މާލެ އިން މިއަދު ކޮވިޑަށް ޕޮޒިޓިވްވީ 13 މީހުން

21 ފެބުރުއަރީ 2021: ކޮވިޑް ޖެހޭ މީހުންގެ އަދަދު ރާއްޖޭގައި އިތުރުވުމާ ގުޅިގެން އެޗްޕީއޭއިން މާލެ ސަރަހައްދުގައި ހަވީރު 6 އިން ހެނދުނު 6 އަށް އެއްގަމު އުޅަނދު ދުއްވުން މަނާ ކުރުމާއެކު އިރުއޮއްސޭ ގަޑިއަށް ބްރިޖު ސަރަހައްދުގެ ޓްރެފިކް ބެލެހެއްޓުމަށް ފުލުހުން ތައްޔާރުވަނީ--. ފޮޓޯ: ނިޝާން އަލީ/މިހާރު

މޫސާ ރަޝީދު، މިހާރު

30 ޖޫން 2021 - 23:03

14 comments

މިދިޔަ 24 ގަޑިއިރުގެ ތެރޭގައި މާލެ ސަރަހައްދުން ކޮވިޑް-19 އަށް ޕޮޒިޓިވްވީ 13 މީހަކު ކަމަށް އެޗްޕީއޭގެ ހިސާބުތަކުން ދައްކައިފި އެވެ.

މިއީ ކޮވިޑްގެ ތިން ވަނަ ރާޅަށް ފަހު ކޭސްތައް މަދުވާން ފެށި ފަހުން މާލެ ސަރަހައްދުން އެންމެ މަދުން މީހުން ޕޮޒިޓިވްވި ދުވަހެވެ.

އެޗްޕީއޭ އިން ބުނީ އިއްޔެގެ ހަވީރު 6:00 އިން ފެށިގެން މިއަދުގެ ހަވީރު 6:00 އަށް މާލެ އާއި ވިލިމާލެ އާއި ހުޅުމާލެ އިން 13 މީހަކަށް ކޮވިޑް ޖެހުނަސް އަތޮޅުތަކުތެރޭގެ ކޭސްތައް 105 އަކަށް އަރާފައިވާ ކަމަށެވެ. މި ވަގުތު އެޑްމިޓް ކޮށްގެން ފަރުވާ ދެނީ ވެސް 28 މީހަކަށް ކަމަށް އެޗްޕީއޭ އިން ބުންޏެވެ.

އެ އިދާރާ އިން ބުނިގޮތުގައި، މިދިޔަ 24 ގަޑިއިރުގެ ތެރޭގައި 138 މީހަކަށް ކޮވިޑް ޖެހިފައިވާއިރު، ގއ. ކޫއްޑޫން އެކަނިވެސް 13 މީހަކު އެ ބައްޔަށް ވަނީ ޕޮޒިޓިވް ވެފަ އެވެ. ރިސޯޓުތަކުން ހަތް މީހަކު ޕޮޒިޓިވްވި އެވެ.

މާލެ ސަރަހައްދުގައި ކޮވިޑް ފެތުރޭ ވަރު މިހާރު މަދުވުމާ ގުޅިގެން ސަރުކާރުން ވަނީ ކުރިން އަޅާފައިވާ ހަރުކަށި ފިޔަވަޅުތައް މާދަމާ އިން ފެށިގެން ލުއިކޮށްފަ އެވެ. އެގޮތުން ކާފިއު ނޫން ގަޑިތަކުގައި ފުލުހުންގެ ހުއްދަ ނެތި ބޭރުގައި އުޅުމާއި ކެފޭ/ރެސްޓޯރަންޓުތަކާއި ވިޔަފާރިތައް އަލުން ހުޅުވާލައިގެން ހިދުމަތް ދިނުމަށް ހުއްދަ ދިނުމުގެ އިތުރުން މިސްކިތްތަކުގައި ޖަމާއަތުގައި ނަމާދު ކުރުމުގެ ހުއްދަ ވެސް ސަރުކާރުން ވަނީ ދީފަ އެވެ. ނަމަވެސް މާދަމާ އިން ފެށިގެން ކޮންމެ ދުވަހެއްގެ ރޭގަނޑު 8 އިން ފަތިހު 4 އަށް އޮންނާނީ ކާފިއު އިއުލާންކޮށްފަ އެވެ.

