އައްޑޫގެ ގުޅިފައިވާ ރަށްތަކެއް: އައްޑޫގެ ބިން ހިއްކުމުގެ މަޝްރޫއު މި އަހަރު ބަޔަކާ ހަވާލުކުރާނެ.--
09 ޖޫން 2021 - 19:29
36 comments
އައްޑޫގެ ހަތަރު ސަރަހައްދެއްގެ ބިން ހިއްކުމުގެ މަޝްރޫއު މި އަހަރު ތެރޭގައި ބަޔަކާ ހަވާލުކުރަން ނިންމާފައިވާ ކަމަށް ރާއްޖޭގައި ހުންނަ އިންޑިއާގެ ހައި ކޮމިޝަނުން މިއަދު ބުނެފި އެވެ.
އެ ކޮމިޝަނުން ނެރުނު ނޫސް ބަޔާނެއްގައި ބުނީ މިނިސްޓްރީ އޮފް ފިނޭންސްގެ ފަރާތުން ހުޅުވާލައިފައިވާ ޓެންޑަރަށް ބިޑް ހުށަހެޅުމުގެ އެންމެ ފަހުގެ ތާރީޚަކީ މި މަހު 15 ކަމަށެވެ.
އިންޑިއާގެ އެގްޒިމް ބޭންކުގެ 800 މިލިއަން ޑޮލަރުގެ ލައިން އޮފް ކްރެޑިޓް ފެސިލިޓީގެ ދަށުން ކުރިއަށް ގެންދާ މި މަސައްކަތަށް ހަރަދުވާނެ ކަމަށް ލަފާކޮށްފައި ވަނީ 70-75 މިލިއަން ޑޮލަރެވެ. އަދި މަޝްރޫއުގެ މަސައްކަތް 24 މަސް ދުވަހުގެ ތެރޭގައި ނިންމަން ޖެހެ އެވެ.
އެ ނޫސް ބަޔާނުގައި ބުނެފައި ވަނީ ބައިނަލްއަގުވާމީ ހަތަރު ޑްރެޖިން ކުންފުންޏަކުން އެ ކުންފުނިތަކުގެ އިންޑިއާގެ ސަބްސިޑިއަރީތައް މެދުވެރިކޮށް ބިޑް ހުށަހަޅާނެ ކަމަށާއި މަޝްރޫއު ހަވާލުކުރާ ކުންފުނި ހޮވުމުގެ ކުރިން ކުރަންޖެހޭ ބިޑްތަކުގެ ޓެކްނިކަލް އަދި ފައިނޭންޝަލް އިވޭލުއޭޝަން ކުރިއަށް ގެންދާނީ ދިވެހި ސަރުކާރުން ކަމަށެވެ. އަދި ބިޑް ހުށަހެޅުމުގެ ފަހު ތާރީހަށް ފަހު، 4-5 ހަފްތާގެ ތެރޭގައި ކޮންޓްރެކްޓް ހަވާލުކުރެވޭނެ ކަމަށެވެ.
މި މަޝްރޫއުގެ ދަށުން އައްޑޫގައި 228 ހެކްޓަރުގެ ބިން ހިއްކާނެ އެވެ. އެއީ ރެޒިޑެންޝަލް، ކޮމާޝަލް، އަދި އިންޑަސްޓްރިއަލް ބޭނުންތަކަށް އައްޑޫ ސިޓީގެ ހިތަދޫ، ހުޅުދޫ/މީދޫ އިން 38 ހެކްޓަރުގެ ބިމާއި، 5 ހެކްޓަރުގެ ބިމާއި (2 ރިސޯޓާއި ރަށާއި ލައިގެން) އަދި މަރަދޫ / މަރަދޫފޭދޫ އިން 75 ހެކްޓަރުގެ ބިން ހިއްކުމަށް ހަމަޖެހިފައިވެ އެވެ.
