ފިހާރަތަކާއި ކެފޭތައް ހުޅުވާފައި ބެހެއްޓޭނީ 6 ޖަހަންދެން

މަލޭގައި ހިންގާ ރެސްޓޯރެންޓެއް: ކެފޭ/ރެސްޓޯރެންޓުތަކުން ހިދުމަތް ދެވޭ ވަގުތުތަކަށް ވަނީ ބަދަލުގެނެސްފައި-- ފޮޓޯ: އަހުމަދު އަވްޝަން/މިހާރު

އިދުހާމް ނައީމް، މިހާރު

23 ޖޫން 2021 - 11:12

4 comments

ކޮވިޑް-19 ގެ ސަބަބުން މާލެ ސަރަހައްދުގައި އަޅާފައިވާ ރައްކާތެރިކަމުގެ ފިޔަވަޅުތަކަށް ދިން ލުޔާ އެކު ފިހާރަތައް އަދި ކާބޯތަކެތީގެ ހިދުމަތްދޭ ތަންތަން ހުޅުވާފައި ބެހެއްޓޭ ގަޑިތަކަށް މިއަދު ބަދަލު ގެނެސްފި އެވެ.

އިކޮނޮމިކް މިނިސްޓްރީން ނެރުނު އިއުލާނެއްގައި ބުނީ މިއަދުން ފެށިގެން މި މަަސް ނިމެންދެން، ކާބޯތަކެތީގެ ހިދުމަތް ދޭ ތަންތަން ހުޅުވާފައި ބެހެއްޓޭނީ ހެނދުނު ހެނދުނު 8:00 އިން ހަވީރު 6:00 އަށް ކަމަށެވެ. މި ވަގުތުތަކުގައި އެފަދަ ތަންތަނުން ދެވޭނީ ޓޭކްއަވޭ އާއި ޑެލިވަރީގެ ހިދުމަތް އެކަންޏެވެ. އަދި ފުލުހުންގެ ހުއްދައާއެކު އެފަދަ ތަންތަނަށް ހެނދުނު 6:00 އިން މެންދަމު 12:00އާ ހަމައަށް ޑެލިވަރީގެ ހިދުމަތް ދެވޭނެ ކަމަށް ވެސް އެ އިއުލާނުގައި ވެ އެވެ.

މި މުއްދަތުގައި ފިހާރަތައް ވެސް ހުޅުވާފައި ބެހެއްޓޭނީ ހެނދުނު 8:00 އިން ހަވީރު 6:00 އަށެވެ. މި ވަގުތުތަކުގައި ހުއްދަ އޮންނަ މީހުންނަށް ފިހާރަތަކަށް ވަދެ ވިޔަފާރި ކުރެވޭނެ އެވެ. އަދި ހެނދުނު 6:00 އިން މެންދަމު 12:00 އަށް ފުލުހުންގެ ހުއްދައާ އެކު ފިހާރަތަކުން ޑެލިވަރީގެ ހިދުމަތް ދެވޭނެ އެވެ.

ފިހާރަތަކާއި ކާބޯތަކެތީގެ ހިދުމަތްދޭ ތަންތަނުން ޑެލިވަރީގެ ހިދުމަތް ދިނުމަށް ފުލުހުންގެ ހުއްދައަށް އެދެން ޖެހޭނީ އިކޮނޮމިކް މިނިސްޓްރީގެ ޕޯޓަލް މެދުވެރިކޮށްގެންނެވެ.

