ހުޅުމާލޭ ދެވަނަ ފިޔަވަހީގައި ސްކޫލެއް އިމާރާތްކުރަން އާރްސީސީއާ ހަވާލުކޮށްފި

ހުޅުމާލެ ދެ ވަނަ ފިޔަވަހީގައި ސްކޫލެއް އިމާރާތްކުރަން ރަޝީދު ކާޕެންޓްރީ އެންޑް ކޮންސްޓްރަކްޝަން ޕްރައިވެޓް ލިމިޓެޑްއާ ހަވާލުކުރުމަށް ބޭއްވި ރަސްމިއްޔާތު.-- ފޮޓޯ: އެޑިއުކޭޝަން މިނިސްޓްރީ

އިފްރާޒް އަލީ، މިހާރު

27 ޖޫން 2021 - 18:52

8 comments

ހުޅުމާލެ ދެ ވަނަ ފިޔަވަހީގައި ސަރުކާރުން އަޅަން ނިންމާފައިވާ ސްކޫލުތަކުގެ ތެރެއިން އިތުރު ސްކޫލެއް އިމާރާތްކުރުމުގެ މަސައްކަތް ބަޔަކާ ހަވާލުކޮށް، އެއްބަސްވުމުގައި މިއަދު ސޮއިކޮށްފި އެވެ.

އެޑިއުކޭޝަން މިނިސްޓްރީން ބުނީ މި ސްކޫލްގެ ޑިޒައިން ކުރެހުމާއި އިމާރާތްކުރުމުގެ މަސައްކަތް ހަވާލުކުރީ ރަޝީދު ކާޕެންޓްރީ އެންޑް ކޮންސްޓްރަކްޝަން ޕްރައިވެޓް ލިމިޓެޑް (އާރްސީސީ)އާ ކަމަށެވެ.

އެޑިއުކޭޝަން މިނިސްޓްރީގެ ފަރާތުން މި އެއްބަސްވުމުގައި ސޮއިކުރެއްވީ ސްޓޭޓް މިނިސްޓަރު އަހުމަދު ރިޔާޒް އެވެ. އަދި ރައްޔިތުންގެ މަޖިލީހުގެ ދަނގެތީ ދާއިރާގެ މެންބަރު މުހައްމަދު ނާޒިމްގެ އާއިލީ ކުންފުނި، ރަޝީދު ކާޕެންޓްރީ އެންޑް ކޮންސްޓްރަކްޝަން ޕްރައިވެޓް ލިމިޓެޑުގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އިބްރާހީމް ރަޝީދު އެވެ.

މި މަސައްކަތަށް 243 މިލިއަން ރުފިޔާ ހަރަދުކުރާއިރު، ކުރިއަށް އޮތް 18 މަސް ދުވަހުގެ ތެރޭގައި އިމާރާތްކޮށް ނިންމަންޖެހެ އެވެ. މިނިސްޓްރީން ބުނީ އަންނަ އަހަރު ޑިސެމްބަރަށް މި މަސައްކަތް މުޅިން ނިންމާލެވޭނެ ކަމަށް ލަފާކުރެވޭ ކަމަށެވެ.

މި މަސައްކަތަކީ ކޮންޓްރެކްޓާ ފައިނޭންސްގެ އުސޫލުގެ ދަށުން ފަސް އަހަރަށް ބަހާލައިގެން ރިފައިނޭންސް ކުރެވޭ ގޮތަށް ހަވާލުކުރި މަޝްރޫއެކެވެ.

ހުޅުމާލެ ދެ ވަނަ ފިޔަވަހީގައި 14 ސްކޫލެއް އިމާރާތްކުރަން ނިންމާފައިވާއިރު، މިދިޔަ ފެބްރުއަރީ މަހު ވަނީ ފުރަތަމަ އިމާރާތްކުރާ ސްކޫލް "ސަލާހުއްދީން ސްކޫލް" މަސައްކަތައް އެހެން ކުންފުންޏަކާ ހަވާލުކޮށްފަ އެވެ. އަންނަ އަހަރުގެ މާޗަށް ނިންމަންޖެހޭ އެ ސްކޫލް އިމާރާތްކުރުމުގެ މަސައްކަތް، 118 މިލިއަން ރުފިޔާ އަށް ހަވާލުކުރީ އަމިން ކޮންސްޓްރަކްޝަންއާ އެވެ.

Hulhumale' gai School eh alhan MVR 118 millin ah Amin construction ah

The most trusted news source in the Maldives

Mihaaru

އެއީ މިދިޔަ އަހަރުގެ ޕީއެސްއައިޕީ ބަޖެޓުން ހަރަދުކޮށްގެން އިމާރާތް ކުރަން ހަމަޖެއްސި ސްކޫލެކެވެ. ނަމަވެސް ކޮވިޑު-19 ގެ ސަބަބުން ސްކޫލުގެ މަސައްކަތް، މި އަހަރަށް ފަސްކުރީ އެވެ.

