ޕޮޒިޓިވްވާ ރޭޓް ދަށްވަމުން ދިޔަ ކަމުގައި ވިޔަސް ފިޔަވަޅުތަކުގެ މުއްދަތު އިތުރުކުރަން ޓެގް ޓީމުން ވަނީ ނިންމާފައި
ރައީސް އިބްރާހިމް މުހައްމަދު ސޯލިހް މިއަދު ނޫސްވެރިންނާ ބައްދަލުކުރައްވަނީ. -- ފޮޓޯ: ރައީސް އޮފީސް
08 ޖޫން 2021 - 16:47
15 comments
ކޮވިޑް ކޮންޓްރޯލްކުރަން އަޅާފައިވާ ފިޔަވަޅުތަކުގެ މުއްދަތު ހަމަވުމުން އަދި އިތުރު އެއް ހަފުތާއަށް ދެމެހެއްޓުމަށް ފަހު ހާލަތަށް ބަލައި ދެވެން ހުރި ލުއިތަކެއް ދެއްވާނެ ކަމަށް ރައީސް އިބްރާހިމް މުހައްމަދު ސޯލިހް ދެންމެ ވިދާޅުވެއްޖެ އެވެ.
ރައީސް ވިދާޅުވީ މިދިޔަ މެއި މަހަކީ ކޮވިޑްގައި މިހާތަނަށް ހޭދަކުރި އެންމެ އުނދަގޫ މަސް ކަމަށެވެ. ފިޔަވަޅުތައް ހަރުކަށިކުރި ފަހުން ބައްޔަށް ޕޮޒިޓިވްވާ ރޭޓް ދަށަށް ދިޔަ ކަމުގައި ވިޔަސް އަދިވެސް ފިޔަވަޅުތައް ހިފަހައްޓަންޖެހޭ ކަމަށާއި އެހެންވެ ޓެގް ޓީމުގެ ލަފަޔާ އެކު އިތުރު އެއް ހަފުތާ އަށް ފިޔަވަޅުތައް ދަމަހައްޓަން ނިންމާފައިވާ ކަމަށް ރައީސް ވިދާޅުވި އެވެ.
ރައީސް ވިދާޅުވި ގޮތުގައި، ސިންގަޕޫރްގެ އެސްޓްރަޒެނެކާ ކުންފުނިން ގަންނަން މަސައްކަތްކުރާ 500،000 ޑޯޒްގެ ކޮވިޑް ވެކްސިން މި މަހު ލިބޭނެ ކަމަށް ކުރިން ބެލެވުނަށް މިއަދު އެ ކުންފުންޏާ ބައްދަލުކުރުމުން، ވެކްސިން ލިބޭނީ އަންނަ މަހު ކަމަށް މިހާރު ބުނެފައިވާ ކަމަށެވެ. ރަޝިއާގެ ސުޕަޓްނިކް ވެކްސިން ގަތުމުގެ އެއްބަސްވުން އޮތީ ސޮއިކުރާ ހިސާބުގައި ކަމަށާއި އެމެރިކާ އިން ވެސް ދޭ ވެކްސިން ވެސް މި މަހު ލިބޭނެ ކަމުގެ އުންމީދު އެބަ އޮތް ކަމަށް ވިދާޅުވި އެވެ. ރައީސް ވިދާޅުވި ގޮތުގައި އެމެރިކާ އިން ލިބޭނީ ކިހާ ވެކްސިނެއް ކަމެއް އަދި ކޮން ވައްތަރެއްގެ ވެކްސިނެއް ކަމެއް އަދި ނޭނގޭ ކަމަށެވެ.
މިއަދުގެ ޕްރެސްގައި ރައީސްގެ އިތުރުން ހެލްތު މިނިސްޓަރު އަހްމަދު ނަސީމާއި ޑރ. ނަޒްލާ މުސްތަފާ ބައިވެރިވެވަޑައިގަތެވެ.
