ޓޫރިޒަމް ދާއިރާގެ މުވައްޒަފުންގެ 70 ޕަސެންޓް ކޮވިޑް ވެކްސިންގެ ދެ ޑޯޒް ޖަހައިފި

ސަން އައިލެންޑް ރިސޯޓުގެ މުވައްޒަފުންތަކެއް. ޓޫރިޒަމް ދާއިރާގެ މުވައްޒަފުންގެ ތެރެއިން ގިނަ ބަޔަކު ވަނީ ކޮވިޑްގެ ދެ ޑޯޒް ފުރިހަމަކޮށްފައި--ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

26 ޖޫން 2021 - 15:17

7 comments

ޓޫރިޒަމް ދާއިރާގައި މަސައްކަތްކުރާ 70 ޕަސެންޓް މުވައްޒަފުން ކޮވިޑް ވެކްސިންގެ ދެ ޑޯޒް ފުރިހަމަކޮށްފި އެވެ

ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކާ ގޮތުން މިދިޔަ ހަފްތާގެ ނިޔަލަށް ކޮވިޑް ވެކްސިންގެ ދެ ޑޯޒް 185،000 މުވައްޒަފުން ޖަހާފައިވެ އެވެ. އަދި ކޮވިޑްގެ ދެ ޑޯޒް ފުރިހަމަކުރި މީހުންގެ އަދަދު 315،000 އަށް އަރަ އެވެ.

ޓޫރިޒަމް ދާއިރާގައި މަސައްކަތްކުރާ މުވައްޒަފުންގެ 96 ޕަސެންޓް މީހުންނަށް ވަނީ ވެކްސިންގެ ފުރަތަމަ ޑޯޒް ދީފަ އެވެ.

ކޮވިޑް ވެކްސިން ޖެހި މުވައްޒަފުންގެ ތެރޭގައި ރިސޯޓުތަކުގައި މަސައްކަތްކުރާ މުވައްޒަފުންނާއި ގެސްޓްހައުސް މުވައްޒަފުންގެ އިތުރުން ސަފާރީތަކުގައި މަސައްކަތްކުރާ މުވައްޒަފުން ވެސް ހިމެނެ އެވެ.

ރާއްޖޭގައި ކޮވިޑް ބަލި ފެތުރުނު ފަހުން އެންމެ ބޮޑަށް ބަލި އިތުރުވީ މިދިޔަ މެއި މަހާއި ޖޫން މަހު އެވެ. މިއަހަރު ފެށުނީއްސުރެ މިމަހުގެ 23 ވަނަ ދުވަހުގެ ނިޔަލަށް ޒިޔާރަތްކުރި ޓޫރިސްޓުންގެ ތެރެއިން ކޮވިޑް ޖެހުނީ 0.24 ޕަސެންޓު ޓޫރިސްޓުންނަށެވެ. އެހެންވެ، ރާއްޖެއަށް އާއި 490،000 ޓޫރިސްޓުންގެ ތެރެއިން ކޮވިޑަށް ޕޮޒިޓިވްވީ 1،000 ޓޫރިސްޓުންނެވެ. މިއީ ނިސްބަތުން ކުޑަ އަދަދެކެވެ.

ރާއްޖޭގައި ކޮވިޑް ބަލި 72،000 މީހުންނަށް ޖެހުނު އިރު 68،000 މީހުން ބަލިން ވަނީ ރަނގަޅުވެފަ އެވެ.

ޓޫރިސްޓުން ޓޫރިޒަމް ޓޫރިޒަމް މިނިސްޓްރީ ކޮވިޑް ވެކްސިން

7 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވެކްސިނޭޝަން

27 June 2021

ތި ޖެހިންކަން އެނގެނީ ކިހިނެއް، އަދިވެސް ހެލްތް ޕޯޓަލްއަކުން ނުދައްކާ އެއް ޑޯޒް ޖެހިކަންވެސް. ދެވަނ ޑޯޒް ޖެހިތާވެސް ދެ މަސް ވަނީ މި. ގައިމު ބަރާބަރަށް ޑީޓެއިލްސް ފޮނުވާ ރިސޯޓްތަކުން ހަމަ އެ ޖަހާ ދުވަހު. މިހާ ނާގާބިލް ސަރުކާރެއް މިވީހާ ތަނަށް މިގައުމަކަށް ނާދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިންމާ

