ދިރާގުގެ ސީއީއޯ އިސްމާއިލް ރަޝީދު (ކ) އާއި އުރީދޫގެ ސީއީއޯ ނަޖީބު ޚާން (ވ): ދެ ކުންފުނިން ވެސް ވަނީ އަންނަ މަހު އިންޓަނެޓު އަގުހެޔޮ ކުރަން ތައްޔާރުވެފައިވާ ކަމަށް ބުނެފައި-- ފައިލް ފޮޓޯ/މިހާރު
27 ޖޫން 2021 - 12:39
21 comments
ޖުލައި މަހުން ފެށިގެން އިންޓަނެޓު އަގުހެޔޮކުރަން ތައްޔާރު ވެފައިވާ ކަމަށް ރާއްޖޭގެ އެންމެ ބޮޑު ދެ ޓެލެކޮމް ކުންފުނި، ދިރާގާއި އުރީދޫން މިއަދު ބުނެފި އެވެ.
މިދިޔަ މަހު ސަރުކާރުން ވަނީ އަންނަ މަހުން ފެށިގެން އިންޓަނެޓްގެ އަގުހެޔޮކުރަން އިއުލާންކޮށްފަ އެވެ. މި ބަދަލުތައް ފިޔަވަހިތަކަކަށް ބަހާލައިގެން ގެންނައިރު ފުރަތަމަ ފިޔަވަހީގައި، އަންނަ މަހު އަގު ހެޔޮކުރާނީ ބްރޯޑްބޭންޑުގެ ހިދުމަތެވެ.
އުރީދޫން "މިހާރު" އަށް ބުނީ ޖުލައި މަހުގެ 1 އިން ފެށިގެން ސަރުކާރުން އިއުލާނުކޮށްފައިވާ ގޮތަށް އަގުތަކަށް ބަދަލު އަންނާނެ ކަމަށެވެ.
ސަރުކާރުން އިންޓަނެޓަށް ގެންނަ ބަދަލުތަކާ އެކު 30ޖީބީ 250ރ. އަށް ލިބޭއިރު 100ޖީބީ 500ރ. އަށް އަދި 200ޖީބީ 700ރ. އަށް ލިބޭނެ އެވެ. މި ބަދަލާ އެކު ޕެކޭޖުތަކުގެ ޑާޓާ ހުސްވިޔަސް ތުރޮޓުލް ސްޕީޑް 2 އެމްބީޕީއެސް އަށް ވުރެ ދަށް ނުކުރެވޭނެ ކަމަށް ވަނީ ކަނޑައަޅައިފަ އެވެ.
ދިރާގުގެ ސީނިއާ މެނޭޖާބްރޭންޑް އެންޑް މާކެޓިން ކޮމިއުނިކޭޝަންސް މުހައްމަދު މިރުޝާން ހަސަން ވިދާޅުވީ ސަރުކާރުން އަންގާފައިވާ ގޮތަށް ދިރާގުން ވެސް އަގުތަކަށް ބަދަލު ގެންނާނެ ކަމަށެވެ. އަދި އެ އަގުތައް އަންނަ މަހުގެ އެއްވަނަ ދުވަހުން ފެށިގެން އިއުލާން ކުރާނެ ކަމަށް އޭނާ ވިދާޅުވި އެވެ.
"ޖުލައި އެއްވަނަ ދުވަހު، ސަރުކާރުން އަންގާފައިވާ ގޮތަށް އަގުތަކަށް ގެންނަ ބަދަލުތައް އިއުލާން ކުރާނެ. މިހާރު ކުރިއަށްދަނީ އެންމެ ފަހުގެ ތައްޔާރީތައް،" މިރުޝާން ވިދާޅުވި އެވެ.
ސަރުކާރުން އިއުލާން ކޮށްފައިވާ ގޮތުގައި އިންޓަނެޓް އަގުހެޔޮ ކުރުމުގެ ފުރަތަމަ ފިޔަވަހީގައި 28-30 ޕަސެންޓް ހެޔޮވާނެ އެވެ. އަދި ހިދުމަތަށް ބަދަލު ގެނެސް ނިމޭއިރު 60-70 ޕަސެންޓް އަގު ހެޔޮވާނެ ކަމަށް ސަރުކާރުން ވަނީ ބުނެފަ އެވެ.
ފުރަތަމަ ފިޔަވަހީގައި ބްރޯޑްބޭންޑުގެ އަގުތައް ހެޔޮ ކުރި ނަމަވެސް އޮކްޓޯބަރު މަހުން ފެށިގެން މޯބައިލް އިންޓަނެޓު ވެސް އަގު ހެޔޮ ކުރާނެ އެވެ.