ހައި ކޮމިޝަނުން އިތުރަށް ފާހަގަކޮށްފައި ވަނީ އިންޑިއާގެ ލައިން އޮފް ކްރެޑިޓް މަޝްރޫއުތަކުގެ ކޮމްޕޮނެންޓްތަކުގެ ތެރެއިން 65-75 ޕަސެންޓް ސޯސްކުރެވޭނީ އިންޑިއާ އިން ކަމަށްވީ ނަމަވެސް މި މަޝްރޫއުގެ ޚާއްސަ ރިކުއަމެންޓްތަކުގެ ސަބަބުންނާއި ރައީސްގެ އެދިލެއްވުމުގެ މަތިން އިންޑިއާ އިން ސޯސްކުރެވޭ ކޮމްޕޮނެންޓްތަކުގެ ޕަސެންޓް 55 އަށް ކުޑަކޮށްދީފައިވާ ކަމަށެވެ.
އައްޑޫ ހިތަދޫ: އައްޑޫގެ ބިން ހިއްކުމުގެ މި މަޝްރޫއު އަށް 70-75 މިލިއަން ޑޮލަރު ހަރަދުވާނެ ކަމަށް ލަފާކޮށްފައިވޭ.-
ބިން ހިއްކުމުގެ މި މަޝްރޫއުގެ ޒޯނިން ޕްލޭންތަކުގެ ދަށުން މިހާރު ހުރި ހާބަރު ފްރަންޓް ފެސިލިޓީތައް އަޕްގުރޭޑް ކުރެވި، ވިޔަފާރި އާއި މުޖުތަމައުގެ ބޭނުންތަކަށާއި އަދި އައްޑޫގެ ރަށްތަކުގެ ރައްޔިތުންގެ ރެޒިޑެންޝަލް ބޭނުންތަކަށް ވެސް ބިން ހަމަޖައްސައިދޭނެ އެވެ.
ޕްރައިވެޓް ސެކްޓާގެ އިންވެސްޓަރުން ރިސޯޓް ތަރައްގީކުރުމަށް ރަށްތައް އުފެއްދުމަށްޓަކައި ފަޅު ހިއްކުމަށް ވެސް ނިންމާފައިވެ އެވެ. މިގޮތުން، ހަތަރު ސްޓާ 'ލެގޫން ރިސޯޓް' ތަރައްގީކުރުމަށް އިންވެސްޓަރުން ޝައުގުވެރިކުރުވުމުގެ ގޮތުން ގާތްގަނޑަކަށް 25 ހެކްޓަރުގެ ބިން ހިއްކާ ގޮނޑުދޮށް ހިމާޔަތްކުރުމަށް ވަނީ ހުށަހަޅައިފަ އެވެ.
އައްޑޫގެ މަގުތައް ތަރައްގީކޮށް، ބިން ހިއްކުމަކީ ރައީސް އިބްރާހިމް މުހައްމަދު ސޯލިހުގެ ވައުދެކެވެ. އެ ސިޓީގެ އިގްތިސާދު ކުރިއަރުވައި ޓޫރިޒަމާއި މަސްވެރިކަމާއި ރީޓެއިލް އަދި ހޯލްސޭލް ވިޔަފާރީގެ ދާއިރާ އިން ޕްރައިވެޓް އިންވެސްޓްމެންޓްތައް އައްޑޫ އަށް ގެންގޮސްދިނުމަށްޓަކައި ދިވެހި ސަރުކާރުން ވަނީ އައްޑޫ ޑިވެލޮޕްމެންޓް ޕްރޮޖެކްޓް (އޭޑީޕީ) ގެ ނަމުގައި ބޮޑު މަޝްރޫއުއެއް ފަށައިފަ އެވެ.
