ޖިންސީ ގޯނާ އާއި ރޭޕްއާ ދެކޮޅަށް މީގެ ކުރިން މާލޭގައި ބޭއްވި މުޒާހަރާއެއްގައި ބަޔަކު އަޑުއުފުލަނީ-- މިހާރު ފައިލް ފޮޓޯ
13 ޖޫން 2021 - 10:40
18 comments
އުތުރުގެ ރަށެއްގައި ދިވެހި އަންހެން ޓީޗަރަކު އޭނާގެ 16 އަހަރުގެ ފިރިހެން ދަރިވަރަކާ ބެހުނު ކަމަށް ބުނާ މައްސަލައެއް ފަަޅާއެރުމާ އެކު ޓީޗަރު ސަސްޕެންޑްކޮށްފައިވާ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.
އެޑިއުކޭޝަން މިނިސްޓްރީގެ ޕާމަނަންޓް ސެކްރެޓަރީ އަހުމަދު އަލީ، "މިހާރު" އަށް ވިދާޅުވި ގޮތުގައި އެ މައްސަލަ އެޑިއުކޭޝަންގެ ސަމާލުކަމަށް ގެނައުމާ އެކު މަސައްކަތުން އެކަހެރިވުމަށް ޓީޗަރަށް އެންގި އެވެ. އަދި އެ މައްސަލަ ފުލުހުން ތަހުގީގުކުރަމުން އަންނަކަން ސްކޫލުން އެންގުމާ އެކު، ސަސްޕެންޑްކޮށްފައިވާކަން ލިޔުމުން ޓީޗަރަށް އަންގާފައިވާ ކަމަށް އޭނާ ވިދާޅުވި އެވެ.
މިދިޔަ ބުރާސްފަތި ދުވަހުގެ ރޭ ފުލުހުން ބުނެފައިވާ ގޮތުގައި އެ ޓީޗަރުގެ ފަރާތުން އެހެން ދަރިވަރުންނަށް ވެސް ޖިންސީ ގޯނާ ލިބިފައިވާ ކަމަށް ބެލެވެ އެވެ.
ތުހުމަތުކުރެވޭ 25 އަހަރުގެ އަންހެން ޓީޗަރަކީ އެކަން ހިނގި ރަށުގެ މީހަކާ އިނދެގެން އުޅޭ އެހެން ރަށެއްގެ މީހެކެވެ. އެ ހާދިސާގެ މައްސަލަ ތިލަވުމާ އެކު އޭނާ ވަނީ އަމިއްލަ ރަށަަށް ގޮސްފަ އެވެ.
މިކަން ހިނގި ރަށުން "މިހާރު" އާ ކުރިން ވާހަކަ ދެއްކި މީހަކު ބުނި ގޮތުގައި އެ ޓީޗަރު ކުއްޖާއަށް ޖިންސީ މުއާމަލާތްތަކެއް ކޮށްފައިވެ އެވެ. އެކަން ފަޅާއެރުމުން ރަށަށް ފުލުހުންނާއި ޖެންޑާގެ ޓީމެއް ވެސް ދިޔަ އެވެ. އެކަމަކު އެ މައްސަލައާ ގުޅިގެން މީހަކު ހައްޔަރުކުރިކަން ނުވަތަ ނޫންކަން އަދި ސާފެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަންވަތް
13 June 2021
މައްސަލާގައި ހިމެނޭ އަނެއް ދެ ކުދިންނަކީ ދެކޮއްކޮވިމަތޯ ތަހުގީގީއިދާރާތަކަށް މައުލޫމާތު ނުދީ ސިއްރުކުރަނީ އެންމެ ކުއްޖަކު ގުރުބާން ކުރަމުން ތިޔަދަނީ
ރާވެރިޔާ
13 June 2021
މަގާމް ލިބުމުން ކުރިފުރަތަމަ މަސައްކަތުގަ އަމިއްލަ މަސްލަހަތު އިސްކުރިތަން މިފެނުނީ ދެންފަހުން،،،،،،،،،،،،،
ތުއްތު ސާހިބު
13 June 2021
އަހަރުމެން ކިޔވެިއިރުވެސް މިކަހަލަ މިސްމެން ތިބޭނަމަ ހުވާ މިބުނީ. އަހަރުމެން ކިޔެވެިއރު ތިބޭ މިސްމެންނާ ދިމާލަށް ނުކެރޭ ބަލާލަންވެސް ބިރުވެރިކަމުން. ލަންކާ މޫޝްމީ މިސް އެއްމެ ޓަފީ އިނގޭ. އަބަދު މަ އުލު ބައިންދާފަ އިންނާނީ.
ވެންޑާ
13 June 2021
ފިރިހެނެއް ނަމަ އޭނަގެ ނަމާ ރަށާ އުމުރާ އިސްކޮޅާ އޭނަ ދަތުރުކޮށްފަ ހުރި ގައުމުތަކާ އޭނާ ކާ އެއްޗިއްސަށް ދާންދެން ކަލޭމެން ލިޔާނޭ. ހިިޕޮކްރޮސީ
ވިކްސާސް
13 June 2021
ކޮބައިތަ ފެމިނިސްޓް ޓްވިޓަރޭމެންނާ އުތެމަޔާ ފިނދަނަޔާ. އަޑެއްބަޑެއް ނެތް.
ދޫޫނި
13 June 2021
ދެކޮއްކޮގެ މައުލޫމާތު ސިއްރުކޮށްފައިވާތީ ނިޔަތާމެދު ސުވާލު އުފެދޭ
ހައްޕުނޑު
13 June 2021
ކޮބައިތަ ފެމިނިސްޓް ބައިގަނޑު
ކަރުވާ
13 June 2021
ތި މައްސަލައިގައި އެ ޓީޗަރު ވަނީ ޖިންސީ ފުރައްސާރަ ކުރިކަމައް ތުހުމަތު ކުރެވިފައި. ނަމަވެސް ފުރައްސާރަ ކޮށްފައިވަނީ 1 ކުއްޖަކައޮ ނޫން ކަމައް އެނގިފަ ވަނީ. ޓިޗަރު ޖިންސީ ފުރައްސާރަ ކުރީ 3 ކުދިންނަށް. އޭގެ ތެރެއިން ދެ ކުއްޖެއްގެނަން ސިއްރު ކުރެވިފައިވާކަމަށް ރަށުތެރޭގައި ދަނީ ކިޔާ. މައުލޫމާތައްޓަކައި ބުނެލީ.
ގުނބޯ
13 June 2021
އަންހެންވީމަ ނަމެއް, ފޮޓޮއެއް, ހައްޔަރެއް ނެތް ދެއްތޮ?
ވޯލް
13 June 2021
ތިޔަ ވާނީ ފިރިހެން ސޮރުގެވެސް ރުހުމުގައި ކުރި ކަމަށް މި ޒަމާނުގައި 16 އަހަރު ކުދިންނަކީ މީގެ ކުރީގަިއ 18-20ކުދިން. ރަގަޅަށް ވިއްޔާ ފަޅާ އެރީމަ ޓީޗަރުގެ ބޮލަށް ކަނޑާލީ.