ހެލްތު މިނިސްޓަރު ނަސީމް ވިދާޅުވި ގޮތުގައި މިފަހަރު ލުއިތައް ދޭނީ މަޑުމަޑުން، ހާލަތަށް ބަލައިގެން ކަމަށެވެ. ރައީސް ވެސް ޕްރެސްގައި ވިދާޅުވި ގޮތުގައި ފިޔަވަޅުތައް ކުއްލިއަކަށް ދޫކޮށްލުމުގެ ނަތީޖާ އޭޕްރީލް މަހު އިންތިޚާބާ ދިމާކޮށް ދިން ލުއިތަކުގައި ވަނީ ފެނިފަ އެވެ. އެހެންވެ މިފަހަރު އެހެން ނުވާނެ ގޮތަކަށް ކަންކުރައްވާނެ ކަމަށް ވިދާޅުވި އެވެ.
ކޮވިޑް ޖެހޭ މީހުންގެ އަދަދު ވަރަށް ބޮޑަށް މައްޗަށް ދިއުމާ ގުޅިގެން ރައްކާތެރިކަމުގެ ފިޔަވަޅުތައް ހަރުކަށިކޮށް ބޭރުގައި އުޅޭ ވަގުތު މަދުކުރުމާ އެކު އަނެއްކާވެސް ވަނީ ކޭސްތައް މަދުވެ ހޮސްޕިޓަލްގައި އެޑްމިޓްކޮށްފައި ތިބި މީހުންގެ އަދަދު ވެސް މަދުވާން ފަށައިފަ އެވެ.
އިއްޔެގެ އިރުއޮއްސި 6:00 އާ ހިސާބަށް ރާއްޖޭން ކޮވިޑްގެ 68,502 ކޭސް ފެނިފައި ވާއިރު އޭގެ ތެރެއިން 49,844 މީހަކު ވަނީ ރަނގަޅުވެފަ އެވެ. އަދި ބަލީގައި 188 މީހަކު ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަށުމީހާ
09 June 2021
ފިޔަވަޅު ހަރުކަށިކުރަންވީމަ މައިމޫނާއްތަ ލުޔެއްދީ ހެޔޮވާންވީމަ އިބޫބެ
ކޮރަލް
08 June 2021
ސަރުކާރުން ވިސްނާލަން ޖެހެ އެވެ. ވެކްސިން ޖެހި ބިދޭސީން އަދި ދިވެހީންގެ އަދަދު ތައް ހާމަ ކޮށްލަ ދީ ބަލާށެވެ. ވެކްސިން ޖަހަނީހިލެ އެވެ. މިހާރު ހާލު ބޮޑުވަނީ ގިނަ އިން ދިވެހީންގެ އެވެ.
ހޭލާ
08 June 2021
އެއްބަޔަކު މިގޮވަނީ ލުއިދޭށޭ. ކޮފީ ބޯންވެއްޖޭ ފުޓުބޯޅަ ކުޅެންވެއްޖޭ ޗުއްޓީއަށް ރަށަށް ދާންވެއްޖޭ. އަނެއްކޮޅުން މި ބުނަނީ ސަރުކާރަށް ކޮވިޑު މެނޭޖެއް ނުކުރެވުނޭ. ދުނިޔޭގެ ހުރިހާ ގައުމެއްގެވެސް ތަޖުރިބާއަކީ ލުއިތަކާއެކު ނަންބަރުތައްމަތިވެ އަތް ނުފޯރާ ފަށަށް ދިއުން. އިބުރަތް ލިބިގަނެ މިފަހަރު ލުއިދޭން ފެންނަނީ ލަސްލަހުން ބަލައިގެން އެހެންނޫނީ ޓޫރިސްްޓް ސީޒަނުގަ އެރައިވަލް ދަށްވެ މުޅި އިގްތިސާދު އަނެއްކާވެސް އިނދަޖެހިދާނެ.
