މަންދު ކޮލެޖަށް ބަދަލުގެ ގޮތުގައި 15 މިލިއަން ރުފިޔާ ދީފި

މަންދު ކޮލެޖް ހިންގާ އިމާރާތް- ފައިލް ފޮޓޯ:/މިހާރު

14 ޖޫން 2021 - 16:10

މަންދު ކޮލެޖަށް ބަދަލުގެ ގޮތުގައި ދިނުމަށް ދައުލަތުން އެއްބަސްވި 15 މިލިއަން ރުފިޔާ އެ ކޮލެޖް ހިންގާ ކުންފުންޏަށް ދިނުމުގެ ގޮތުން ކޯޓަށް ފޮނުވާފައިވާ ކަމަށް ފިނޭންސް މިނިސްޓްރީން މިއަދު ބުނެފި އެވެ.

އެ ކޮލެޖު ހިންގާ މާލެ ހައި ޕްރައިވެޓް ލިމިޓެޑަށް އެމްއީއެސް ހިންގި އިމާރާތް ދޫކޮށްފައި ވަނިކޮށް 2015 ވަނަ އަހަރު ސަރުކާރުން ވަނީ އެއްބަސްވުމާ އެއްގޮތަށް އިންޓަނޭޝަނަލް ސްކޫލެއް ހިންގާފައިނުވާ ކަމަށް ބުނެ އެ ތަން އަތުލައިފަ އެވެ. އެކަމަކު ހައި ކޯޓާއި ސުޕްރީމް ކޯޓުން ނިންމާފައިވަނީ އެ އެއްބަސްވުން ބާތިލްކުރީ ގޯސްކޮށް ކަމަށެވެ. އަދި ގެއްލުމުގެ ބަދަލު ހޯދަން ވަކިން ދައުވާކުރެވޭނެ ކަމަށް ބުންޏެވެ.

އެ ހުކުމްތަކަށް، ގެއްލުމުގެ ބަދަލުގެ ގޮތުގައި 18 މިލިއަން ރުފިޔާ ހޯދަން މަންދު ކޮލެޖުން ދައުވާކުރި އެވެ. ނަމަވެސް ޑިސްޕިއުޓު މަރުހަލާގައި ދެ ފަރާތުން އެއްބަސްވީ 15 މިލިއަން ނަގައިދޭށެވެ. އެއީ މަންދު ކޮލެޖް އެ އިމާރާތުން ބޭރުކޮށްލުމުން އެހެން ތަނެއް ހޯދަން މިހާތަނަށް ކުރި ހަރަދު ކަމަށް ދައުލަތުން ބުނެ އެވެ.

Mandhu college ah 15 million rufiyyaa ge badhaleh dhaulathun dhenee

The most trusted news source in the Maldives

Mihaaru

އެހެންވެ، އެއް މަސްދުވަހުގެ ތެރޭގައި ކޯޓަށް އެ ބަދަލުގެ ފައިސާ ދެއްކުމަށް މިދިޔަ އޭޕްރީލް 19 ގައި ސިވިލް ކޯޓުން ހުކުމްކުރި އެވެ.

ފިނޭންސް މިނިސްޓްރީގެ މީޑިއާ އޮފިޝަލަކު ވިދާޅުވީ އެ ހުކުމާ އެއްގޮތަށް މުއްދަތުގެ ތެރޭގައި ކޯޓަށް ފައިސާ ދައްކާފައިވާ ކަމަށެވެ. އަދި އެ ފައިސާ އަނބުރާ ފިނޭންސް މިނިސްޓްރީއަށް ފޮނުވުމުން، ބަދަލުގެ ވަކި ވަރެއް މަންދުގެ އެކައުންޓަށް މިދިޔަ ހަފުތާގައި ވަނީ ޖަމާކޮށްފަ އެވެ.

ކުރިން ވެފައިވާ އެއްބަސްވުންތައް އުވާލުމާ އަދި މިފަދަ އެކި މައްސަލަތަކުގައި އެކި ފަރާތްތަކަށް ދައުލަތުން މިހާތަނަށް ބަދަލުގެ ގޮތުގައި ވަނީ ބިލިއަނަކަށް ވުރެ ގިނަ ރުފިޔާ ދައްކަންޖެހިފަ އެވެ. މަންދު ކޮލެޖަށް ދޭންޖެހުނު ފައިސާގެ މައްސަލާގައި ވެސް ސަރުކާރަށް ވަނީ ފާޑުކިޔުން އަމާޒުވެފަ އެވެ.

ފިނޭންސް މިނިސްޓްރީ ސިވިލް ކޯޓް މަންދު ކޮލެޖް

54 ކޮމެންޓް, 55 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަރުދާާރު

15 June 2021

ދެން އަނެއްކާ އެހެން ބަޔަކަށް ބަދަލުދޭން އެހެން ކޮންމެސް ހަރުމުދަލެއް ނޫނޫ ސުކޫކެއް ވިއްކާލާ! މި ފަސް އަހަރު ނިމެންވާ އިރަށް ރަނގަޅަށް ބަނޑު ފުރައިގެންދާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުވާ

15 June 2021

ދޭންވާނެދޯ. ޕައިލެޓްކަން ކިޔަވާ ކުދިން ހުރިހާ ފައިސާއެއް ހޭދަކޮށްގެން އެ ލިބުނު ގެއްލުމަށްވުރެ ބޮޑު ގެއްލުންވިއްޔަ މިމީހުންނަށް ވީ. ކޮންމެހެންވެސް ބަދަލުދޭންޖެހޭނެތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

