20 ޖޫން 2021 - 17:49
23 comments
ރާއްޖޭގެ ޖުރިސްޑިކްޝަން ނެތް ނުވަތަ ރާއްޖޭގެ ބާރު ނުފޯރުވޭ ތަނެއްގައި ދައުވާ ލިބޭ މީހާ ހުރެ ޝަރީއަތް ކުރިއަށް ގެންދިއުމަކީ ޖޯކެއް ކަމަށް ޕްރޮސެކިއުޓާ ޖެނެރަލް ހުސެއިން ޝަމީމް ވިދާޅުވެއްޖެ އެވެ.
ޕީޖީ އޮފީހުން މިއަދު ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން ޝަމީމް ވިދާޅުވީ، ކުރީގެ ޓޫރިޒަމް މިނިސްޓަރު އަލީ ވަހީދުގެ މައްސަލަ އޮންލައިންކޮށް ބޭއްވުމާ މެދު ގޮތެއް ނިންމާނީ ކޯޓުން ކަމަށެވެ.
ޝަމީމް ވިދާޅުވީ، ރާއްޖޭގެ ޖުރިސްޑިކްޝަން ނުހިނގާ އަދި ރާއްޖޭގެ ބާރު ނުހިނގާ ތަނެއްގައި، ދައުވާ ލިބޭ މީހާ ހުރެ، ޝަރީއަތުގައި ބައިވެރިވާ ނަމަ ގޮންޖެހުންތަކެއް ހުންނާނެ ކަމަށެވެ.
މިކަމުގައި މިސާލެއް ނަންގަވަމުން ޝަމީމް ވިދާޅުވީ، އޮންލައިން އަޑުއެހުމެއްގައި ޝަރީއަތުގެ ހުރުމަތް ކަނޑައިފި ހާލަތެއްގައި، ދައުވާ ލިބޭ މީހާ ރާއްޖޭގެ ޖުރިސްޑިކްޝަނުން ބޭރުގައި ހުރުމުން އޭނާއާ މެދު ފިޔަވަޅު އެޅޭނެ ގޮތެއް ނެތުން ހިމެނޭ ކަމަށެވެ.
"ތަންފީޒު ކުރެވޭ ނިޒާމެއް އޮންނަން ޖެހޭ. އެހެން ނޫނީ މި ބޮޑު ޖޯކަކަށޭ ވާނީ. އެހެންވީމާ އަޅުގަނޑު މި ދަންނަވަނީ އެގޮތަށް ޝަރީއަތް ކުރުމަކީ އަޅުގަނޑުމެންނަކަށް ގަބޫލެއް ނުކުރެވެއޭ މި ޝަރީއަތް ކުރުމުގެ މުޅި ނިޒާމާ އެއްކޮށް ހިނގާނެ ކަމެއް ކަމަކަށް. އަޅުގަނޑުމެންގެ ޖުރިސްޑިކްޝަން ހިނގާތަނެއްގައި ދައުވާ ލިބޭ މީހާ ހުންނަން ޖެހޭ ކަމަށް އަޅުގަނޑަށް ގަބޫލު ކުރެވެނީ." ޝަމީމް ވިދާޅުވިއެވެ.
ޖިންސީ ގޯނާ އާއި ރޭޕުގެ ތުހުމަތުތަކެއް އަލީ ވަހީދަށް ކުރެވި، އޭނާގެ މައްޗަށް މި މައްސަލައިގައި ދައުވާ ކޮށްފައިވަނިކޮށް އަލީ ވަހީދު ވަނީ ކްރިމިނަލް ކޯޓުގެ ހުއްދައާއެކު ބޭސްފަރުވާއަށް ރާއްޖެއިން ބޭރަށް ވަޑައިގެންފަ އެވެ. އަލީ ވަހީދުގެ ޕާސްޕޯޓު ދޫކުރުމަށް ކްރިމިނަލް ކޯޓުން އަމުރު ނެރުނީ، އެނބުރި ވަޑައިގަންނަވާނެ ކަމުގެ ޔަގީން ކަމެއްގެ ގޮތުން ޔޫތު މިނިސްޓްރީގެ ސްޓޭޓް މިނިސްޓަރު އަސްހަދު އަލީ (އަޑުބަރޭ) ޖާމިނު ކުރުމަށް ފަހު އެވެ.
ނަމަވެސް އެނބުރި ވަޑައިގަތުމަށް އަލީ ވަހީދަށް ކޯޓުން ދިން މުއްދަތު ހަމަވި އިރުވެސް، ބޭސްފަރުވާ އަދިވެސް ނުނިމޭތީ އަލީ ވަހީދު ވަނީ މުއްދަތު ހަމަވުމުގެ ކުރިން، އޮންލައިންކޮށް ޝަރީއަތް ކުރިއަށް ގެންދިއުމަށް އެދި ކޯޓަށް ސިޓީއެއް ފޮނުއްވައިފަ އެވެ.
މި މައްސަލައިގެ އަޑުއެހުމެއް މިހާރު ވަނީ މާދަމާ އަށް ތާވަލު ކޮށްފައިކަމަށް ޕީޖީ އޮފީހުން މީގެ ކުރިން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަފުހާ
21 June 2021
މުޅި ގައުމު މީ ޖޯކެއް.