މި ސަރުކާރުގެ ޕްލޭނަކީ ސްކޫލްތަކުގެ ކިޔެވުން އެއް ދަންފަޅި އަށް ބަދަލުކުރުމެވެެ. އެ ސިޔާސަތަށް ބަލައި ހުޅުމާލޭގެ ދެވަނަ ފިޔަވަހީގައި ވެސް، މިހާރު ކަނޑައަޅާފައިވާ އަދަދަށް ވުރެ އިތުރު ސްކޫލުތައް އިމާރާތްކުރަން ޖެހޭނެ އެވެ. ހުޅުމާލޭގެ ދެ ވަނަ ފިޔަވަހީގައި 14 ސްކޫލެއް އިމާރާތް ކުރާނެ ބިން ކަނޑައަޅައި އެޗްޑީސީން އެޑިއުކޭޝަން މިނިސްޓްރީއާ ހަވާލުކޮށްފައިވެ އެވެ.

ސްކޫލް ތައުލީމް ހުޅުމާލެ އެޑިއުކޭޝަން މިނިސްޓްރީ ހުޅުމާލޭ ދެ ވަނަ ފިޔަވަހި

8 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހިތަދޫ ހުސެން

28 June 2021

ރާއްޖެތެރޭ ރަށަކަށް ތި ހަރަދުކޮށް ބޯޑިންގް ސްކޫލެއް ހުޅުވަންވީ ނޫންތޯ؟ ސިފައިންގެ ބޯޑިންގް ސްކޫލް ކިހިނެތް ވާނެތޯ ހަމަގައިމު އެތަނުން ނިކުންނަ ޒުވާނުން ވާނެ ފިސާރި ދުޅަހެޔޮ ޒިންމާދާރު މީހުންނަ. ބޯޑިން ސްކޫލްގެ ދަރިވަރުންނަށް ޒިޔާރަތް ކުރާ ބެލެނިވެރިން ރަށުގެ ތަންތަން ކުއްޔަށް ހިފާނެ، ދަތުރުފަތުރު ކުރާނެ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްތިއުފާއޭ

28 June 2021

ދަހާކިމާ ރާއްޖޭން ބޭރަށް ދަތުރުކޮށް އަޗާ ތަޅަން 300 މިލިއަން ރުފިޔާ މަހަކު ދުއްވާލާ ރައްޔިތުންނަށް އަސާސީ ޚިދްމަތެއް ދޭންވީމާ ކޮންޓްރެކްޓަރ ފައިނޭންސަށް މިދަނީ ސަރުކާރު ލަދުގަންނަން ޖެހޭނެ ހެޔޮވެރިކަމޭ ކިޔާ ރައްޔިތުންނަށް އޮޅުވާލާ މަކަރާއި ހީލަތް ހަދަމުންދާއިރު ސަރުކާރު މިހާރުން މިހާރަށް އިސްތިއުފާދޭންވީއޭ އިސްތިއުފާއޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮސްބެތުއްތީދި

28 June 2021

އަހަރެން ހައިރާންވަނީ ސުކޫލް އަޅާވާހަކަ ކީއްކުރަން އަޅާ ސުކޫލެއްތޯ ދަރިންގެ ދަރިން ކީއްކުރަންތޯ މުނިމާމަ ކުދިންނައްވެސް މިގައުމުން ލިބޭނެ ފަޅުރަށެއް އެއާޕޯޓެއް މިހެންގޮސް ކިޔާކަމެއްނެތް ބޭރުގެ ފަރާއްތަކައް 50 އަހަރައް 99 އަހަރައްދޭއިރު އެކަން ކަންބޮޑުވެގެން ނެތް ނޫޅޭ ދެންކީއްކުރައް އަޅާ ސުކޫލް ތަކެއްތޯ ތިޔަސުކޫލް ތަކުން ކިޔަވައިގެން ނިކުއްނަ ކުއްޖާގެ ކޮންމުސްތަގް ބަލެއްތޯ އޮތީ ކާބަފައިން ފަގީރް ހާލުގަ އުޅުންއިރުވެސް ތަންތަން ވިއްކައެއްނުލާ ޖިޒނނގ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

28 June 2021

ތިވަރަށް ސްކޫލު އެޅޭ އިރު، ސްކޫލު ނިއްމާފަ ނިކުންނަ ކުއްޖާ ވަންނާނީ . . . . ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

27 June 2021

ޕްލޭނިން ބަޔަކަށް ކުރެވޭނީ މިހާވަރަށް. 30000 މީހުން އާބާދުވާތާ 2 އަހަރު ފަހުން ސްކޫލް މި ނިމެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަދަރުސާ އެދުރު

27 June 2021

އެޗްޑީސީން ސުކޫލުތަކަށް ބިނާކުރަން ބިންދޭއިރުވެސް ބިންދެނީ 2ކޮޓަރި އެޕާޓްމެންތް ވަރު ތަންފުކެ އް. ދަހިވިޔަސް ވިޔަފާރިވިއަސް.ބޮޑުވަރު. ސުކޫލެއްވިެްޔާ ކުދިންގެ ފިޒިކަލް އެކްޓިވިޓީ ބޭ އްވޭނެ ވަރުގަ ޖާގަވެސް ދޭންވާނެދޯ. ޢެކަމު އެންމެފަހުން ހަދާފަހުރި ހުރަވީ ސުކޫލުވެސް ހީވަނީ ޖަލެ އްގަ އުޅެވޭހެން. ޢެހާ ހާސްބޮޑު، މީހަކަށް ވާނުވާ އެގޭ ގޮތަކަށް ހުރި ތަނެ އްނޫން. ކުޅިވަރުކުޅެލާނެ ތަމްފުކެ އްވެސް ނެތް.