މާލެ ލޮކްޑައުންކޮށްފައިވާ ވަގުތު ކާބޯތަކެތި ޑެލިވާ ކުރުމުގެ މަސައްކަތުގައި ފުލުހުންތަކެއް ބައިވެރިވަނީ -- ފޮޓޯ: ނިޝާން އަލީ/ މިހާރު
15 ޖޫން 2021 - 17:04
38 comments
މާލެ ސަރަހައްދުގައި ކޮވިޑް-19 ކޮންޓްރޯލް ކުރުމަށްޓަކައި ސަރުކާރުން އިއުލާން ކޮށްފައިވާ ކާފިއުގެ ވަގުތު މާދަމާ އިން ފެށިގެން ކޮންމެ ދުވަހެއްގެ ހަވީރު 4 އިން ފަތިހު 4 އަށް ދެ ހަފުތާގެ މުއްދަތަށް ބަދަލުކޮށްފި އެވެ.
ކޮވިޑް ކޮންޓްރޯލް ކުރުމަށް އަޅާފައިވާ ފިޔަވަޅުތައް މިއަދަށް ހަމަވި ނަމަވެސް ކުރިއަށް އޮތް ދެ ހަފުތާއަކަށް މާ ބޮޑު ލުޔެއް ނުދެ އެވެ.
މާލެ ސަރަހައްދުގައި މިހާރު ކާފިއު ހިންގާފައި އޮންނަނީ ކޮންމެ ދުވަހެއްގެ ހަވީރު 4 އިން ހެނދުނު 8 އަށެވެ.
ރައީސް އޮފީހުން މިހާރު ކުރިއަށް ގެންދާ މީޑިއާ ބްރީފިންގައި އެޗްއީއޯސީގެ ތަރުޖަމާން ޑރ. ނަޒްލާ ރަފީގު ވިދާޅުވީ، ފިޔަވަޅުތަކަށް މާ ބޮޑު ލުޔެއް ނުދިނީ، ކޮވިޑް ކޭސްތައް ވަރަށް ބޮޑަށް މައްޗަށް ދިއުމުން ޓެސްޓު ކުރުން ހުއްޓާލުމުން ހަގީގީ މަންޒަރު ސާފު ނުވާނެތީ ކަމަށެވެ. ނަމަވެސް މާލެ ސަރަހައްދުގައި މީގެ ދެ ހަފުތާ ކުރިން އިއުލާން ކޮށްފައިވާ ލޮކްޑައުންގައި ކޭސްތައް މަދުވުމުން އަނެއްކާ ވެސް ކޮވިޑަށް ސާމްޕަލް ނެގުމާއި އެކްޓިވް ސާވަޔަލެންސް ސާމަޕަލް ނެގުމާއި ކޮންޓެކްޓް ޓްރޭސިން ވަނީ ކުރިއެކޭ އެއްގޮތަށް އަލުން ފަށާފައި ކަމަށް ޑރ. ނަޒްލާ ވިދާޅުވި އެވެ.
މާލެ ސަރަަހައްދުގެ ކާފިއުގެ ވަގުތަށް ކުޑަ ލުޔެއް ދިން ނަމަވެސް އެހެން ގިނަ ކަންކަން ކުރިއަށް އޮތް ދެ ހަފުތާ އަށް އެޗްޕީއޭ އިން ވަނީ ހިފަހައްޓައިފަ އެވެ. އޭގެ ތެރޭގައި ފުލުހުންގެ ހުއްދައަކާ ނުލައި ބޭރުތެރޭގައި އުޅުމާއި ސްކޫލުތައް އަދި ކެފޭ/ރެސްޓޯރަންޓުތައް ހުޅުވައިގެން ކެއުންބުއިމުގެ ހިދުމަތް ދިނުން ހިމެނެ އެވެ. ނަމަވެސް އެޗްޕީއޭ އިން މިހާރު މާދަމާ އިން ފެށިގެން، އެކަނި ކުރާ ކަސްރަތުތަކަށް ހުއްދަ ދީފަ އެވެ. އެފަދަ މީހުން އެ ކަސްރަތަށް ނުކުތުމަށް ހުއްދަ ގަޑިއަކީ ކޮންމެ ދުވަހެއްގެ ފަތިހު 4 އިން ހެނދުނު 8 އަށެވެ.
މީގެ އިތުރުން އެޗްޕީއޭ އިން ކަނޑައަޅާ ގައިޑްލައިންތަކެއްގެ ދަށުން އެޕޮއިންޓްމަންޓް އުސޫލުން ހިދުމަތް ދިނުމަށް ސެލޫންތަައް ހުޅުވަން ހުއްދަ ދޭން އެޗްޕީއޭ އިން ވަނީ ނިންމައިފަ އެވެ.
މާލެ ސަރަހައްދުގައި އާދަޔާ ހިލާފަށް ކޮވިޑް ފެތުރެން ފެށުމާ ގުޅިގެން ފިޔަވަޅުތައް ހަރުކަށިކޮށް، ލޮކްޑައުންއެއް އެންމެ ފަހުން އިއުލާން ކޮށްފައި ވަނީ މިދިޔަ މޭ 26 އިން ފެށިގެން ދެ ހަފުތާގެ މުއްދަތަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދުން999
16 June 2021
މީކޮންކަހަލަ ލުޔެއްބާ؟؟ ކިޔާނުކިޔާ އެއްޗެއް ނޭގެ. ބޭރަށް ނުނިކުމެވޭ އެކަމަކު ކާފިއު ގަޑިއަކީ ހަވީރު 4 އިން ހެދުނު 8 އަށް. ކަސްރަތުކުރާ މީހުންނަށް ފަތިހު 4 އިން. ގިނާމީހުން ކަސްރަތު ކުރާނީ ހަވީރު. ސަރުކާރު މުސާރައިގައި ތިބި މީހުންނަށް ފަތިސް އޯކޭ. ގައުމުގައި ގިނައީ އަމިއްލަ މަސައްކަތް ކުރާ މީހުން. ދަރިފުޅު މީހަކާ ހަވާލުކޮށްފައި ގިނަ މީހުންނަށް ކަސްރަތަށްވެސް ނުކުމެވޭނީ ހަވީރު.