ޝަމީމާ
21 June 2021
އެކޮޔަށް ނޭނގެނީތަ ތިޔަ ޝަރީއަތުގެ ބޭނުމަކީ އަލީވަހީދު ކުށްވެރި ނުވާކަމަށް ނިންމަން ހިންގާ ކަންތައްގަނޑެއްކަންތީ .
ޢިބޫ
21 June 2021
މިހާރު ޕީޖީގެ ވިސްނުން ހުންނަ ގޮތަކީ ޕީޖީ މިނިންމަނީ މިމީހަކު ކުއްވެރި ވާނެތޯ ނުވަތަ ކުއްވެރި ނުވާނެތޯ، ހަމައެކަނި ކޯޓަށް މިފޮނުވަނީ ހުކުން ކޮއްލަން، އެއީތޯ ދުނިޔޭގެ އެހެން ގައުމުތަކުގަ ވެސް ކަންތަށް ކުރާގޮތަކީ؟
ކައުންސެލަރު
21 June 2021
ހެޔޮނިޔަތުގައިވެސް ކުށްކުރުމަކީ ގޯހެއް. އަދި ހެޔޮނިޔަތުގައި ކުށްކުރުމަކީ އެންމެ ރަނގަޅު ކަމެކޭ ބުނުމަކީ ޖޯކެއް.
އަހާ !
21 June 2021
` ( ރާއްޖޭގެ ބާރު ނުހިނގާ ތަނެއްގައި ޝަރީއަތް ކުރުން ވާނީ ޖޯކަކަށް: ޝަމީމް ) ފުތަތަމަ ކުރަން އޮތްކަނަތައް ކޮއް ކުރަންޖެހޭކަންތައް ފުރަތަމަ ކޮއްގެން މަގެއް ފެންނާނީ އެހެންނޫނީ ތިގޮތުގަ ހުރިކަމުގަވަނީނަމަ ދުވަހަކުވެސް ނުފެންނާނެ ކަމުގަ %100 ގެރަންޓީ އެއްވެސް އިަނސާނަކައް ދެރަގޮތެއް ވުމަކައް ނޭދެން ،، ,,,, إن شاء الله ،،.
އިޔެ1
21 June 2021
ދުނިޔޭގެ ކޮންމެ އެމްބަސީ އަކީ އެގައުމެއްގެ ތަނެއްފަދަ ތަނެއް. ދިވެހި އެމްބަސީގައި ހިނގާނީ ދިވެހި ގާނޫނު
ގަމަރުއްނިސާ
20 June 2021
ނިކަމެތިން ގައިރު ހާޒިރުގައިވެސް ހުކުމް ކޮއްފަ އިންޓަޕޮލް ރެޑް ނޯޓިސް ނެރެ ހުރި ތަނަކުން ދަމާ ކޫއްތާފަ ގެނެސް ޖަލައް ލާއިރު ނުވޭ ޖޯކަކަށް
މޮޔަފުޅުވީތޯ
21 June 2021
އެއްވެސް މީހެއްގެ ހާޒިރުގައި ނޫނީ ޖިނާއީ ޝަރީއަތެއް ނުހިންގާނެ
ޖޯކު ޝަމީމް
20 June 2021
އެސޮރު ފުރައިގެންދިއުމަކީ މާބޮޑު ޖޯކެއްނު؟
ވިސްނާލުމަށް އެދެމޭ
20 June 2021
މިހާރުވެސް ރާއްޖޭގެ ޝަރުއީދާއިރާވަނީ ޖޯކަކަށްވެފަ.ސްޕްރީމްކޯޓުން ފެށިގެން ދަށުކޯޓުތަކާ ހަމަޔަށް.ދެން ޕޖ ބުނެބަލަ ރާއްޖޭގެ ބާރު މިހާރު އެބައޮތްތަ ދައުލަތްހިގުމުގަ.ފެންނަމަންޒަރުތަކާ އިވޭއަޑުތަކާ ސަރުކާރުގެ އަމަލުތަކުން ދިވެހިދައުލަތުގެ ބާރުއޮތްކަމެ ރައްޔިތުންނަކަށް އިހުސާސެނުވޭ.މާދަން ނުމްހޫރީ މައިދާނުގަހުރި ދިދަ ނުނެގުމަށް ބޭރުގައުމަކުން އެންގިޔަސް މިސަރުކާރަކަށް ދެކޮޅެނުހެދޭނެކަމީ ޝައްކެނެތްކަމެ..ވެރިންގެ ނަފްސުމިނިވަންނުވެ ގައުމުމިނިވަނެނުވާނެ.
ޖެކް
20 June 2021
މަތިފަޑީގައި ޖޯކަރުން ތިބީމަ ޖޯކަކަށް ވަނީ. ޔާމީން ކަހަލަ ސީރިއަސްކޮށް ސީރިއަސްވާ ބަޔަކު ތިބިނަމަ ކުޅި ދައްކާލީސް އަޑުބަރޭއަށްވެސް.
ހަސަނު1
21 June 2021
އަލުވެސް.. މައްސަލައަކީ އެކޮޅުން ކުޅިދައްލާފާއި އަނެއް ކޮޅުން ޖީބަށްއަޅާތީ. އެމްއެމްއާރޕީސީން ރައްޔިތުންގެ ލާރި ބިލިއަނަކަށްވުރެ ގިނަ ރުފިޔާ ދަވާލިއިރު އަމިއްލަ އެކައުންޓުގައި 100 މިލިއަނަށް ވުރެ ގިނަ ރުފިޔާ އެބަހުރި.