26 June 2021

އެއަރޕޯޓް މުއައްޒަފުންވެސް ޑިއުޓީ ނިންމާފަ މާލެ އާދެވެ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

26 June 2021

މައުމޫނުގެވެރިކަމުގެ ފަހުކޮޅުގައި ރާއްޖޭގެފަތުރުވެރިކަމަށް ފޮރިންގއިންވެސްޓަރުންނާއި މެނޭޖްމަންޓް ޓީމްތައްއައުމުން މިދާއިރާގައި ވަޒީފާއަދާކުރި ދިވެހިންނަށް "ތަފާތުފެނިގެން ދިޔަކަމުގައިވިޔަސް" މިއަދު އަނެއްކާވެސް އެކަންބަދަލުވެ "ދިވެހިމީހާއަށް ނިކަމެތިކަން" އިޙްސާސްކުރެވޭހިސާބަށް ރޭސިސްޓްއަމަލު ރިސޯޓްތަކުގައި ބޮޑުވެއްޖެ. # ކޮވިޑް 19 ގެސަބަބުންވެސް ރިސޯޓްތަކުން އެންމެފުރަތަމަ ކަޑާ ބޭރުކޮށްލީ ދިވެހި މުވައްޒަފުން. މިހާރު ދިވެހި ތިބީ ރިސޯޓްބަންދުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިސޯޓް ބޯއީއެއް

26 June 2021

ކޮވިޑް ވެކްސިންގެ 02 ޑޯޒް ޖެހިފަހުން ރިސޯޓުން ބޭރަށް ދާކަށް ހުއްދައެއްނެތް. އެކަމަކު ބަރާބަރަށް މިހާރު އޮފް ދުވަސް ދޭ. އޮފް ނަގައިގެން ވެސް އޮންނަން މަޖުބޫރު ވެފައި އޮތީ ރިސޯޓްގައި އޮންނަން. ކޮން ފަދަ ބޭއިންސާފެއް ތޯ މިއީ. މިއީ ހަމަ ނަސްލީ ތަފާތުކުރުމުގެ އާ ބާބެއް. މިއީ އެއްވެސް ވަރަކަށް ބަލައިގަނެވޭނެ ކަމެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

26 June 2021

ގިނަ ރިސޯޓް މުވައްޒަފުން 02 ޑޯޒް ވެކްސިން ޖަހާފައިވާނީ ކަރަންޓީންނުވެ ދަތުރުކުރެވޭނެކަމަށް އިއުލާން ކުރުމުން. އެހެން ނޫންނަމަ ރާއްޖޭގައި ވެކްސިން ޖެހި އަދަދު ބޮޑުތަނުން މަދުވާނެކަމަށް ލަވާކުރެވޭ. މައިމޫނާ ބޯ ހުރީ ފުނާ އަޅަން ނޫންކަން އަހަރެމެން ޤަބޫލުކޮށްފިން. މައުމޫނަކަށް އެންމެ ތަންފުކެއްވެސް ދުލެއްނުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

26 June 2021

ތަފާތު ހިސާބު ޖަހާއިރު، 02 ޑޯޒް ވެކްސިން ޖަހައިގެން ކަރަންޓްނީން ނުވެ އޮފްދުވަހަށް، އެމަޖެންސީ ޗުއްޓީއަށް އަދި ޗުއްޓީއަށް ދެވުނީ ކިތަށް ރިސޯޓް މުވައްޒަފުންނަށް ތޯ؟ އެކަމަކު ފުލުހުން ތަހުޤީޤަށް ރިސޯޓްތަކަށް ދަތުރުކޮށް، ގެސްޓުންނާ ބައްދަލުކުރުމަށްފަހު އެނބުރި ދަނީ ރަށަަށް. އަދި ކަރަންޓީންނުވެ ޑިއުޓީ ނިންމުމަށްފަހު އެދަނީ އަނބިދަރިން ކައިރިއަށް. ރިސޯޓް މުވައްޒަފުންވީމައި ރިސޯޓްގައި ބަންދުކޮށްގެން ރިސޯޓް މަހުޖަނުންނަށް އެހީވާން ތިގެންގުޅެނީ.