ރުކުރާ
17 June 2021
އެހެންތަ؟ މާ ބޮޑަށް ކަންނެތީ.. ފަތިހުވެސް ނުކުމެވޭނެ ބޭނުމިއްޔާ..
ނުވާ
16 June 2021
މިއީ ކިތަންމެ ދުވަހަކު ބަންދުކޮށްފަ އޮތަސް 50އަށް ތިރިވާނެ އެއްޗެއްނޫންހެން ހީވަނީ. ކޮންމެވެސް ދިމާލަކުން އަބަދުވެސް އެބައުޅޭ ގައުމަށް ކޮވިޑް ލީކްވާ ދިމާލެއް. ޗައިނާ މީހުން ހަދާ ގޮތަށް ނުހަދާ ބަލި ކޮންޓްރޯލެއްނުކުރެވޭނެ.
ހަލީމަ
16 June 2021
އުންމީދު ކޮށްގެން ހުރީ ކުރިން އޮތް ގޮތައް ދުއްވުން މަނާ ކޮށްފައި ނަމަވެސް ހަވީރު ނުކުމެލަން ހުއްދަ ލިބޭނެކަމަށް ވަރަށް ދެރަ ކެއްތެރިކަމާއެކު އިންތިޒާރުކުރުން އޮތީ ހަވީރު ދަރިފުޅު ގޮވައިގެން މޫދައް ގޮސްލަން ބޭނުންވީ އަސްލު
ހަލީމާ
16 June 2021
ފަތިހު ދޭބަލަ. ސިއްހަތަށް ރަގަޅުވާ އަވިވެސް ހުންނަނީ އެގަޑީގަ ކަމަށް ބުނަނީ.
ހަލީމަ
16 June 2021
ހެނދުނު އޮފީހައްވެސް ދާންޖެހޭ އޭ އެންމެންްގެ ޙާލަތު އެއް ގޮތެއް ނުވާނެ ދޯ
ކޮބާ
16 June 2021
ތިޔޮތީ ރާއްޖެތެރެ ރައީސް ހޮވިފަ
ބައި
15 June 2021
ކޮރޮޕްޝަން ގެ ބޮޑު މީހާ ތިއައީ. ދެން އުޅޭނީ ބަންގާޅީން ގައިން ނުނެއްޓިގެން. ކޮން މެވެސް އެއްޗެކޭ ކިޔާފައި ލިބޭހައި ފައިސާގަނޑު ލިބުން ހުއްޓުނަކަ ނުދޭނެ.
ސުމާ
15 June 2021
ހާދަބޮޑު ލުޔެކޭ ތިދެއްވީ.
ރާއްޖެ
15 June 2021
ސެލޫންތައް ހިންގާ ހައެއްކަ މީހުން އިބޫ އާއި ބައްދަލު ކުރީ މިއަދު. އެ ދިނީ އެޗްޕީއޭއިން ހުއްދަ.
ޢިބޫ
15 June 2021
ހިޔެއްނުވޭ މިވެރިކަމަކު މިލޮކްޑައުނުން ސަލާމަތް ވާނެހެން، އެއްބަޔަކު މަހުޖަނުންނަށް ވަނީ އަނެއް ބަޔަކު ސަލާންޖަހަން ނުކުންނަ ހިސާބުގަ.
ފަހުދު
15 June 2021
މިހާރު އެބަހީވޭ ރައްޔިތުން މުޒާހަރާ ކޮއްފާނެތީ ބަންދުގަ ބައިތިއްބައިގެން އިންޑިޔާ އައް ގައުމު ވިއްކާލަން އުޅޭހެން
ފަހުދޫ
16 June 2021
އެބަ ހީވޭ މާބޮޑަށްވެސް. މިއޮތީ ރަގަޅު ބަހަނާއެއް ލިބިފަ ބަޔަކު މުޒާހަރާކޮށް އަޑުގަދަކޮށްފާނެތީ.
ކަކުނިބޯ
15 June 2021
ކޮވިޑްމޫސުމްދައްކާގޮތުން ކޮންޓްރޯލްވާން އޮތީ ކޮވިޑް އެލަވަންސް ކަނޑާލެވިގެން އަދި ޕްރައިވެޓް ސެކްޓަރއިން ޓެސްޓްކޮށްގެން ނާޖާއޒު ގޮތުގައި ހޯދާފައިސާ ހުއްޓުވި ރަނގަޅުމޮނިޓަރިންގ ނިޒާމަކަށް،ބަދަލުކުރެވި. ޢަދި ރާއްޖެ އިންޑިޔާއަށް އިންޑިޔާހިތްއެދޭމިންވަރަށް ވިއްކާނިމިގެން އަދި ހަމާއެއާއިއެކު ރާއްޖެއިން އިންޑިޔާއަށް ދަރާދަރަނި ދެންއަންނަވެރިކަމެއްގައިވެސް އިންޑިޔާއާދިމާއަށް ނުރުހުމުގެނަޒަރަކުން ބަލާލަންނުކެރޭވަރުގެ ބޮޑެތިދަރަނި ބޮލުގައެޅުވމުން