކިތައްމެ އެއްޗެއް ކިޔަސް މަގޭ ހިތް ސާފު.