ރާއްޖޭގެ މައި ދެ ޓެލެކޮށް ކުންފުނީގެ އިތުރުން އާރުއޯއެލް އިން ވެސް ވަނީ ސަރުކާރުގެ ނިންމުމާ އެއްގޮތަށް އަންނަ މަހުން ފެށިގެން އިންޓަނެޓު އަގުހެޔޮ ކުރާނެ ކަމަށް ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހިން11
27 June 2021
މިރާއްޖޭގަ އިންޓާނެޓް އެކަނި އަގުބޮޑީ.. ގޭކުލި ކަރަޓް ފެން ހިލޭ ލިބެނީ އެހެން އެކަމަށް މީހުން އަޑު ނުއުފުލާނެ. އިންޓާނެޓް މިހާރުވެސް ދަނީ ދުވަހެއް ދުވަހަކައް އަގުހެޔޮ ކުރަމުން އެކަމް ދިވެހިންނަށް ނޯންނާނެ ރަނގަޅު އެއްގޮތެއްވެސް
ހިތަދޫ ހުސެން
27 June 2021
"ރާއްޖޭގެ އެންމެ ބޮޑު ދެ ޓެލެކޮމް ކުންފުނި" އިތުރު ބަޔަކު އުޅޭތަ އަދި މިމީހުން ހެދި ޑީލްގެ ސަބަބުން އަންނާނެތަ!
އުދުހޭ
27 June 2021
ދިރާގާ އުރީދޫއާ ދެބައިމީހުން އެކައްޗެއް ކިޔައިގެން ހުޅޭކަމުގެ ހެއްކަކީ ޖީބީއަކަށް ޖެހޭ ރޭޓް އެއްވަރުވުން. ދެން މިފަހަރު އާ އަގުތަށް އިއުލާނުކުރަން ލަސް އެކުރަނީ 30 ޖޫން ގެ ދަންވަރު ބާރައިގެ ފަސްވާއިރަށް ޕޯސްޓްޕެއިޑް ޕްލޭންތަކަށް ޖުލައިމަހަށް ޗާޖްކުރެވޭނެތީ އެމަހު މީހުން ބަދަލުވެ ޚަރަދުކުޑަކުރިޔަ ނުދޭން. ދެން އޭރުން އެންމެ އަވަހަށްވެސް ޚަރަދު ކުދަކުރެވޭނީ އޮގަސްޓްމަހު.
އަހުމަދުބޭ
27 June 2021
ކޮން އަގެއް ތޯ ހެޔޮވަނީ، އަހަރެން މިހަރުވެސް 550 ޖީބީގެ ޕެކޭޖަކަށް 1959/50 ރުފިޔާ އޫރީދޫ އަށް އެބަދައްކަން، މިހާރުގެ އަގުން އަގުހެދީމަ 200 ޖީބީ 700 ރުފިޔާ މިރޭޓުން 400 ޖީބީއަށް 1400 ރުފިޔާ އިތުރުވާ 150 ޖީބީ އަށް -/525 މުޅިޖުމްލަ -/1925 ރުފިޔާ އަގު މިހެޔޮވަނީ 34/50 ލައްކަ އަގުހެޔޮވެއްޖެތާ ؟ ދެން މިތިބީ ބަލަން 28-30 ޕަސެންޓް ހެޔޮވޭތޯ
ވާނުވާ11
27 June 2021
އިންޓާނެޓް އަދި އެހެން އެއްޗެހި ވެސް ބޭނުން ކުރަން އެނގިގެން ބޭނުން ކުރީމަ ވަރަށް ބޮޑުތަން ރިނގަޅުވާނެ
ނިކަމެތިއަޅާ
27 June 2021
އިންޓަނެޓް އަގުހެޔޮ މިއޮއްވަނީ، ހަމަ މިގޮތަށް ދެންހުރި ޚިދުމަތްތަކަށްވެސް ރަނގަޅު ހެޔޮބަދަލު ތަކެއް ގެނެސްދީބަލަ! އެގޮތުން ދެން ކޭބަލްޓީވީ އަށްވެސް..... ވަކިޗެނަލްތަކެއްގެ މިލްކުވެރިކަން ހަމައެކަނި އެއްބައެއްގެ އަތުގަ އޮތީމަ ކަޑަ..ނިކަން ގަޓްހުރެގެން އެކަންވެސް ކޮށްލަބަލަ! މިހެން ބުނިއިރުވެސް އެނގޭ މީ ފަސޭހަކަމަކަށް ނުވާނެކަން! މިޤަަޢުމުގެ މަހުޖަނުންގެ ރަންބިސްއަޅާ ކުކުޅުގެ ވާހަކަކަން މިދެއްކެނީ!!