މި މަޝްރޫއު ނިމޭއިރު، ރާއްޖޭގެ ދެކުނުގެ ޒަމާނީ އިގްތިސާދީ ހަބަކަށް އައްޑޫ ވެގެންދާނެ ކަމަށް ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަސްކުޅަނދުރު
11 June 2021
ރައީސް ޔާމީން ވެރިކަމުގައި ވަނީ ބިން ހިއްކުމުގެ މިފަދަ މަޝްރޫއުތައް ހިންގުމަށް އެހެން ބައެއްގެ އުގަށް ނުވެއްޓި ދަރަނިވެރިނުވެ ކުރެވޭ ގޮތަށް މަހާޖައްރާފު ހޯދާފައި. ހެޔޮވާނީ ކިހިނެއްތޯ އިންތިހާ ބޮޑު އަގުގައި ރައްޔިތުން ބޮލުގަ ދަރަނި އަޅުވައިގެން މިކަހަލަ ޖަރީމާ ހިންގަން. ހާދަ ރަހުމެއްނެތް ބައެކޭ ވެރިކަމުގައި ތިބީ
ވަތަންދެކެ ލޯބިވޭ
11 June 2021
އައްޑޫ ބިމުގެ ބޮޑު ބައި މިހާރުވެސް އެއޮތީ ހުސްކޮށް ފަޅަށް. އިންޑިޔާ ސަރުކާރުން އަމިއްލައަށް އިސްނަގައިގެން ބޭކާރު މަޝްރޫއުތައް ހިންގައިގެން ބަގުރޫޓްވެފަ އޮތް ދައުލަތެއް ދަރަނީގެ އަސްލު ދަންތުރާގައި މިވަނީ ޖައްސާފަ. މީގެ ބަދަލެއްގެ ގޮތުގައި ބީވެގެން ދާނީ ގައުމުގެ މިނިވަންކަން
ދޮން ދީނި
10 June 2021
"މި މަޝްރޫއު ނިމޭއިރު، ރާއްޖޭގެ ދެކުނުގެ ޒަމާނީ އިގްތިސާދީ ހަބަކަށް އައްޑޫ ވެގެންދާނެ ކަމަށް ބުނެފައިވެ އެވެ." ރާއްޖޭގެ އެންމެ ބިންބޮޑު އެއް ރަށުގައި ބިންހިއްކައި މަގުހަދަން 200 މިލިއަން ޑޮލަރު ޚަރަދު ކުރީމައި އިގްތިސާދީ ހަބަކަށް އެތަން ވެގެން ދާނެ ގޮތަކަށް މަށަކަށް ނުވިސްނޭ. މީގެ ކުރިންވެސް ހިތަދޫން ވަނީ ބިންހިއްކާފައި. ކުރެވުނު ބޭނުމެއް އަޅެ ބުނެބަލަ؟ ބޮޑުބައި ނެގީ "ސަރުކާރުގެ ބޭނުމަށް". ރަށުން ދޫކުރީ 4000 އަކަފޫޓު ގޯތި. މިއީ ތަރައްޤީ؟؟
ދޮން ދީނި
10 June 2021
އަތޮޅުގެ ބިމުގެ ބޮޑުބައި ފަޅަށްއޮތް އަތޮޅެއްގައި ތިއީ ހަމަ ލާރިގަނޑެއް ތަޅާ ބުރުވާލުން. މަރަދޫ އަދި މަރަދޫ ފޭދޫ ހާލުގައި އޮތްކަމަށް ގަބޫލުކުރަން އެކަމަކު ހިތަދޫ އަދި ހުޅުދޫ މީދޫ ހިއްކަންޖެހޭ ސަބަބެއް ނެތް. ތި އަތޮޅުގައި ތިޔަށްވުރެ ޚަރަދު ކުރަން މާ މުހިންމު ކަންކަން އެބަހުރި. ގޯތިދޭން ބިންހިއްކައިގެން ތަރައްގީއެއް ނުވާނެ. ދަރަނިވެރި ވާނީ. ތިކަހަލަ ލޯނުން ކުރާ އިންވެސްޓްމެންޓް އެންމެ ފައިދާވާނީ ލާރިލިބޭ ކަންކަމަށް މަގުފަހި ކުރީމާ.