ކޮވިޑް މެނޭޖް ނުކުރެވޭނެ މިސަރުކާރަށް
08 June 2021
ބަންދުކޮށްލާފައި ހުޅުވާފައި ކޮވިޑް ދިގު ދަންމަވަންތޯ؟ ޖޫންމަސް ނިމޭއިރުވެސް ކޮވިޑް ދަށަކަށް ނުދާނެ. މިސަރުކާރުގެ ބޭނުމަކީ ކޮވިޑް ދިގުދަންމަވާލާ ރައްޔިތުން ހަނާކުރުން. އަދިވެސް ފަތުރުވެރިން ގެނެސް ރާއްޖެތެރެއަށް ފަތުރަނީ. ރާއްޖޭގައި އުޅޭ ބަންގާޅީން މާސްކު އަޅާކަށްވެސް ނުޖެހޭ - ކޮވިޑް ފެތުރުމަށް ފްރީ ފާހެއް. ރާއްޖެއަށް ކޮވިޑް ފެތުރި ދޯދިޔާ ސިޔާސަތްތައް އެކުލަވާލި ޝާހިދު އެހުރީ އޭނައަށް ލިބިފައިވާ އާ މަގާމުގެ ފޮނިބާސާ ކަނޑަން.
ހަސަންކަލޯ
08 June 2021
އުންމީދަކީ... އަމާޒަކީ...
ޖޭޑު
08 June 2021
ޖޫން މަސް ނިމުމުގެ ކުރިން ލުއި ދޭކަށް ނުފެނޭ. އެކިއެކި ޕްރެޝަރ ގްރޫޕް ތަކާހެދި ލުއި ދިނުމުން ނަތީޖާ ފެނުނީ ވަރަށް ހިތިކޮށް.
ނިލިސް
08 June 2021
އިޤްތިޞާދު އިނދަޖެހި ރައްޔިތުންގެ އަތްމަތި ހުސްވެ ވަޒީފާ ގެއްލުމަކީވެސް ކޮވިޑްފަދަ ނުރައްކާ ބޮޑު އެއިގެ އަސަރު އެތަކެއް ބަޔަކަށް ކުރާނެ ކަމެއް. މިކަމުގައި މެދުމިނުގެ ޙައްލެއް ހޯދާ ކެފޭ ރެސްޓޯރެނަޓް ފަދަ ވިޔަފާރިތައްވެސް ސަލާމަތްކުރެވޭނެ ގޮތަކަށް ފިޔަވަޅުތައް އެޅުން އެެދެން.
ބޮޑުވަޒިރު
08 June 2021
ކެފޭ ރެސްޓޯރަންޓްތައް ހުޅުވައިގެން އެތާ ދުން އެރުވުން މި ވަގުތަށް ހުޢްޓުވަންޖޭނެ، މީހުންގެ ޞިއްޙަތު ސަލާމަތުން ހުރެގެން ރެސްޓޯރެންޓަށް ވަންނަ ފައިސާ އިތުރުވަނި
ޢައިމިނަ
08 June 2021
މިފަހަރު ކޮންމެސް ކޮޅެއްގަ ޖެހޭދެންގޭގަ ތިބެންފެންނަނީ އޭރުންކަންނެގެ ކިޔަވައިދޭންވެސް ފެށޭނީ
ބޭއޮފް ބެންގާލް
08 June 2021
މިފަހަރު ކޮވިޑް19 ކޭސްތައް މަދުވުމުން މާލު ހުޅުވާލާއިރު ސިފައިންނާއި ފުލުހުން މަގުތައް ބަލަހައްޓާ, މަގުމަތީގަ އައިޑިކާޑު ނެއްމީހުން ހުޅުމާލޭ ޑިޓެންޝަން ސެނަޓްރައް ގެނަދަން ފެނޭ.
ޖާބެ
08 June 2021
ކަރައް މަޅީބާރުވެ ވިޔަފާރިތައް އިންދަޖެހިއްޖެކަން ޔަގީންވީމަ ދޫދިނީމަ ރަނގަޅުވާނެ ، ޕްރައިވެޓް ސެކްޓަރ އެކީގަ ދުއްވާލާފަ ސާބަސް ތިޔަ ކުރާހިތްވަރައް