މޮޑަފްް
27 June 2021
ކޮންމެވެސް ލޫޕްހޯލެއްގެ ތެރެއިން ތިބުނާ އަގުގަ ނުލިބޭނެ ކަސްޓަމަރުން ގިނަވާނީ. ބުނެފާނެ ހުސް ފައިބާ އަށޭ. ދެން ފައިބާ ނުލާތިބި މީހުންނޯ.
ޑިސްއޮނަރަބަލް ޑީޑީ
27 June 2021
އެންމެފުރަތަމަ ތިކަންނުދާނެ ރަނގަަޅަކަށް. ދެން ރައްޔިތުން ކެކިގަތީމާ ތަންކޮޅެއް ރަނގަޅުކޮށްލާނެ. ދެން ރައްޔިތުންވެސް ތިބޭނީ ހިތްހަމަޖެހިފާ.
މޮހަނާ
27 June 2021
މާބޮޑަށް އަގުހެޔޮވީ!
އައްބެ
27 June 2021
މިފެންނަނީ ލޯކަލް ކައުންސިލް އިންތިޚާބުގައި ސަރުކާރަށް ރައްޔިތުން ދިން ފިލާވަޅުގެ ނަތީޖާ. ޝުކުރިއްޔާ ހުރިހާ ދިވެހި ރައްޔިތުން.
އޮނަރަބްލް އަފީފު ދީދީ
27 June 2021
ސަރުކާރުން މިކަންތައް މިކުރީ ވަރަށް ނުބައި ގޮތަކަށް. ކާކުތޯ ބުނީ ދިރާޤާއި އޫރީދޫ އަކީ 2 ކުންފުނިކަމަށް؟! ތެދެއް. އެމީހުން ރާއްޖޭގައި ރެޖިސްޓްރީ ކޮށްފައިވަނީ މިދެންނެވި ދެ ނަމުގައި މުޅިން ތަފާތު ދެ ކުންފުނީގެ ގޮތުގައި. # އެކަމަކު އޭގެ އަސްލަށް އެބުރި ރުޖޫޢަވުމުން ދިރާޤާއި އޫރީދޫ އަކީވެސް އެކުންފުންޏަކުން ދެތަންވެސް ހިންގާ އަދި އެމީހުންގެ ވިޔަފާރީގެ ގޮތުގައި އޮތް ބަޙްރައިންގެ Batelco ކުންފުނީގެ ދަށުން ހިންގާ ވިޔަފާރި. މާނައަކީ މިއީ އެއްބައެކޭ.
ރެގިއުލޭޓެޑް
27 June 2021
އޭ އޮނަރޭ.. މައުލޫމާތު އަޕްޑޭޓްކޮށްލަބަލަ ތަންކޮޅެއް. މިހާރު ދެތިން ފަހަރަކު ތިޔަހެން ކިޔައިފައި ކޮމެންޓްކޮއްފި މި ނޫހުގައި. ބަޓެލްކޯއާއި ޢުރިދޫއަކީ ތަފާތު ދެރަށުގެ ދެކުންފުނި. ބަޓެލްކޯއަކީ ބަހްރޭން ކުންފުންޏެއް. އޫރިދޫއެއީ ގަތަރުގެ ކުންފުންޏެއް. ނޭންގެންޏާ ގޫގްލްކޮށްލީމައި ދެކުންފުނީގެ އޯނަރުންނާއި މައި ހިއްސާދާރުން އެނގޭނެ. ހީވާހާ ގޮތަކަށް ނުވަތަ ބޭނުންވާހާ އެއްޗެހި ލިޔުނީމައި މީހާ ބޭޒާރުވާނީ. ހަމަ ބުނެލީ އިނގޭ!
ައައިކެ
27 June 2021
މާ ބޮޑަށް އިނގެނީ
އޮނަރަބްލް އަފީފު ނުދީނުދީ
27 June 2021
ކާކުތޯ ބުނީ އޫރީދޫ އަކީ ބަޓެލްކޯ ގެ ދަށުން އޮންނަ ކުންފުންޏެކޭ؟ ތި މައުލޫމާތު ހޯދި ގޮތެއް ބުނެލަދީބަލަ. ވަރަށް އަޑު އަހާލާ ހިތްވޭ ތިޔަ ވާހަކަ.
ދި ރޫދީ.
27 June 2021
ތިއީ އެއްބައެއްތޯ ނޫންތޯ ބަލާން ލިންކް ތަކަށް ފިތާ ލައްވާ. އޭރުން އަފީފު ދީދީ އަށާއި ދެން ތިބި ބޭފުޅުންނަށް ވެސް ކޮންމެވެސް ވަރަކަށް މައުލޫމާތު ލިބިދާނެ. https://www.insidetelecom.com/batelco-and-ooredoo-partnership-for-global-zone-expansion/ https://en.wikipedia.org/wiki/Batelco