ރާއްޖެ
10 June 2021
މިގައުމުގަ ރައީސަކު ހުރެ ގައުމު މި ހިންގަނީ އިންޑިއާ އެމްބަސީ އިން. މިއީ މިނިވަން ގައުމެއްތޯ މިހާރު؟
ކަކުނިބޯ
10 June 2021
75 މިލިޔަން ޑޮލަރ 228ހެކްޓަރ، ހެކްޓަރ އަކަށް 328,947.37ޑޮލަރ އެހެންވީމާ ހެކްޓަރެ އްގަ އި 107639 އަކަފޫޓު، އަކަފޫޓަކަށް 3.05 ޑޮލަރ ވީމާ 47.04 ދިވެހި ރުފިޔާ. ޙުޅުމާލެ ފޭސް1 ހި އްކީ އަކަފޫޓެ އް 7.50ރ ފޭސް 2 އަކަފޫޓެއއް 16ރ . ޢަންނި ރާ އްޖޭގެ އެތަންމިތަން ހި އްކީ އަކަފޫޓެ އް3.50ރ އަދި ގުޅިފަޅު ގާތްގަޑަކަށް އަކަފޫޓެއް 10ރ. ޥީމާ ރާ އްޖޭގެ އެންމެ ޑިމާންޑްދަށް އެ އް އޭރިޔާ މިވަގުތު މި އަގުގަ އި ލޯނުން ހި އއްކުމަކީ އިންޑިޔާގެ ދަރަނީގެ އަޅަކަށްހެދުން
ދޮން ދީނި
10 June 2021
ބަލަ ނުބައިކޮށް ތި ގުނަނީ.. ކޮބާ ބައި އަޅަން ޖެހޭ މީހުން. 47 ރުފިޔާއަށް އަކަފޫޓެއް ނިމުނުކަންވެސް ރަނގަޅު. ކޮންސިއުލޭޓަށް މަރުދޭ މީހުން ބަލައިލީމައި އިނގޭނެ ބައިޢެޅުނު މީހުން.
އައްޑޫގޫބައްޑާ
10 June 2021
އައްޑޫގެ ބިން ހިއްކައިދީ ތަރައްގީ ކުރަން އުޅޭތީ ކަންބޮޑުވާ ބަޔަކު އަބަދުވެސް ތިބޭކަން އެއީ މާޒީންވެސް ފެނިގެންދިޔަ ކަމެއް. ލައްކަ ގިނަދުވަހު ތިޔަ ގްރޭޓަރމާލޭގެ ކޮތަރުކޮށިތަކުގައި އުޅެވިއްޖެ. ދެން ވައްސަލާމް!!!
މިވަރެއްނެތް
09 June 2021
ތިއަތޮޅުގެ ބިމުގެ ބަޑައެއް ފަޅުކޮށްއޮވެ، އަތޮޅުގެ އާބާދީގެ ބޮޑުބައެއް މާލޭގައި އުޅޭއިރު ތިތަނުން ބިން ހިންކަންޖެހޭ ސަބަބަބެއް އަޅެކޮބާ؟ ޔާމީނުގެ ވެރިކަމުގައި ހިއްކިބިންތައްވެސް އަދިވެސް ބޭނުންނުކުރެވޭ. ތިފައިސާއިން ވަޒީފާ އުފައްދާ ފިޔަފާރިކުރިއަރުވަން ހޭދަކުރުން މާރަނގަޅުނޫންތޯ؟ ބޯހަލާކު
ޑުރެކިއުލާ
09 June 2021
75 މިލިއަން ޑޮލަރަށް އެހިއްކަނީ 5 ރަށުގެ ބިން، އަލަށް ދެރަށާއި އެކީ، ޖުމްލަ 228 ހެލްޓަރުގެ ބިން. ކ،ދެހުޅުމާލޭ ދޭތެރޭގަ ހަމަ އެކަނި ރީއްޗަކަށް ކޯރެއް ހަދައިގެން އެހިންގަނީ 80 މިލިއަން ޑޮލަރުގެ މަޝްރޫއެއް ބަޖެޓަށް ނާރާގޮތަށް ކުންފުންޏެއްގެ ނަމުގަ، އާހިރުގަ ޓެކްސް ފައިސާއިން ލޯނުދައްކަން އެދިމާކުރަނީ. މިހާ ނާއިންސާފުން ކަންތައް ހިނގާތަން ބަލަން ތިބެންވީތޯ ކޮންސިއުލޭޓު އަޅައިގެން ކުރިއަށް ދާންވީތޯ.
