ޓެކްސް މައްސަލަތަކުގައި އިސްތިއުނާފް މުއްދަތު ގުނާނީ ބަންދު ދުވަސް ހިމަނައިގެން: ހައި ކޯޓް

ހައި ކޯޓު: ޓެކްސް މައްސަލަތަކުގައި އިސްތިއުނާފް މުއްދަތު ގުނާނީ ސަރުކާރު ބަންދު ދުވަސް ހިމަނައިގެން ކަމަށް ހައި ކޯޓުން ވަނީ ނިންމާފައި --- ފޮޓޯ/މިހާރު

މުއިއްޒު އިބްރާހިމް، މިހާރު

02 ޖުލައި 2021 - 20:42

3 comments

ޓެކްސް އެޕީލް ޓްރައިބިއުނަލުން ނިންމާ ނިންމުން ހައި ކޯޓުގައި އިސްތިއުނާފް ކުރުމުގެ މުއްދަތު ގުނާނީ ސަރުކާރު ބަންދު ދުވަސްތައް ހިމަނައިގެން ކަމަށް ހައި ކޯޓުން ކަނޑައަޅައިފި އެވެ.

ޓެކްސްއާ ގުޅޭގޮތުން މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ނިންމާ ނިންމުންތައް ބެލޭނީ ޓެކްސް ނެގުމާ ބެހޭ އިދާރީ ގާނޫނުގެ ދަށުން ޓެކްސް އެޕީލް ޓްރައިބިއުނަލަށެވެ. ޓްރައިބިއުނަލްގެ ނިންމުންތައް ހައި ކޯޓުގައި އިސްތިއުނާފް ކުރަން 30 ދުވަހުގެ މުއްދަތެއް އެ ގާނޫނުގައި ދީފައި އޮތަސް، އެ މުއްދަތު ގުނާނެ ގޮތެއް ބަޔާންކޮށްފައެއް ނުވެ އެވެ.

ޓެކްސް އެޕީލް ޓްރައިބިއުނަލްގެ ނިންމުމެއް މީރާއިން ހައި ކޯޓުގައި އިސްތިއުނާފް ކުރުމުން އެ ކޯޓުން އިއްޔެ ނިންމީ އިސްތިއުނާފް މުއްދަތު ގުނާނެ ގޮތް ގާނޫނުގައި ނެތަސް، ޓެކްސް ނެގުމާ ބެހޭ އިދާރީ ގަވާއިދު އޮތްގޮތުން އެ ގާނޫނުގައި ބުނާ މުއްދަތުތައް ގުނަން ޖެހޭނީ ބަންދު ދުވަސްތައް ހިމަނައިގެން ކަމަށެވެ. އަދި ގާނޫނީ ބާރު ލިބިފައިވާ ގަވާއިދެއްގައި އެގޮތަށް އޮތުމުން އިސްތިއުނާފް މުއްދަތު ގުނުމުގައި ސަރުކާރު ބަންދު ދުވަސްތައް ހިމަނަން ޖެހޭނެ ކަމަށް އެ ހުކުމުގައިވެ އެވެ.

ހުކުމުގައިވަނީ ސަރުކާރު ބަންދު ދުވަސްތައް ހިމަނައިގެން މުއްދަތު ގުނިއިރު، އެ މައްސަލާގެ އިސްތިއުނާފް މުއްދަތު ހަމަވެފައިވާ ކަމަށެވެ. އެހެންވެ، އެ މައްސަލަ އިތުރަށް ކުރިއަށް ނުގެންދެވޭނެ ކަމަށް ހައި ކޯޓުގެ ތިން ފަނޑިޔާރުންގެ އިއްތިފާގުން ކުރެއްވި އެ ހުކުމުގައިވެ އެވެ.

އެ މައްސަލަ ބެއްލެވީ ފަނޑިޔާރު ހުސައިން ޝަހީދާއި ފަނޑިޔާރު ފާތިމަތު ފަރުހީޒާގެ އިތުރުން ފަނޑިޔާރު މުހައްމަދު ފައިސަލް އެވެ.

ހައި ކޯޓް މީރާ ޓެކްސް ޓެކްސް އެޕީލް ޓްރައިބިއުނަލް

3 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޔަހުޔާބެ

03 July 2021

މީ އެކީ ކަންކަމަށް އިސްތިއުނާފްކުރަން އެކިފަހަރު އެކި ގައުމުތަ؟ ސަރުކާރަށް ވަކި ގޮތެއް ރައްޔިތުމީހާ އަށް ވަކި ގޮތެއް. ހަދާން ނައްތާނުލާތި ރައްޔިތުން ވޯޓްދިނީ. މިސަރުކާރަށް ވޯޓްދިނުން ނިމުނީ.