ކޮވިޑުން ރައްކާތެރިވާން ފިޔަވަޅުތައް އެޅި ނަމަވެސް އެކަމަަށް ސަމާލުކަން ނުދީ މީހުން އެއްތަނަކަށް އެއްވެފައި. ރާއްޖޭގައި ކޮވިޑްގެ ކޭސްތަކުގެ އަދަދު ވަނީ މަދުވެފައި-- ފޮޓޯ: އަހުމަދު އަވްޝަން/މިހާރު
20 ޖޫން 2021 - 23:09
2 comments
ރާއްޖޭގައި ކޮންމެ ދުވަހަކު ކޮވިޑް-19 އަށް ޕޮޒިޓިވްވާ މީހުންގެ އަދަދު 200 އިން ދަށަށް ގޮސް، އެ ބަލީގެ އެކްޓިވް ކޭސްތަކުގެ އަަދަދު މިދިޔަ 24 ގަޑިއިރުގެ ތެރޭގައި ވެސް މަދުވެއްޖެ އެވެ.
އިއްޔެ ހަވީރު 6:00 އިން ފެށިގެން މިއަދު ހަވީރު 6:00 އާ ހަަމައަށް ކޮވިޑަށް ޓެސްޓް ކުރި 5،613 ސާމްޕަލްގެ ތެރެއިން ޕޮޒިޓިވްވީ 187 ސާމްޕަލެވެ. މިއީ މިދިޔަ ހަފުތާއެއްހާ ދުވަހާ އަޅާ ބަލާއިރު ނިސްބަތުން މަދު އަދަދެކެވެ. މިއާ އެކު ރާއްޖޭގައި ކޮވިޑްގެ އެކްޓިވް ކޭސްތަކުގެ އަދަދަކީ މިހާރު 5،300 އެވެ.
ކޮވިޑް ޖެހިގެން ފަރުވާ އަށް އެޑްމިޓް ކޮށްފައިވާ މީހުންގެ އަދަދަކީ އިއްޔެ އާއި މިއަދު ވެސް 46 އެވެ. އެ ބަލީގެ ފަރުވާ އަށް އެޑްމިޓްކުރި މީހުންވެ އަދަދު ވެސް މިދިޔަ ހަފުތާއެއްހާ ދުވަހުގެ ތެރޭގައި ވަނީ ދަށަށް ގޮސްފަ އެވެ.
ރާއްޖޭގައި ކޮވިޑް ފެތުރުން ކޮންޓްރޯލް ވާން ފަށާފައި މި ވަނީ އެ ބަލި ޖެހޭ މީހުންގެ އަދަދު ވަރަށް ބޮޑަށް މައްޗަށް ދިއުމަށް ފަހުގަ އެވެ. އެ ބަލީގެ ކޭސްތަކުގެ އަދަދު މިދިޔަ މަހު ވަރަށް ބޮޑަށް އިތުރުވުމަށް ފަހު ދަށަށް ދާން ފެށީ ބަލި ކޮންޓްރޯލް ކުރަން ހަރުކަށި ފިޔަވަޅުތައްް އެޅި ފަހުންނެވެ. އެގޮތުން ކޮމިއުނިޓީ ސްޕްރެޑް އޮތް ރަށްތަކުގައި ކާފިއު ހިންގުމާއި އެ ނޫން ވަގުތުތަކުގައި ވެސް ޒަރޫރީ ބޭނުމެއްގައި ނޫނީ ބޭރުގައި އުޅުން ވަނީ މަނާކޮށްފަ އެވެ.
ރާއްޖޭން މިހާތަނަށް 70،897 މީހަކަށް ކޮވިޑް ޖެހި އެ ބަލީގައި 198 މީހަކު ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއްޖެތެރޭ އައްމަޓީ
21 June 2021
ތިޔައީ ރޭވުމަކުން ހިނގާ ކަންތައްތައް...ސްކޫލް ޗުއްޓީ އައިސް ލައިގަތީ....ރާއްޖޭގެ އަތޮޅުތަކަށް ދަތުރުކުރަން މާލޭ މީހުންނަށް ހުއްދަދީ އެންމެން ރާއްޖެތެރެއަށް އަންނަން ހިސާބުތައް ބަދަލުކޮށްލައި، ޓެސްޓުތައް މަދުކޮށްލައިގެން ކޮންމެ ޗުއްޓީއަކަށް ތިކަމެއް ފެނޭ
ގެދާނޯމޮސް
20 June 2021
މިހާރު މިގައުމުގެ ހުންގާނު ގައި އެތިބި ބަޔަކު ތިބިހާހިނދަކު އެއިރެއްގެ ހާލަތު ބަދަލު ކޮށްލުމަކީ އެބަޔަކަށް ގާނޫނީ އިމުންނާއި ސިޔާސީ ގޮތުންނާއި މެޑިކަލްގެ ގޮތުންނާއި އަދި މަޑުފިކުރުގެ ގޮތުންވެސް ކޮށްލެވެން އޮތްކަމަކަށް ވާތީ އަދި މިކަމުގަ މިރާއްޖެ އަށް ނަގާނެ ރާޅެއްބުނަން ހިޔާލަށްވެސް ނުގެނެވެއެވެ.