ރޯޒަސް
10 June 2021
ތި އޮޅުވާލީ ދޯ؟ ހުޅުމާލޭ ކޯޕަރޭޝަނުން ލާރި ހޯދާ. އެމީހުން އެ ލާރި ދައްކަނީ ކޮމާޝަލް މަސައްކަތުން. އައްޑޫ ތިހިއްކަނީ ދިވެހި ރައްޔިތުން ރަހުނު ކޮށްފައި. ތިޔަކުން އެއްވެސް ލާރިއެއް މިގައުމުގެ ރައްޔިތުންނަށް އަނބުރައެއް ނުލިބޭނެ. އައްޑޫގައި 228 ހެކްޓަރު ހިއްކަންޖެހޭ އެއްވެސް ސަބަބެއް ނެތް. %50ގެ ފަޅަށް. ގެއެއްގައި 5000 އަކަފޫޓު. ރާއްޖޭގެ ދެވަނައަށް އެންމެ ބޮޑު ރަށް ހިތަދޫއަށް 90 ހެކްޓަރ ބޭނުންވެއޭ ކިޔާ ލާރިތަށް ތަޅާލުމަކީ ވަރަށް ބޮޑު ބޭއިންސާފެއް.
އޮނަރަބްލް އަފީފު ދީދީ
09 June 2021
އައްޑޫ ބިންހިއްކުމުގެ މަޝްރޫޢުއާއިއެކުގައި އެމްޑީޕީ އަދި ސޯލިޙްގެ ވައުދުނާމާގައިކަޑައެޅި ހުޅުމީދޫ ހިތަދޫ ބްރިޖް މަޝްރޫއުގެ އަމަލީމަސައްކަތްފެއްޓޭތޯ ބެލުންވެސް ވަރަށްމުހިންމު. # ކޮންކްރީޓް ބްރިޖެއްގެ ބަދަލުގައި ޒަމާނީ މެޓްރޯ ލިންކަކުން އަވަށްތައް އެއަޕޯޓާއި ހަމައަށް ގުޅާލުމަށް އިންޑިޔާގައި MMRDA ގެ ފަރާތުން ހިންގަމުންގެންދާ މޮނޮރެލް ޕްރޮޖެކްޓްގެ އެހީތެރިކަން ލިބޭތޯ ހައިކޮމިޝަން މެދުވެރިކޮށް ސިޓީކައުންސިލުން ސީދާ ނިއުދިއްލީ ސަރުކާރުގައި އެދެންޖެހޭ.
ަނިރު
09 June 2021
ރާއްޖެތެރޭގަ ހިއްކާ ބިންބި މުން އެރަށުގެ ރައްޔިތުންނަށް ޖާގައެއްނުދޭ އެހެން ހިއްކާ ހުރިހާ ބި މެއްހެންވަނީ މަލޭގެ ބިމަށް. ދެން އެބިން އޮންނާނި ހައުސް ޔޫޒް ޕުލޭނޭ ކިޔާ ހިފަހައްޓައިގެން. ޢެރަށު ރައްޔިތުންނަށް ގަހެއް އެހެން އޮންނަ ބި މެއްގައި އިންދާލައިގެން އޫޅެންވެސް ފުރުސަތެއް ނުދޭ.