ކޮވިޑް-19އާ ގުޅިގެން މާލެ ސަރަހައްދުގައި އަޅާފައިވާ ފިޔަވަޅުތަކަށް ކުޑަ ލުޔެއް މިއަދުން ފެށިގެން ދީފައިވާއިރު، ކާފިއު ގަޑި މިހާރު ވަނީ ހަވީރު 6:00 އިން ފަތިހު 4:00 އަށް ބަދަލުކޮށްފަ އެވެ. ކާފިއު ނޫން ވަގުތުތަކުގައި ބޭރަށް ނުކުމެ އުޅެވޭނީ ހުއްދަ އޮންނަ މީހުންނަށް އެކަންޏެވެ. ކާފިއު ނޫން ވަގުތުތަކުގައި ވެސް ބޭރުގައި އުޅެވޭނީ ފުލުހުންގެ ހުއްދަ ލިބިގެންނެވެ.

ކެފޭ/ރެސްޓޯރެންޓް އިކޮނޮމިކް ޑިވެލޮޕްމެންޓް މިނިސްޓްރި ހެލްތު ޕްރޮޓެކްޝަން އެޖެންސީ ސިއްހަތު

4 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފަރުވާކުޑަކުއްޖާ

24 June 2021

ކެފޭތައް ހުޅުވަން ހުއްދަ ދިންކަމެއް ނުދެނަހުރިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

23 June 2021

ކާފިއު ހިންގާ އުސޫލުން ފިހާރަތަށް ހުޅުވާފަ އެއްވެސް އެއްޗެއް ވިއްކުން މަނާކޮށްފަ ބަހައްޓަންވީނުން؟ ދެން އެއްޗެހި ވިއްކުން ހުއްދަކުރާނީ ބަންދުގަޑިއަށް ފެތޭގޮތަށް. ދެން ދުވަސްކޮޅުކޮޅުން ޚަބަރުފަތުރާނީ ފިހާރަތަށް ހުޅުވަން ހުއްދަ ދީފީމޭކިޔާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

23 June 2021

ބާޒާރުމަތީ ފިހާރަތަށް ފަތިހު 5:30 ގައި ހުޅުވަން ހުއްދަ ދީގެން މެނުވީ ރިސޯޓް ތަކަށާއި ރާއްޖޭގެ އެހެން ރަށްރަށަށް ގެންދިއުމަށް ބޯޓް ތަކަށް އަރުވާންޖެހޭ މުދާ ބަރުކުރުމަށް ވަރަށް ދަތިވާނެ. # މިގޮތަށް ހޯލްސޭލް ބާޒާރަށް ހުއްދަ ދިނުމުން ރަށުތެރޭގެ ފިހާރަތަކަށާއި އެހެން ރަށްރަށުން އަންނަ އޯޑަރުތަކަށް ބޭނުންވާ މުދާ މާލޭ މަގުމަތި ބިޒީވުމުގެ ކުރިން ގުދަންތަކުން އުފުލާން ފައްޓާ ހެދުނު މާލޭމީހުން ހޭލާއިރު އޮޕަރޭޝަންގެ ބޮޑުގައި އޮންނާނީ ނިމުމަކަށް ގޮސްފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

23 June 2021

ހެދުނު 8:00 ގެ ބަދަލުގައި ފަތިހު ފަތިސްނަމާދަށް ފަހު ނުވަތަ ހެދުނު 6:00 ގެ ފަހުން ވިޔަފާރިކުރާ ހުރިހާ ތަނެއް ހުޅުވާން ހުއްދަ ދޭންޖެހޭ. # މީގެ ސަބަބުން އެތައް އެތައް ކަމެއް ފަސޭހަވެގެން ދާނެ. ތިބޭފުޅުންގެ "އެއްރަށްދައުލަތް ސިޔާސަތުގެ ސަބަބުން" ކ.އަތޮޅު މާލެއިން މުދާގަނެގެން ނޫންގޮތަކަށް އެހެން ރަށަކަށް އެއްޗެއް ގެންދެވޭނެ ގޮތެއްނެތް އިރު ބާޒާރުމަތީ ފިހާރަ ތިގަނޑީގައި ހުޅުވައިގެން އޮނޑިއަށް މުދާ އަރުވަން ވަރަށް އުނދަގޫ. ޓްރެފިކް އެހާބޮޑު.