ކޮވިޑްގެ ކޭސްތައް މާލެ ސަރަހައްދުން މަދުވި ނަމަވެސް ބައެއް ރަށްރަށުގައި ކޮވިޑް ކޭސްތައް ދަނީ ވަރަށް ބޮޑަށް އިތުރުވަމުންނެވެ.

ހެލްތު ޕްރޮޓެކްޝަން އެޖެންސީ ސިއްހަތު ބަލިތައް މާލެ

14 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަހަރޯ.

01 July 2021

އަދިވެސް ސަރުކާރުގެ އޮފީސްތައް ހުޅުވާކަށް ނުވޭބާ؟ ހުރިހާ އެންމެނަށް ވެކްސިން ޖަހައިގެން ނޫނީ މިކަމަށް ޙައްލެއް ނުލިބޭނެ. ރާއްޖެ ގެނައި އެތިކޮޅުވެސް ބަންގާޅީންގެ ގަޔަށް ޖަހާ ހުސްކޮށްފި. އަހަރެމެން މިތިބީ އަދިވެސް ދެވަނަ ޑޯޒްގެ އިންތިޒާރުގައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅަހުއްތު

01 July 2021

ފޮނިކަމުން ވެކްސިންޖަހަން ނުދިޔައީނު. ކިހާވަރަކަށް ގޮވި އެކި އުމުރުތަކަށް ބަހާލައިގެން ވެކްސިންޖަހަން އަންނާށޭ.ވެކްސިން ޖަހަން ދިވެހިން ނުދިޔައީމަ ބަންގާޅީންނަށް ޖހަހަންފެށީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއަދުއީދު

01 July 2021

ކުރިން ދުވަހަކު އެޗްޕީއޭއިން ހަނދު ދައްކައިފި. އެހެންވެ މާލެއަށް މިއަދު އީދު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުދުކާޅު

01 July 2021

13 އަކީ ޕީޕީއެމަށް ރަނގަޅު ފާލެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލަމާފުށި

01 July 2021

ހިފެހެއްޓިޔަސް ނެތް ސަލާމަތެއް..ދޫކޮއްލިޔަސްނެތް ސަލާމަތެއް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެންދީ

01 July 2021

މި 13 މީހުންގެ މައުލޫމާތު ސާފުކޮށް ދިނުން އެދެން. މިމީހުންނަށް ޒިޔާރަތްކޮށްގެން ނޫނީ ރަށަށް ދެވޭކަށް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

01 July 2021

الحمد لله އަދިވެސް ބަލައިގެން އުޅެންވީ. އަދަދު ދަށްވުމަކީ އާރާޅެއް ނުނަގާނެކަމުގެ ގެރެންޓީ އޮތްކަމެއްނޫން. މުޅި ދުނިޔެއަށް ބަލި ފެތުރުނީ އެއްފަހަރާ އެންމެނަށް ބަލިޖެހިގެނެއްނޫންކަން ހަނދާން ކުރަންޖެހޭ. މާލެއަށް އަދި އެހެންރަށްތަކަށްވެސް ބަލި ފެތުރުނީ ފުރަތަމަ ދެތިން މީހުނަށް ޖެހިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮވިޑް އަހުމަދު

01 July 2021

މިމަހުލިބޭ ވެކްސިންކޮޅު ބާރު ސްޕީޑުގާ ޖަހަން ތައްޔާރުވަންވީ. ޖުލައި ސައްބީހިން ފެށިގެން ބަލި ޖެހޭމީހުން ގުނުން ހުއްޓާލަންވީ. އާންމުން މާސްކުއަޅާ ގައިދުރުކޮށް އުޅެން އާދަކޮށް ގޭގައި ތިބެން ބޭނުން މީހުނަށް ރައްކާތެރިކަމާ އެކު ތިބެވޭނެ އިންތިޒާމް ހަމަޖައްސާ، ހުރިހާ ކަމެއް ހުޅުވާލަންވީ. ކޮވިޑަވީ ނައްތާލެވޭނެ އެޗެއްނޫން. އުޅެން ޖެހޭނީ އެޔާ އެކުގަ. އަވަހަށް ދިރުއުޅުން ފަށަމާ ހިގާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

01 July 2021

ޓެސްޓްކުރީ ކިތަށް މީހުންކަން ނޭންގި އެއްޗެއް ބުނާކަށް ނޭންގޭނެ. މާލެއިން ޓެސްޓްކުރީ 13 މީހުންކަމަށް ވެއްޖެއްޔާ މީ 100% ޕޮސިޓިވްވުން، މީ ބިރުވެރިކަމެއް.