15 June 2021

ސުވާލަކީ މި 15 މިލިޔަނުން އެމްޑީޕީގެ ހަރަކާތްތަކަށް ހެޔޮއެދޭ ފަރާތްތަކުންދޭ ހަދިޔާގެ ނަމުގައި ޚަރަދުވެގެންދާނީ ކިހާ މިންވަރެއްތޯ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދާއުދުބޮޑޭ

15 June 2021

ރަށުގަ އޮންނާނެ އަހަރެންގެ ނުހެދިފަ އޮތް ގޯތިގަނޑެއް. ހެޔޮނުވާނެ މި ސަރުކާރުން އެ ގޯތި ނަގާބަލަ. ދުވަސްކޮޅަކުން މަ ދައުވާކުރާނަން ބަދަލް ހޯދަން. އަންހަންނަށްވެސް ވިއްސަކަށް މިލިޔަން ލިބޭނެއެއްނު. ބަދަލްހޯދުމުގެ ވިޔަފާރީގަ ބައެއް ފަނޑިޔާރުންނަށްވެސް ދޭން ޖެހެނީބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙައިރާން

15 June 2021

ދެން ކޮން 1،5 މިލިޔަނެކޭތަ އޭރު ކިޔީ. މުޅިން އޮޅުވައިލައިގެން ދޯ މި އުޅެނީ. މިކަން ސާފު ކޮށްދީ. ތިދިނީ އަހަރުމެންގެ ލާރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު މޮޔަ ވެއްޖެ

15 June 2021

ޓެކްސް ފައިސާ އާއިލާ އަށް ބަހައި ހުސްކޮށްފި. މިއޮތީ ގައުމެއް. އަހަރެމެން ވިޔަފާރިތަކަށް ދިން ގެއްލުން ކުޑަ ތަ ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

15 June 2021

ރަށްރަށުގަ ޕީޕީލައިގެން ސާމްޕަލް ނަގަމުން، ބަލިމީހުން ބަލަމުން، ވަރުބަލިކަމެއް ނެތި، ޗުއްޓީއެއް، ބަންދަކަށް ނުބަލާ މަސައްކަތްކުރާ ފަރާތްތަކަށް ދޭންޖެހޭ ފްރޮންޓް އެލަވެންސް ނުދީ، ގޭގެ ބޮޑު ސޯފާގެ އޮތް އިބުރާއަށް ޝަރުއީ މަރުހަލާ ފުރިހަމަ ނުކޮށް ތިދިނީ 15 މިލިއަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

15 June 2021

މައުމޫނުގެ ވެރިކަން ވައްޓާލަން އަހަރުމެން ބައިވެރިވެ ޙަރަކާތްތެރިވި އެމްޑީޕީގެ ވިސްނުމުގައި "އިންސާފު ޤާއިމް ކުރުން އޮތީ މިގޮތަކަށްނޫން" ކަން އަހަރުމެން ހަދާން އެބަހުރި. # މިހާރު މިދައުލަތް ހިންގަމުންދާ ގޮތަށް ބަލާއިރު "އަހަރުމެން ވޯޓް ދިނީ އެމްޑީޕީއަށް ކަމުގައި ވިޔަސް" ވެރިކަމުގެ މައްޗަށް ބާރު ހިންގަނީ ރަންނަމާރި ފަދަ އެހެން ބާރަކުންކަން އިގެނީ މިފަދަ އަމަލު ތަކުގެ ސަބަބުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

15 June 2021

ޝުކުރިއްޔާ އިބްރާހީމް މުޙައްމަދު ސާލިހް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަތަނީ

14 June 2021

ޕާޓީ ފަޅައިގެން ގޮއްސިއޭ, ހިތާ ހިތުގެ ގުޅުމުގެ ދެ މީހުން ރުޅިވެއްޖޭ, މަޖްލިސްގައި ޕާޓީގެ ދެ ފެކްޝަން އުފެދިއްޖޭ ކިޔާފައި އަބަދު ރައްޔިތުންގެ ބޮލުގައި ތެތް ގޯނި އަޅުވާފައި ދެ ބޯގެރި އަބަދު ނުދުއްވޭނެކަން އެނގެން ވެއްޖެއެއް ނުން! މިހުރިހާ ޗައްކަރެއް ޖައްސާފައި ގަންނަން އުޅުނުގަނޑަތަކަކީ، އަނެއްކާ ފަނަރަ މިލިއަން ރުފިޔާ ގެއަށް ކަހާލީ! އައްޑޫގައި މިލިޓަރީ ބޭސް ހަދަން އުޅުން، ހަނިމާދޫގައި ގައުމެއްގެ ސިފައިންތަކެއް ގެންނަން އަށްޑިހަ ހާސް އަކަފޫޓަށް ވުރެ ބޮޑު ބިމެއް ކަނޑާފައި ދޭން އުޅުން، ގައުމުގެ ވައިގެ ދޮރާށިތަކުގެ ތަޅުދަނޑިތައް ދޭން އުޅުން! ޖުމްލަކޮށް ގައުމުގެ މިނިވަންކަމާ އިސްތިގުލާލާއި އިގުތިސާދު ކޮންޓްރޯލު ވެރިކަން ހޯދަދޭން އެހީވި މީހުންނަށް ހިބަައިން ދޭންއުޅުނީއެވެ!